هل من الممكن توظيف " البدون " في القطاع النفطي؟

الكاتب : Farhan | المشاهدات : 2,274 | الردود : 6 | ‏12 أغسطس 2013
  1. Farhan

    Farhan بـترولـي جـديـد

    2
    0
    0
    السلام عليكم ورحمة الله وبركاته ..

    كل عام وانتم بالف خير ..

    راح ادخل بالموضوع مباشرة ..

    انا حاصل دبلوم هندسة مدنيه من التطبيقي .. وحبيت أتاكد ان القطاع النفطي أو الشركات التابعه لـ نفط الكويت تقدر توظف البدون على اي بند .. توظيف دايركت او بند مكافاءات .. بصراحه ما عندي اي مانع حتى لو كان العقد براتب متوسط يكفي الحاجه ..

    وبصراحه انا سمعت ان هناك بند يمنع " البدون " في العمل بالقطاع النفطي؟ هل هذا صحيح؟

    اللى عنده معلومه ان اي شركة توظف وما عندها مانع يذكرها .. مو شرط شركات نفط الكويت .. في شركات عالميه لها عقود مثل فلور .. وهاليبيرتون وبيكر هيوز وجي .. وغيرها ..

    مشكورين وبنتظار رايكم ..
     
  2. al-mohands

    al-mohands بـترولـي جـديـد

    48
    1
    8
    ENGINEER
    الكويت
    كل شيء بالواسطه يمشي لو تعرف مسؤل كبير في القطاع خصوصا في التوظيف راح تمشي امورك ان شاء الله . في ناس بدون ما تخرجوا من التطبيقي وتم تعينهم علي عقود المقاولين عن طريق الواسطه وهناك مهندسين كويتيين تم استباعدهم عشان ماعندهم واسطه. المهم القطاع النفطي قطاع فاسد والواسطه تمشي امورك فيه.
     
  3. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    السلام عليكم ..
    اخوي اذا معدلك 3 نقاط فما فوق .. أنصحك تقدم على معهد الكويت للأبحاث العلمية ..
    المجالات اللي عندهم وايد .. ومن ضمنهم مركز أبحاث البترول ..
    بس أبحاث البترول .. ما اعتقد يحتاجون هندسة مدنية .. كل اللي هناك .. هندسة بترول وهندسة كيميائية .. وميكانيك

    التوظيف يكون على بند المكافآت ... والراتب تقريبا 291 دينار ..

    وعسى الله يوفقك ويفتح عليك
     
  4. Farhan

    Farhan بـترولـي جـديـد

    2
    0
    0
    مشكورين أخواني على الرد ..

    المصيبه والطامه الكبرى .. أحنا ممنوع من العمل في القطاع الحكومي والقطاع الخاص .. وهذا ما اكده لي بعض المختصين .. ينمع توظيف الغير كويتي " البدون " ..

    هذا أعدام مدني .. وقطع رزق الإنسان .. ما يجوز وحرام شرعاً ..

    تخيل الوظائف حتى لو كانت متوفره .. يتم إستغلال البدون برواتب زهيده ما تتعدى ال250 دينار ..

    بصراحه انا كنت موظف لمدة 6 سنوات .. وعقدي كان خدمات للجيش الأمريكي ..

    والله أنهم أشرف من ربعنا الحسّاد ..
     
  5. ITC

    ITC بـترولـي نشيط جدا

    294
    27
    28
    مبرمج
    اخوي انا سمعت ان ديوان الخدمة قام يوظف البدون! هل هذا الخبر مطبق ولا بس كلام!

    الله يوفقك اخوي
     
  6. Site

    Site بـترولـي نشيط

    عزيز الكلام غير صحيح.. في شركات خاصة تقبل توظيف البدون.. لكن يبيلك تدور.. الله يوفقك يارب
     
  7. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    اخوي .. ترى في جهات حكومية توظف البدون ..

    الأمر مو مستحيل .. واسمحلي أقولك .. إذا تاخذ الأمور بطريقة .. " قالوا " وسمعت " .. فعمرك ما راح تتحرك من مكانك وتوصل حق شي ..

    لا تعتمد على الناس ... اسعى وحاول .. حتى لو قالولك مستحيل ... في ناس ماعندهم شغلة غير التحبيط ..

    بمنو تثق أكثر ... في كلام الناس .. أو في كلام الله سبحانه وتعالى {{ وتوكّل على الله وكفى بالله وكيلاً }} ؟
    بمنو تثق أكثر في كلام الناس .. ولا في كلام الرسول عليه الصلاة والسلام ( استعن بالله ولا تعجز ) ..؟؟

    روح والقلب داعيلك :)
     
جاري تحميل الصفحة...

مشاركة هذه الصفحة