اللي يخاف لايدش!!!

الكاتب : تايتنك | المشاهدات : 345 | الردود : 4 | ‏14 يناير 2008
  1. تايتنك

    تايتنك بـترولـي خـاص

    1,239
    0
    0
    يقولون ان واحد من الشباب مع رفيجه طلعوا علي الخط السريع رايحيين إلى ديوانية في الرقة،

    وهم بالطريج والوقت يقارب منتصف الليل لقوا سيارة واقفة، ولا وحدة مرة كبيرة تطلب المساعدة لأن سيارتها عطلانة،

    الشباب أول ما وقفوا يحسبون وحدة تسوا، المهم كسرت خاطرهم وحاولوا يساعدونا بس ما قدروا يصلحون السيارة،

    قالوا نجري اتصال حق أحد أقاربها أو نبلغ الشرطة و نفتك بس و هم يحاولون يتصلون يلقون الخطوط كلها مشغولة،

    وكان الحل الاخير أنهم يوصلونها، و بعد اللتيا والتي ركبوها وراحوا،

    سألوها: وين ساكنة حجية؟؟ قالت: الظهر، وراحوا إلى منطقة الظهر، سألوها: أي قطعة؟؟ ولا قطعة مهجورة!!!

    الشباب لاحظوا أنها طول الطريج ما تتكلم إلا إذا سألوها تجاوبهم.

    المهم حسوا بشي غريب ما تتكلم وتبي تنزل منطقة مهجورة، و شكلها مو طبيعي!!!

    يوم قامت بتنزل من السيارة ولا يشوفون إنها نص مرة و نص حصان!!!:eek:

    الشباب من الخوف تركوا المكان وطاروا وهم أسنانهم تتصاكك وواحد يقول حق الثاني كله منك إنت قلت وقف لها.

    وبعد ما بعدوا و هدت الأمور طالعوا وراهم ولا العيوز قاعدة في المقعد الخلفي!!! :eek:

    و بسرعة البرق وقفوا السيارة وطلعوا منها و يا روح مابعدك روح!!!

    و واحد منهم يحس إنه في واحد قام يهز كتفه و هو يقول وخر عني يوم صحى ولا امه تقعده حق الدوام وتقوله ما تقوم تاخرت علي دوامك!!!:eek:

    قام علي طول و باس إيدينها وقال الحمدلله طلع حلم!!!


    ابي تعليق علي الموضوع


    كم مرة حلمت وقمت من النوم وقلت اشوة انه طلع حلم موصج، اثاري حلم افا ؟!!!!!!!
     
    آخر تعديل بواسطة المشرف: ‏14 يناير 2008
  2. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    ههههههههههههههه... قلبي وقف إلا شويه مع إني ما خفت هههههههههههه :p:p

    وايد تصيرلنا هالحالة.. وتلاقي تفسيرها يلمح على شي إنت خايف منه أو مأنبك ضميرك على شي و طلعلك بهالصوره و عقلك الباطن قاعد يحاسبك على هالشغله.. و أول ما نقعد مفزوعين.. أشوه كان حلم.. وايد تصير!!
     
  3. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    الله يعطيك الف عافيه

    خوف وانقلب ضحك
     
  4. ام ريما

    ام ريما بـترولـي مميز

    ههههههههه قصة حلوه هذا لازم اقولها حق اليهال اذا ماناموا بالليل ... احسن من قصة الطنطل او حمارة القايله

    مشكووووور اخوي على الموضوع بس العنوان يخلي الواحد غصباً عليه يدخل بعد اتعرف الفضووول ذابحنااااااا :)
     
  5. المشاكس

    المشاكس بـترولـي خـاص أعضاء الشرف

    998
    1
    0
    من التراث القديم نقول حكايات.....

    شكراً للتذكير
     
جاري تحميل الصفحة...

مشاركة هذه الصفحة