لازم توقف رسائل القوائم الانتخابية حتى الانتخابات القادمة

الكاتب : ان لله عبادا فطنا | المشاهدات : 1,402 | الردود : 21 | ‏27 يونيو 2013
  1. ان لله عبادا فطنا

    ان لله عبادا فطنا بـترولـي جـديـد

    27
    0
    0
    الشباب كلهم منزعجين من الرسايل اللي اشتغلت علينا من الاخوان في قائمة العماليه هداهم الله




    الموضوع وما فيه ان الانتخابات خلصت واللي فاز فاز واللي ماحالفه الحظ مانجح واللي نجحو ممثلين لنا كلهم والمفروض ان الاقليه يحترمون اختيار الموظفين لقائمة التغيير ولا يشوشرون عليهم في مواجهتهم مع الاداره عشان ماتعتبر طعنه بالظهر لما النقابه تفاوض والقائمه العماليه ترسل رسايل تدل على الخلاف الكبير في النقابه فهذا يضعف النقابة ويأثر على حقوقنا وبدال ماناخذها بلقاء واحد يصير ثلاثه او اربعه



    والغريب ان رئيس الاتحاد ورئيس النقابة السابق من ضمنهم ويعرفون العمل النقابي وان التفكك مو لمصلحتنا ويضر مواقفنا وحقوقنا ولازالو مصرين على التخريب والتفرقه مع ان الدكتور ولد عمهم لكن الخلاف على الكرسي اهو اللي سبب الشحن هذا كله واهو اللي خلاهم يستعملون كل الوسائل لاضعافه


    لكن يشهد الله علي ان الدكتور ابو صالح وطلال وباقي الاخوان مانزل قدرهم عندنا بل بالعكس زاد وكل يوم يقول واحد من الشباب اللي ماعطوهم في الانتخابات تحسفنا اننا ما عطيناهم وكنا مغشوشين في الوحدة العمالية واشوف الناس كلها توجهت للتغيير لانهم صادقين ويا الجميع واول من تواصل ويانا بالاتصال او بالحضور شخصيا لنا بالدائره والان بتوتر


    صراحه انجازاتهم ما تغطيها الرسايل اللي تشكك في عملهم واخلاصهم

    احنا نثق فيهم ونحسبهم عند الله انهم صادقين وامناء على حقوقنا

    وانا بصراحه اوجه موضوعي اليوم للشباب كلهم انهم ينصحون الاخوان في قائمة الوحدة العمالية انهم يوقفون هالاساليب والرسايل ويلتفتون لمصالح العمال واذا شافو انهم ما يقدرون يقدمون استقالتهم واحنا نقرر من يرجع للنقابة.

    اتمنى اني ما طولت عليكم لكن يعلم الله ان هذا رايي وراي الزملاء كلهم
     
  2. جابر

    جابر قــلــم بــتــرولــي أعضاء الشرف



    واضح جدا منو تمثل إنت بالضبط ..ومن هم زملاؤك
     
  3. الشامري1

    الشامري1 بـترولـي نشيط

    100
    0
    0

    مبادرة منك تستحق الاحترام
    واللي يصير حاليا مايرضي الجميع
    والناس شرهانه على اللي يدز المسجات
     
  4. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    الناس كلمة تنطق على الجميع دون استثناء
    وما اعتقد الكل موالي لقائمه دون اخرى
    وحريه الرأي مكفوله بالدستور
    ومن حق اي طرف يعبر عن رايه اذا شاف تقصير موجود
     
  5. الشامري1

    الشامري1 بـترولـي نشيط

    100
    0
    0
    احترم رأيك ولكن مشاكلهم يحلونها بالنقابة مو برا لانها تضر مصالحنا اتمنى انك تفكر في هالكلمتين بس
     
  6. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    ما اعتقد راح يحلون مشاكلهم
    لانه غير متفقين بالمره
    وانا نصحيتي امساك بمعروف او تسريح بأحسان :)
    الحل
    بالاستقاله الجماعيه واعاده التشكيل واعطاء اعضاء الجمعيه العموميه كلمتهم وتكون اهي الفيصل
    واعتقد الصوره واضحه
    والشاطر يفهم :)
    منو صاحب الانجازات الم......... او منو صاحب الكفه الاقوى برئاسه .......
     
  7. الشامري1

    الشامري1 بـترولـي نشيط

    100
    0
    0
    اتفق وياك بان على ال 7 العمالية تقديم استقالتهم وينحل المجلس.
    واذا فيهم خير الناس اكيد بيرجعونهم
     
  8. مراقب نفطي

    مراقب نفطي بـترولـي نشيط

    136
    0
    0
    السلام عليكم ورحمة الله وبركاته
    اسمع ياجابر
    اترك عنك التطبيل ياتقول كلمة حق او تصمت
    كفايه تطبيل
    انا اقولك خل ربعك يقدمون استقالاتهم
    وبصير طيب معاك خل يجربون يقدمون استغالاتهم فالح العسكر وعبد العزيز الشرثان
    ويدخل بدالهم اثنين من الاحتياط ونجرب
    ونحكم
    واتحداك يسونها
    وياريت يسونها ويدشون التاريخ
    بس اتحداك يسونها تدري ليش الكرسي عزيز ياجابر
    شكرا
     
  9. msq8

    msq8 بـترولـي نشيط

    87
    0
    0

    السلام عليكم...

    بعد اذنك اخ جابر عن الرد

    اولا انت ذكرت شخصين بالاسم ...... وهالشخصين لهم مكانتهم
    عند العمال ....... ولهم الانجازات السابقه " الفعليه " والجميع يشهد لهم...
    والشخص الاول هو اكبر من حصل علي اكبر اصوات من الجمعيه العموميه...
    والشخص الثاني هو ممثل نقابه نفط الخليج لدي اتحاد البترول ورئيس اتحاد البترول
    المفروض منا ندعم الاتحاد وممثلا برئيسه ولجلب حقوقنا المفقوده.

    وما قلته انا في موضوع سابق .... اكد لي بأن النقابه الحاليه ..... فعلا تسعي لأطاحه رئيس الاتحاد
    واتمني من الجمعيه العموميه .... تحديد مصير هالنقابه .... والجماعه يضربون علي الأتحاد ... وللأسف مو لهم لنقابه اخري....!
     
  10. جابر

    جابر قــلــم بــتــرولــي أعضاء الشرف

    يبدو إنك تشوف جابر حتى بالأحلام ..مشاركتى السابقه مافيها شى ولاذكرت إسم حتى .. :rolleyes:

    وفالح العسكر وعبدالعزيز الشرثان رياجيل يعرفون يجيبون حقوقهم وحقوق أخوياهم.. ومهم محتاجين جابر يكتب عنهم شى زين بالمنتدى ..

    لكن نكتب عنهم ..كنوع من الوفاء ..دين لهم علينا ..صانوا الأمانه ..ووقفوا يد بيد مع العمال أمام إدارة الشركه السابقه

    ودكتورك لم يستحق الثقه بعد ...وإن إستمر بهذا المسار بتشجيعكم ...عن طريق مهاجمة الموظفين اللى ينتقدونه ..فالأحمق هو من يثق به
     
  11. جابر

    جابر قــلــم بــتــرولــي أعضاء الشرف

    وعليكم السلام ورحمة الله ..إذنك معاك طال عمرك ..انا ابى أروح أرقد وراى دوام :d
     
  12. msq8

    msq8 بـترولـي نشيط

    87
    0
    0





    صباح الخير ياجابر

    كلامك صحيح ميه بالميه .... والاخوان ماعندهم غير الهجوم ....
    سواء جابر او غير جابر ...
    وعلي فكره هالتهجم علي الاعضاء بالمنتدي ....
    القصد منه تحويل مسار الموضوع
    الي مسار شخصي والاسلوب هذا ... يزيد من تمسك العمال بحقوقهم
    واتوقع للجميع .... واضح هذا الهجوم علي اخونا جابر من غير مبرر وليتكم
    تتكلمون مثل جابر بالحق ... وعدم الطعن بالأشخاص ولكن ... للأسف سواء
    بالمنتدي او تويتر .... هجمومكم اغلبكم شخصي ... وليس في صالح العمال ...
     
  13. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    مشكلتنا نقول الحق وما نجامل
    ومشكلتهم يجاملون وما يقولون الحق
     
  14. ابوحمد

    ابوحمد بـترولـي نشيط جدا

    224
    1
    18
    ههههههههههههههههههههههههههههههههههههههههههههههههههههههه


    اما العضو الاخ المراقب النفطي ماعنده الا جابر

    مخلي كل المواضيع ويدخل يدور تعليق جابر ويرد عليه


    جابر

    الرجال يبييييك يدورك بكل موضوع



    اتمنى يا اخ جابر تنزل موضوع اسمه جابر وتخليه يهذر فيه ويفكنا من ملاحقق

    والله النشبه



    اما بالنسبه للموضوع الرئيسي لنا وقفه جاده مع النقابه اما بالدعم او بالاقصاء وهم من يختارون بين هذين الامرين

    لدينا موضوع مهم جدا ويعتبر من المواضيع الرئيسيه بالنسبه لعمال الخفجي الا وهو بدل الطريق
    والذي قامت الوحده العماليه بالعمل عليه من عام 2011 كما هو موضح من المرفقات اللتي قامت النقابه بارساله مع البيان


    لذا الحذر الحذر يا نقابه نحن عمال نطالب بحقوقنا ولايعنينا الاشخاص ومن يستلم كرسي الرئاسه



    عليكم الاختيار يانقابه
     
  15. جابر

    جابر قــلــم بــتــرولــي أعضاء الشرف

    هلا بو أحمد ..والله لو تنفع هالطريقه ..كان سويتها وبطيب خاطر ...
    المشكله إنهم على كثر التكرار والشرح ..مو فاهمين إن هناك أكثر من طريقه لدعم ربعهم ...
    خصوصا إنهم مستلمين النقابه رسميا ..والمراسلات كلها بإسمهم ..
    مصممين للتعرض للأشخاص .. شنقول بعد ...ماندرى كسل أم عناد ...أحقاد شخصيه ...أم مجرد قلة مفهوميه :eek:

    نكشه صغيره للعقلاء من جماعة التغيير ..إن كانوا موجودين:
    لو حطيتم رسالة الدكتور الموجهه للشركه بخصوص العتب على الحسبه غير الصحيحه لبدل طبيعة العمل ...ومعها كلمة شكر بسيطه ...لكانت دعايه أفضل للنقابه من محاولاتكم اليائسه من النيل من كل من ينتقد النقابه ;)
     
  16. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    اخوي جابر
    خلهم يذلون الكتاب بأسمك
    لانك صاحب الاقتراح :)
     
  17. الشامري1

    الشامري1 بـترولـي نشيط

    100
    0
    0
  18. msq8

    msq8 بـترولـي نشيط

    87
    0
    0
    أنت يا الشامري في كل موضوع ناقز

    ليش توقف اذا فيها كلمه حق بالادله والوثائق

    واذا عندك ما يثبت عكس ذلك اتمنى تفيدنا أيضا بالادله والوثائق

    ومصلحه الجمعيه العموميه أن الصوره تكون واضحه لها بالشكل الصحيح دون تدليس أو كذب
     
  19. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    انا من ناحيتي مابيها توقف من العماليه لانها واضحه بالدليل القاطع
    :)
     
  20. مراقب نفطي

    مراقب نفطي بـترولـي نشيط

    136
    0
    0
    السلام عليكم ورحمة الله وبركاته
    يا الوحده العمالية اتقو الله في حقوق العمال

    واللة بعتو العمال من اجل الكراسي

    احترمو رأي الجمعيه العمومية

    اتركو الأ نانية وحب النفس والمصالح

    والتكسب

    واللة لان يسامحكم التاريخ ولا الموظفين
     

مشاركة هذه الصفحة