الف مبروك وشكر لنقابتنا على اعتبار المنطقة المقسومة منطقة بعيدة عن العمران

الكاتب : السمو أل | المشاهدات : 2,093 | الردود : 27 | ‏19 يونيو 2013
  1. السمو أل

    السمو أل بـترولـي نشيط

    70
    0
    6
    احلى خبر اليوم والله ابطال والله ان وجيهكم وجيه الخير

    هذا اللي ننتظره من زمان وهو اعتبار المنطقة المقسومة منطقة بعيدة عن العمران ونستحق بناء عليها بدل طريق اللي فقدناه

    دكتور فدغوش تستحق الشكر والثناء انت وربعك اعضاء مجلس الادارة جميعاً



    شكرا شكرا
     
  2. azizan222

    azizan222 بـترولـي جـديـد

    46
    2
    0
    [align=center]هذا الانجاز ....ولا غيرة يلاش
    يليت النقابه تعلمنا بالخطوة التاليه
    اعتقد راح نحتاج مفاوضات جديده
    و اعتقد الشركه ماراح توافق بسهوله
    و ان ما وافقت فاللجوء الى القضاء هو الحل
    و الدكتور فدغوش وحش المحاكم راح اجيب بدل الطريق
    ان شاء اللة من غير محاكم. فقط بالحوااااااار [/align]
     
  3. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    اعتقد هم الشباب لهم فضل اللي سبقوهم
    وعلى فكره وين الكتاب الرسمي
    وهل تم نشر القانون بالجريده الرسميه الكويت اليوم
    وعندك لازم يمر شهرين على القانون علشان يكون نافذ والحكومه والمجلس انحل
    ويمكن الشركه تطعن فيه ف لا تفرح كثير الوقت طويل
    شكرا
     
  4. السمو أل

    السمو أل بـترولـي نشيط

    70
    0
    6
    اعوذ بالله منك ليش كل هالتشائم
    قول اننا بنموت قبل لاناخذ بدل طريق

    افرح يا اخي وخلك ايجابي
     
  5. محمد المحفوظي

    محمد المحفوظي بـترولـي نشيط

    116
    0
    0
    الله يبشرك بالخير والله تحري بالعلوم والاخبار الزينه ومليار شكر للدكتور فدغوش العجمي وجميع اعضاء مجلس ادارتها والله انه احلى خبر عقب 10 سنين عز الله انه وجه الخير بوشبيب وينه من زمان
     
  6. العازمي

    العازمي بـترولـي نشيط

    115
    0
    0
    يس يس يس كفو يالدكتور كفوووووووووو

    مبروك لنا جميعا
     
  7. SonMubarak989

    SonMubarak989 بـترولـي خـاص أعضاء الشرف

    2,062
    98
    48

    اخوي اتمنى تهدي اعصابك شوي وخل الحوار اخوي
    حاليا امامنا حألتين والمفروض عملت فيها النقابه
    اول شىء بما انه قرار وزاري المنطق يقول الكتمان ليحين اعلانه بجريده الرسميه الكويت اليوم
    وحتى مرور 60 يوما حتى لا يتم الطعن فيه
    ثانيا بما انه النقابه اعلنت رسميا معناته فتحت العين امام الشركه فرصه ومجال للطعن فيه
    واتمنى حسن النيه من اعلان النقابه وانه ما تبي تعطي فرصه للشركه حتى يطعنون بالقرار


    انا اتكلم من ناحية قانونيه
    واعتقد رئيس النقابه ابخص بالسوالف هذي
     
  8. السمو أل

    السمو أل بـترولـي نشيط

    70
    0
    6
    اتمنى منك وقف الحقد الدفين على الدكتور رئيس النقابة من قالك الجملة هذيك وانت منت طبيعي


    واكيد اهو افهم مني ومنك بالامور القانونيه لكن انت على بالك القانونية نايمين وما تجيهم كل نسخ الكويت اليوم وكل القرارات اللي تتعلق في المنطقة المقسومه؟!!!!!!!!
    وبعدين ندري انهم يدرون بس على شنو يطعنون على قرار وزيره ومن اختصاصها انها تصدر القرارات اللي لصالح العمال

    اتوقع انك فجرت بالخصومه انت وربعك اللي وراك وكثرتو من اختلاق المشاكل اللي مالها داعي ولاتخدم مصالحنا

    مشعل مبارك ارجوك تريحنا فتره بس اذا تكرمت وتترك منك الدكتور وقائمة التغيير وتنسى الانتخابات وتوابعها لما تجي بعد 3 سنوات رجاء
     
  9. كلمة الحق

    كلمة الحق بـترولـي نشيط جدا

    237
    26
    28
    كانت نظرتي به انه هو المنقذ للخفجي من المستنقع اللي طاحت فيه


    والنقابيين السابقين كلن اجتهد باللي يقدر عليه والتوفيق من الله سبحانه وتعالى


    لكن الله سخر له الاسباب اولا ثم معرفته التامه بالثغرات القانونيه ثانيا وثالثا انه يملك حجه ومنطق يسحر من يناقشه ويفرض عليه هيبته واحترامه


    جلست مع هذا الرجل وتناقشت معاه وتاكدت من انه ( المخلص )


    تحياتي له ولمجموعته ولجميع الاخوان الذين سبق انهم شاركو في هذا الانجاز
     
  10. حبه عند اللزوم

    حبه عند اللزوم بـترولـي نشيط

    99
    1
    0
    انت اللي تستاهل الشكر للخبر الحلو


    ونقابتنا العزيزه الكريمة اللي ماقصرت ويانا لكم الف شكر


    اليوم الفرحة كانت للجميع في الخفجي دون استثناء وكان الخبر مفاجأه كبيره لنا والصراحه كنت غاسل ايدي منه على الآخر لكن الله جابها



    لاننسى نشكر مجلس الادارة وقائد العجيب الدكتور فدغوش العجمي اللي رصيده كل يوم عن يوم يزيد عندنا بشكل مو طبيعي

    الله يوفقه ويوسع له ويكفيه شر عيون الناس ويكفيه من شر اللي حوليه اللي يجونا ويقولون ضد مصالحكم وما راح يشتغل لكم ومن الكلام اللي قصو علينا فيه وآخر شي قلب عليهم الكلام كله واثبت الدكتور ان قوله يطابق فعله
     
  11. علي الكندري

    علي الكندري بـترولـي جـديـد

    12
    0
    0
    باسمي وباسم زملائي العمال

    نتقدم بالشكر الجزيل لقائمة التغيير ولمجلس ادارة النقابة وعلى رأسهم الدكتور


    اللي جابو هذا الانجاز التاريخي وشكر لجميع من ساعدهم لهذه الامر
     
  12. SonMubarak989

    SonMubarak989 بـترولـي خـاص أعضاء الشرف

    2,062
    98
    48


    عزيزي الحين الواحد لما يناقشك يطلع حقود
    وقاعد اناقشك بطريقه قانونيه ومو عاجبك
    اسئل رئيس نقابتك هل كلامي صح ولا خطا من الناحيه القانونيه وعلى فكره كلامي ما كتبته الا بعد ما استشرت محامي من خارج القطاع النفطي
    يعني اتمنى عدم خلط الاوراق ولا تجيب طاري ربعي وربعك لانه انا اتكلم بلساني ولي شخصيه مستقله وكلن يتكلم بلسانه
    ف رجاء انك تبتعد عن الكلام والمصطلحات اللي ترميها على اللي يخالفك
    واذا كلامي مو عاجبك ترا مو شرط ترد
    خل الناس الواعيه والفاهمه اهي تحكم وانا قلت راي
    ولا تجيب طاري الخصومه والحقد لانه ماكو صله بيني وبينه ولا في مصلحه عندي يا عزيزي
    ف يا انك تناقش او.انك تتجاهل مشاركتي
     
  13. جابر

    جابر قــلــم بــتــرولــي أعضاء الشرف

    أرد أنا على هالجزئيه بدال أبن مبارك ...

    الكلمه هذيك ...يستحقها دكتورك ..قبل أى شخص ثانى ...وبعدها ..يستحقها كل من أيدها

    وخلونا بمستحقات العمال ..أحسن ;)
     
  14. SonMubarak989

    SonMubarak989 بـترولـي خـاص أعضاء الشرف

    2,062
    98
    48


    وانا اكمل ع كلامك يا اخوي جابر
    كل اناء بما فيه ينضح
    :)

    ويا محترم خلك ع موضوعنا الاساسي
    تراك مشتت الله يحيييييي يييك السمو ال
     
  15. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    من مبدأ الشفافيه راح احلل الموضوع من ناحية قانونيه
    ومن مبدأ الصراحه وانه نبتعد عن المجامله
    واللي المفروض تسويه النقابه
    ابي شخص عاقل وفاهم يرد ع المخاوف والجزئيات اللي تطرقت لها
    شنو السيناريو اللي راح يصير بعد الاعلان وماهي الغايه من الاعلان
    كان خصم النقابه بالسابق وكان حجر عثره في مطالبنا
    والان اهو نفس الشخص يطالب ببدل الطريق
    هل سيقف معنا ام ضدنا
    امامنا 60 يوم من نشره بجريدة الكويت اليوم
    هل سوف يتم التظلم من قبل الشركه ام سترضخ الشركه للقرار
     
  16. علي الكندري

    علي الكندري بـترولـي جـديـد

    12
    0
    0
    عيب عليكم الهمز واللمز ياجماعة تجاوزو خلافاتكم على شان مصلحتنا والله قاعدين تنخرون بسفينتنا مو مستفيد من الكلام هذا غير الشركة چنكم تقولون ياشركة انتبهي
    اتمنى تروحون للنقابة وتعرضون وجهة نظركم بدلا من نشرها على الملأ
     
  17. علي الكندري

    علي الكندري بـترولـي جـديـد

    12
    0
    0
    يا اخوان عقلو هذا

    والله شغل فتنه وتحريش للشركة على حقوقنا


    ارجوكم الله يعرف هالشخص يوقفه
     
  18. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    أي فتنة وشنو وقفوه الريال قاعد يتكلم من منحنى قانوني وحط جم سؤال يبي يسمع الاجابه عليهم
     
  19. جابر

    جابر قــلــم بــتــرولــي أعضاء الشرف

    من طبعى إنى أتحاشى أجرح أى شخص يستخدم إسمه الصريح ..وأحاول ألقى له العذر ..

    وعلى هالأساس ..مارديت عليك لما بديت تطبل ..وتتكلم بإسم العمال ..ولا قلت بصفتك شنو ..وطوفناها ..

    لكن لما تقتبس كلامى ...وتقول عيب ...وتقول همز ولمز ...وتتناسى رأس الفتنه ..اللى بدأ ..لا ..نرد عليك ..

    لأن مبدأ حسن الظن ..إنتهى هنيه ..

    لاهمزت ولالمزت ...كلامى واضح ...من همز ولمز ..هو من حط السالفه ..الأخ السموأل ..لكنك تجنبته ..وتعرضتنى أنا....وأنا فقط من رد ..

    العيب ماصدر إلا من دكتورك ..وكلمته بحق الموظفين مثبته ..ولم تكن نقل من موظف أو تشويه صوره..

    العيب ماصدر إلا من كل من ردد كلمتة (الخرقاء) ..اللى ماعمرها صدرت من أى شخص نقابى سواه ..جهل ...وإستخفاف بالموظفين ...وكبر الشهادات ماتمحيه ..

    اللى مايستحى ياعلي ...اللى يسب الموظفين ..ويرسل ناس تعيد كلامه بالمنتدى ...

    إحفظ السانك ..إذا ماتبى الناس (تجرحك) .. ;)

    بالنسبه لبعبع الشركه ..ترى ذبحتونا ..الشركه تعرف كل شي ..وما أستبعد إن الدكتور هو بنفسه يبلغهم ..بكل خطوة ..حتى لايخسرهم ...

    وأخيرا ..(عجزنا) وإحنا نحاول (نفهّم) البعض ..النقابه هى المفروض اللى تتواصل مع الموظفين ..مو العكس ..
    لكن الظاهر ..ماعندكم شي تقولونه ولاحتى تدافعون فيه عن نقابتكم ..سوى ...روحوا لهم ....مو مشكله راضين بهالرد ..بس إمسكوا ألسنتكم عنّا
    ;)
     
  20. علي الكندري

    علي الكندري بـترولـي جـديـد

    12
    0
    0
    انا متاكد انك عندك مشكلة يابينك وبينهم يابينك وبين نفسك!!!!!!

    نفس الكلام دائما تكرره على غير سنع واللي عنده شي يبي يحج النقابة يحدد اليوم ونحضر كلنا ونسمع ونحكم غير هالكلام اتركه وانا اخوك منك
     
جاري تحميل الصفحة...

مشاركة هذه الصفحة