الفرسان ال 12 ..وينهم

الكاتب : جابر | المشاهدات : 2,473 | الردود : 48 | ‏31 مايو 2013
  1. جابر

    جابر قــلــم بــتــرولــي أعضاء الشرف

    السلام عليكم ورحمة الله وبركاته ...

    وصلنى خبر قبل مده

    بأن هناك 12 مطلب تم التفاوض عليها بشهر 6/2012

    وطلب الأستاذ هاشم الرفاعى مهله 6 أشهر لتنفيذها ..

    طبعا لم تنفذ ..بل تم تغيير النقابه ..

    والأشخاص الذين إجتهدوا لوضع ال 12 مطلب على طاولة المفاوضات لم يعد لهم نفس الصلاحيات ... لمتابعة الضغط

    ورئيس الشركة هاشم الرفاعى لم يعد موجودا ..والرئيس الجديد في (حل) بكسر الحاء ..من أى تعهد سابق

    ياليت أى شخص يقرأ هالكلمات ..وعنده خبر في هالمطالب ال 12 ...يحطها لنا ..

    تابعوا حقوقكم ...فإن نسيتموها ...لاتتوقعوا بأن تذكرها النقابه لكم ..
     
  2. محمد المحفوظي

    محمد المحفوظي بـترولـي نشيط

    116
    0
    0
    كل يوم عن يوم تزيد ثقتي في انك مبرمج بالحقد على فئه دون فئه وهذا واضح من كل المواضيع اللي تطرحها والله اجرى على لسانك الحق



    تقول من شهر 6 / 2012
    وتقول طلب 6 شهور
    وتقول 12 مطلب

    الآن يا تقول الحق وتقصه من نفسك ياتبين انك فعلا مافيك طب


    1- على اي اساس اخترت رقم 12 ورقم 6؟

    2- شنو ال 12 مطلب؟

    3- فترة ال6 اشهر خلصت قبل الانتخابات ومحد تطرق للموضوع ولم يتم ابلاغ الموظفين بذلك؟

    4- وين مذكوره ال 12 وهل عندك او عند النقابة السابقة تعهد خطي او اتفاق مفاوضات بالمطالب؟

    5- وهل كانت موقعه ومعتمده اذا كانت موجوده؟

    6-والله الذي لا الاه الا هو انك لاتعرفها وسبق انني اتصلت وتاكدت من اكثر من عضو في النقابه واكدو لي انها كذبه ليسترو بها نفسهم
    وانت تعلم واذا كنت لاتعلم فابحث عن من يعلم

    واتمنى منك الاجابه بشكل مباشر على اسئلتي بما انك فتحت الموضوع وانا اتعهد بعدم الكتابه لمدة عام كامل اذا اجبتها كلها دون مراوغه ودون كذب
     
  3. العوضي

    العوضي بـترولـي خـاص

    1,054
    3
    0
    ياكثر المطبلين الحق النقابة الحالية يا اخي خل عنك الدفاع عن النقابة الحالية لان اكثر كلامهم فاضي وين كلامهم بان تم اللغاء مستوي الانجليزي حق الدوراة الخارجية للدول العربية طلع كلام فاضي واذا تبي ازيدك من الكلام ترى حاضر كافي تطبيل حق النقابة
     
  4. العازمي

    العازمي بـترولـي نشيط

    115
    0
    0
    اسال نفسي من زمان نفس الاسأله هذي
    شنو المطالب هذي وكلامك يالعجمي على الجرح


    لو كان في مطالب وموافقه عليها الشركه وسكتو النقابه فهذي بيعه لنا ولحقوقنا
    شلون موافقين لهم وساكتين من زمان
    اكيد موضوعهم عشان قائمة التغيير اذا جابو مطلب قالو هذا هو اللي قلنا لكم عنه


    هذي مصخره والله كانقبل فيها
     
  5. محمد المحفوظي

    محمد المحفوظي بـترولـي نشيط

    116
    0
    0
    الدفاع بالحق يسمى تطبيل يالعوضي!!!!!

    انت جاوب بدال جابر

    او اقول لك برد على كلامك

    نعم تم الغاء الانقليزي من دورات الخارجيه للدول العربيه وهل عندك شك في هذا
    او رحت وردوك؟

    اخوي انا مقتنع قناعه تامه باللي تقوم فيه واللي تقوله النقابه ومنها هالدورات واعرف ناس طلعو ومحد اشتكى وانا اتحداك تجيب اسم واحد؟!!!!!!!!!!!!! بس
     
  6. جابر

    جابر قــلــم بــتــرولــي أعضاء الشرف

    النقابه الحاليه عندها مشاكل كثيره ...لكن أهمها هم من يتحدثون بإسمها ..وقلة فهمهم وإدراكهم لما يكتب ..مع إنه بالعربي..تأخذ أسئلتى وتوجهها لى وتطالبنى أجاوبها ... :rolleyes:

    جماعة التغيير ماعندهم أحد يعرف يرد ...والا أنت بس اللى ماخذها شخصيه ..

    مرة تقول إنى حاقد ...ومره تقول إنها كذبه وأنا أعرف ..ثم تطلب منى أن أبحث عن من يعلم ...ثم تعود وتتهمنى بالكذب .....أنتم ناس ماعندها شى تضيفه غير هالسوالف ..وموضوع جد ..ماتطرحون..

    ونصيحه لاتغوص بإتهامات الكذب والغش ..حتى لايعوركم الرد;)

    وكونك تكتب أو توقف عن الكتابه مايهمنى شخصيا ..ولا أعتقد شخصيا بأن أى موضوع أنت دخلت فيه كسب أحد منه غير دوخة الرأس والإتهامات والشتايم ..

    أسئلتك مردود عليها ..لو إنك تفهم عربي ..وردها لو كان عندى كان حطيته ..

    كلامى واضح جدا ..لأى شخص يفهم عربي ..وقلبه نظيف ..وصلنى خبر ..وطلبت معلومه من أى شخص يقدر يوثق الخبر...بس يبدو إن السؤال ...عوركم ..

    و ظهور أمثالك وبهجوم مباشر علي ..وعلى الخبر ..يؤكد إن الخبر أصبح أقرب للصحيح مما كان عليه قبل يوم ..

    وبعدين إنت تقول ...كذبه ليستروا بها أنفسها ...وأنا شخصيا لم أحدد من أين أتاني الخبر ..ممكن شخص أو أفراد أو رساله أو إيميل...وهذا يعنى (ضمنيا) إنك تعرف بالخبر ..وتعرف من قام بإبلاغى ...

    للعلم طبعا ...
    لو رد عاقل ..وقال الخبر مو صحيح ...تركناه ...
    لو ماصدر أى توضيح من أى شخص بهالمطالب لمدة أسبوع ...الناس راح تتركه وتنساه ...وراح تعتبره إشاعه.
    لكن رد مثل هذا ومن شخص محسوب شخصيا على رئيس النقابه ...هذى حسبتها غير ;)
     
  7. جابر

    جابر قــلــم بــتــرولــي أعضاء الشرف

    ومن متى الدفاع عن الحق يكون ...بإتهام الناس بالكذب ..أو إنهم حاقدين أو مبرمجين .. :mad:

    الدفاع عن الحق يكون بإظهاره ..مو سب الناس ;)

    وقلناها لكم أكثر من مره ...عندكم شى زين عن النقابه إذكروه ...بدل مواضيع التطبيل.

    واحد يقول النقابه ماإشتغلت ...ردوا عليه ...وإذكروا جهد النقابه ...

    لكن كل شغلكم نجره ومهاوش حق كل شخص يكتب أى شى مايعجبكم عن النقابه .. :(
     
  8. جابر

    جابر قــلــم بــتــرولــي أعضاء الشرف

    تسأل نفسك من زمان ...يعنى عندك خبر بالموضوع قبل ما ينشر بالمنتدى ;)
     
  9. محمد المحفوظي

    محمد المحفوظي بـترولـي نشيط

    116
    0
    0
    اول مره احس انك ضعيف حيل وتايه

    وقعدت تخبط بالمواعين

    والا اسالتك هذي تقدر تسالها لرئيس النقابه السابق ورئيس الاتحاد و5 وياهم اعضاء والاعضاء السابقين وحنا بننتظرك هنيه لما ترجع بالاجابه


    انت واللي مثلك تجيبون العيد بالعماليه وليتك ساكت لانك تفتح عليهم مواضيع وتجيبها على روسهم
    لسان حالهم يقول ( فكنا من فزعتك )
     
  10. محمد المحفوظي

    محمد المحفوظي بـترولـي نشيط

    116
    0
    0
    انا برد عنه

    العماليه ارسلت رساله بكلامك قبل اسابيع للجميع وهذا اللي تهذري به كلامهم برساله موجوده اذا تنكرها نحطها بالمنتدى

    وكل الموظفين يسالون ليش ما حطوها في برنامجهم الانتخابي دام وعدوهم بدال ما يحطون تكريم ابناء الموظفين ويعتبرونه انجاااااز
     
  11. جابر

    جابر قــلــم بــتــرولــي أعضاء الشرف

    رد ..مافرقت ..الأسلوب الهجومى يخسرك إنت وربعك أكثر بكثير.

    اللى يهذرى أنت وسوالفك من حر مافى قلبك ..شلون أنكر ..وأنا أقول لك واصلنى الخبر ..

    الله يعينك على اللغه العربيه ...ياخوى خل عنك هالسوالف ..وإتعب على الدراسه ..تراها تنفعك أحسن من هالسوالف

    الحمدلله إنك تدرى ..إنه خبر... ووصل للجميع ...يعنى... جابر ماحط الخبر من عنده... ولا ألّف من عنده ..السؤال ..ليش إنتم ساكتين ومارديتم على الخبر مادام إنه منتشر ..وإنتم أى شغله ولو بسيطه تطلعون لنا من تحت القاع وتهاجمون ...ليش هالمره سكتوا .. ;)

    طيب ..وهالخبر المهم ..و اللى وصل للموظفين ..مايستحق أحد يستفسر عنه ...ويسأل .وليش زعلتوا ...لما طلبنا معلومات عن هالخبر .....

    أما سالفة ليش ماينحط من الإنجازات ...أنا لو مكان العماليه ..ما أحط شي من الإنجازات لمجرد وعد ..الإنجاز يكون لما يتثبت رسمى ...والوعد بالتنفيذ مو رسمي

    هناك نقابيين تمنعهم مصداقيتهم من الإعلان عن شى غير مؤكد لمجرد مكاسب إعلاميه ..وهناك من هو مستعد يحط بيانات كاذبه بإنجازات غير حقيقيه لخداع الموظفين ...الفرق واضح
     
  12. جابر

    جابر قــلــم بــتــرولــي أعضاء الشرف

    مانى باللى عايش عمره بالمطابخ ..ياراعى المواعين ;)

    وأسئلتك مالها قيمه ..الخبر حطيناه ...وننتظر من أى شخص غيرك طبعا ...يجاوب

    أما ينفى الخبر ...من ناس عقلاء ....أو يثبت ..وتذكر المطالبات ..ونبدأ نتابعها

    والفزعه لمطالبات الموظفين ..بغض النظر منو يقوم فيها
     
  13. مراقب نفطي

    مراقب نفطي بـترولـي نشيط

    136
    0
    0
    السلام عليكم ورحمة الله وبركاته
    هلا وغلا استاذ جابر اتمنى تكون بخير
    جابر خلك واقعي الريال يقول اسأل العماليه اهم دازين مسج يطالبون الرفاعي ويهددونه بتنفيذ
    اعتقد هذي اتفاقيه بينهم والحين راح الرفاعي واكيد راحت
    وسع صدرك اسأل رئيس الاتحاد يمكن عنده خبر او اسأل احد في الشؤن الادارية يمكن يجاوب
     
  14. محمد المحفوظي

    محمد المحفوظي بـترولـي نشيط

    116
    0
    0
    وليش ما تستعين في صديق وتدق على رئيس الاتحاد او رئيس النقابة السابق وترد الخبر
    وتبلغنا مو احسن ههههههههه
     
  15. جابر

    جابر قــلــم بــتــرولــي أعضاء الشرف

    يبدو إنك ناسي ...
    المسئول عن مطالب العمال هم النقابه الحاليه .....وبالتحديد ..رئيس النقابه ..
    هو وحده يتحمل مسئولية حقوق العمال ...والخفجى بالذات ..لأن مطالباتهم تحمل مبالغ ماليه ضخمه ...


    وليس لى أو لك حق بمطالبة أى مجموعه أخرى ..سوى النقابه

    الا إذا تبي تقول ماله شغل ...وترد الكلام عنه ....هذا شي ثانى ...
     
  16. جابر

    جابر قــلــم بــتــرولــي أعضاء الشرف

    وعليكم السلام ورحمة الله ..يعطيك العافيه وعساك سالم ...ونتمنى إن الجميع بخير ..

    طيب ..وأنا شنو قلت ...

    خبر موجود ..وطلبت تعليق من أى واحد عنده تفاصيل ...

    شنو الغلط ...وشنو الشى غير الواقعى ...

    وصدرى شمااااااااااااااالى ..يعنى وسيع ..لاتحاتى ..

    والأجابات الفرديه ماتهمنى ..نبى الإجابه للجميع وبالمنتدى ...حتى الكل يستفيد

    اللى عنده إجابه ..ياليت يحطها
     
  17. محمد المحفوظي

    محمد المحفوظي بـترولـي نشيط

    116
    0
    0
    بعض المرات احس انك تملك معلومات كانك تشتغل في ال it وخبير في كل مايتعلق بالهياكل التنظيمية والموظفين وساعات احس انك منت عارف الامور كيف تمشي
    ممكن تخدمنا وتطلب من اللي تفاوضو يردون هني في المنتدى احتراما للجميع
    ولازلنا ننتظر ردهم
    او تقول انك ماتعرف اي مطلب منهم

    ترى الاعتراف مو عيب
     
  18. محمد المحفوظي

    محمد المحفوظي بـترولـي نشيط

    116
    0
    0
    ورئيس الاتحاد عبدالعزيز ورئيس النقابه العسكر لازالو في النقابه اعضاء والا ماينطبق عليهم سؤالك
    هههههههه
    خاف تحرجهم
     
  19. محمد المحفوظي

    محمد المحفوظي بـترولـي نشيط

    116
    0
    0
  20. محمد المحفوظي

    محمد المحفوظي بـترولـي نشيط

    116
    0
    0
    ما رد جابر


    الظاهر دق على الشرثان والعسكر وقالو له يا معود لاتحرجنا احنا بنفسنا مانعرف
    وتوهق

    ننتظر لبكره الصبح والغايب عذره معه
     
جاري تحميل الصفحة...

مشاركة هذه الصفحة