ليش الباصات توقف ربع ساعه قبل الدوام وبس؟

الكاتب : القحطاني | المشاهدات : 960 | الردود : 17 | ‏14 أكتوبر 2007
  1. القحطاني

    القحطاني بـترولـي خـاص أعضاء الشرف

    4,717
    0
    0
    السلام عليكم

    ياجماعه في مصفاة ميناء الأحمدي الباصات توقف قبل الزام بربع ساعه وبعدها ماتشوفها عند الباب

    يعني اللي جاء متأخر ولا بديله جاي بدري يتنقع على الباب

    ليش مانكون نفس ميناء عبدالله على التلفون,,,, تدق على الباص يجيك في اي مكان تبيه

    الحين لو تبي تروح للعياده انتظر السوبر فايزر يجيك من الكنترول روم عقب ساعه يودك ولا يعطيك السياره

    لا وسواقين الباصات بس شاطرين يحملون عمال الصيانه اللي ريحتهم مخنزه الباصات
     
  2. fireeccc

    fireeccc بـترولـي نشيط جدا

    191
    0
    16
  3. سراب الصيف

    سراب الصيف بـترولـي نشيط

    اخوي القحطاني مشكور على الموضوع اللي من زمان وحنا نعاني منه
    بس وين تلقا اللي يسمعك بيقولون لك في مواضيع اهم من هذا
     
  4. HUMMER

    HUMMER بـترولـي خـاص

    الله يكون بالعون اخوي
     
  5. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    مشكلة الباصات مشكلة تواجه الكثير من الموظفين
    وللأسف انه لا يوجد حسيب او رقيب عليهم
    ونتمنى ان تكون هناك رقابه على الباصات وتمديد فترة الانتظار عند البوابات ووجود رقم داخلي لطلب الباص في اي قسم
    ولك كل الشكر اخي الكريم على طرح هذا الموضوع
     
  6. frfosha

    frfosha بـترولـي مميز

    753
    0
    0
    القحطاني يا خوي والله نتمنى أنه يقون فيه خطوط تيلفونات لهم لانه صج احنا متأذين من هالسالفه لا واذا بعد مرك وانت عندك شغل لاخر لحظه يمشي عنك ويخليك وتعال دورلك على سياره توصلك عاد شوف بنيه وتركب وانيت ولا بيكب
     
  7. القحطاني

    القحطاني بـترولـي خـاص أعضاء الشرف

    4,717
    0
    0
    نتمنى يكون صوتنا مسموع ويلقون حل للمشكله


    ترى حتى احنا ياشباب نحتاج حل لهذه المشكله


    وكان الله في العون
     
  8. المكسيكي

    المكسيكي بـترولـي جـديـد

    8
    0
    0
    القحطاني مشكور على هذا الموضوع المهم

    بس عندنا في المكسيك معطين كل موظف باص لحاله
     
  9. القحطاني

    القحطاني بـترولـي خـاص أعضاء الشرف

    4,717
    0
    0
    المكسيكي الله يعطيك العافيه على المداخله الحلوه

    بس الظاهر انك سواق الباص ههههههه

    ترى حنا نقصد في الموضوع الموظفين مو سواقين الباصات ههههه
     
  10. ولد الفحيحيل

    ولد الفحيحيل بـترولـي نشيط جدا

    330
    0
    0
    snr.feald operator
    فحيحيلاوي
    يالقحطاني مشالله عليك لا اله الا الله ماني حاسدك عندك دودج تشارجر يعني المفروض انك ماتتأخر على الباصات
    يعني عطها حد الدعسه وامورك طيبه انشالله
    وتحياتي )
     
  11. ولد الفحيحيل

    ولد الفحيحيل بـترولـي نشيط جدا

    330
    0
    0
    snr.feald operator
    فحيحيلاوي
    رد على اخوي المكسيكي:
    انا كنت مشغل بالمكسيك معاك بنفس المصفاة ولا تشلخ علينا اصلا ماكان في باصات كانو حاطين سيارات تشارجر حق اول 50 مشغل يوصلون والباقي حاطين خيول كديش تذكر ولا أذكرك :):):):)
     
  12. هامور كبر

    هامور كبر بـترولـي جـديـد

    22
    0
    0
    يا شباب مينا الاحمدي فجو شوي عنا كله شوفو ميناء عبد الله يا اخي احنا مرتاحين ومتفاهمين وادارتنا حلوة وطيبه مو كل النواقص عندكم تقولو شوفو ميناء عبد الله اللهم لا حسد
     
  13. القحطاني

    القحطاني بـترولـي خـاص أعضاء الشرف

    4,717
    0
    0
    الله لا يغير عليكم
    اخوي هامور كبر حنا نتمنا يكون نظام الباصات عندكم يكون عندنا مثل الإتصال بالباص عند الحاجه
    ولك تحياتي
     
  14. algharib

    algharib بـترولـي نشيط

    134
    0
    0
    MAA.operation
    الكويت
    مشكور اخوي علي الموضوع
    بس اقول مو فالحين الا يحطون بيبان اوتماتك شحقه ما ادري
     
  15. ولد الفحيحيل

    ولد الفحيحيل بـترولـي نشيط جدا

    330
    0
    0
    snr.feald operator
    فحيحيلاوي
    لا وازيدك من الشعر بيت بيحطون ليتات زينون ورنجات 20 حق الباصات :):):):)
     
  16. منطقي

    منطقي بـترولـي نشيط

    97
    0
    0
    الله يلوم اللي يلومك!!!!!!!! يالقحطاني لاو بعد معك حق..........بس أنا مستغرب من الموظفين الكويتين اللي عندهم سيارات الشركة
    أذا مرو على اى موظف كويتي واقف ينتظر الباص أو متعطل يحتاج إلى من يوصله إلى البوابة وخاصة في عز حرارة الصيف حبيبك اعمى ومطنش......عكس الموظفين الاجانب كل واحد يشيل و وصل أبن جنسيتة بكل رحابه ((((( ماعندهم كبــــــــر)))))
     
  17. yaqoub banyan

    yaqoub banyan بـترولـي نشيط

    92
    0
    0
    مشغل حقل
    كويت
    شباب المشكلة مع الباصات مو مشكلة انة لمن تي اداوم متاخر دقيقة والباص مو موجود
    ساعات تبي الباص وانت داخل المصفاة ماتحصل يمكن توقف بالشمس وطيح غشيان وماتحصل باص
    ساعات تبي تستاذن من الدوام تبي باص وتكلم السوبر فايزر انك تبي تمشي وتقول انة مافي باص يقولك اوكي الحين ايلك وينقعك نص ساعة يمكن او اكثر ويذلك يمكن ويقط جم كلة معليك بس خلها على الله
     
  18. منطقي

    منطقي بـترولـي نشيط

    97
    0
    0
    معك حق ((( يالقحطاني))) والله يلوم اللي يلومك..........لا ومع هذا إخوانا لكويتيّن أصحاب سيارات الشركة أذا مرو على اى موظف كويتي واقف ينتظر الباص او بحاجه لمن يوصله البوابة مر و حبيبك اعمى مطنش وكنه ما يشوف وهذا و أنا ناهيك أن درجة الحرارة عالية في الصيف.......... عكس جميع الموظفين الاجانب الواحد منهم أذا شاف أبن جلـدتة و من جنسيتة على طول وقف وركبة صدر عن المكيف تدري ليش !!! ((( يالقحطاني)))...........................{ ماعنــــدهم كبــــــر }
     
جاري تحميل الصفحة...

مشاركة هذه الصفحة