نصيحة لبعض كوادر ..التغيير

الكاتب : جابر | المشاهدات : 852 | الردود : 14 | ‏26 مايو 2013
  1. جابر

    جابر قــلــم بــتــرولــي أعضاء الشرف

    بدلا من التعبير الإنشائى اللى ماله داعى ..والتفلسف الزايد ووصلات الردح والتطبيل ..

    وبدلا من مهاجمة أى شخص يتكلم عن أخطاء النقابه

    وبدلا من المحاولات اليائسه والمضحكه لإثبات إن البيانات المزوره ...صحيحه ..

    ياليت تسوون شى صح ..تساعدون فيه نقابتكم ..

    راح نغششكم هالمرّه بس ..

    سجل عندك ...


    أثنين من النقابه ..تمت مشاهدتهم أكثر من مره في الخفجى ..أخرها كان أمس


    تكلموا عن جهودهم ..وعن سبب قدومهم ..وشنو أثمر عنه إجتماعهم بالإداره ..بدال خرابيطكم.

    بس اللى يبى يكتب ..يفكنا من البدليات ..تعبتونا بالترجمه . ;)
     
  2. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    اي صج شصار شعندهم
    ان شاء الله طلعوا بنتيجة واقروا شىء يصب في مصلحة العمال
    وينزلون بيان
     
  3. الله كـريم

    الله كـريم بـترولـي جـديـد

    17
    0
    0
    ماكو شي اعتقد اذا فيه شي يمكن شفتات المطافي او الجامعيين !!!
     
  4. مراقب نفطي

    مراقب نفطي بـترولـي نشيط

    136
    0
    0
    السلام عليكم ورحمة الله وبركاته
    صراحه جابر احس النقابه مجتهدين وايد
    ولازم نشكرهم
    واذا هذي بدايتهم اكيد بنشوف شغلات زينه
    بس اهم شي ما نوقف على الحبه ونص
    ونعطيهم فرصه
    ابيك جابر تحاول تنسى الي فات
    وتبتدي تحفزهم

    لا تنسى انهم اخوانك واكيد يحبونك

     
  5. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    اخوي مراقب
    انت تدري اي دائرة راحوا وليش :)
    انا اتمنى منهم يصرحووون علشان لا يقولون انه متحامل عليهم
    اخوي جابر لو تدري بالاحداث جان تنزلك كتاب
     
  6. جابر

    جابر قــلــم بــتــرولــي أعضاء الشرف

    وعليكم السلام ورحمة الله وبركاته ...هلا بمراقب نفطى ..

    السالفه ترى مو محبه أو كره ...ولا نقد على الفاضى ..

    الواحد يتكلم عن النقص اللى يشوفه في عمل النقابه ..وجميع النقابات السابقه تعرضت لما تتعرض له النقابه الحاليه .

    صحيح (نشد شويه) أحيانا بسبب إسلوب البعض في المخاطبه والرد..لإثبات إن هالأسلوب يخسرهم أكثر من أن يربحهم ..لكن يظل الأصل النقد المنطقى لممارسات النقابه الخطأ

    والنقابه عمرها ماتحتاج لتحفيز ..يمكن تحتاج دعم لقراراتها ومن الجمعيه العموميه ..لكن مو تحفيز ..مفروض اللى يحفزهم جدول الأعمال والمكتسبات المتوقعه ..وإتصالهم بالعمال ...هم ليسوا أطفال حتى نأخذ بأيديهم في خطواتهم الأولى ..

    وإذا الواحد شاف شي زين ...أكيد راح يذكره ...بس وين الشغل الزين ....ترى ماشفنا شى للحين.. :eek:

    وحتى الشباب اللى يدافعون عن النقابه ..ماذكروا شي (حقيقى) ..سوا غمضوا عيونكم وإتبعوهم وتشوفون النتيجه .. :(
     
  7. جابر

    جابر قــلــم بــتــرولــي أعضاء الشرف

    شوف ياولد مبارك ..

    ماعندى أخبار أكيده ..

    وإنت تعرف شباب قائمة التغيير ...البيان المزيف للحين يحلفون عليه إن صحيح ..لمجرد دعم لربعهم .. :(

    لو أحط خبر مو متأكد منه ...ويطلع مو صحيح ...تتوقع شيقولون :eek:

    إذا إنت تعرف وأكيييييييييييييييد ...قول :)
     
  8. جابر

    جابر قــلــم بــتــرولــي أعضاء الشرف

    هناك إشاعه دايره ...تقول إن السبب خصميات على بعض الموظفين ...وربما شخص (على الأقل) تم توقيف راتبه ...

    بسبب الدورات اللى قالت نقابتنا إنها إختياريه ...وأكلوها الشباب

    ياليت أحد عنده تأكيد لهالموضوع يحطه لنا

    إن صح هالكلام ...فهى جريمه بحق الموظفين ...

    ياليت أحد من ربع النقابه يطلع ويوضح هالأمر ....
     
  9. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    نعم يوجد شخص خصم راتب كامل منه والشخص واجهه رئيس النقابه مع امين سر بالتويتر وتم تكذيبه وواجهم بكشف الراتب وتم تكذيبه والمشكله قالوا ازهلها وسحبوا عليه
    والشخص اتى فعليا لدائرة المحاسبه وشرح موضوعه وجاب اثبتاته كاملة دون نقصان مع كشف حضوره لدى دائرته وانه منتظم بالعمل
    وتم توجيه للطريق انه الخصم من دائرة الموظفين وليس من المحاسبه
    واتحدى من المطبلين يكذبون الخبر
    وبخصوص سبب زيارتهم انا اتمنى يا جابر دامهم مستميتييين بالدفاع عنهم ابي يذكرون لي سبب زيارة واي مدير قابلوا
    علشان ارد عليهم وابين زيف وتدليس الاخبار والكذب ع الذقون شلون قاعد يصير
    :)
     
  10. محمد المحفوظي

    محمد المحفوظي بـترولـي نشيط

    116
    0
    0

    صج يقولون مشعل انك تبي تنقل من المحاسبة ؟
    صحيح انهم متبلين عليك بمشكله وانت مظلوم؟


    يعني وين يقبلون فيك ؟
     
  11. جابر

    جابر قــلــم بــتــرولــي أعضاء الشرف

    مسكين ...ضعفك صار أكثر من واضح ...وبديت تحول النقاش عن النقابه إلى أمور شخصيه ...
    الله يعيننا على نقابة التغيير ...مادام واجهتهم الإعلاميه واحد مثلك

    خل الناس تقرأ وتعرف ممثلين التغيير فى المنتدى ...شيتكلمون عنه وشلون يحاربون كل شخص ينتقد النقابه
     
  12. محمد المحفوظي

    محمد المحفوظي بـترولـي نشيط

    116
    0
    0
    شهاللقافه اللي فيك

    انا اسال مشعل مبارك
     
  13. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    دام ما استفدنا من نقاشك ودفاعك عن ربعك
    خلنا نتناقش شنو متبلين علي
    الحمدالله تقيمي زيين وربعي مو مقصرين معاي بالدورات :)
    وماخذ حقي بالكامل
    وعطني مافي جعبتك يا حلو ابو جدور ومواعين :)
     
  14. جابر

    جابر قــلــم بــتــرولــي أعضاء الشرف



    مافيها شي ..ليش معصب ..لايطق لك (عرج) ..والا (ينطعج) لك ماعون ...
    إنت تبى تهاجم الجميع ...وماتبى أحد يرد عليك ...

    خذلك حبة بندول وإستريح ...إنت مسوى شغل كبير من أمس ..لابد ربعك يريحونك ..ويدزون واحد غيرك ...علشان يكمل ويخرب المواضيع اللى ضدهم ;)
     
  15. جابر

    جابر قــلــم بــتــرولــي أعضاء الشرف

    يعطيك العافيه ياولد مبارك
    نتمنى من أى شخص من كوادر التغيير ..يرد ويوضح الأمر ...بدلا عن مهاجمة فلان وعلان ..
    شفتوا شلون ..إن تحويلكم الأمور لشخصيه ..يخلى أمور مثل هذى تطلع .. ;)

    خيره ...وعسى أن تكرهوا شيئا وهو خير لكم

    نحسن الظن بالجميع ...حتى يظهر عكس ذالك ..عندها ..إحسان الظن يكون سذاجه :)
     
جاري تحميل الصفحة...

مشاركة هذه الصفحة