وأيضا زيادة الخفجى ناقصه للمره الثانيه

الكاتب : جابر | المشاهدات : 1,904 | الردود : 24 | ‏25 مايو 2013
  1. جابر

    جابر قــلــم بــتــرولــي أعضاء الشرف

    أعتقد هناك أكثر من 50 موظف بالخفجى تمت ترقيتهم وبتاريخ يسبق 30/3/2013

    وعليه ..فإن زيادات الدرجات يجب أن تحسب من ضمن المشاركه بالنجاح ...

    لحد يسكت عن حقه ...

    بناء على كلام أحد الشيبان ..(تمت مخاطبة الشركه) ...وبصوره شخصيه من (الشايب) ..ووعدوه خير ...

    لكنه يقول ... ماراح أصدق لين تنزل لى ....

    طبعا ..ممكن نحسبها من إنجازات النقابه ...
    المشاركه بالنجاح مالت الخفجى ...لأول مره فى التاريخ ..يتم تقسيطها على الشركه على ثلاث أقساط ...تقسيط ...مريح ..... :rolleyes:
     
  2. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    مبرروووووووك العوووده
    :)
     
  3. جابر

    جابر قــلــم بــتــرولــي أعضاء الشرف

    الله يبارك فيك ...
     
  4. Bos3ayd

    Bos3ayd بـترولـي مميز

    523
    4
    18
    هههههههههههههه عجبني موضوع الاقساط المريحه....

    المشكلة مو هني.... شصار على موضوع الاثر رجعي لطبيعة العمل؟ مادري ليش التعتيم على الموضوع!!!
     
  5. جابر

    جابر قــلــم بــتــرولــي أعضاء الشرف

    هلا Bos3ayd

    إن شاءالله مافيه خوف ..لكن لاتنسى هذى تبيلها حسبه ...وربعنا (ضاعوا) بحسبة المشاركه بالنجاح ..وهذى أصعب ..أكيد هذى راح تفر مخهم شوى :p

    ولاتنسى رؤسااااااء جدد ..

    وأيضا كونها فقط للخفجى ...راح يسوونها على أقل من مهلهم ..نحاسه :D

    ولن أستبعد إن الكتاب الرسمى لازال بال KPC وماطلع لنفط الخليج ... :eek:

    الشرثان جابها ..ومتابعه الصرف مفروض من النقابه ..إن شاءالله بس مايقسطونها على كم سنه ;)
     
  6. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    كا سيناريو متوقع
    لازم يطلع الحسبه من الخفجي حق اجمالي الموظفين وكل شهر لازم ينحسب لحاله
    لانه بدل الطبيعه يخصم في حالات الاجازات والمرضيات وغيره وهذي يبيله دينمو ( ابو.الزيك )
    وكل تاخيره فيها خيره اهم شىء في كتاب رسمي بأسم المؤسسه مو مثل بعض الناس :)
     
  7. جابر

    جابر قــلــم بــتــرولــي أعضاء الشرف

    الكلام لأهل الخفجى ...

    اليوم الشايب بلغنى بأنه وصل له إيميل ..إشعار بالقسط الثالث من المشاركه بالنجاح... ..

    ياشباب ..اللى ترقى بأثر رجعى وبتاريخ قبل نهاية شهر 3 ...مفروض ينزل له إشعار بالقسط الثالث من المشاركه بالنجاح ..تعادل أربعة أضعاف زيادة الدرجه على الراتب الأساسى ..

    مفروض هالأيميل يكون وصل لجميع المستحقين وبهذا تنتهى قصة المشاركة بالنجاح وأقساطها الثلاثه
     
  8. مراقب نفطي

    مراقب نفطي بـترولـي نشيط

    136
    0
    0
    السلام عليكم ورحمة الله وبركاته
    والله ما عرفنالك ياجابر
    كلامك كله طنازه على الناس احترمنا ياخي
    المهم النقابه قاعدين يستقبلون الشكاوي برحابة صدر ويصلحون اخطاء الشركة او موظفين الشركة الي مايعرفون شغلهم وتطنز عليهم شنو النقابة ما يعلمون الغيب على شان تقول اقصاد
    على فكره خل يروحون حق رشيد او الصفار يضبطونهم
     
  9. جابر

    جابر قــلــم بــتــرولــي أعضاء الشرف

    وأحد طلب منك تعرف لى ...يكفى إنى عرفت إنت شتبى بالضبط .. ;)

    أنت شكو ....نقابتى وكيفى ... :)

    و اللى مايحترم الناس مو كفو إحترام ..

    على الأقل أنا أتكلم عن شخصيات عامه مو أهاجم موظفين مثلى مثلهم ..

    والناس اللى إنت ذكرتهم ...تتطنز ..كلهم سمعتهم زينه بين زملاءهم ..وعمرنا ماسمعنا عنهم كلمة سيئة

    أما الخبر .. على الأقل .. فيه فايده لأهل الخفجى ..

    حتى يعرفون ..شنو صار على المشاركه بالنجاح ..واللى له حق يطالب فيه ..

    إنت شحارق خبزتك ...رفالة نقابتك ...وترقيعهم ...والا لإن المشاركة وصلت بدون مجهود نقابتك ...

    بدينا نعرف أسلوبك وأسلوب اللى دازينك ..لتخريب المواضيع ..الجاده.

    كل المواضيع اللى فيها مطالبات ..وتنبيه ..وحقوق ....دخلت عليها وبديت تهاجم الجميع

    أسلوب متوقع من جماعة التغيير ....الله لايغير عليكم ;)

    على فكره ..شنو مايعلمون الغيب ..إنت من صجك ..والا تغشمر ..وبعدين ..تكفى تعلم عربي بسرعه ..صدعتنا بأخطائك الإملائيه..ياليت تهتم بنفسك ...بدال كل ساعه ناط لنا بكل موضوع وبدون أى إضافه تذكر :rolleyes:
     
  10. abusalem

    abusalem بـترولـي نشيط جدا

    226
    0
    0
    حلوه يصلحون اخطاء الشركة او موظفين الشركة!!!

    ممكن يالمراقب النفطي تعلمنا شنهو اخطاء موظفين الشركة بما انك من المقربين من النقابه!!!!

    شكلك متعود على التظبيط!!!!
     
  11. مراقب نفطي

    مراقب نفطي بـترولـي نشيط

    136
    0
    0
    السلام عليكم ورحمة الله وبركاته
    انا قريب من الصج وصح ماني تبع
    تسريبك للمعلومات المقلوطه اكبر دليل وهقة العمال
    رشيد اركد على قولة اخونا جابر
    ركز بشغلك احسنلك وترك عنك المهايط سمعنا انك مسويلك قائمه جديده
     
  12. OND

    OND بـترولـي جـديـد

    46
    0
    0
    تم وصول ايميل لي شخصيا بقرب نزول الدفعة الثالثة من مشاركة النجاح ولله الحمد
    من لايخطئ لا يعمل المهم تصحيح الخطئ
     
  13. مراقب نفطي

    مراقب نفطي بـترولـي نشيط

    136
    0
    0
    السلام عليكم ورحمة الله وبركاته
    الله يجزاك خير هذي شهاده
    اسمع وشوف يا رشيد وبعد ياجابر
    بيض الله وجه نقابتنا شيلحقون عليه على اخطاء 000000000 انتو اخبر
    شكرا
     
  14. abusalem

    abusalem بـترولـي نشيط جدا

    226
    0
    0
    انا راكد من زمان.

    اتحداك تقولي شنهي المعلومه المقلوطه على قولتك!!

    ومسوي بعد قائمة جديدة!! والله انك ضايع!!!!!
     
  15. abusalem

    abusalem بـترولـي نشيط جدا

    226
    0
    0

    والله داري من زمان انك ماخذ مقلب في نفسك!!!!

    ولا تقول اخطاء !!!

    من اللي اخطأ، مو النقابه اللي قصت علينا بالبيان المزعوم، ولا يقولون تحويل مشاركة النجاح في حساباتكم قمة المصخره منهم ومن اللي يطبل لهم!!!!
     
  16. Alname

    Alname بـترولـي جـديـد

    46
    0
    0
    انت صح
     
  17. جابر

    جابر قــلــم بــتــرولــي أعضاء الشرف

    أنت ضاااااااااااايع ...أما لأن معلوماتك ضعيفه ...أو لأنك تتعمد خلط المعلومات ...وقلنالك ..خلك من أسماء الموظفين أحسن ..لاتخليها شخصيه ;)
     
  18. جابر

    جابر قــلــم بــتــرولــي أعضاء الشرف

    الف مبروك وتصرفهم بالعافيه ..ونتمنى إن مافيه أحد نسوه

    و كلامك صحيح يا ond بس بشرط وانا أخوك ..

    أول شى يتم الاعتراف بالخطأ ويشرح أسبابه ..

    وبعدين نقول ياشباب من لايخطئ لا يعمل المهم تصحيح الخطأ..إسمحولهم ..وطوفوها

    لكن هم يدرون بتاريخ الصرف ..وويعلنونه ..وهم يعرفون ..مايترتب عليه

    وبعدها يقولون ...هذا هو الصح ..مالكم غير هالتاريخ ....واللى أعطى الوفره غلطان وراح نخصم منهم ...مو قالوا هالكلام ;)

    ولما تصير (الصجيه) ..ينخشون ..وبعدين ويتنازلون ويبلعون كلامهم

    ويتم صرف مستحقات أهل الخفجى على ثلاث دفعات ...

    هذا والله من رداة النقابه ..وضعفها ...وكونها تحركت بالأخير لتصليح الأمر ...لما حمت الحديده ..أفضل طبعا من الإستمرار بالخطأ ...ولكن مايعفيها من مسئولية اللى صار :(
     
  19. abusalem

    abusalem بـترولـي نشيط جدا

    226
    0
    0
    دامك تعرف الصح من الغلط ليش ماتقول لنا رايك في بيان النقابة!!

    انت مثل ربعك ماتدري وين الصح من الغلط!!!

    لكم كم يوم تنتقدون النقابه السابقة والمفروض انكم تحاسبون النقابه الحالية على بيانهم الاخير ولكن لاحياة لمن تنادي!!!
     
  20. مراقب نفطي

    مراقب نفطي بـترولـي نشيط

    136
    0
    0
    السلام عليكم ورحمة الله وبركاته
    خل عنك البيان
    ابي اتوصطلك عندهم واخليهم يسيرون عليك وقول الي تبيه لهم
    تستاهل
     
جاري تحميل الصفحة...

مشاركة هذه الصفحة