إلى من له لسان الحق

الكاتب : بنت القطاع النفطي | المشاهدات : 1,051 | الردود : 13 | ‏13 يناير 2008
  1. بنت القطاع النفطي

    بنت القطاع النفطي بـترولـي جـديـد

    17
    0
    0
    اولا ابدي كلامي بالسلام عليكم

    صبحكم الله بالخير يا اهل الخير ، صباح الورد يا اصحاب الضمير الحي

    اعزائي الكرام بعد التحية ،

    رسالتي هذه حق للناس اللي عندهم ضمير ، ودي يقرون هذه رسالتي ويعرفون شكثر صار الظلم واضح وعلني على عينك يا تاجر ، صار القوي ياكل الضعيف ، صارت الواسطة او المصلحة الشخصية فوق كل القيم والمباديء ، ما يهمهم يدوسون على ناس يرفعون ناس ، المهم شنو وراى كل واحد ، على سبيل المثال ، اذا الواحد وراه اسم عريق في المجتمع ، بالعربي يفيدهم ، ضبطوه ، او اذا الواحد دائما ينافق او يجذب يحبه مسؤله ، ويخليه من المقربين له عشان يكون جاسوسه ، او عشان يكون عينه اللي يشوف فيها 0 واذا الواحد ما وراه اسم عريق او يكون منافق ينسونه ولا يعتبرونه من البشر حتى ، نسوا انه وراه رب الكون 0

    ليش كل هذا ، ليش الناس نست القيم والمبادىء اللي تربينا عليها ، ليش الناس نست ان فيه حساب ، والمشكلة اذا تكلمهم يقولون احنا والحمدالله نخاف الله ونصلي ، هي الصلاة والدين بس في الشكل ، لا الصلاة والدين في عملك ، والرسول صلى الله عليه وسلم يقول اذا صلح القلب صلح باقي الجسد ، واذا فسد القلب فسد باقي الجسد ، هذه رسالتي مجرد عن تعبير محبوس في داخلي ودي اصرخ واقول ليمتى يا جماعة ، ليمتى هذا الجبروت ، نسيتوا انها لو دامت لك ما اتصلت إليك ، واعرف يا بنى ادم ، ان مصير الظلم لا بد ان ان ينتهي وانك تذوق الظلم يا ظالم وتشوفها لا بد في يوم من الايام ، لان دعوة المظلوم عند رب السماء مستجابه ، واتمنى ان الله يطول في عمري عشان اشوف نهاية كل ظالم في الدنيا ،

    وفي نهاية كلامي اتمنى الهداية للجميع انشاءالله ، وتكون نسبة الظلم في كوفبك وايد اقل من السنين اللي طافت

    اختم كلامي بحمدالله والف الصلاة والسلام على سيدنا محمد واله وصحبه الكرام

    والسلام عليكم ،،،،
     
  2. Kufpec Employee

    Kufpec Employee بـترولـي نشيط جدا

    372
    0
    0
    ياريت بس ياريت رئيس مجلس الإدارة يشوف هالكلام ياريت
     
  3. The^Queen

    The^Queen بـترولـي نشيط جدا

    288
    0
    0
    الله كريم
    الله كريم
    قلنالكم رساله من مجهول
    ووصلت لقناعه لاتشتكون حاجتكم لاحدولاتمسكون سركم احد
    عندكم ربكم يسمعكم ويمل وينصركم ولو بعد حين
    واذا ماصاراللي تبونه كفايه الدعاء يمسح القلب ويريحه
     
  4. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    جزاج الله خير بنت القطاع النفطي وان شاء الله الرسالة توصل الى كل موظف وموظفة رئيس ومرؤوس


    شكرا
     
  5. Hard_Worker

    Hard_Worker بـترولـي جـديـد

    43
    0
    0
    السلام عليكم
    بنت القطاع البترولي كلامج عدل وعين الصواب بس الشي الوحيد الي راح تستفيدين منه انج طلعتي الي بقلبج واذا كنتي متوقعه في ناس تسمع وتطبق الكلام الي قلتيه فاقولج من الحين انتي قاعده تنفخين بجربه مقضوضه
    لنه الناس 99% منهم جذي وحتى احنا باجر لي وصلنا ومسكنا مناصب(انشالله) تلقين اغلبنا راح يمشي ورا مصالحه
    انا ماقول هذي الدنيا اقول هذي الناس الي بهالدنيا مثل ما قال الشاعر
    نعيب زماننا والعيب فينا وما لزماننا عيب سوانا
    والله المستعان
     
  6. scout leader

    scout leader بـترولـي نشيط جدا

    370
    0
    0
    موظف
    الكويت

    بارك الله فيك يا هارد ويركر
    وأحب أعقب على كلامك بأن ليس الجميع سواسيه
    ولو خليت خربت

    تحياتي
     
  7. Hard_Worker

    Hard_Worker بـترولـي جـديـد

    43
    0
    0
    تسلم وما تقصر
    ندري ان الناس مو سواسيه و اصابع ايدك مو سوى و غيره من هالامثله الي تدل على نفس المعنى وانا ما تكلم عن فرد ولا عن مجموعه افراد انا اتكلم عن طبيعه البشر كلهم
    ومشكور
     
  8. scout leader

    scout leader بـترولـي نشيط جدا

    370
    0
    0
    موظف
    الكويت
    طبيعه البشر
    هي السجيه وهي تختلف من شخص لآخر
    وكل شخص يحب اي أمر فهو يحبه على طريقته الخاصه ويفعله حسب ماتعلمه
    فإن صفات البشر العامه ليست عدوانيه لنقول 99% منا سيكون كذلك
    وأنما المعادلة الصحيحه هي 50 % من سيكون طيب
    والـــ 50% الآخرين سيكون كذلك

    هذا ما حبيت أقوله يا آخي العزيز
    وتقبل تحياتي :)
     
  9. Hard_Worker

    Hard_Worker بـترولـي جـديـد

    43
    0
    0
    صح كلامك سكاوت ليدر 100%
    بس مثل ما قتلك انا ما تكلم عن فرد او حتى مجموعه افراد انا اتكلم عن الناس كلهم وطريقه تفكريهم اذا جتمعو
    في نظريه تقول الفرد ذكي ويقل الذكاء كل ما زاد عدد الافراد
    يعني الفرد اذكى من العشرين والعشرين اذكى من الا100 وال100 اذكى من الالف وهلم جره
    وطبعا النظريه ما تفترض بس الذكاء حتى العدوانيه والطمع وكذا صفه
    والي صاير بالديره هذا اكبر دليل على كلامي احنا كافراد نقول الديره وضعها تردى ولازم نصلح بس محد قاعد يخرب الديره غير الشعب نفسه(الافراد وهم مجتمعين معنه كل فرد بروحه يحب البلد ويبي الاصلاح) مادري شلون اوضح نقطتي اكثر بس اتمنى تكون مفهومه ولو اتكلم بالهموضوع واعطي امثله ما اخلص لنه وايد معقد ومشربك
    ومشكور اخوي
     
    آخر تعديل: ‏21 يناير 2008
  10. scout leader

    scout leader بـترولـي نشيط جدا

    370
    0
    0
    موظف
    الكويت

    أنا موافقك على كلامك

    بالفعل الفرد يختلف عن المجموعه

    صح لسانك :)
     
  11. دايم السيف

    دايم السيف بـترولـي جـديـد

    32
    0
    0
    المسؤلين

     
  12. بنت القطاع النفطي

    بنت القطاع النفطي بـترولـي جـديـد

    17
    0
    0
    اول شيء احب اصبح على الخير على الخير وخصوصا يا اخ دايم السيف

    الله يهديك تقولي لا تسكيتين يا ليت فيه فائدة من الحجي المشكلة انك لو تكلم اي موظف ويحس معاك في الامان تشوف انه يقول اللي في جبده كله ، وتحس انه قلبه متروس من الظلم ، ومو بس الظلم ، الخربطة اللي قاعدة تصير في الشركة ، ما فيها نظام عادل او خلنا نقول سيستم يمشون عليه ، اللي عندهم هو ان حبتك عيني ما ظلمك الدهر بدون اي وجه حق ، خلوا الموظفين جميعهم واحد يخاف من الثاني ، واحد يغدر بالثاني ، صارت كوفبك مثل بالضبط حياة العراقين في وقت صدام ، الاخو يغدر في اخوه ، ليش يا ترى ، لو الكل وقف جدام الظلم وقال انه هذا الظلم جان ما صار حال الشركة جذيه ، والمشكلة الثانية اللي منتبه عليها ان المسئول اذا احب احد يرزه جدام الكل وينسى الباجي لدرجة ان الاقسام الثانية ما تشوف او تعرف احد إلا فلان وفلان من الدائرة كلها ، تخيلوا هذا الوضع للاسف الشديد وصلنا إلى هذه المرحلة لا فيه خوف من الله ولا فيه حتى ضمير يتكلم 0



     
  13. FROZEN

    FROZEN بـترولـي جـديـد

    1
    0
    0
    السلام عليكم ورحمة الله وبركاته اخوانى وخواتى
    انا عضو جديد في المنتدى وأخذت فكرة عامة بقراءة مواضيعكم وكلها شيقة بصراحة خاصة عمود "يا له من لسان حق". جزاكم الله خير على الكلام الحلو هذا.
     
  14. Kufpec Employee

    Kufpec Employee بـترولـي نشيط جدا

    372
    0
    0
    إن شاء الله يا Frozen حسب الاسم المستعار مالك ينفك منك التجميد في حالة إنك مسمي روحك على وضعك الوظيفي
    أما إذا انت مثلج من البرد فما بقى شي وتصير Boiling الصيف قرب
    ،،،،،،،،
    دام طلع علينا نهار جديد على قولة أحد أعضاء المنتدى فلابد من التفاؤل لايضيق خلقكم ياالله ياكريم أدعو فإن الدعاء فيه بأس شديد
    الله سبحانه وتعالى فوق الكل،، اللي الله كاتبه لنا بيصيبنا هذا مكتوب لنا من قبل لا حتى ننخلق بالكون
    يا أخواني وأخواتي أبناء كوفبك راح إيي يوم ونقول " الحمد لله رب العالمين " وايد ناس مقهورين وينزفون أسى وقهر،، ليش!!!
    كله ينعكس على عيالنا وأهلنا وصحتنا؟؟؟ ليش!!!!
    أكثرو من الدعاء وبعد إحمدو الله ترا حتى في أشد حالات اليأس الواحد لما يقول الحمدلله الله يفرجها ربه عنه
    ناس مو لاقية تاكل لها لقمة ولا حتى لاقين لهم سكن وحنا الحمدلله بخير ونعمة،،،
    أنظرو إلى الجانب المشرق من الحياة ترتاحون،،، صحيح مانقدر نتغاضى عن امور تقهر تحصل لنا بين الحينة والأخرى بالدوام
    لكن كلمة واحدة تصبرنا "لاحول ولاقوة إلابالله العلي العظيم"
    أعيد وأكرر الله فوق الكل وماراح يتم الشي على حاله طال الزمن ولا قصر
    اللهم لاتخذل دعائنا ويسر امرنا يارب العالمين
    نحن لسنا في مصيبة الحمد لله ولكننا نطمح لوضع افضل من اللي احنا فيه والله سبحانة ماراح يخذلنا
     
جاري تحميل الصفحة...
مواضيع مشابهة
  1. فهد شموه
    الردود:
    0
    المشاهدات:
    348
  2. المحرر النفطي
    الردود:
    0
    المشاهدات:
    1,303
  3. المحرر النفطي
    الردود:
    2
    المشاهدات:
    970
  4. أولاد الشركة
    الردود:
    2
    المشاهدات:
    827
  5. الجوهرة
    الردود:
    12
    المشاهدات:
    2,057

مشاركة هذه الصفحة