لن نتراجع حتى تتحقق مطالبنا العادلة

الكاتب : النقابة | المشاهدات : 1,419 | الردود : 16 | ‏29 ابريل 2013
  1. النقابة

    النقابة بـترولـي نشيط جدا

    274
    1
    0
    لن نتراجع حتى تتحقق مطالبنا العادلة


    الخنين : إضراب القطاع النفطي الثلاثاء ،والشركة اغلقت ابواب الحوار



    اعلن رئيس نقابة العاملين بشركة خدمات القطاع النفطي سعد الخنين عن تنفيذ موظفي الشركة اعتصاما حاشدا بعد غد الثلاثاء 30 ابريل في تمام الساعة 10 صباحا امام مقر ادارة الشركة بمجمع الصالحية بسبب تعنت الشركة في تنفيذ مطالب العمال والموظفين المشروعة .

    واكد الخنين ان ادارة شركة خدمات القطاع النفطي مازالت على نفس نهجها من اغلاق ابواب الحوار والتعنت والاستبداد ورفض كل سبل الحوار واستخدام اساليب التهديد والوعيد وكأننا في بلد غير ديمقراطي ولا يحكمه الدستور والقانون وهي امور لم نعهدها في الكويت بلد الحريات والديمقراطية في العالم العربي ككل .

    واعتبر الخنين ان ادارة الشركة تتعامل وكأنها دولة داخل الدولة فلم تعر مطالب الموظفين اهتماما ورفضت المساعي الحميدة التي قادها رئيس واعضاء اتحاد عمال البترول والبتروكيماويات وهذا كله يدل على ان هناك من يدعم رئيس الشركة داخل مؤسسة البترول وهو امر لن نسكت عليه ولن ترهبنا تهديداتهم ولا وعودهم الزائفة التي نرفضها بمنحنا امتيازات فورية مقابل التخلي عن حقوق العمال وهو امر لن نقبل به ولن نساوم على حقوق اخواننا عمال وموظفي الشركة ابدا .

    واكد ان اعتصام اليوم الثلاثاء هو اعتصام الثلاثاء الاخير وبعدها سنعلن الاضراب الشامل في كل الشركات النفطية المعار اليها موظفو شركة خدمات القطاع النفطي ' وساعتها لايلومن رئيس الشركة ومن يقف وراءه الا نفسه ولن ينفع وقتها الندم '.

    ودعا الخنين في ختام تصريحاته جموع موظفي الشركة الى حضور الاعتصام الحاشد مشددا على ان نقابة خدمات القطاع النفطي ستظل صوتهم المدوي والمدافع الاول عن قضاياهم ولن يهدأ لنا بال حتى تحقيق جميع مطالبنا العادلة والمشروعة .
     
  2. عقيق

    عقيق بـترولـي نشيط جدا

    305
    0
    0
    مراقب
    الكويت
    يا شباب كافي مطالبات كافي اعتصامات...
    تبون درجات وزيادات وفلوس وبس
    والله ما يصير .. بعضكم ماعنده ابتدائي ومعاشة وصل 3000 دينار والله ما ياخذها مهندس او مدير بوزارة...
    والله خلل مو طبيعي..
     
  3. Mr.Ahmad

    Mr.Ahmad بـترولـي مميز

    راح يكرهونك دام قلت هالكلام :q
     
  4. عقيق

    عقيق بـترولـي نشيط جدا

    305
    0
    0
    مراقب
    الكويت
    كلمة الحق اتنزعل وتكره ناس وايد فيك..
     
  5. رجل امن المنشأت

    رجل امن المنشأت بـترولـي جـديـد

    33
    0
    0
  6. عقيق

    عقيق بـترولـي نشيط جدا

    305
    0
    0
    مراقب
    الكويت
    ههههههه وانت يا رجل الامن في المنشأت . حكومي ولا لا
    كلامك غريب الله يصلحك انشالله
     
  7. Salim

    Salim بـترولـي نشيط

    107
    0
    0
    واضح من كلامك انك اتكلم من فراغ

    وماقريت الاسباب اللي عشانها اضربو الشباب

    واذا على الفلوس يالله لك الحمد محد عليه قاصر ولكن الناس اطالب بحقوقها

    واذا مو عاجبك الموضوع مو الا اترد عليه الله يهديك

    وسمحلي اذا ازعجك ردي
     
  8. Mr.Ahmad

    Mr.Ahmad بـترولـي مميز

    السلام عليكم ورحمة الله وبركاته

    كوني موظف في الشركة اكثر من 6 سنوات فـ عندي دراية نوعاً ما في وضع الشركة وأمورها وأحب أعلق على بعض المطالب الـ 12 اللي تطالب فيها النقابة وحسب رأيها إنها حق للموظفين , وبصراحة اتفق وياها في "بعض" المطالب وأعارض في بعض المطالب , وبعض المطالب ماني فاهمها لانها تفتقر إلى الشرح المفصل :)

    وبكون صريح وما يمشي عندي نظام (امشي مع الموظفين أو النقابة عمياني وبدون قناعة) :confused:

    !!!

    !!!

    بتكلم عن هالنقطة بكل صراحة , للأمانة كل موظف بشكل عام شنو قاعد يسوي عشان ما يرضى إلا بالامتياز؟ ما ودي ادخل بتفاصيل لان راح اتعرض للهجوم وانا متأكد :)

    كل واحد يسأل نفسه , بكل صراحة هل فعلاً انت تقوم بكامل وجباتك اليومية في مقل عملك؟ :)

    هذي نوعاً ما المفروض تصير اللي اهي التخفيض السنوي , لان كلنا شايفين المسئولين شلون يجاملون ناس على حساب ناس ومحد يقدر ينكر وخير مثال على كلامي (البونص السنوي) يروح حق منو !! :D

    ياما موظفين انظلموا وياما موظفين خذوا اكثر من حقهم والسبب بن عمي وبن خالي :mad:

    صحيح دون اي اعتبارات مادية والأهم دون اي اعتبارات فئوية أو طائفية أو قبلية :rolleyes:

    جميل جداً

    جميل جداً ولابد من تطبيقه ولكن للحاصلي على شهادات محترمة من بعد دراسة وتعب وليس من بقالات الهند وفلبين ومصر (شهادة من بعد هدايا وعزايم) ;)

    أعتقد هذا اللي صاير إن الصرف بالكامل شهرياً !

    بعض الترقيات تعتمد على الحاجة , يعني اذا الشركة مو بحاجة لترقية موجهين جدد فـ ماله داعي الترقيات لان ان تمت ترقية موجهين جدد ومن غير حاجة معناته الموجهين راح يكونون حالهم حال (رجال الأمن الأوائل) وطبعا كلنا شايفين شكثرهم السينيريه حتى اكثر من (رجال الأمن) !!

    لا علم لي بهذا المطلب كوني سكيورتي

    مو واضحة هالنقطة

    لا علم لي بهذا المطلب كوني سكيورتي

    اوكي

    جميل جداً

    نفس الكلام اللي قلته على شرقية موجهين أمن ينطبق على هالنقطة

    لنسأل انفسنا .. لماذا اعداد المعتصمين قليل؟ :cool:

    انتهى

    أتمنى محد يقولي قبيض من الادارة بعد :p
     
  9. عقيق

    عقيق بـترولـي نشيط جدا

    305
    0
    0
    مراقب
    الكويت
    الاخ سالم شكرا على ردك واسلوبك الراقي
    لا تزعل من كلامي اذا قلت ان السالفه بس فلوس ودرجات.. في ناس قدامى تستحق الدرجه وفي ناس تشتغل وتكرف وهم تستحق الدرجه.
    لا يزعلون مني الشباب بس الموظفين الجدد مافيهم صبر يبي ابسرعة الدرجة وزياده المعاش ..
    الاخ احمد حط طلباتكم شوف 6 و8 و 11 و 12 كلة طلب درجات وقريدات وشغلات مادية في من يستحق واكيد في لا ، اصابعك مو سوا.. والله يوفق الجميع
     
  10. Salim

    Salim بـترولـي نشيط

    107
    0
    0
    كلام سليم

    ولكن اذا انت تستحق القريد او تستحق مبلغ مالي من الشركه

    هل راح تسكت عنه او راح اطالب فيه هذي نقطه

    وثاني شي اعيد وقول مو كل الطلبات المقصد منها الفلوس

    لاان على سبيل المثال التلاعب في تقييم السنوي للاشخاص

    في ناس تنظر للتقييم عباره عن ماده (دراهم)

    وفي ناس تنظر له مستقبلين عشان الترقيات ويوصل منصب

    فا ياعزيزي يامحترم الامور فيها ظلم وتخبطات اداريه

    بدال ماتصير ضدنا خلك معانا لاان مافي انسان يرضى في هالامور اللي قاعد تحصل

    واتمنى اني ماطولة عليك
     
  11. عقيق

    عقيق بـترولـي نشيط جدا

    305
    0
    0
    مراقب
    الكويت
    والله يا اخوي تظل وجهة نظر تحترم ...
    بس انا ضد الاب قريد لانه فيه ظلم كبير والناس فيه تتساوى اللي يشتغل واللي نايم..
    اما اللي يستحق والله نقوله تستاهل ومنها الاعلى.
    شكرا
     
  12. عقيق

    عقيق بـترولـي نشيط جدا

    305
    0
    0
    مراقب
    الكويت
    بعدين لا اخوي لالالالالا تقول انا ضدكم ترى هالكلام مو صحيح.... انا واحد منكم بس الشغلة لازم تكون بناءا على مفاضلة ... وبعدين اللعب بالتقيييم محد يرضى فية لانها حقوق وتعب ناس.
    الله المستعان
     
  13. Salim

    Salim بـترولـي نشيط

    107
    0
    0
    على العموم امتعني الحديث معاك

    وانا اريد وانت تريد والله يفعل مايريد

    والله يكتب اللي فيه الخير
     
  14. عقيق

    عقيق بـترولـي نشيط جدا

    305
    0
    0
    مراقب
    الكويت
    بارك الله فيك ، اهية ارزاق بيد الرزاق.
     
  15. عقيق

    عقيق بـترولـي نشيط جدا

    305
    0
    0
    مراقب
    الكويت
    صار شي على اعتصامكم يا شباب.
    اشوف لا حس ولا خبر
     
  16. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    هههههه والله نقابتنا تضحك الصراحه اعتصام ومادري شنو على ولا شي ويكفي انه حضور مافي انا اول مره اشوف اعتصام كل اسبوع ياخي خلو عنكم المصالح الشخصيه ياخ خنين ومحمد الهاجري عارفين إحنا شنو اسباب الاضراب مو لصالح الموظف ولكن لصالحكم الله يهديكم
     
  17. عقيق

    عقيق بـترولـي نشيط جدا

    305
    0
    0
    مراقب
    الكويت
    يا شباب أما التكاتف وراء النقابة . وتحقيق الدعم للنقابة وللاعضاء النقابة
    او عدم تحقيق مطالبكم وشكلها الشركة راح اتييب المصريين اللي بالجمعيات التعاونية علشان يمسكون الحراسة ...
    الله يوفقكم..
     

مشاركة هذه الصفحة