نداء إلى النقابه: شكوى و ابي اعرف شلون اتصرف

الكاتب : Eng.M-Q | المشاهدات : 817 | الردود : 3 | ‏26 ابريل 2013
  1. Eng.M-Q

    Eng.M-Q بـترولـي نشيط

    72
    4
    8
    Applications Engineering Advisor
    Kuwait
    السلام عليكم و رحمة الله و بركاته

    ياجماعة الخير : صارلي موقف بالدوام .. و قدمت شكوى و كل اللي حصلته.. رد بالإيميل يقولون لي آسفين :

    مختصر السالفه : قبل يومين كنت مداوم بالصابريه ( رايح بسيارة الشركه ) عندي شغل تنسيق الsurface equipmen

    وانا باللوكيشن .. دقوا على واحد كان موجود وياي و قالوا له رد الشركه بسرعه عندنا شغل لك ضروري

    و ماكان عنده سياره .. ف المسؤل قاله ياخذ سيارتي .. كلمت المسؤل قلت له شلون اتم بالفيلد بدون سياره ؟

    جان يقول انطر لين احد ايلك من الشباب اللي بالصابريه :

    و تميت اشتغل ... بالشمس من 8 و نص الصبح لي 2 العصر

    لا ماي .. لا سياره ارتاح فيها .. ولا مكان اقعد فيه ارتاح ..قعدت بالبر اريح .. لين يوولي الجماعه

    رديت البيت على الساعه 5 العصر ... حسيت بصداع و حرقه بويهي .. و نزف خشمي دم شويه

    رحت المستشفى .. دخلوني الطوارئ ... حطولي درب ( محلول وريدي ) وو خذوا مني دم و سوا تحاليل ... الحمدلله تحاليل يت سليمه ... لكن حاشتني ضربة شمس بسبة اهمال الشركه و مخالفتها للقوانين

    طلعت تقرير طبي ... و دزيت ايميل لمدير السيفتي بالشركه وللمدير : الرد اللي حصلته ... آسفين و ان شاء الله مايتكرر

    و المسؤل اللي تسبب بالهشغله : كاتب همنا كان نوري الزبون انه احنا لنا سرعة استجابه عاليه

    و للعلم : العامل اللي اخذ السياره و رجع فيها ... آخر شي الجوب تكنسل اللي كان المفروض يسويه !!

    سيفتي و سيفتي ... وين السيفتي بالموضوع !!

    مهندس كويتي و حالتي حاله ... قطوني بالشمس من الصبح لي العصر .. و لمه اشتكيت آخر شي قالوا آسفين !!


    و انا صراحتا ماودي اسكت عن حقي ... شنو الحل ؟
     
  2. فهد العجمي

    فهد العجمي بترولي خاص أعضاء الشرف

    408
    0
    0
    وعليكم السلام ورحمة الله وبركاته

    اخوى اتمنى عدم السكوت لهذا الاهمال الكبير الذى تعرضت له من قبل الشركه لسببين كل منهم اعظم من الاخر

    الاول
    عدم تطبيق الامن والسلامه على الموظفين

    الثاني
    تعرضك للاهمال المتعمد وعدم توفير ابسط حقوقك وهو معيشه ومأوي للراحه

    اخوى اكتب تقريرك وارفق معاه التقرير الطبي

    واتمنى من كل العاملين عدم السكوت حتى لو اتفه الاسباب لانه بكل بساطه ارواح الموظفين اهم من الوظيفه

    وانا على ثقه من النقابه انهم سوف يستجيبون لك فى اقرب وقت واذا لم ينصفك احد يجب ان يصل الموضوع للزئيس التنفيذى وحتى الوزير

    كان الله فى عونكم

    لن نسمح بالاستهتار الذي يتم ممارسته من قبل بعض الشركات

    وحمدلله عالسلامه اخوى
     
  3. بترولي كونتراكت

    بترولي كونتراكت بـترولـي نشيط

    50
    0
    0
    اخوي موضوعك ماينسكت عنه بس انا اقترح عليك اخوي اذا الشباب يوافقوني الراي اخذ تقاريرك واراقك روح للنقابه قدم شكوى واهم بعد الله بياخذون حقكك انا شخصيا تقدم عندهم بشكوى وخذو حقي انا اقولك كلم النقابه او مرهم وانت بكيفك لازم تعطيهم خبر بالموضوع دق عليهم اومرهم النقابه واسف على الاطاله
     
  4. Bn_rdhan

    Bn_rdhan بـترولـي جـديـد

    35
    0
    0
    وعليكم السلام ورحمة الله وبركاته
    اولاً:- الحمدالله على سلامتك اخوي وهذا الأستهتار من الشركه لايمكن السكوت عنه..
    ثانياً اخي العزيز ارقم اخوانك بالنقابه موجود بالمنتدى اتصل علينا وتبشر بالي ياخذ حقك منهم..
    ثالثاً ياخوان نحن لسنا متواجدون بستمرار بالمنتدى اي شكوه او مشكله تحصل مع اي موظف ارقمنا موجوده اتصلو في اي وقت..
    اخوكم:-عبيد بن ردهان الدوسري​
     
جاري تحميل الصفحة...

مشاركة هذه الصفحة