يا النقابة وينكم عن أهل البحر !!!!

الكاتب : off shore | المشاهدات : 1,358 | الردود : 13 | ‏21 ابريل 2013
  1. off shore

    off shore بـترولـي جـديـد

    34
    0
    0
    بسم الله الرحمن الرحيم
    والصلاة والسلام على أشرف خلق الله سيدنا محمد وعلى اله وصحبه ..

    عندي موضوعين ودي اقولهم

    الاول:[/color] للموظفين الجدد .. اذا قالولك روح البحر ارفض ولا تروح
    بتقول ليش اصبر وراح تعرف ليش بالموضوع الثاني .


    الثاني :
    أبي اعرف وين النقابه عن موظفين البحر !!!؟

    ما أشوف احد من الاعضاء المحترمين سأل عن اهل البحر ولا شاف شنو يبون ولا شنو ناقصهم !!

    اخر مره شفت رقم واحد فيهم قبل لا أصوت :)

    يا جماعه انتو عارفين شنو الدوام في البحر ؟
    يعني متغرب عن اهلك وعيالك 6 ايام
    يعيني لا خدمات لا انترنت ((وايرلس))
    يعني 4 اشخاص في غرفه وحده
    يعني الأكل لا يصلح للأستخدام الأدمي
    يعني أذا صار وقت الاوف والرؤيه تعبانه تقعد زياده عن 6 ايام

    هذا اقل شي نبيه يتوفر لنا كونا قاعدين في نص البحر ..
    حتى الانترنت ((الوايرلس)) اقطعوه !!
    ويم سألنا قالو لنا الموضوع أمني !!!
    انقطعنا عن العالم الخارجي كان النت اهو الوحيد إلي كان مهون علينا كنا نكلم اهلنا وربعنا أما الحين انطر السيرفس
    اذا ياك كلم اهلك وتطمن عليهم وطمنهم عليك واذا ما كو سيرفس الله يعين .
    ردينا على ايام قبل نشتري كروت ونتصل دولي على الكويت .. وغير وغير وغير من المعاناة سواء في الخدمات او الشغل .

    اكيد بتقولون لي شلي حادك وقاعد بالبحر :)
    اقولكم البحر مثل القرقور اذا دشيت ما تطلع إلا بواسطه وها مو اي واسطه بعد :)

    والله يصبرنا ان شاءالله ويهون علينا وعليكم وعلى جميع المسلمين

    اسف على الاطاله بس اتمنى من النقابه تلتف للبحر ولأخوانهم إلي في البحر .
     
  2. desalter

    desalter بـترولـي نشيط

    135
    0
    0
    خفجاوي
    الكويت
    الله يكون بعونكم ويصبركم
    فعلا الذين يدامون بالبحر لازم يكتبون وصيتهم ويجهزونها
    ولا أنصح أي موظف يروح للبحر خاصة اذا كان متزوج

    مهما كانت العلاوات جاذبة ومشجعة!!!

    نرجع لطلباتك أخي الكريم ومتطلباتكم أرجو أن تكتبها على شكل نقاط وأنا مستعد أوصلها لمن يهمه الأمر
    ولكن حط في بالك أن يكون الطلب قابل للتنفيذ
    مثلا حالة عدم استقرار البحر وانعدام الرؤية صعب نجد لها حل (الا اذا كان لديك حل تفضل به )
    مثلا ان كل موظف يكون في غرفة واحدة تحتاج لبناء وتوسعة الليفينق كوارتر وهو يكلف ملايين

    لكن هناك طلبات قابلة للتنفيذ مثلا:
    1- جودة الأكل وتنوعه
    2- وجود انترنت
    3- تقوية تغطية الاتصالات

    وأبشرك سوف تعود خدمة الوايرلس بالقريب العاجل لتدخل الادارة العليا واقرار ميزانية عاجلة لمعالجة الثغرات الأمنية
     
  3. off shore

    off shore بـترولـي جـديـد

    34
    0
    0
    والله يا اخوي desalter العيشه في البحر صارت صعبه والحال من اردى واردى

    تخيل انه انتاج الشركه بالكامل 4 اوبريتر اهم إلي ماسكينه !!! هل يعقل ؟

    ومن ناحيه السكن توهم ركبو لنا سكن جديد بس ما اعتقعد راح يتغير علينا شي من ناحيه التوسع في الغرف ...

    ومن ناحيه نكتب كتب ونطالب في الاشياء إلي نبيها .. كتبنا لبن جفت الاقلام وتكلمنا ولين راح الصوت وعمك اصمخ مثل ما يقولون

    بس ما نقول إلا
    حسبنا الله ونعم الوكيل
     
  4. azizan222

    azizan222 بـترولـي جـديـد

    46
    2
    0
    [align=center]الصراح الموضوع جاء عالجرح
    يا اخي اهم شي الانترنت او سيرفس التلفون
    لان التلفون مشترك و يجونك هالهنود صافين بالدور و يقرقون تحتاج عالاقل ساعه الاربع على ما يخلصون
    و تعال شم ريحه السماعه ((( يا إلهي )))
    ثانيا يليت يتم توفير اجهزه رياضه للتسليه
    غرفه صغيره فيها جهاز مشي و دنابل و تلفزيون .... صعبه؟؟؟
    رحت مرة على سفينه اصغر من الرج فيها مو بس صاله رياضه حتى غرفه بلاي ستيشن و ديفيدي[/align]
     
  5. REFUELING_INGNEER

    REFUELING_INGNEER بـترولـي جـديـد

    8
    0
    0
    مطلوب بديل لمشغل مستودع العمليات

    بسم الله الرحمن الرحيم

    السلام عليكم ورحمة الله وبركاته

    شباب انه مشغل مستودع في شركة كافكو قسم العمليات ابي بديل في البحر اذا امكن ضروري شباب وابي اعرف جم راتب قريد 10 عزوبي علما ان لي خدمة 10 سنوات للامانه انه ابي احول من زمان بحر ابي اعرف طبيعة الشغل مو مشكلة عندي 5 ب5 ايام لو تكرمتوا شباب بالرد السريع والوافي بالاجابه علي اسئلتي ومشكورين...;)
     
  6. العوضي

    العوضي بـترولـي خـاص

    1,054
    3
    0
    الله يعيندكم يا اهل البحر بالسابق كان الدوام 7 ايام وتطلع راحة 5 ايام كنت موظف سابق بالبحر اكثر من 18 سنة
     
  7. off shore

    off shore بـترولـي جـديـد

    34
    0
    0
    هلا ومرحبا فيك اخوي

    أنا ماني فاهمك ...

    أنت في شركة كافكو تبي تنقل عندنا في الشركة وتبي البحر ؟

    أذا انت موظف عندنا في الشركة وتبي البحر ما يحتاج بديل لانهم يبون موظفين .

    وبخصوص الراتب وجم ,, على حسب راتبك ألاساسي .

    وكل التوفيق لك
     
  8. REFUELING_INGNEER

    REFUELING_INGNEER بـترولـي جـديـد

    8
    0
    0
    اهل البحر فيدوني

    بسم الله الرحمن الرحيم

    اول شي حبيت اشكرك اخوي off shore علي الرد ثاني شي انه موظف بشركة كافكو اللي ف المطار مو عندكم انه ابي انتقل مشغل بحري وابي اعرف طبيعة الشغل جم ساعه ف اليوم وفي اوقات للراحه والصلاة وبالنسبه حق الاساسي مال الراتب 550 دينار ابي اعرف كل العلاوات اللي راح استحقها ان شاء الله لمن انتقل عندكم وحسبة الاجازات شكثر تطلع بالسنه بالتفصيل ماعليك امر

    1-بدل شفت

    2-بدل خطر

    3-بدل طريق

    4-غلاء المعيشة

    5-بدل سكن

    6-العلاوة الاجتماعيه ------- أعزب

    7-العلاوة التشجيعية 550 علي قريد 10 نفسها ماتغير

    وناطر الاجابه علي كل اسئلتي بارك الله فيك وبالشباب ومشكورين...:rolleyes:
     
  9. off shore

    off shore بـترولـي جـديـد

    34
    0
    0


    هلا فيك أخوي

    اول شي آسف على التأخير

    كل إلي ذكرته يعتمد على الأساسي وبعض الأشياء على القريد ،، مثل بدل السكن وما يفرق وايد

    أما بدل الطريق (( إنا لله وإنا إليه لراجعون )) يعني (( مالنا بدل طريق ))

    وآسف مرة ثانية لأني تأخرت في الرد
     
  10. العازمي

    العازمي بـترولـي نشيط

    115
    0
    0
    سنوات وهم مهملين عمال البحر من قبل النقابه السابقه مع ان الرئيس كان قريب دوامه عنهم ولا وقف معاهم ابد


    لكن تحرك النقابه الحاليه يبرد الجبد وياهم واجتمعو وياهم وشافو مشاكلهم وقدمو مطالبات لهم اول مره تقدم وهذا كله من مصدر ثقه جدا وقريب عندهم

    وكان اجتماع الدكتور وياهم اجتماع رسمي وموثق وحضره من كبار موظفين البحر

    وهذا ما شفناه في السابق
     
  11. off shore

    off shore بـترولـي جـديـد

    34
    0
    0

    هلا فيك أخوي العازمي

    بس حبيت أوضح لك أول اعدل معلومة

    أنا صار لي عشر سنوات بالبحر ما شفت أو سمعت احد من النقابة سواء الحالية أو السابقة انه يا البحر أو أجتمع مع احد في البحر

    ولا في احد سأل عنا أو ألتفت علينا ..

    ما شفنا إلا الچيرمن وأذا يا البحر قاله كلمتين (( يعطيكم العافية يا شباب)) وعطانا ظهره ومشى

    بس للتوضيح
     
  12. مراقب نفطي

    مراقب نفطي بـترولـي نشيط

    136
    0
    0
    السلام عليكم ورحمة الله وبركاته
    يعطيك العافيه اخوي ترى اعضاء النقابه ممنوع يروحون البحر للعلم
    وبعدين اذا عندك مشكله روح لنقابة موجودين صبح وعصر وعندهم سكرتير بعد
    او دق عليهم ما يقصرون وهذا واجبهم واذا تبي تلفوناتهم حاضر
    واذا تبيهم يجونك الخفجي عادي عندهم يومين في الاسبوع يتواجدون في الخفجي من بداية الدوام حتى نهايته
    كلمهم ونسق معاهم
    شكرا يالحبيب
    اتمنى ريحتك شوي
     
  13. Q8_KJO

    Q8_KJO بـترولـي نشيط جدا

    410
    0
    0
    الله يعينكم اهل البحر :)

    انا اذكر أول ما داومت كان معاي واحد اعرفه و وقعنا عقودنا بنفس اليوم..... اهوه قبل انه يروح البحر و انا ما رضيت

    البحر متعب و ممل و يخرب الحياة الاجتماعيه... بس بالمقابل تاخذ معاشك دبل.... و اغلب اللي بالبحر راحوا باختيارهم و اعرف ناااس اهمه يبون البحر عشان الفلوس

    اخوي اكيد كل اللي قلته صح بس هذا المتوقع و لا في احد يقدر يسوي لك شي لانه الجو ما راح يتغير و نظام الشيفت ما راح يتغير و عدد الموظفين في كل غرفه هم ما راح يتغير :)..... ما لك الا حل واحد انك تطالب انك تنزل للبر و تضحي بالفلوس و ترا مو حيل صعبه نفس ما انته متصور

    على فكره انا اكثر من مره انزل البحر و اقعد اقل شي اسبوع و نص متواصل.... فعلا تعب نفسي

    الله يعينكم
     
  14. off shore

    off shore بـترولـي جـديـد

    34
    0
    0

    هلا فيك أخوي
    السالفة موسالفة فلوس ،، اللهم لك الحمد أحنا بخير ونعمة وخاصة الموظف الكويتي الله يديمها علينا ..

    أنا مستعد أضحي بالمعاش مقابل أني أشوف أهلي وعيالي ،،

    والموضوع انه محد مهتم أو ملتفت للبحر ولا للموظفين ابسط شي نبي خدمات لا أكثر ولا اقل ..

    وأشكرك على مرورك
    تحياتي لك
     
جاري تحميل الصفحة...

مشاركة هذه الصفحة