الى الان لم نطّلع على اي مستند رسمي

الكاتب : kolo987 | المشاهدات : 2,415 | الردود : 20 | ‏18 ابريل 2013
  1. kolo987

    kolo987 بـترولـي جـديـد

    8
    0
    0
    السلام عليكم ورحمة الله وبركاته

    اخواني اعضاء النقابه لم ارى منكم اي مستند رسمي او قرارات بعد التوقيع على
    اللائحه الجديده اتمنى منكم الايضاح الامور مبهمه
    وشكراً
     
  2. freekuwait

    freekuwait بـترولـي نشيط

    95
    3
    8
    اي والله يريت الأخوان يحطونه بالصورة

    الله يعطيهم العافيه
     
  3. فهد العجمي

    فهد العجمي بترولي خاص أعضاء الشرف

    408
    0
    0
    نتمنى من النقابه وضع الاعتماد النهائي للجدول او وضع مده زمنيه لنشر اللائحه معتمده بعد التعديل
     
  4. Torres9elnino

    Torres9elnino بـترولـي نشيط

    121
    0
    0
    النقابه اليديده ليل حين ماشيه صح

    بس نبي منهم دليل واضح حتن لو صوره
     
  5. بترولي كونتراكت

    بترولي كونتراكت بـترولـي نشيط

    50
    0
    0
    يعطيكم العافيه على الموضوع بصراحه انا شخصيا رحت النقابه ومريت على الشباب وكانو واضحين معاي بكل شي ياشباب نصيحه اللي وده يعرف اي شي ينر الشباب الله يعطيهم العافيه بصراحه جهودهم واضحه والله مااعرف اي واحد فيهم بس تشرفت بمعرفتهم وقعد معاهم وكل شي استفسرت عنه لقيت جواب منهم ياليت تمرون الشباب وتعرفون منهم كل شي
    وتقبلو مروري
     
  6. لبا قلبك

    لبا قلبك بـترولـي نشيط

    125
    0
    0
    لو في شي جديد جان قالته النقابه بس الى الان لايوجد شي جديد
     
  7. santafe

    santafe بـترولـي مميز

    717
    3
    18
    حسب ما سمعت ان المؤسسة البترول قدمت خطة للحكومة بسبب هبوط الاسعار النفط العالمية واعتقد مشغولة في هذا الموضوع حاليا وممكن تتأخر على تعديل الجدول او اي شي يتعلق بالقانون هذا احتمال وارد ممكن
     
  8. freekuwait

    freekuwait بـترولـي نشيط

    95
    3
    8
    السلام عليكم من 1-3 لغاية اليوم شهرين ماكو اي خبر

    السلام عليكم

    يعطيكم العافية

    اليوم اتوقع نكمل شهرين من خبر توقيع اللائحة ومافي أي مستند رسمي وله قرار وله تصريح

    كل الي صار أنه الناس قامت تبارك حق بعض والحمدلله على كل حال لكن نبارك على شنو ماندري

    الله يعلم ليش هذا التكتيم والمفروض أنه اللائحة موجودة وفقط تتوقع وتتنفذ


    يريت أحد يسمعنا أي خبر اذا عنده خبر




    ملاحظة:


    انا ملاحظ عسى ماواحد تكلم وله سأل وله أنتقد وله اشتكى وله استفسر نطو عليه ناس يردون عليه بطريقة مو لايق الصراحه

    الي يقوله مافيك صبر

    ولي يقوله أحمد ربك

    ولي يقوله روح النقابة روح استفسر اهناك .... يعني الإجابة موجودة بالنقابة بس مو موجودة أهني وكأنه لازم تروح النقابة

    الي عنده اجابة راح يقولها سواء اهني و هناك

    الى آخرة


    نتمنى من الجميع سعة الصدر وتعطون الاخرين الحرية بالاستفسار بالنقد بالشكوى مو معقولة عسى ماواحد من الناس تكلم فهمتوها انه الاخ ضدكم وله مافيه صبر وله شي ثاني أعتقد هذا الشي من حقة ومن حق الجميع

    للعلم أنا مو ضد أحد ولا مع أحد عشان لحد يفسر على كيفة

    بالنهاية أشكر الجميع على تعاونهم بالتوفيق للجميع
     
  9. لبا قلبك

    لبا قلبك بـترولـي نشيط

    125
    0
    0


    اخي العزيز النقابه عندها اشغال كثيره مو فاضيه للمنتدى

    انت قاعد تحت المكيف وقاعد تكتب

    اذا لي هالدرجه هامك الموضوع روح للنقابه في مقرهم واسألهم اللي تبي

    واذا ماردو عليك لك حق تنتقد النقابه
     
  10. بترولي كونتراكت

    بترولي كونتراكت بـترولـي نشيط

    50
    0
    0
    اخوي انت تقول مافيه مستند رسمي اعتقد النقابه حاطه كتاب السيد فاروق الزنكي واضح بس اذا تبي تسال روح للنقابه اسالهم
     
  11. freekuwait

    freekuwait بـترولـي نشيط

    95
    3
    8
    مشكور اخوي لبا قلبك
    ومشكور أيضا أخوي بترولي كنتراكت

    على الرد السريع بيض الله وجوهكم

    أنا أعتقد أنه مافي أي اجابة لهذا السؤال عشان جذي شحقه اروح اطق طريج على الفاضي


    وأخ لبا قلبك وسع صدرك شوي علينا وإذا مضايقك التكييف أسكره وهم إذا مضايقك إني مرتاح حاضر أتعب نفسي ولا يهمك :)

    موفقين يا شباب وبإنتظار الرد إن شاء الله
     
  12. Bn_rdhan

    Bn_rdhan بـترولـي جـديـد

    35
    0
    0
    السلام عليكم ورحمة الله وبركاته
    اولاً بعرفكم على نفسي لأن البعض منكم لايعرفني معاكم اخوكم عبيد بن ردهان الدوسري نائب امين السر..
    ثانياً اخوي فري كويت شنو المشكله لم تجي للنقابه وتقعد بين اخوانك وتستفسر وتنتسب اذا على قولتك طريق مو اخوانك في النقابه يومين يمشون بهطريق الطويل من اجلك واجل الموظفين ، واغلب الموظفين يتعنون للأستفسار والأنتساب..
    ثالثاً النقابه عملة 11 شهر وتم توقيع اللئحه والعقود الموحده.. اقسم بالله ان نعمل للأفضل لكم بس صبركم علينا ومافي شيء يجي بيوم وليله..
    رابعاً قلتها قبل واقولها الحين يأخوان نحن لسنا متواجدون بستمرار بالمنتدى..
    اسمحولي على الأطاله وانا عاذر كل من سأل وماتنلامون وانتمنا ان نكون عند حسن ظنكم..​
     
  13. freekuwait

    freekuwait بـترولـي نشيط

    95
    3
    8


    ونعم فيكم كلكم مجهودكم واضح وغني عن التعريف ونتشرف بمعرفتكم ومحد يقدر يشكك بمجهودكم الواضح

    وكل الموضوع استفسار واذا كان في انتقاد ماهو الا من أخ يتمنى التوفيق لأخوانه الله يسدد خطاكم ويرزقكم من حيث لا تحتسبون


    والله يرزقكم على قد نواياكم

    وبالنسبة للانتساب والحضور للنقابة نتشرف فيه ونتشرف بالإلتقاء معاكم وشكرا

    أسمحولنا على الاطاله
     
  14. فهد العجمي

    فهد العجمي بترولي خاص أعضاء الشرف

    408
    0
    0
    السلام عليكم ورحمة الله وبركاته
    يرجى من بعض الاعضاء الرفق بالرد وهذا المنتدى للجميع ومن حق الجميع الاستفسار وتوجيه الاسئله سواء للنقابه او لأي عضو من الاعضاء
    وانا ملاحظ بعض الاخوه يتكلم بصفته نقابه او ناطق رسمي وهذا الشي مرفوض
    وشكراً للجميع
    والرجاء الالتزام بقوانين المنتدى
    والمنتدى للجميع دون استثناء
     
  15. بترولي كونتراكت

    بترولي كونتراكت بـترولـي نشيط

    50
    0
    0


    اخوي مشكور على الرد مادام جوابك تقول مافي رد انت غلطان اعتقد جواب النقابه صحيح محتاج شوي وقت واقالولي يبيله شوي وقت عشان يتم التطبيق لان في اوامر تغييريه على العقود فلازم نكون واقفين معاهم وايدنا بايدهم واذا عندك انتقاد مااعتقد ان هذا وقته لان لاتنسى جم موظف بالقطاع النفطي الخاص وجم عقد ومساله الاوامر التغييريه محتاجه وقت وانا والله سالت التكويت في شركه النفط وقالولي مساله وقت لان اوامر تغييريه تنزل على العقود
    واسف على الاطاله
     
  16. فهد العجمي

    فهد العجمي بترولي خاص أعضاء الشرف

    408
    0
    0
    مثل ماتفضل اخوى بترولي
    للامانه الموضوع يحتاج وقت وجهد
    ولكن احب اطمنكم ان الكتاب توقع من الوزير والرئيس التنفيذي وانا كاتب موضوع ومنزل نسخه من الكتاب الذى وقع عليه معالي الوزير
    والتاخير من صالحنا لانه سيكون هناك اثر رجعي من تاريخ توقيع اللائحه وهذا شيء قانوني تماماً
    وكل الشكر لجميع الاخوه من النقابه والاخوه الموظفين
     
  17. لبا قلبك

    لبا قلبك بـترولـي نشيط

    125
    0
    0


    اخوي العزيز فهد العجمي انا سمعت من النقابه انه لايوجد اثر رجعي

    ف ياليت تأكد لنا منين هالمعلومه

    وشكراً
     
  18. hab

    hab بـترولـي جـديـد

    27
    2
    3
    مانبي اثر رجعي

    بس خلصونا تكفوووون
     
  19. فهد العجمي

    فهد العجمي بترولي خاص أعضاء الشرف

    408
    0
    0
    حياك الله اخوى لبا قلبك
    بخصوص الاثر الرجعي انا اتكلم من الجانب القانوني واعتقد ومتاكد ان النقابه لديهم علم بهذا الشي
     
  20. إبراهيم الرشيدي

    إبراهيم الرشيدي بـترولـي جـديـد

    31
    0
    0
    تعليق ::

    ستطبق اللائحة علي العقود الجديدة فقط ومن كان عقدة ساري المفعول فلن تطبق علية اللائحة حتي انتهاء عقدة وإدخاله في عقد جديدة


    لان تطبيق اللائحة علي العقود سارية المفعول سيربك آلية العمل وسيكلف الشركة مبالغ إضافية لم تكن قد رصدت لها ميزانيات مستقلة ..


    وجهة نظر . فإن أخطأت فمن نفسي ومن الشيطان وإن أصبت فمن الله وحدة

    وشكرا
     
جاري تحميل الصفحة...

مشاركة هذه الصفحة