أسإله و ممكن تفيدونا فيها يا اخوانا اللي تداومون بالخفجي ؟

الكاتب : Eng.M-Q | المشاهدات : 906 | الردود : 5 | ‏16 ابريل 2013
  1. Eng.M-Q

    Eng.M-Q بـترولـي نشيط

    72
    4
    8
    Applications Engineering Advisor
    Kuwait
    السلام عليكم و رحمة الله و بركاته

    لكثرة الأسإله وو التشويش حبيت اطرح جم سؤال موجه لإخوانا الكويتيين اللي يداومون في شركة نفط الخليج - بالخفجي


    الدرب عادتا شكثر ياخذ ؟

    ساعات العمل من جم لي جم ؟ وبشكل يومي الساعه جم تردون البيت ؟


    المهندس : شلون طبيعة عمله ؟

    و الدوام .. يومي .. ولا شفتات ... و سمعت ناس تقول حظك انت و الدائره اللي تنحط فيها ... و تنسق الشغل بينك و بين الشباب ... يا انك تروح كل يوم ... او كل يومين او يوم و ترك ؟


    الرواتب شلون ؟


    المنافذ الحدوديه : فيها تعطيل ولا بسرعه نمر ؟

    الترقيات كل جم سنه ؟


    و اذا نسيت شي ... ياريت تفيدونا لان كميه كبيره مقدمه و ووايد مايدرون شنو طبيعة الدوام
     
  2. koq

    koq بـترولـي جـديـد

    5
    0
    0
    يفضل انك تكتب نوع شهادتك بمعنى شنو تخصصك الهندسي . في تخصصات تنقبل ف اماكن كثيرة و في تخصصات لها ادارات قليلة تطلبها . لو ذكرت نوع تخصصك يمكن افدناك اكثر

    طبعا نقطة توفير السيارة للموظفين اسوة بالكويت هذي للحين .
    في باص ينقل الموظفين للدوام و يردهم يوميا ومكانه في جنوب السرة والثاني اعتقد بالصباحية او عند مستشفى العدان

    بالتوفيق اخوي اتمنى افدتك
     
  3. Eng.M-Q

    Eng.M-Q بـترولـي نشيط

    72
    4
    8
    Applications Engineering Advisor
    Kuwait
    الله يعطيك العافيه ماقصرت .... انا تخصصي : هندسه كهربائيه و الكترونيات .. و مقدم على هندسة الكترونيه

    وبالمنافذ يقولون ما اطول كلش ... يعطونك بطاقه ( تصريح ) يخلونك تمر بسرعه
     
  4. EngJarrah

    EngJarrah بـترولـي جـديـد

    19
    0
    0
    المنفذ غالبا 10 دقايق كله
    بس مرات تصير زحمه او ظرف معين فتنزل عادي للكبينه بعضهم ما يقصرون يطوفونك
     
  5. عقيق

    عقيق بـترولـي نشيط جدا

    305
    0
    0
    مراقب
    الكويت
    الله يعينكم يا شباب ، والله الدرب طويل ليش ما احط خيمة يم دوامك وبالمرة جم راس غنم .
    الله يعطيكم العافية ويقولك اشحادك على المر قال اللي امر منه.
     
  6. desalter

    desalter بـترولـي نشيط

    135
    0
    0
    خفجاوي
    الكويت
    عليكم السلام ورحمة الله وبركاته
    نبارك لك مقدما اذا كنت مقبولا
    وأسأل الله أن يكتب لك التوفيق والسداد
    أسئلتك.. للاجابة عليها تحتاج وقت أكثر ولكن الاخوة ان شاء الله ما يقصرون بالايضاح
    سوف اجاوب على اللي اقدر عليه باختصار
    1-الدرب ياخذ من ساعة الى ساعة ونصف حسب بعد منطقة عن الحدود اذا كانت الظروف الطبيعية
    والردة تأخذ نفس الوقت تقريبا
    2- اوقات العمل موحدة تقريبا بالقطاع النفطي كله من 7 الى 3
    3- ترد البيت عادة من الساعة 4 الى 4 ونص
    4- طبيعة عمل المهندس بين المكتب والموقع حسب الادارة او القسم الذي تعمل فيه وبشكل عام تعتبر أفضل طبيعة عمل بالقطاع النفطي
    5-الدوام يومي من السبت الى يوم الاربعاء وصباحي ولايفضل أنك تتغيب عن العمل لأن المهندس مسؤول ولا ينبغي عليه التمرد فالواجب أن تحضر كل يوم حتى لو لم يكن لديك عمل، وأي مسؤول يتحمل مسؤولية انظباط موظفينه وأداؤهم مع انتياجية العمل.
    6- الرواتب بشكل عام تعتبر متقاربة مع القطاع النفطي اللهم فراقات بسيطة
    7- المنافذ عادة 10 دقائق وفي مواسم اكثر من ساعة
    8- الترقيات من 3 سنوات الى 4 سنوات حسب أداؤك

    بشكل عام تعتبر الوظيفة بالخفجي متعبة وتحتاج الى موظفين لديهم سعة صدر وصبر وبالمقابل تعتبر بيئة العمل فيها للمهندسين مثالية أفضل من مثيلاتها
    بالتوفيق وعسى الله يكتب لك اللي فيه خير
     
جاري تحميل الصفحة...

مشاركة هذه الصفحة