بيان توضيحي من نائب رئيس مجلس إدارة النقابة

الكاتب : خالد العويصي | المشاهدات : 1,410 | الردود : 14 | ‏14 ابريل 2013
  1. خالد العويصي

    خالد العويصي بترولي خاص أعضاء الشرف

    51
    0
    0
  2. جابر

    جابر قــلــم بــتــرولــي أعضاء الشرف

    يعطيك العافيه ياخالد ... ومشكورين على التوضيح ..
    ونتمنى أن تكون ويانا بالمنتدى ..ومتابع
    مثل ماكنت في الدوره السابقه ..
     
  3. جابر

    جابر قــلــم بــتــرولــي أعضاء الشرف

    إضافه للرد السابق بسبب خلل :eek:

    أما بالنسبه للإعتذار عن متابعة المنتدى ...فهذا مردود عليه يابووليد ..
    وحجه على النقابه ...مو لها ..
    اللى يهمه الموظفين يفتح قنوات الإتصال ...
    واللى عنده حساب على تويتر ..
    مهو عجزان يشوف المنتدى ...
    إن كان مهتم فعلا ...
    لاتنسى الدكتور عنده تفرغ

    على كل حال على الأقل إنت نفيت الإشاعه رسميا ...وهذا المطلوب هالحين .....
    ونتمنى إنك تتواصل مع إخوانك في المنتدى ..وهذا أبسط الحقوق على النقابه
     
  4. محمد المحفوظي

    محمد المحفوظي بـترولـي نشيط

    116
    0
    0
    الاخ خالد العويصي كلامك برد على القلب

    واقعي ورديت فيه على كل مدلس على الموظفين

    واعجبتني كلمتك لما قلت الشرثان حي يرزق وانتو دعمتوه وهو يدري
     
  5. kgoc2008

    kgoc2008 بـترولـي جـديـد

    الله يوقفكم ويسدد خطاكم
     
  6. محمد المحفوظي

    محمد المحفوظي بـترولـي نشيط

    116
    0
    0
    يتكلم كلام طويل وبعدين يقول نتمنى انك تتواصل
    وانت يالحبيب ليه ماتتواصل مع الرجاجيل
    اتمنى انك ما تطبق علي حظر بعد وتتحجج اني سبيتك:d
     
  7. جابر

    جابر قــلــم بــتــرولــي أعضاء الشرف

    اللى مايسب الناس ..لايخاف من الحظر ...ومعظم الكلام لازال موجود ..
    والنقد مباح للجميع ...مادام بأدب

    أما التواصل ..حنا نعرف نتواصل مع الرجاجيل على قولتك ..

    وخالد العويصي كان من الناس اللى يتواصلون أكثر من غيره من أيام الإنتخابات اللى طافت ..
    وعلى الرغم من قوة الشائعات وتزامنها مع مواضيع فتحها ناس محسوبين على الدكتور وقائمته ضد الشرثان .. ..لكن ..نصدق أبو وليد ..لأن الأصل بالمسلم إحسان الظن ..وأبو وليد ماشفنا عليه شي يخلينا نشك في كلامه ..


    أما صاحبك اللى يسب الناس ويقول عن اللى ينتقدونه (كلاب) ..ويرسل من يقول (أقدا فيكم الدكتور) ..أنا شخصيا ..ماني ناطر من وراه فود ...وأتمنى إني أكون غلطان ......

    يامحمد إنت فهمان العمل النقابي غلط ..النقابه مفروض هى اللى تخدمنا ...مو حنا نخدمها ...ومفروض يكونون عند حسن ظن الجميع ..وييبعدون عن أنفسهم أى إشاعه تضرهم ..ويحاولون يثبتون إنهم على قد الثقه .....والا هى كرسي وعنطزه على الفاضى يامحمد..

    النقابه هى المفروض توفر كافة المعلومات المهمه لأعضائها ..وتحاول توصلها للجميع ..
    حنا فى عصر منتديات و إيميلات وحتى sms ...وأعتقد النقابه (المتحدثين الرسميين على الأقل) مافيهم أحد إلا ماعنده حساب وتلفون ..والخمس دقايق على المنتدى يوميا ...ماراح تضر ...إن كان مخلص النيه


    مهو نروح ندور ..وندقدق تلفونات عليهم ...كأننا نشحذهم ...ويمنون عليك المعلومه ..هذا إذا حصلتهم...لا ويمكن يطلع لك سفيه ..ويقول لك هااااااااااه ..أنت تنتقدنا بالمنتدى ..وتشبك وياه

    العذر الوحيد للنقابه فى المحافظه على سرية معلومات معينه ...عندما تكون مفاوضات جاريه ...والمعلومات حساسه ..غيرها مافيه ...مو ..ما أقول إلا تروحون لى ...مهى مشيخه يامحمد ..هذى حقوق موظفين ..والشخص المؤتمن ..مايدس راسه ..ويقول ما أعلّم ..ولا أقول ألا بالغرف المغلقه ..

    ها ...كلامى طوييييييييييييييل عليك ..والا فهمته يامحمد ...
     
  8. ميموني وربي الله

    ميموني وربي الله بـترولـي جـديـد

    9
    0
    0
  9. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    اوباما بكبره يرد على التويتر
    وماعمري سمعت انه يقط كلام على الناس او انه يعتذر بشىء ويقول تعالوا البيت الابيض ونتحاور
    دائم الانسان اللي شغله مضبوط يكون واضح وشفاف لابعد الحدود
    واعتقد انه ننتقد اذا الشخص اخطا وهذا ما يعيب الشىء ودائم الانسان المجتهد يخطىء ويصيب
    واعتقد بيان النقابه هزيل لعده اسباب
    اولا وجود اشخاص من اعضاء النقابه لديهم حسابات ف ما يمنع التواصل او ومل يعيب الشخص الاجابه عن معلومه او تفنيد الاخبار
    للعلم المنتدى المعلومه سهله وتكون ثابته وحجه على كل شخص
    علشان لما نحاسب احد في ( مرجع ) نستند عليه مو كلام بالهواء
     
  10. ميموني وربي الله

    ميموني وربي الله بـترولـي جـديـد

    9
    0
    0
    ما اشوف صوتكم طلع عند فالح العسكر مع انه عنده تويتر

    لكن اخذتكم العزه في الاثم

    النقابه نبي منها حقوق
    مانبي سوالف في المنتدي
    اشغلتوها واشغلتونا

    واللي يبي شي يروح النقابه
     
  11. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    اللهم انصر الجيش الحر من شبيحه الاسد اللي كثروا
    اللهم انصر المسلمين :)
     
  12. ميموني وربي الله

    ميموني وربي الله بـترولـي جـديـد

    9
    0
    0
    امين النصر للجيش الحر
    ولا عزاء للشبيحه

    زمن الشبيحه ولا
     
  13. خالد العويصي

    خالد العويصي بترولي خاص أعضاء الشرف

    51
    0
    0
    السلام عليكم

    وتحية طيبة لجميع زملائي بالمنتدى

    يرجى العلم باننا في النقابة على اتم الاستعداد للرد على اي استفسار هام يتعلق بالعمل و العمال .
    ونظرا لضيق وقتنا لوجود الكثير من الامور التي تحتاج الى متابعة مما هو ليس بخاف عليكم
    ولكننا في العمل النقابي نجتهد من أجلكم .

    وانا شخصيا على اتم الاستعداد للرد على اي اسفسار وفي اي وقت .. حياكم الله
    وهذا رقمي 97777611

    ويسرنا كثيرا زيارتكم لنا في النقابة وتبادل الاراء ومقترحاتكم البناءة في اثراء العمل النقابي فليس هناك فرق بين نقابي وعامل فكلنا نعمل في ميدان واحد وهدفنا واحد
    فنحن اخوانكم ومنكم وإليكم

    اخوكم خالد صالح العويصي
     
  14. جابر

    جابر قــلــم بــتــرولــي أعضاء الشرف

    وعليكم السلام ورحمة الله ..ومشكورين على التواصل ..ونتمنى إنك ماتعتبر الردود لشخصك لكنها لأسلوب عمل النقابه

    ياخالد ..الله يرضى عليك ...شنو هالوقت اللى يمنع خمس أو عشر دقايق على المنتدى ...

    النقابات قبلكم كانت تؤدى شغلها ..والمدراء يدورون على غالبيتهم الدقيقه والثنتين حتى يسجلونها عليهم غياب..أو حتى يسمعونهم كلمة أو ثنتين (تغث) ..

    أنتم هالحين عندكم رئيس ...متفرغ ...يعنى ...الثمان ساعات عمل ...أصبح رسميا فيها فاضى ..الا من شغل النقابه ..

    تقول لى مو فاضى ...يامعود ...وغير هالكلام ..

    والأسئله اللى يبونها الموظفين موجوده بالمنتدى ..واللى يبى يخدم الناس ماعنده عذر ..واللى يبي يسوى السالفه (جاهيه) ..ومنّه ..وخدمات شخصيه ..وديوانيه وتربيط علاقات مشروطه ...معروف ..

    الخبر حتى لو وصل للموظفين ...بشكل شخصى ..فهو يتعرض أحيانا للنقد والتكذيب ...
    لكن عندما ينشر هنا في المنتدى ...ومن عضو نقابي ..فالخبر يكسب مصداقيه ...

    ما كو أعذار (زينه أو فيها خير)لتجاهل الموظفين ..ومحاولة إعطاء المعلومات للأشخاص فرادى وبصوره غير رسميه وبإمكان النقابه بأى وقت تنكرها ...
    عندها من سيصدق الموظفين ...المسكين اللى تعب حاله وراح للنقابه ..أو دكتور (متفرغ) ..أو نائب رئيس ..

    شى طبيعى لما الناس تصدق العضو الرسمي ...و(حصيلته) الموظف إنه إجتهد ..وظهر بمظهر الكذاب أمام الموظفين ..


    خلوها رسميه ..وبلغوا بالمنتدى ...فكونا من سالفة تعال وتقهوى ونقول لك ..واللى (مايجى) عندنا ويطلبنا ..ماله شى (عندنا)

    ونتمنى إنك ماتزعل ...ونتمنى إن هالكلام يغير شي
     
  15. ViP

    ViP بـترولـي نشيط جدا

    242
    0
    0
    شكرا للأخ خالد العويصي وهذا العشم فيك ومشاركتك محل تقدير واحترام ومن لايشكر الناس لايشكر الله
     
جاري تحميل الصفحة...

مشاركة هذه الصفحة