إلى النقابه مع التحيه .. دفع البدلات

الكاتب : Torres9elnino | المشاهدات : 1,071 | الردود : 8 | ‏10 ابريل 2013
  1. Torres9elnino

    Torres9elnino بـترولـي نشيط

    121
    0
    0
    السلام عليكم و رحمة الله و بركاته

    إخواني من رئيس النقابه الي أصغر موظف بالنقابه

    تحية مني لكم جميعا بلى استثناء ....

    و إلى العاملين على هذا المنتدى الجميل ...

    عندي جم استفسار ودي اتجاوبون عليهم ..

    أولا انا توني قدمت استقالتي من قطاع الحكومي و لي خدمه فيها 6 سنوات

    و قدمت عن طريق الإنترنت للعمل في شركه koc بعقود المقاولين

    و تمت كل شي بنجاح لحد الآن و وقعت عقدي مع شركة الخرافي ناشونال

    و بالعقد مكتوب انه راتبي 600 دينار و مو حاسبيلي سنوات الخبره

    و معطيتني تذكره سفر لي بروحي بدون تأمين صحي ولا بدلات

    السؤال الحين :-

    1- هل راحت علي سنوات الخبره الي استغلتها ؟؟ و ماراح يحسولي إياهم ؟؟

    2- الشركه ما عطتني قريد يقولون ال koc اهم ألي يعطونك بعد ماندز أوراقك لهم ؟؟ هل هذا صحيح ؟؟

    3- شلون راح يحوشني التامين انا و زوجتي و بنتي ؟؟ و اشلون ألطريقه علشان اعرف أتصرف ؟؟

    4- بالنسبه للبدلات و الزيادات منو الي راح يدفعلي إياهم شركه الخرافي ؟؟ أم دعم العماله ؟؟ أم شركة koc ؟؟

    مع العلم انه مكان دوامي راح يكون بالمقوع


    و مشكورين يالغاليين يا نقابتي المستقبلية انشالله

    و سامحوني عالاطاله ...

    دمتم سالمين بإذن الله
     
  2. Torres9elnino

    Torres9elnino بـترولـي نشيط

    121
    0
    0
    أسف على بعض الأخطاء الإملائية

    لأني قاعد اكتب بالايفون و يطلعلي الكلمات السريعة
     
  3. القصر الاحمر

    القصر الاحمر بـترولـي نشيط

    78
    0
    0
    اداري
    الكويت
    انا مثلك بس بشركة ثانية عندي خبره عالدبلوم معاشي من الشركة 600 دينار بس المشكله كانت التامينات تخصم 45 دينار يصفى من راتبي 555 والشركة تخصم اشتراكها للموظف وكانو يخصمونه من معاشي مع انه الشركة ملزمة انها ماتخصمه من معاشي مفروض اهما يدفعونه فكان يصفى من راتبي 465

    قبل كل شي روح الشركة وقولهم خصم التامينات مالك 45 مثلا قولهم الخصم الثاني الي انتو ملزومين فيه راح تخصمونه من راتبي وله شنو ؟ اعرف كل شي نقطه نقطه عشان لا تنصدم انه الراتب نازل 400 وشي مثلي
     
  4. TurboMan

    TurboMan بـترولـي نشيط

    68
    0
    6
    كانت شركة المير تسوي معانا نفس الموضوع من زمان بس حاليا السالفه تقريبا تلاشت .... أي شركة تسوي معاكم جذي يا اخوان عندكم النقابه و الشؤن ... الشركه ملزمه تدفع للموظف باجي النسبه !! بس اللي ينخصم منك المبلغ اللي بشهادة التأمينات اللي اهو اشتراكك ... اذا لكم حق ضايع ليش ساكتين ؟
     
  5. santafe

    santafe بـترولـي مميز

    717
    3
    18
    يا أخوان الحين الوضع تغير عندنا نقابة كلمتها مسموعة لدى الجهات المعنية وبما ان تم تفعيل القانون القطاع النفطي الخاص مع اللائحة المؤسسة البترول وتلزم( الشركات / المؤسسات التابعة ) بتطبيقها ومراقبتها على المقاول ماعليك الا ان تتوجهوا الى نقابتكم وتتقدمون بشكوى او اقتراح او راي لديكم
     
  6. Torres9elnino

    Torres9elnino بـترولـي نشيط

    121
    0
    0
    اول شي مشكورين يالغاليين عالرد

    ثانيا مثل ماقال الأخ سانتافي المفروض نشتكي للنقابه و اهم ياخذون حقنى من الشركات

    لانه النقابه اليديده ماشالله عليهم شكلهم يشتغلون عدل و يأخذون حق الموظف من الشركه

    بس الي بعرفه ليل حين ...

    منو الي راح يدفع لي التامين اليديد لي و لزوجتي و بنتي و البدلات

    شركه الخرافي أو دعم العماله أو ال koc
     
  7. فهد العجمي

    فهد العجمي بترولي خاص أعضاء الشرف

    408
    0
    0
    الحل هو تطبيق القانون
    والذى سيتم خلال الاشهر القادمه حسب تصاريح النقابه
    هناك اخطاء كثيره سوف تتلاشى فى حين توحيد العقود
    وتفعيل جميع مواد اللائحه
    وكذلك لايمنع المرور على النقابه وشرح المشكله
     
  8. santafe

    santafe بـترولـي مميز

    717
    3
    18
    لا طبعا حسب الشركة او المؤسسة التابعة للبترول الكويتية حسب الي فهمتة قول حق المقاول لاتخاف ماراح تدفع شي من جيبك الله يعز الحكومة والمؤسسة البترول
     
  9. Torres9elnino

    Torres9elnino بـترولـي نشيط

    121
    0
    0
    يالغالي انا ليل حين ماباشرت شغلي

    بس الي اعتقده انه المؤسسة أهي الي تدفع البدلات

    و التامين و التذاكر على الشركه

    هذا الي اعتقده
     
جاري تحميل الصفحة...

مشاركة هذه الصفحة