سمفونية الأخوة الزملاء

الكاتب : السرايات | المشاهدات : 561 | الردود : 2 | ‏7 ابريل 2013
  1. السرايات

    السرايات بـترولـي جـديـد

    14
    3
    3
    *في تمام الساعة الثامنة مساءً الموافق يوم الخميس 4 ابريل 2013 والجميع من موظفي وموظفات شركة نفط الكويت أصحاب الدوام الصباحي وهم في استرخاء تام بعد اسبوع حافل بالانتاج والجدية بالعمل واذا يأتي بريد الكتروني على الهاتف النقال من ( نقابة الادارة ) طن طن طن !! ماذا هناك يا ترى ! هل هي بشارة متأخرة أم إنه حدث هام لم يستطع الانتظار الى يوم الأحد !!!

    لا تشغل بالك يا الحبيب السالفة وما فيها اكمال مسيرة عقيمة الرجاء محاولين فيها تعديل وضعهم اليائس ببيان تنطق ما بين سطوره محاولة لبيع " وهم كاذب " لاخواننا بعمليات الانتاج ... تساؤل بسيط أطرحه ل (نقابة الادارة ) على لسان من طرحه علي بقوله " وينهم يوم صارت السالفة " والسؤال الثاني " ليش مختارين هالوقت " !! والسؤال الثالث " طيب واذا الخطأ منا احنا ليش شادين حيلهم على الإدارة " !! والله يا سيدي يا صاحب الأسئلة الجيدة والمبطنه نوعاً ما لا أعرف فالسادة يحاولون ترقيع موقفهم لا أكثر !

    *

    فاختيار هذا الوقت بالتحديد لسبب بسيط جداً تكسب للتقارير السنوية ولعلاوة التميز كبطاقة ممكن تساعدهم لرفع سهمهم الهابط منذ سنوات ! المضحك المبكي والبايخ والمليق بالسالفة كلها انهم يرمون بسهامهم على لجنة التحقيق " التعسفية " حسب وصفهم لها ! نقدر نقول " هاهاهاها " الله يلوع جبدكم على هالقطه اللي ما تنبلع مثلكم .. أي لجنة تحقيق تعسفيّه وانتوا ويا رئيس اللجنة هاذي طابخينها سوى !! ألوووووو ترى اللي يدري يدري واللي ما يدري خل يقرا الحين ويعرف ! عراب العلاقات أو كما كثر وصفه ب " حسون الشرير " هو من يدير بياناتكم والا تقدرون تنكرون !! انتوا ياله ياله تفكون الخط هالمره تتطاولون على اللي وصلكم ما ظنتي يا اللي شادين حيلكم ! تركوا عنكم الكلام اللي ماله داعي ولا معنى ..

    الصراحة شخصياً عجبتني هالفقرة " إن نقابة العاملين في شركة نفط الكويت تحذر إدارة الشركة من المضي في هذه الإجراءات التعسفية الظالمة ونطالبها بتشكيل لجنة تقصي حقائق مختصه وأننا لن نتوانى في رفع الظلم عن العمال واخذ حقوقهم " اووووووه قويه قويه ودي اطوفها ودي ودي بس قويه قويه ! تحذرون الادارة أي ادارة اللي تحذرونها حددوا اذا سمحتوا ! رئيس مجلس الادارة والا العموم من رئيس ونواب !! لان اذا العموم فاعتقد انه راعي " الرنج " راح يزعل عليكم واذا زعل عليكم تعال فجج .. والا شتقولون ! لانه ترقياتكم وتضبيطكم كله بايده والا ناسيين !! أما اذا تقصدون السيد الرئيس فهالشغله ماهي غريبة ولا جديدة عليكم لانه راعي " الرنج "* مكوكم عليه ..

    *

    ختاماً .. التكسب وتحميل الناس جمايل مو بهالطريقة يا ( نقابة الادارة ) مو بهالطريقة الهزلية اللي قاعدين تمارسونها ..

    *

    سرّاية/ ما راح نقول السفيه ما ينشره عليه .. بنقول/ يا حسايف على وقت صار فيه " حفاف الحواجب " شارب ...
     
  2. Marine team

    Marine team بـترولـي نشيط

    93
    0
    0
    لقد اسمعت لو ناديت حيا ولكن لا حياة لمن تنادي

    ولو نار نفخت بها أضاءت ولكن أنت تنفخ في رماد
     
  3. Free_Kuwait

    Free_Kuwait بـترولـي نشيط

    115
    1
    18
    طبعا هذا انجاز من اجازات النقابه

    قاموا بتحذير ادارة الشركه.... والله ماعندكم احد

    انتم والاداره بنفس الاتجاه..


    وينكم عن اللي حصل في مركز التجميع 7

    نبي منكم بيان عشان نضمه لانجازاتكم
     

مشاركة هذه الصفحة