التجنيد الالزامي

الكاتب : الشيبة | المشاهدات : 2,260 | الردود : 12 | ‏6 ابريل 2013
  1. الشيبة

    الشيبة بـترولـي نشيط جدا

    233
    0
    0
    منو عنده خبر عن التجنيد الالزامي كيييف بيكون،،، وهل راح يشمل من هم فوق الثلاثين سنة ويطلبونهم للتجنيد؟
     
  2. جابر

    جابر قــلــم بــتــرولــي أعضاء الشرف

    لو يقولون لى تعال للتجنيد مره ثانيه ...كان رحت ...على الأقل أفتك من خط الخفجى
    :):)
     
  3. workerq8

    workerq8 بـترولـي مميز

    613
    6
    18
    اغلب اللي يمدح بالتجنيد لا شافه ولا درى عنه ( راحة واستجمام)
     
  4. جابر

    جابر قــلــم بــتــرولــي أعضاء الشرف

    كان دوامى وقتها ...حراسات بالشعيبه ...دوام يومين كامل ...ونص يوم بالمعسكر ..
    ونص يوم عند أهلك ..لمدة شهرين ..
    وبعدين ترجع المعسكر ..
    .شهر ...بالجهراء ....
    دوام صباحى ...

    وأحيانا يسلمونا سفارات ...تقعد يوم ونص ..

    وأحيانا يحجزونا بالمعسكر ..

    بس عز ...
    وسوالف رجال ..وسلاح ...وفخر ...وخوة


    معسكر الأمن الداخلى ...سمي فيما بعد اللواء ثمانين ...مادرى إسمه الحين شنو :D

    ويظل أبرك من الدوام في بعض الأماكن بالخفجى :eek:
     
  5. عقيق

    عقيق بـترولـي نشيط جدا

    305
    0
    0
    مراقب
    الكويت
    التجنيد الالزامي زين وتتعمل فية شغلات كثيرة وتتغير فيك شغلات كثيره مثل:
    تحمل الاهانة والمذلة
    امراض غير معدية مثل الالام الظهر وخشونه بالركبة.
    اشلون توقف لمده ساعه او ساعتين بدون ما تتحرك وكانك حصان.
    تتعلم وتسمع اسامي جديده من اخوانا البدون( مثل مطشر ، ماسخ ، فنوخ ....الخ).
    تتعلم وتشوف أكلالات ومشروبات جديده ( كنافة بالبيض ، شاي بس بدون شاي ......الخ).
    اصلا يا اخوي اكثر ناس تضررت من ايقاف العمل في قانون التجنيد الالزامي اهم الضباط لانهم افقدوا المجندين اللي كانوا مصدر (للقوه) ،طبعا لان الضابط فقد اهميته بعدم وجود المحند.
    حق الواسطات وتخليص المعاملات بكل الوزارات وواسطات توصل لاعلى مستوى وشكرا
     
  6. عقيق

    عقيق بـترولـي نشيط جدا

    305
    0
    0
    مراقب
    الكويت
    انا سمعت القانون الجديد يشمل العمر من 18 الى 70 سنة
    الالزامي للرجل واختياري للمراة.
    لان الاخوان شافوا ان الرجل لغاية 70 سنه يقدر يخلص معاملات حق الضباط.
    وشكرا
     
  7. جابر

    جابر قــلــم بــتــرولــي أعضاء الشرف

    كل اللى إنقال صحيح مية بالمية ..
    فيه من قضاها نوم وسفريات ولادرى عن التجنيد ..
    وفيه من قضاها (دريول) و (مطراش) للضباط ..
    وفيه اللى قضاها ..من سجن عسكرى لأخر ...
    وفيه من خالط العسكر ..وأصبح عسكرى ...

    على كل حال ..الكويت اليوم مو محتاجه تجنيد إجبارى ..
    بل أزيد وأقول ...يمكن ..من الحماقه إقرار هذا القانون اليوم ..
    من ست سنوات ..وهناك من يسعى ليل نهار ..ليجعل فئات الشعب تتقاتل ...
    ثم الأن ...سيأتى من يعطيهم السلاح ويدربهم عليه ..

    الأن ...التجنيد الإلزامى خطره أكثر من فائدته ..
     
  8. عقيق

    عقيق بـترولـي نشيط جدا

    305
    0
    0
    مراقب
    الكويت
    يا قوي انت اتحسسني انك وزير سابق
    (فيه من قضاها نوم وسفريات ولادرى عن التجنيد )

    الله يرحم الحال.
     
  9. جابر

    جابر قــلــم بــتــرولــي أعضاء الشرف

    وزير سابق ...وقوى ...إشمعنى ..
    هذى كلها أمور شفناها ..

    وإذا قصدك عنى ...لايبه ...أنا قضيتها حراسات من الشعيبه إلى السفاره الروسيه والبريطانيه ..يعنى ماإرتحنا فيها :(
     
  10. عقيق

    عقيق بـترولـي نشيط جدا

    305
    0
    0
    مراقب
    الكويت
    ما اقول الا الله يفك اعيالنه من التجنيد . ما ابى يشوفون اللي شفناه من ذل وقهر وبهذلة وحراسات وعماااات عين
     
  11. workerq8

    workerq8 بـترولـي مميز

    613
    6
    18
    في ناس تدعي الله ان يرجع التجنيد مو حب في خدمة البلد بس على شان يشبكونها مع اجازاتهم خصوصا في vip واسطه
    دخلنا التجنيد واوامر كن ناخذها من البدون والعقد وشوف الحقد في التعامل كنا احنا اللي موقفين تجنيسهم
    تعطلت ترقياتنا وصبرنا
    تحملنا المذلة وصبرنا
    شغلك كل واقف لا معاملات تمشي لك في اي وزارة كـأنك نكرة لين تدخل ما يسمى بالتجنيد
    واذا استمريت بالرفض مطاردات بكل مكان شنك خاطف لك واحد ولا مروج مخدرات

    التجنيد مخالف للشريعه وسلب لحريه وكرامة الانسان في اتخاذ القرار
    القانون الجديد اللي حاطه رافع سقف العقوبات لي خمس سنوات سجن ولو حاصله بعد شان طبق عقوبة الاعدام

    الله يعين الجيل هذا على ما بلاه
     
  12. عقيق

    عقيق بـترولـي نشيط جدا

    305
    0
    0
    مراقب
    الكويت
    عادي يا اخوي..
    لازم تتوقع اكثر من جذي مع لجنة الداخلية والدفاع اللي تابعة حق مجلس الامة ( اعضاء بو ........)
    التشريع والقوانين والعقوبات بيييدهم...
    الله يعين اعيالنا....
     
  13. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    شدعوه أخوي ذل وقهر !!!!

    على الاقل طلّع رياييل مثلك وشرواك مو صبيان هالوقت !! آخر اهتماماته يسشور شعره !! أو اللي مطولين شعورهم جنهم صخول مكرم السامع !! التجنيد تهذيب للنفس قبل كل شيء ولو أنه لن يصلح كل شيء بس صدقني سيزرع على الأقل رجولة افتقدناها في وقتنا هذا وأصبح مفهومها مقتصرا على تصرفات صبيانية لا تتعدى الصراخ والعنف أولا و العضلات التفخ! والشعر الطويل و حف حواجب !!
     
جاري تحميل الصفحة...

مشاركة هذه الصفحة