قسم الاسكان بشركة النفط والواسطات

الكاتب : action lab | المشاهدات : 2,330 | الردود : 10 | ‏26 مارس 2013
  1. action lab

    action lab بـترولـي جـديـد

    18
    0
    0
    اولا هذا القسم لايرد على الهاتف عند الاستفسار

    وهل يعقل اني مقدم على بيت للشركة من 2003 وصاحبي من 2010 اهو يستلم بالشمال وانا الى الان اعاني الانتظار ؟؟


    والمضحك المبكي عند زيارة القسم والسؤال عن البيت يكون الرد انه لاتوجد بيوت بالشمال

    وكلنا نعرف كم شخص ماجر بيته وادارة الشركة نايمه بالعسل ... ليش ماتكون لجنة تفتيش

    ولا بس عند تسليم البيت توقع على تعهد بعدم تاجير البيت ولا سوف تتعرض للمسائلة القانونية

    كم شخص لا توجد لديه واسطة وينتظر بيت الشركة ؟؟؟

    والى متى ياقسم الاسكان
     
  2. المهندس

    المهندس بـترولـي خـاص

    1,305
    8
    0
    يا خوي شوف ليست الانتظار واقرا رقم الشركه .. هل من المعقول ناس متوظفين في الثمانينات وللحين ما عندهم بيوت وناطرين بيوت من الشركه؟؟؟؟؟ ...ز اظف الى ذلك الاجانب اللي مضايقينا في الانتظار , يا جماعه شقه كافيه على الاجانب
     
  3. LaRambla

    LaRambla بـترولـي خـاص أعضاء الشرف

    2,041
    3
    38
    خل تاريخ التقديم

    انت متى متوظف لانه توزيع البيوت على تاريخ التوظيف
     
  4. action lab

    action lab بـترولـي جـديـد

    18
    0
    0
    انا متوظف 2001 ومتزوج 2003 وصديقي متوظف 2009 ومنزوج 2010

    وتوه طالعله بيت بالشمال اشلون ووين العدل واين المسؤل عن توزيع البيوت

    ووين النقابة او ادارة الشركة عن هالموضوع
     
  5. Free_Kuwait

    Free_Kuwait بـترولـي نشيط

    115
    1
    18
    تبون تعرفون وين المشكله

    المشكله باللي عنده بيت من الحكومه فيلا ثلاث ادوار (عليه بالعافيه) ومتمسك للحين ببيت الشركه
    واذا قلت له ياخي خله لغيرك
    قال لا انا اطلع فيه خميس وجمعه مع العيال
    لعنبوا دارك استح على وجهك شباب اجاراتهم على 600 دينار واللي ساكن عند ابوه وعياله اربعه وخمسه محشور بشقه تفول فيران
    هذا غير اللي مأجر البيت على واحد مو من الشركه واللي مسويه قراج واللي مخليه جاخور

    ليش مايتطبق القانون على الكل
    ليش ماتطلب الشركه من الموظفين اللي عندهم بيت شركه بتجديد بياناتهم كل ثلاث سنين
    ليش مايشبكون اسكان الشركه مع وزارة الاسكان (الرعايه السكنيه)
    ليش النقابه ماتتحرك وتقوم بانصاف الموظفين الجدد
    وين ادارة الشركه

    خافوا الله يابشر
     
  6. المهندس

    المهندس بـترولـي خـاص

    1,305
    8
    0
    قوانين وانظمه الشركه لازم تتطور للافضل وتكون لمصلحه الكويتي
    هل تدرون انه اذا الوافد توظف في الشركه تكون له اولويه في المنزل ويخصص له بصفه استعجال ؟
     
  7. action lab

    action lab بـترولـي جـديـد

    18
    0
    0
    يجب على الادارة والمسؤلين وضع قسم الاسكان تحت المجهر ويجب عمل لجنه لتفتيش عالبيوت

    يااخوان موظفين كثر يبون ويطالبون ببيوت الشركة وهالقسم نايم بالعسل

    اصحى يانايم
     
  8. Names

    Names بـترولـي نشيط جدا

    160
    0
    0
    اشلون تثبت ان هالبيت متأجر ؟؟

    بتطق الباب راح تطلعلك المرة والا الياهل او الخدامة وتقولك بابا برا تعال بعدين

    بتقول لهم ابي هويه بيقولك اقلب وجهك مو شغلك

    واذا كان الرجال موجود قالك راعي البيت راح الجمعية وراجع وراح دق عليه وجاك ووراك هويته
     
  9. Free_Kuwait

    Free_Kuwait بـترولـي نشيط

    115
    1
    18

    مو مشكله ... خله يأجره

    لكن صاحب البيت يجي الاسكان ومعاه الاوراق المطلوبه
    شهادة الرعايه السكنيه
    نزع الملكيه
    بنك التسليف
    شهادة راتب الزوجه

    ثانيا.. عنوان السكن بالبطاقه المدنيه راح يفي بالغرض

    ابشرك اذا صار جذي الموظف حده خمس سنين ويستلم بيت بالشمال
     
  10. Q8GAS

    Q8GAS بـترولـي مميز

    514
    0
    16
    الحل بسيط

    عمل تحديث للطلبات كل 3 سنوات مثل ماهم حريصين على منحة السكن لقريد 13 وما فوق

    والله اعرف الكثير عندهم بيوت وتلقاه ساكن في بيوت الشركة بل اعرف شخص طلبه الاسكاني من 88 وشغال بدل ياخذ بيت ويبدل بطلب فوق 4 مرات وغيرهم كثير

    ولكن لاحياة لمن تنادي
     
  11. المهندس

    المهندس بـترولـي خـاص

    1,305
    8
    0
    الحل باخراح الاجانب وعدم اقحامهم في قاءمه الاتتظار وهالشي سهل تطبيقه ومو صعب .
     
جاري تحميل الصفحة...

مشاركة هذه الصفحة