شنو ذنبي بتسجل علي تاخير عن العمل اذا أمن المنشآت غير منظمين و اسلوبهم احيانا غير راقي !

الكاتب : Arantos | المشاهدات : 692 | الردود : 6 | ‏11 يناير 2008
  1. Arantos

    Arantos بـترولـي نشيط

    66
    0
    0
    صبحكم الله بالخير شباب ..

    انا موظف صغير في الوفره كل يوم اجي بسيارتي الى موقع العمل مرورا ببوابة أمن المشآت ..

    اتفاجأ احيانا ان الدور يوصل الى دوار المعسكر علما اني واصل الى الدوار السعه 6:45 يعني جاي الدوام مبجر و اكتشف اني واصل موقع العمل الساعه 7:25 دقيقه

    اذا كان ضابطهم موجود تلاقي الدور ماشي و الامور طيبه و لكن اذا طويل العمر ( الضابط ) مو موجود تشوف الويلات و تصف دور حالك حال البنقالي اللي بالكفتيريا .. و اذا فيك خير كلمه قوله انك تاخرت على دوامك بسببه ...


    نبيهم يكونون لنا عون مو فرعون !

    احيانا البوابه ما فيها الا البنقالي مالهم يقولك طوف و احيانا اربعه واقفين شادين حيلهم و احيانا حتى البنقالي مو موجود !!

    شنو الحل يا اخوان

    ملاحظه خارجه عن الموضوع و لكن من باب الاستطراد ..

    اكو منهم تقوله سلام عليكم الصبح ما يرد عليك !! تقول بايق حلاله .. و ما يقولك طوف بلسانه ياشر لك يايده تقول اطرم !

    ليش هالمعامله ... وين الثقافه و الادب و فن التعامل مع البشر !

    نبي حل لهذي المشكله لانها قاعد تاثر على تقييمنا و احنا نجي اول الناس و نتسجل متاخرين !!

    شنو رايكم يا اخوان !
     
  2. Winchester

    Winchester المـراقب الـعـام

    اي والله صدقت الصراحه البعض منهم ماله خلق نفسه , الله يسامحهم ان شاء الله

    واخر شي تشوف ولا خاصمين عليك وانت مالك سبب كل يوم داش متأخر

    والله ياخوي هذي يبيله وقفه من النقابه لحل هذي المشكلة ..

    والله يكون بالعون ان شاء الله
     
  3. جابر

    جابر قــلــم بــتــرولــي أعضاء الشرف

    الله يكون فى عونكم ... فعلا مشكله ...ولو أن مافيها (شكل) حل رسمى قريب...
    إذا مافيه نظام بصمه ... كلم مسئولك وأشرح له الوضع ... يمكن يتفهم ...

    قبل كم سنه كان عندنا رئيس قسم محترم فى الخفجى وكلمناه عن الزحمه وعطانا نص ساعه زياده (لكل سكان الكويت فى القسم سواء كانوا كويتى وسعودى )
    طبعا لما تغير رئيس القسم رجعنا على نظام 7:30 :mad:
     
  4. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    هههههههههههه


    المشكله لا قال لك انزل تنزل وتقول وظيفته تلقاه يطالع الكشن ويقول لك اصعد هههههههههههههههههههههههههه

    يعني بخش تحتي شي والله الحامي الله ولا ذولا ما وراهم علم :)
     
  5. HUMMER

    HUMMER بـترولـي خـاص

    صدقت اخوي لازم الضابط يكون موجود عشان يشتغلون نفس البشر واذا موموجود الله يكون بعون الموظف

    بس انا سمعت انهم راح يخلون جماعة السيكورتي يمسكون البوابات بدل امن المنشات ..
     
  6. المنسيs

    المنسيs بـترولـي جـديـد

    3
    0
    0
    الحين خلاص مناورايح كله تاجير عمال مقاول ... من البنغال والهندوس وانت رايح
     
  7. n3n7

    n3n7 بـترولـي نشيط جدا

    271
    0
    0
    اكتبوا كتاب رسمي موجهه الى السوبر فايزر مرفوع حق التيم ليدر ويدزه حق رئيس المنشات لتنحل هذه المشكله وفالكم طيب
     
جاري تحميل الصفحة...

مشاركة هذه الصفحة