اتمنى من ادارة القطاع النفطي دراسة هذا الامر

الكاتب : الى متى؟ | المشاهدات : 519 | الردود : 3 | ‏13 يناير 2013
  1. الى متى؟

    الى متى؟ بـترولـي نشيط جدا

    250
    0
    0
    بسم الله الرحمن الرحيم

    قبل مده التقيت في مهندس سعودي يشتغل في العمليات المشتركه لنفط الخليج....يقول انتو تقطون فلوس على المشاريع بدون اي فائده لبناء الموظفين....على عكسنا...احنا نقط فلوس على المشاريع واهم شيء عندنا بناء الموظف...اما انتو مسؤولينكم يجعصونها وبالنهايه المشروع يتم وموظفينكم هذول اهم ماكو فرق بينهم قبل وبعد المشروع
    يقول عندنا اذا في مشروع...جميع المهندسين اللي متعلقين بالمشروع يكونون مع المقاول في دولته ويتناقشون معاه في التصميم والمعدات وكل شيء....يقول ماكو شيء يجينا وحنا ما ندري عنه....مايجي الشيء الا فاهمينه عدل ومستفيدين من خبراتهم
    اما عندكم ما تدزون الا مهندس والا اثنين...لا ومتى تدزونه...على شان يعتمد المعدات فقط اما حنا نعيش مع المعده من ولادتها حتى وصولها لنا

    يقول قبل كنا مثلكم المهندس الكهربائي بس على الكهربا والميكانيك بس على الصيانه والمدني على المدني والكيميا على الانتاج...حتى جاء لنا مدير اداره غير السستم كله وانا اشوف ان هالتغيير عم بالفائده على المهندسين وعلى اداء العمل...يقول الحين كل المهندسين اللي عندنا اسمهم project engineer يقول الحين كل مهندس عندنا فاهم بجميع الامور المتعلقه بالمشاريع...كل مهندس تحته فريق من الكونتراكتور...يقول انتو تبون تشغلون مهندسين البلد مثل العقود؟ بالطبع لا...لأن انتو تبون تعدون هالمهندسين لقيادة مهندسين العقود...يعني بالعربي المهندس الكويتي ما راح يتم طول عمره يقعد يصمم...كلها جم سنه وبعدها يمسك قسم والكونتراكتور اهو اللي يقوم بالتصميم والتنفيذ والكويتي يديرهم....فإذا انت تبيه يمسك هالمنصب لازم يكون متدرب قبل يمسك ويكون عنده المام بجميع التخصصات...يقول انا الان افهم بالكهربا والميكانيك والمدني والكيميا....واي مشروع اقدر اديره

    بصراحه ابهرني وابهر الموجودين معنا من ما يملكه من خبره عمليه...نتمنى من القطاع النفطي دراسة هالامر...ونتمنى انهم لا يأخذون برأي الشياب من المهندسين بالقطاع....انا عندما التقي في مهندسين من السعوديه انبهر في مستواهم وخبرتهم...نتمنى التغيير للأفضل
     
  2. مع بترولي

    مع بترولي بـترولـي جـديـد

    11
    0
    0
    وينك و وين التغيير!!!
    هذي أرامكو ما شا الله عليهم.
    بس في الknpc الإستثمار البشري موجود وأحسن ناس في العالم تستثمر في البشر:
    -مشروع المصفاة الرابعة استثمرنا في الهنود طال عمرك كم سنه في امريكا وآخر شي قدموا استقالاتهم وراحوا كندا وخلونا.
    اذا مو مصدقني اسأل مدير المشروع في ذلك الوقت تراه بعد يموت في الكويتين !
    ما راح أقولك من هو ترى الحين عنده مستشار اجنبي يستثمر فيه.

    بعد ترى الشق عود؛؛؛؛؛؛؛؛؛؛
     
  3. alajeebo

    alajeebo بـترولـي نشيط

    136
    0
    0
  4. الى متى؟

    الى متى؟ بـترولـي نشيط جدا

    250
    0
    0
جاري تحميل الصفحة...

مشاركة هذه الصفحة