الرجااااااء المساعدة

الكاتب : Queen85 | المشاهدات : 1,085 | الردود : 12 | ‏10 يناير 2013
  1. Queen85

    Queen85 بـترولـي جـديـد

    5
    0
    0
    السلام عليكم
    بغيت اسأل عن طريقة رفع التظلمات...... انا امتحنت تخصص وهذي خامس مرة امتحن وما انجح مع العلم اني مسويه زين ياريت تفيدوني بطريقة رفع التظلم لاني حاولت اكلم اللي بالتوظيف بس محد فادني خصوصا ان اللي ناجحين مستواهم مو عالي
     
  2. q8geo85

    q8geo85 بـترولـي نشيط جدا

    150
    1
    18
    والله الحال من بعضه ... ياريت احد يفيدنا وانا اول من يروح يتظلم ... معدلي الحمدلله عالي وماكو نصيب واللي معدلاتهم عادية يطوفون مادري شلون!! مشكلة والله
     
  3. spit_fire222

    spit_fire222 بـترولـي جـديـد

    18
    0
    0
    السلام عليكم

    بخصوص مشكله امتحانات التخصص سوف نرفع ( كتاب تظلم ) الى لجنه التحقيقات في مجلس الامه ، خلال هذه الايام المقبله سوف ننتهي من كتابه هذا الكتاب.

    فمن يريد اضافه اسمه يراسلني ، ويذكر وجهه نظره في التظلم والتخصص.
     
  4. eng-moon

    eng-moon بـترولـي جـديـد

    11
    0
    1
    شلون عرفتي ان الي ناجحين مستواهم مو عالي !! وسستم الإختبارات يكون عن طريق الكومبيوتر مافي موظف يقدر يغير درجات أحد بس يقدر يشوف درجته الي اهما موظفين قسم الموارد البشريه عموما بالتوفيق
     
  5. Computer-Eng

    Computer-Eng بـترولـي نشيط

    68
    0
    0
    Engineer
    Kuw@it
    الاختبار طريقته اختيار من متعدد فا ماله شغل في المعدل ؛ يمكن اللي مستواه عادي شير ونجح
    او يمكن عرف شلون يدرس له عدل

    ومعدل الجامعه ياخذون منه نسبه 20% يعني كله داش بالحسبه ، ينجح من هني ومعدله ينزله
    بالنهايه كله توفيق من رب العالمين
     
  6. Queen85

    Queen85 بـترولـي جـديـد

    5
    0
    0

    حبيبتي اللي نجحوا اعرف مستواهم عدل معاي خمس سنين بالجامعة وماكو مجال احد يقول ان الامتحان مافي تلاعب وتغيير بالدرجات.
     
  7. q8geo85

    q8geo85 بـترولـي نشيط جدا

    150
    1
    18
    اوافقج الراي ... اللي نجحوا بعد انا اعرف مستواهم ومو من جيبي هالحجي ... انا عشت وياهم سنتين اقل شي بالجامعة واعرف مستواهم ... اصحاب المعدلات العالية ماتطوف واللي تخرج بالدز من الجامعة يطوف!! شي عجيب
     
  8. العــ هــد

    العــ هــد بـترولـي جـديـد

    41
    0
    0
    لا تعممون...ما تعرفون منو نجح عشان تحكمون إذا مستواه مو عالي

    كل واحد ياخذ نصيبه ورزقه
     
  9. Scorpion

    Scorpion بـترولـي نشيط

    52
    0
    0
    يعطيج العافيه اختي انا شايفج حيل واثقه ماشالله والله يوفقج بالوظيفه انشالله

    حسب علمي امتحانات الknpc ما تطلع لهم درجة الامتحان يعني ماتعرفين درجتج يمكن ناجحه عالحفه ويمكن فوق.. واذا تعرفين درجة التخصص ياريت تنورينا فيها لان مافيها احد يايب بالثامنينات ولا التسعينات... لان نجاح بو 50 و 55 و60 يعتبر عالحفه باعتقادي.. واذا كانت درجتج عاليه انا راح اوقف وياج واقول احنا ما درسنا عدل

    اثنين اهم ما عمموا اهما حاطين الموضوع للي "يحس انه مظلوم" ويبي يشارك بالاعتراض.. واللي نجحوا ومن ضمنهم انتي الله يوفقهم وييسر امورهم

    ثلاثه تحدثت شخصيا مع افراد في قسم التعيين وقالولي بكل صراحه انه عدد الراسبين كبير واحتمال ياخذون فئه من اللي سقطوا اللي درجاتهم قريبه من النجاح بالتخصص(45 الى 49).. حبيت اشوف النتايج واسمع الاخبار من التوظيف نفسهم مو خسران شي

    انا من اللي سقطوا يبت 48 وراضي الحمدلله لاني خريج جديد وصغير ولا شاركت بأي تظلم وفي وايد ناس من اللي سقطوا كملوا مشوارهم بأماكن ثانيه ولا اعترضوا,,, ولكن في ناس صبروا سنين وراسمين ومخططين وبوجهة نظرهم يحسون انهم مظلومين فخليهم يعبرون براحتهم انتي ناجحه استمري وشدي حيلج بالمقابله وتمني التوفيق للمظلومين وللناجحين هذا احسن شي صدقيني

    وسامحيني عالاطاله ومثل ما قلتي كل واحد مكتوب له نصيبه و الله سبحانه لا يضيع أجر من أحسن عملا
     
  10. q8geo85

    q8geo85 بـترولـي نشيط جدا

    150
    1
    18

    لا ماعممنا ... تقدرين تشوفين ردودنا بمواضيع ثانية ... بس انا مو قعد اتكلم من فراغ! انا هذي رابع سنة اقدم وماكو ... انا معدلي عالي والحمدلله ... انا حاليا موظف بهاليبرتون واداوم بال koc وشفت العينات اللي انقبلوا من تخصصي واغلبهم ربعي عشت وياهم سنوات بالكلية ... كل واحد يعرف مستوى الثاني وتأكدي اني مو قعد اتحجى بس جذي ... احنا امتحنا وطلعت درجاتنا اخر الامتحان ... في ناس معدلاتهم 2 وشوي وطافوا ... ما اقول يابوا درجات عالية بس طافوا في ناس يابو 52 56 بس يعني مو درجات عالية واذا مابي اظلمهم نقدر نقول ان الحظ مشى وياهم لان اسئلة الامتحان مو اسئلة تخصص فيها وايد اسئلة برى التخصص ... وثاني شي انا الحين هذي اخر فرصة لي وعشان جذي وايد منقهر وضايق خلقي من هالظلم ... معدلي العام والتخصص 3 نقاط وما اطوف واللي تخرجوا بالدز يتوظفون؟ ممكن نفهم شلون؟ وعموما الله يوفق الكل احنا كل اللي نبيه احد ينصفنا بس ولا الارزاق بيد الله محد بيوقف رزق احد بس لازم نتحجى ... صبرت 4 سنوات انا لم بس خلاص بعد



    اشكرك اخوي عالرد والتوضيح والله يسهل ان شاءالله والله بشرتنا الله يبشرك بالشهادة ان شاءالله ياخذونا انا يبت 46% وانا متخرج صارلي 4 سنوات يعني شايب ....
    الله يكتب اللي فيه الخير
     
  11. العــ هــد

    العــ هــد بـترولـي جـديـد

    41
    0
    0
    أنا واثقة لإني متوكلة على الله ومقتنعة باللي يكتبه لي

    لو ساقطة بامتحان الانجليزي أو لو ساقطة بامتحان التخصص أو ما قبلوني عقب المقابلة

    ما راح أحس أني مظلومة

    والمكان اللي ما يبيني مابي اتوظف فيه بالقوة


    ولا تفقدون الأمل

    فعلاً لو عدد الساقطين كبير وعدد الناجحين اقل من العدد اللي يبون يوظفونهم أكيد راح تكون في حسبة ثانية

    مثل ما انت ذكرت
     
  12. العــ هــد

    العــ هــد بـترولـي جـديـد

    41
    0
    0
    ليش ما تنظر لها أنها خيرة لك؟

    قدمت اربع مرات ومريت على اختبارات مختلفة

    لو كان فيه خير لك جان الله سهل لك الامتحان مثل ربعك ونجحت

    {وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ} البقرة 216

    يمكن وظيفتك الحالية أفضل لك يمكن في فرصة ثانية افضل من القطاع النفطي لك

    لا تخلي هالشي يحبطك ويحسسك بالظلم

    خل يعطيك دافع أقوى عشان تثبت نفسك وتحقق طموحك

    آنا نفسك هذي آخر فرصة لي وحتى لو ما قبلوني راح أرضى بقرارهم


    ولا تفقدون الأمل

    سمعت أنهم طالبين مهندسين بترول بعدد كبير

    ما تدري شنو يصير آخر لحظة يمكن في حسبة ثانية

    الله يوفق الجميع ويكتب لكم الخير
     
  13. q8geo85

    q8geo85 بـترولـي نشيط جدا

    150
    1
    18
    اكيد اهيا خيرة ومثل ماقلت ان الله مقسم الارزاق ومحد يطوفه رزقه اختي هالكلام هذا كلنا مؤمنين فيه لكن الله ماقال شوف نفسك تنظلم واسكت وقول هذا اللي انا كاتبه لك! انا ساكت صارلي الحين 4 سنوات ... الله يوفقهم ربعي اللي توظفوا لكن انا شفرقي عنهم بالله؟ انا معدلي عالي وما اتوظف والاغلبية نقطتين يتوظفون؟ مايصير يعني!! يا اخي انا راضي باللي الله كاتبه بس الله ماكتب الظلم! عالاقل يصير تحقيق وتطلع الحقايق ونشوف اذا احنا صج مظلومين ولا احنا قعد نألف وصج مو مؤهلين نتوظف بهالقطاع!! الساكت عن الحق شيطان اخرس مثل مايقولون!! وانا واحد احس اني مظلوم ... لا مو بس احس الا متأكد بعد ولا شتفسرين اني اطوف كل الامتحانات والمقابلة ويدقون علي يقولولي تعال ييب اوراقك ولم اروح اودي اوراقي المفروض اخذ ورقة الفحص الطبي بس يقولولي خلك انتظار ويسحبون علي؟ شنو تفسير هالشي ياريت تنورينا اذا عندج علم بهالموضوع؟ اكتفوا؟ مايبون؟ زين ليش دقوا وقالوا تعال؟ اختي كله لعب بلعب والشي اللي يقهر ان ايينا احد مايدري شصاير بس يقولنا سكتوا! مايصير!

    والحمدلله انا موفاقد الامل والف الحمدلله شهادتي تأهلني بوايد مجالات بس انا حلمي كان اشتغل بال koc هذا حلمي وانا ماتخصصت هالتخصص الا عشان هالحلم لكن الصاير ان الناس تلعب بايدها وريلها ومحد يشوف شصاير بس يقولون يبا ييب واسطة وانتهى!

    انا حاليا مقدم على بعثة ان شاءالله اكمل ماجستير ودكتوراه عن طريق الجامعة نفسها للعلم بس ... وهم مقدم اماكن ثانية والحمدلله اموري طيبة وكل شي تمام لكن كل هذا مايمنعني اني اعصب واتضايق لأن المكان اللي انا ابيه مو قادر اتوظف فيه بس لأن واسطتي الله ... انتي طفتي الامتحان ومثل ماقالوا يمكن امتحانكم كان سهل وانا هم ربعي طافوا بدون واسطات عادي جم واحد بس هذيل جم يابوا؟ كلهم عالحفة والاغلبيه ياييين مضبطينهم والكل عارف والريحة اصلا فاحت! 20 واحد ينقبل 3 ولا 4 بس منهم بس بدون واسطة!

    الله يكتب اللي فيه الخير وسامحيني عالاطالة اعتذر اذا كلامي كان قاسي شوي لكن من حرقة القلب
    المطلوب حاليا مو وظيفة ... مابي الوظيفة بالطقاق ... بس لو تتشكل لجنة منصفة وتحقق بالتعيينات ... خنشوف شيطلع! وسلامتكم
     
جاري تحميل الصفحة...

مشاركة هذه الصفحة