إجتماع نقابة القطاع النفطي الخاص مع دعم العمالة

الكاتب : محمد سكرتير النقابة | المشاهدات : 1,490 | الردود : 9 | ‏9 أكتوبر 2012
  1. محمد سكرتير النقابة

    محمد سكرتير النقابة بـترولـي جـديـد

    26
    0
    0
    بسم الله الرحمن الرحيم ​
    السلام عليكم ورحمة الله وبركاته
    تحية طيبة وبعد،،،

    إجتماع نقابة القطاع النفطي الخاص مع دعم العمالة ​


    بالإشارة إلى الموضع أعلاه ، وحرصاً من نقابة العاملين بالقطاع النفطي الخاص على العمالة الكويتية في القطاع النفطي الخاص تحديداً وعلى القطاع الخاص بشكل عام ، نود أبلاغكم أنه تم عقد اجتماع بين نقابة العاملين في القطاع الخاص والنقابات الزميلة ( نقابة إيكويت - ونقابة الخطوط الجوية الكويتية - ونقابة البنوك ) مع الجهاز المركزي لدعم القوى العاملة ( دعم العمالة ) حيث تم التناقش والتباحث في المشاكل التي تواجه القطاع وإيجاد السبل لحل هذه المشاكل ، حيث تقدم أعضاء مجلس إدارة النقابة بكثير من الإقتراحات أثناء الإجتماع وكان من أهم هذه المقترحات :
    1 - تخصيص مستشفى خاصة لجميع العاملين بالقطاع النفطي الخاص .
    2 - تخصيص كادر لموظفي القطاع النفطي الخاص .
    3 - تحديد يوم ثابت لصرف دعم العمالة للقطاع الخاص شهرياً .
    حيث سيتم إنعقاد إجتماع آخر بين النقابة والجهاز المركزي للقوى العاملة وذلك في الأسبوع القادم إن شاء الله حيث تم طلب تقديم كتاب من قبل النقابة بخصوص جميع المقترحات للعاملين في القطاع النفطي الخاص ، وعليه نرجو منكم التكرم بكتابة بعض المقترحات إن كانت لديكم مما يعيد بالنفع على إخوانكم العاملين في القطاع النفطي الخاص .

    وتفضلوا بقبول فائق الاحترام ​
    والسلام عليكم ورحمة الله وبركاته ​
     
  2. شعم

    شعم بـترولـي نشيط جدا

    227
    0
    0
    كلام جميل

    السلام عليكم ورحمة الله وبركاته
    كلام جميل
    اهم شي يا إخوان يا نقابتتا الموقرة . هي مكافئة نهاية الخدمه
    يعني حالنا حال اللي يستغلون في البنوك ، عقودهم تتجدد تلقائي ، مثل القطاع النفطي الخاص . احنا تتجدد تلقائي من التكويت لكن بتختلف الشركة . لكن التكويت وشركة النفط هم المسؤولون عنا وعن اماننا الوظيفي ،
    لذا لو تكرمتو تضيفون هالنقطه ، ،،، ، ضروري جدا
    مو نطلع تقاعد ويعطونا عالآفى . ماكو ولا فلس ، لان انا خلص عقدي القديم وماخذيت مكافئة الخدمة ، وقدمنا شكوى ، لكن عمك اصمخ . وراح يصيرون صمخان على طول مدام ان في نهاية خدمة جم الف
    لذا ياريت تتبنوون هالنقطه يا نقابة ، لانطلع فول من غير حمص
    على هالتعب والشقا ، حرام
    مانبي مستشفى لانها صعبه جدا ، زين نفذوو مستشفى جابر :)في مجموعه من الشباب على وجه تقاعد
    فلازم تكون مكافئة نهاية الخدمة ممتازه ، لان حقوقنا في البداية كلها ضاعت
    وشكرا
     
  3. شعم

    شعم بـترولـي نشيط جدا

    227
    0
    0
    اللي في البنوك عطوهم اسهم . اوكي صج ما تنباع الا بعد سنين لكن في نهاية المطاف تكريم لهم ولمجهودهم
    وهذا غير مكافئة نهاية الخدمه
    لازم تشدون ولا تتهاونون في الحق
    يا نقابة انتم تمثلون وتتكلمون عن الموظف النفطي الخاص
    لاتتهاونون لانها حق .
    مانبي اسهم :) نبي نهاية خدمة حالنا حال النفط عالاقل، مانبي تطبيق قانون نبي نهاية خدمه
    باجر عيالنا اللي في النفطي الخاص مايلومونكم اذا اجتهدتوو ، ولكل مجتهد نصيب
     
  4. santafe

    santafe بـترولـي مميز

    717
    3
    18
    شكرًا نقابتنا الموقرة على هذه الحزمة من الاقتراحات والتي تعود بالمنفعة ولصالح الموظف واسرته وبما ان القانون القطاع النفطي لسنة 1969/28 توجد مادة او فقرة تنص بمعناه على اي موظف في القطاع النفطي العام يحصل على امتيازات ومميزات ولكن مع الاسف لم يطبق على الموظف الكويتي في الخاص
     
  5. ابو ريتاج

    ابو ريتاج بـترولـي نشيط جدا

    190
    0
    0
    ممكن اعرف النقابه اشسوت للقطاع الخاص .... انا ما ابي المطبلين يتكلمون ...ابي الموظف يتكلم .... بالنسبه لي انا ماسوت لي ولا شي يعني رصيدها عندي صفر ,,,,,لازم تتغير هالنقابه ,,, ولازم يكون فيه انتخابات ... مو تكون محتكره لكم بس ..... انتوا الحين تتكلمون عن الناس الكبار واحتكارهم للامور الخاصه لهم..... واشوف انكم مثلم ....
     
  6. Dlooola 87

    Dlooola 87 بـترولـي جـديـد

    3
    0
    0
    السلام عليكم ورحمة الله وبركاته
    بسم الله الرحمن الرحيم
    مع فائق احترامي لكم ولجهود النقابه بس انا عن نفسي ماشفت هالجهود اللي نسمع فيها وما نشوفها بالنسبه حق اللي تفضلت فيه من اقتراحات انا ما اشوف شي مهم منهم احنا مو محتاجين مستشفى خاص فينا وبالنسبه لدعم العماله هذا اقتراح انا مااشوف له اي اهميه في اشياء وايد اهم احنا محتاجينها محتاجين امان وظيفي و قسم يحفظلنا حقوقنا الضايعه اذا الشركه اخطات بشي ما عندنا احد نروحله للاسف ونقدم شكوى
    ونبي بعض من امتيازات القطاع النفطي مو كلها مثل ( تامين بدال المستشفى وتذاكر سنويه [mark=#ccff00]او[/mark] كادر ونهايه خدمه ) هذي الاشياء المفروض تكون اساسيه بالقطاع الخاص نسمع ان راح يطبقونها وسمعنا ان بعض الشركات التزمو وانا عن نفسي ما اشوف اي شركه التزمت والشركات اللي ما التزمت شنو مصيرها !! المشكله ان النفط يقولون طبقنا هالشروط وهذا مكتوب بالعقد اللي بين شركه النفط والشركات الخاصه اللي احنا ما نشوفه ولا ندري شنو فيه بس العقد اللي بين الموظف وبين الشركه ما يقول جذي ما فيه هالامتيازات اللي نسمع فيها !!! والشركه تقول احنا علينا بالعقد اللي بينا وبين الموظف ماله شغل العقد اللي بينه وبين النفط !!! واحنا ما نقدر نتكلم لان ما شفنا العقد اللي بينهم شنو فيه
    شلون تبونه نظل بالقطاع النفطي الخاص واحنا ما عنده لا امان وظيفي ولا امتيازات ولا نهايه خدمه ولا قريد يعني الموظف يظل طول العمر على نفس المعاش ونفس الوظيفه لو بعد عشرين سنه ما راح اترقى شنو راح استفيد ولا شلون راح اتطور بالوظيفه ولا شلون راح اعطي وانا اشوف فيه فرق شاسع بين موظف القطاع النفطي وموظف القطاع النفطي الخاص واحنا نفس الشغل ونفس الوظيفه !!!!!
     
  7. فهد المحيسن

    فهد المحيسن بـترولـي نشيط جدا

    279
    40
    28
    مشغل مستودع
    الكويت
    وعليكم السلام ورحمة الله وبركاته

    الحل موجود. وسهل وبسيط بس المشكله يبيله شنبات

    اوجه سؤال حق الموظفين تقدرون تكنون ع قلب واحد وتضربون عن العمل. (. لاحظ اكثر الي خذو حقهم بالاضراب عن العمل من الوزارات والمطار والجمارك والنفط )

    اوجه سؤال للنقابه الحبيبه : استطاعتكم اخذ الامر بمحمل الجد وتقديم كتاب رسمي باضراب الموظفين بس ( يكون وقت الاضراب غير معروف يعنى اصدمهم بالاضراب لافتات مواقع العمل يكون يوم الوراه مباشره علشان لا يقدرون يسكرون نص )

    وصدقني يالفضلي ان الوزير اهو راح يدور عليك.
    يمعود بروحه قطاع النفطي متوهق في نقص موظفين استغل الوقت
     
  8. فهد المحيسن

    فهد المحيسن بـترولـي نشيط جدا

    279
    40
    28
    مشغل مستودع
    الكويت
    انا مادري النقابه ليش مو موافقه ع الاضراب المفاجئ.

    في سر بالموضووع !!؟؟
     
  9. santafe

    santafe بـترولـي مميز

    717
    3
    18
    يا خوي انا معاك بس الاضراب راح يفشل لسبب واحد لاغير لان هناك عمال وافدين يحلون محل الكويتيين واحنا فناقر تفنيش
     
  10. alt_w

    alt_w بـترولـي نشيط

    92
    0
    0
    حتى الان ما فى اي تطور فى الموضوع ولا شي صار الوضع مثل ما هو
    يالنقابة حنا نبي قانون يحمينا نبى بدلات نبى بدل طريق نبي بدل خطر نبى تامين صحي نبى امان وظيفي
    من استلمت النقابه الجديده ولا اجتماع معا مؤسسة البترول ولا فى شي يبشر بالخير جديد بس تصاريح بالجرايد وعمك اصمخ
     
جاري تحميل الصفحة...
مواضيع مشابهة
  1. المحرر النفطي
    الردود:
    2
    المشاهدات:
    2,695
  2. Yes
    الردود:
    0
    المشاهدات:
    394
  3. المحرر النفطي
    الردود:
    4
    المشاهدات:
    20,200
  4. Yes
    الردود:
    6
    المشاهدات:
    20,961
  5. Yes
    الردود:
    7
    المشاهدات:
    1,143

مشاركة هذه الصفحة