استفسارات عن وظيفة "مشغل حقل" اتمنا منكم الرد والأفادة

الكاتب : Kuwait Petroleum | المشاهدات : 3,992 | الردود : 9 | ‏26 سبتمبر 2012
  1. Kuwait Petroleum

    Kuwait Petroleum بـترولـي جـديـد

    6
    0
    0
    الله يفرجها من عنده
    الكـويت
    السلام عليكم ورحمة الله وبركاته

    شلونكم يا اخوان إن شاء الله بخير ,,,

    انا حبيت استفسر عن كم معلومة فقط لا غير واتمنا منكم الأفادة


    1- متى إعلان تسجيل "مشغل حقل" لأني سويت فولو حق شركة البترول بتويتر وقالوا يمكن يعلنون الشهر الجاي ,, ولا أعلنوا وخلصوا وانا نايم

    2- كم استلم أول مربوط على قريد 7 ,, كم المربوط صافي من غير Overtime .

    3- وكم زيادة المعاش اذا طمرت قريد أعلى يعني 8 , 9 , 10 , 11 ,,,, اتوقع بعد قريد 11 تكون مشغل لوحة تحكم اذا ماني غلطان .

    4- شلون طريقة الترقيــة ؟؟ هل هي سنويه أو محصورة على أشهر معينه مثلاً كل ست أشهر أو كل تسع أشهر تصعد قريد ,, وشنو المتطلبات الي تلزمك علشان تترقى يعني ماكو إجازات طبيه ومن هالكلام ؟.

    5- في ناس يقولون اذا توظفت 5 سنوات وتتعدل أوضاعك داخل الشركة ,, لكن هل هذا الكلام صحيح ,, ؟ ,, لأن انا سمعت أن مشغل لوحة التحكم ما تدخل بتريقه يعني لازم شاغر ,, انت وحظك ,, حاله حال الــ سوبر فايزر لازم يكون شاغر ,,

    6- هذا أخر سؤال : ,, عادي ياجماعه مشغل مصفاة يقعد فوق الـ 5 سنوات وأهو معلق على قريد 11 مثلاً ,, يعني ما يترقى مشغل لوحة تحكم ​

    اتمنا القى اجوبة ومحد يسحب :)
     
  2. الى متى؟

    الى متى؟ بـترولـي نشيط جدا

    250
    0
    0
    واجد الله يرزقهم:) اعلى معاشات مشغلين الحقول

    دش توكل على الله...و موفق
     
  3. Kuwait Petroleum

    Kuwait Petroleum بـترولـي جـديـد

    6
    0
    0
    الله يفرجها من عنده
    الكـويت
    ماتقصر أخوي "إلى متى" ,, لكن حبيت اعرف هذي النقاط لأنها مهمه بالنسبه لي ,,

    وماني عارف يعني ليش الناس مو راضيه تساعد اب معلومات دقيقه نفس هذي المعلومات ؟

    هل أسئلتي صعبة
     
  4. Kuwait Petroleum

    Kuwait Petroleum بـترولـي جـديـد

    6
    0
    0
    الله يفرجها من عنده
    الكـويت
    70 مشاهدة

    رد واحد بس

    ياجماعة الخير مابي منكم فلوس :confused:
     
  5. ابوهامل

    ابوهامل بـترولـي جـديـد

    34
    0
    0
    الراتب طيب..لاتسأل عنه..بس الدوام متعب شفتات والدرجات ماطول بس على شرط ماتاخذ طبيات ...فوق 20 يوم في السنه...
     
  6. Kuwait Petroleum

    Kuwait Petroleum بـترولـي جـديـد

    6
    0
    0
    الله يفرجها من عنده
    الكـويت
    ابو هامل بتعبك معاي شوي ماعليه تحملني ما صدقت في أحد يجاوب :)

    بغيت اسئلك عن تجميد القريد هل هو موجود عندكم ,, وأحياناً اقرأ بالمنتدى اشخاص يقولون انهم من زمان وهم مشغلين حقول يعني فوق العشر سنين ,, شنو المقصد من هالكلام هل المقصد انه ترقى وصار كنترولر أو انه عشر سنين نفس وضعيته الوظيفيه مشغل حقل ؟

    وهل تجميد القريدات يفرق على حسب الوحدة الي يقطونك فيهــا

    ويعطيك العافيه على الأستجابة بس ترا انا راعي طويله شوي تحملني :rolleyes: ,,

    اتمنا منك ومن الشباب الطيبة تاخذ وتعطي معاي لأن هذي وظيفه مو لعب مثلك عارف طبعاً
     
  7. فاقدك

    فاقدك بـترولـي جـديـد

    5
    0
    0
    ننطر اي عضو له جواب على اسئله الاخ لانها تقريا نفس اسئلتي <<لووول
     
  8. Kuwait Petroleum

    Kuwait Petroleum بـترولـي جـديـد

    6
    0
    0
    الله يفرجها من عنده
    الكـويت
    حياك الله بالنسبه لك اخوي اضمن مني معلومتين لصالحك ,, اضمنهم بجيبك إن شاء الله

    انا بقدم على الثنوي يعني انا اتوظف على قريد 7 ,, لكن انت إن شاء الله اتخلص من الدبلوم تتوظف على قريد 9

    والي متأكد منه انك راح تاخذ 1500 كاش هذا أول معاش لك ,,

    وطبعاً المعاش يفرق كل مازاد قريدك ,, يعني اذا صار قريدك 10 يزيد وإذا صار 11 يزيد .. إلخ

    لكن السؤال الحين ,, هل القريدات تتجمد على 10 أو 11 ,, أو تظل مستمره ومايجمدونها أهني المشكلة الي نواجهها انا معاك

    وهل الوحدات تفرق يعني انت لمن اتقدم يفرزونك انت ويا الي مقدم معاهم فرز عشوائي ويوزعونكم على وحدات ,, أوكي ,, هل الوحدات تفرق يعني في وحدة يجمدونك ووحدة ثانيه يمشونك ,, لأن لو جمدوك بالأحلام تصير مشغل لوحة تحكم

    وهذا السؤال المحير بصراحه :)
     
  9. ابوهامل

    ابوهامل بـترولـي جـديـد

    34
    0
    0
    على حسب المكان المتواجد من حيث المصفاة والوحده...والجمود في أغلب الوحدات في قريد 15 مراقب الوحده.....
     
  10. SUPER SAFARi 2005

    SUPER SAFARi 2005 بـترولـي نشيط

    90
    2
    8
    حاليا بطالي
    دولة الكويت
    السلام عليكم
    اولا طال عمرك نصيحة لا تفكر واجد ولا تشيل هم كبير لان والله العظيم راح تتعب انا اقولك ليش .
    انا مشغل حقل توني اليوم متخرج من دورة التكنكل الي هي 6 شهور ومع الاجازة تقريبا 7 شهور بالظبط وبعدها اطلع ميداني علشان اتثبت وفترة التثبيت من 4 الي 6 شهور علي حسب شطارتك وبيني وبينك وانا اخوك ترا انا داش من شهر 10 الي طاف الي الحين سنة كاملة راحت بس علشان الدورات ( الانجليزي / الغاز / الدورة الفنية / والاجازات ) غير فترة الميداني وغير النطرة من يوم فتح الاعلان الي طاف الي هي 7 شهور يعني المجموع التوتل تقريبا سنتين تخيل !!!
    7 شهور نطرة علي ما ادش الدورة
    سنة كاملة بس دورات من انجليزي والفنية والورشة الخ...
    4 او 5 شهور ميداني
    المجموغ سنتين
    وبعدين ترقا كل سنة او سنة ونص ماني عارف بالظبط
    بس الوكاد احسب حساب من سنة ونص الي سنتين علا ماتوظف رسمي!
    وبالنسبة للدرجات وطريقة التقييم تعتمد من عند السوبرفايزر او المراقب والمثل يقول ان حبتك عيني ماضامك الدهر
    وبخصوص الراتب حول 1300 مع خصم التامينات والخصومات مالت الشركة يصفا لك تقريبا 1100
    والله يوفقك وانشوفك زميل لنا بالمستقبل ان شاء الله
     
جاري تحميل الصفحة...

مشاركة هذه الصفحة