كرعاة الغنم نعيش !!

الكاتب : sunshine | المشاهدات : 1,491 | الردود : 12 | ‏21 سبتمبر 2012
  1. sunshine

    sunshine بـترولـي جـديـد

    1
    0
    0
    السلام عليكم ورحمة الله وبركاته
    بسم الله الرحمن الرحيم


    كرعاة الغنم نعيش هذا ما اخترته لموضوعي الذي سوف اتحدث لكم عنه فلا اعلم لمن اشتكي لحالنا الذي نعيشه في المنطقه الاولي في ميناء الاحمدي فلا يوجد اهتمام ومبالاة لقوانين الامن والسلامه العالميه التي تتبعها شركة البترول في مصافيها (( خير ان شاء الله )) فنحن نعيش حاله من اليأس ومعاناه بسبب الشلاتر التي نجلس فيها للراحه والتي لاتملك وتفتقر لسبا الراحه من بعد عناء الشغل فالارضيه متهاكله وايله للسقوط وايضا ينذرنا السقف بالسقوط فوق رؤوسنا ويمتليء بالغبار والاتربه المضره للصحه والرئه ويمتليء فيها الحشرات الغريبه التي لم ارها في حياتي حتي في كتب العلوم والاحياء في المدرسه والمياهًفترات تنقطع وان اتت تأتي بالمياه الحمراء كشراب الفيمتو في ليالي رمضان حتي تداعت بطوننا وتهالكت ارياقنا من طعم هذه المياه القذره فلمن نشكي هذا الظلم والامبالاه نعم الشكوئ لله مذله .. وايظا اجلكم الله دورات المياه مهمله وتمتليء دائما بالمياه القذره فنضطر دائما لتحمل الرائحه حتئ يأتي تنكر المجاري ويسحبها والكراسي والمكاتب مكسره وغير صالحه للاستخدام فقد نهش واكل النمل الاحمر المكاتب والشلتر وهددنا باسلحته الفتاكه بقرب سقوط هذا الشلتر المصمم في جواخير جبد من الشينكى والخشب .. احبتي لما هذا السكوت لمن نذهب ونشتكي ؟؟ شكينا مرات وعلئ سنين فما سمعنا الا قريبا قريبا !!! اي النقابه وما دورها ؟؟ كلام في كلام !!! والله نعيش في قبور جماعيه لا يسمعنا احد ولا يحس بنا احد ؟؟؟

    ميناء الاحمدي ، المنطقه الاولئ
     
  2. مراقب الاحمدي

    مراقب الاحمدي بـترولـي مميز

    676
    10
    18
    مراقب صيانة في الاحمدي
    الكويت
    مدير المصفاة تقدر تدخل عليه بدون موعد واعرض مشكلتك عليه ما سوالك شئ روح لمدير الشركة بالاحمدي
     
  3. MR_KNPC

    MR_KNPC بـترولـي نشيط

    68
    0
    0
    السلام عليكم ورحمة الله و بركاته

    كونوا ع قلب واحد انت وربعك بالقسم

    >>> موعد للاعتصام >>> اعتصام >>> موعد للاضراب >>> اضراب

    والسلام عليكم ورحمة الله و بركاته
     
  4. بترولي عمالي

    بترولي عمالي بـترولـي جـديـد

    15
    0
    0
    الخلل فيكم

    اتفقوا على كلمه وارفضوا الدخول في الشلاتر واقعدوا بالكنترول روم
     
  5. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    تم الاتفاق على تنفيذ شلاتر سيفتي ( بنيان) والمده المتوقعه ثلاث سنوات ولجميع المصافي
    طبعاً الاتفاق بين النقابه والشركه بعد المطالبات الاخيره
     
  6. الى متى؟

    الى متى؟ بـترولـي نشيط جدا

    250
    0
    0
    جماعه شنو هالكلام كل ما صارت مشكله اعتصام واضراب؟

    هذا مكان رزق...اللي محتاج يطلب والاداره مسؤوله عن هذا الشيء وتدرس الموضوع...واللي مو عاجبه يقدم استقاله ويروح مكان ثاني....انا متأكد لو تفرون الكويت كلها على شهادة رابعه ثنوي ما تحصل نص المعاش اللي بهالمكان اللي مو عاجبك...ولا مو بس جذي معاشات ثلاث ترباعكم تشفط لمعاشات الدكاتره والمهندسين...قولوا الحمدالله والصبر زين لو طال...والله اني اتمنى ان يتم وضع افضل سبل الراحه لكم واتمنى لكم الخير..بس مو طريقة تفاهم هذه اللي كل مشكله تصير اضراب...هوشه مع مسؤول...اضراب...اجازه ماكو اضراب...زين بعد ما واحد ينام عليكم بالشارع وانتو جايين الدوام وتسوون اضراب

    انا ادري ان وظيفة مشغل الحقل متعبه وتحتاج رجال يتحملونها....بس الصبر زين

    قبل كنت الوم المسؤولين على الموظف الكويتي الحين ما الومهم لو يحبون الاجانب.... واللي عرفته ان مشغل الحقل قبل يقعد على كرسي طول دوامه بدون حتى شلتر!!!!!! والتطور يحتاج لدراسه وحبه حبه...مو خبط لزق
     
  7. MR_KNPC

    MR_KNPC بـترولـي نشيط

    68
    0
    0
    السلام عليكم ورحمة الله و بركاته

    عزيزي الي متي؟

    اسمحلي اخالفك الراي لان مو معناته انه شركه محترمه مثل البترول الوطنيه تقعد مشغلينها بمثل هالشلاتر !!

    انت تعرف شنو يعني مشغل حقل ؟؟ هو عصب المصنع من غير مشغل لا يمكن لاي مصنع ان ينتج و مع ذلك 90 % من المشغلين جالسين بمثل هالشلاتر وساكتين

    وانا لما اقول اعتصام لانه القضيه قديمه والشركه لم تحرك ساكن وع فكره سواء ع كرسي او في شلتر فاخر المشغل راح ينتج

    اما باقي الكلام اعتذر عن الرد عليه

    وشكرا
     
  8. الى متى؟

    الى متى؟ بـترولـي نشيط جدا

    250
    0
    0
    خير يا طير....مهما كان لو المدير نفسه...مايصير يقول سوولي جذي والا بسوي اضراب!!!!!!!

    بعدين تبي يسوون نفس قصر بيان يعني حق المشغلين؟ الدراسه اللي قاعده تصير قاعده تصير على مستوى شركات عالميه مو اي شي ولا يمشون على رايكم........لازم يكون الشي ذات مواصفات عاليه وتواكب التطور في مجال الحقول
     
  9. MR_KNPC

    MR_KNPC بـترولـي نشيط

    68
    0
    0
    لا حبيبي العمال لهم حقوق و لهم نقابة تطالب بحقوقهم والمطالبه بالحقوق حق شرعي كفله لنا القانون ولازم توفر الشركه البيئه المناسبه للعمال وان كان غير ذلك

    والا في طرق كثيره تاتي بحقوق العمال
     
  10. الى متى؟

    الى متى؟ بـترولـي نشيط جدا

    250
    0
    0
    يا عمي اي حقوق؟ شرايك بعد يحطون بالحقل فندق من هالفنادق ونادي صحي و spa ؟

    شنو حقوقك اللي مو معطينك اياها؟ توفير مكان تقعد فيه امن؟... المسؤولين قاعد يشوفون اقوى تكنلوجيا بالشركات العالميه ويحطونها لكم...مو على كيفكم تبون فنادق وحركات...في دراسه لكل شي مو خبط لزق
     
  11. MR_KNPC

    MR_KNPC بـترولـي نشيط

    68
    0
    0
    اسمحلي افسر استذباحك بالدفاع عن الشركه انه اللي ايده بالماي مو مثل اللي ايده بالنار
     
  12. الى متى؟

    الى متى؟ بـترولـي نشيط جدا

    250
    0
    0
    انا سمعت هالمثل مرتين خلال هالشهر هذا....مره بموضوع اسقاط القروض ومره منك


    اللي بإسقاط القروض عليه قرض 6 الاف....وانا علي 90 الف.....اهو مع اسقاط القروض وانا ضدها....يقولي اللي ايده بالنار مو مثل اللي بالماي!!!!


    وانت الحين جايني تقول اللي ايده بالماي مو مثل اللي ايده بالنار ومستذبح على الشركه...اخوي اكيد استذبح هذه الشركه اللي تمشيلي معاش وتوكلني تبيني ما اهتم لها؟ اخوي انا ضد اهانة او انتزاع حقوق الموظفين او طمس رغباتهم...بس ماكو شي يجي واحد مو من اهل الاختصاص ويقول حطولنا جذي ونروح نحطه له!!!!!!!لازم دراسه ونشوف مدى فايدة هالمشروع ونشوف الشركات العالميه شتسوي...يمكن نسوي احسن من اللي طالبينه........انا لو ماتهمني الشركه ولا مستذبح على مصلحتها...ما تكلمت معاكم بهالموضوع
     
  13. AL.SAAD

    AL.SAAD بـترولـي نشيط

    و لا تحاسدوا

    السلام عليكم ورحمة الله وبركاته

    الى الاخ
    الى متى ؟.

    الاحظ من اسلوبك في الهجوم على من يطالب بشلاتر

    و اسلوب الاستهزاء " فنادق و قصر بيان " دليل واضح على جهلك

    بالموضوع الذي تكلم عنه صاحب الموضوع و دليل على انك لم ترى هذه الشلاتر

    ولا الومك على جهلك و لا اريد ان اضرب الامثال والحكم

    لانه ليس هذا موضوعنا

    اتمنى منك الجلوس في شلتر من شلاتر المصافي و خاصه الموجوده


    داخل الوحدات التكريريه ولو لمدة ساعه كامله

    انا شخصياً اعمل في وحدة الشلتر الموجود فيها منذ عام 1987

    لم يتغير لك ان تتخيل التواجد فيه ذهابا و اياباً يومياً 8 ساعات و احياناً 16 ساعه

    في جميع احوال الطقس الحر و البرد و المطر و الغبار لا يحميك من اي شئ

    لانه عمره الافتراضي انتهى


    لكن الكلام في الهواء و مجرد طرح راي هذا مرفوض و اتمنى منك احترام الاخرين في معاناتهم


    اذا كنت من الذين يجلسون في مكتب او من الذين يقومون في زياره ميدانيه

    فلا ملامه عليك و على جهلك بامور مشغلين المصفاه

    و ان كنت تقارن الرواتب برواتب الدكاتره و المهندسين

    باننا اعلى منهم فهذا جهل و كلام في الهواء اخر لانه

    سلم الرواتب في الطب معروف

    و سلم الرواتب للمهندسين معروف

    راجع رواتهم و بعدين ارجع للرواتب في القطاع النفطي

    ولا تقارن شخص خدم في القطاع النفطي لمدة 20 سنه

    مع دكتور او مهندس في بداية السلم الوظيفي ارجو ان تكون عقلاني

    في المقارنه

    و شكراً ........
     

مشاركة هذه الصفحة