شركة برقان للحفريات

الكاتب : 3ashq | المشاهدات : 3,665 | الردود : 4 | ‏14 سبتمبر 2012
  1. 3ashq

    3ashq بـترولـي جـديـد

    9
    0
    0
    بسم الله الرحمن الرحيم
    السلام عليكم ورحمة الله وبركاته ​
    اخواني انا سجلت بشركة برقان للحفريات واقبلوني وقالولي قدم اوراققك اذا حاب اتوظف عندنا علما باني موظف حكومي 14 سنه خدمه حكوميه وتدرون الاستقاله امر مو هين ولا بالساهل لذلك حاب اعرف للي عنده معرفه يفيدني ربي يجزاه كل خير وربي يوفقه لاني متردد حيل وابي يكون عندي معلومات قبل كل شي ابي اعرف المعاش ينزل في توقيته والا فيه تاخير علي حسب كلام الشباب المتذمرين بالمنتدي لوجود تاخير بالمعاشات وانه دائما متاخره...وابي اعرف شلون الزيادات والشغل والوضع العام بالروضتين...اسئله كثيره براسي بس مابي اطولها معاكم واللي عنده اضافه من عنده لايحرمني منها الله لايحرمه من الجنه ان شاء الله واللي عنده خبره او معرفه بالروضتين يقولي وجزاكم الله كل خير .

    شـكــ وبارك الله فيك ـــرا لك ... لك مني أجمل تحية .
    والله ولي ولي التوفيق[/center[/size​
    ]]​
     
  2. فهد المحيسن

    فهد المحيسن بـترولـي نشيط جدا

    279
    40
    28
    مشغل مستودع
    الكويت
    وعليكم السلام ورحمة الله وبركاته

    اخي العزيز في نظام العقود يوجد تأخير في الراتب ولا في مميزات ولا يوجد الميزه الافضل بعد التقاعد

    ودوامه شاق جداً

    لو تلاحظ هذي الوظيفه فيها اقبال شديد في الاستقاله لان ليست وظيفه مستقبليه

    انصحك تكون بوظيفتك احسن قاعد بالظل وتعرف كم ينزلك اخر الشهر
    والخصومات عندهم سهله ما اتمنا انك توهق نفسك
     
  3. فهد المحيسن

    فهد المحيسن بـترولـي نشيط جدا

    279
    40
    28
    مشغل مستودع
    الكويت
    وابي افيدك اكثر لا يوجد زياده سنويه الا في حال التريقه بعد سنين طويله
    ولا في تأمين عليك لا قدر الله حادث داخل الموقع السركة غير مسؤاله
    كثير من موطفين العقود توجهو الى الحكومي
    او شركات الممتازه
    نقول مثال انت موظف في قطاع نفطي خطر راتبك الاساسي 400 الى 450 شهاده ثانويه

    وموظف شركات الاتصالات راتبه 500 قاعد بالبراد. وزياده سنويه وترقيتك سهله وشهاته ثانويه
    عرفت الفرق بين نفطي 400 واتصالات 500
    هههههه شي مضحك. انت بموقع خطر لا بدلات ولا راتب
    وموظف اتصالات 500 راتبه وقابل للزياده وبدل شاشه واذن

    عرفت ليش انصحك
    اسف ع الاطاله ،،،، شكراً
     
  4. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    أنحش من هالقطاع المعاق
    أخذ دعم عماله من شركه وهميه أبرك واشرف
    من النفطي الخاص** تشتغل فوق مجهودك
    12 ساعه وحالتك حاله و 35 يوم عندهم بالكامب مقيم
    و 35 على قاصيين عليك بالبيت!

    راتب الشركه يندبل مرتين و الشهر الي بالبيت مايمشيلك
    غير دعم العماله !!!!

    انا اقول اذكر الله وخلك بالحكومه وبوس ايدك بالمقلوب


    الا اذا فني يمكن تسلك امورك
    دوام مصانع او مصافي ب شعيبه
    صباحي فيها تذكره وزياده سنويه
    8 ساعات دوام ***


    وكيفك يالطيب
     
  5. 3ashq

    3ashq بـترولـي جـديـد

    9
    0
    0
    شـكــ وبارك الله فيك ـــرا لك ... لك مني أجمل تحية . ​
    جزاك الله خير اخوي فهد..وجزاك الله خير أخوي الشكوي لله..
    ويعطيكم العافيه علي النصائح اللي مراح انساكم فيها بالدعاء ان شأ الله..
    بس انا ابي اعرف عن شركة برقان بالذات تدرون كل شركه تختلف عن الثانيه من ناحية النظام ..!!
    وشركة برقان شركه اقوي من الشركات الباقيه..وانا ابي اعرف النظام فيها بوجه عام والمعاشات والشغل بوجه الخصوص..؟؟
    وبعدين أخوي فهد المحيسن ابي اعرف اي اتصالات اللي تتكلم عنها وكلمة اتصالات تشمل اشياء كثيره..الا اذا تقصد شركة الاتصالات فجاب هذا لهذا..واعذرني ياخوك علي فهمي لك..
    والعقود اللي بشركة برقان قالولي 5 سنين وتجدد وماعندهم اي مشكله واللي اسمع فيه ان شركة برقان ملتزمه حيل..اقصد غير عن الشركات الثانيه..
    لأن قالولي الشغل فيها كرف صح,,,بس فيها معاش طيب وقالولي ان برقان احسن من غيرها من كل النواحي .,,
    وشاكر لكم ويعطيكم العافيه
     
جاري تحميل الصفحة...

مشاركة هذه الصفحة