ارجو دخول الجميع الباحثين عن وظائف

الكاتب : عابر القارات | المشاهدات : 827 | الردود : 0 | ‏3 سبتمبر 2012
  1. عابر القارات

    عابر القارات بـترولـي جـديـد

    12
    0
    0
    [align=center][/align]بسم الله الرحمن الرحيم

    أولا انا ما فتحت هالموضوع عشان اكسر مجادف الناس او اخلي الشباب يقعد بالبيت ويحط ايده على خده
    انا شاب متزوج وحاصل على شهاده جيده ومرموقه ومطلوبه في جميع القطاعات النفطيه بالاضافه الى ذلك مليت وانا اقرا تخصصي بس مطلوب ولكن انا غير مطلوب
    لما شركه تفتح باب توظيف لمده شهر بعدين تاخذك حق امتحان انجليزي وبعدها يودونك مقابله وبعدها من 1000 متقدم او اكثر
    يقبلون اللي حب لخشوم وعنده فيتامين واو وكلهم ما يتجاوزون 35
    ليش من الاول ما تكلمتوا ولا قلتو خلاص وقفنا خليتونا بلا وظايف نقعد وننطركم وبالاخر على بطيخ
    طبعا اللي ضامن قبوله هذاك هو قاعد بالزاويه يستقبل رسائل مبروك الوظيفه الجديده هذا من غير امتحان ومقابله
    واللي عنده واسطه انسى يكلمونه عن لغته او انجليزي
    هذا لو عنده واسطه على قده:rolleyes:
    انا اقول هيهات مثل هالناس تحطم آمال الشباب الكويتي القدوم الفاهم الواعي ......

    اما شركات القطاع الخاص ما تدري متى يستغنون عن خدماتك طبعا المعاش مال الشركه يالله يكفي قسط سياره وباكيت زقاير والدق كله على دعم العماله
    تبون حل الحل واضح وبين مالك الا القطاع الخاص تمشي امورك لين ربك يفرجها لان في مثل عند اللي يدورون وظايف يقول

    100 تحطها بجيبك ولا 1000 تسمع فيه من بعيد أرجو من اخواني واخواتي الباحثين عن عمل لا تركزون فقط على القطاع النفطي لانه لازم حب خشوم وفيتامين واو قوي حيل والدليل الاف تقدم و10 مقبولين وهم نايمين بالسرير وانا اعلم ان هذه الحقيقه اللتي يعلمها الجميع
    ولكن لا يعني ما اقول انكم تقعدون بالبيت ابحث عن اي وظيفه مشي فيها امورك ومن هذه الوظيفه ابحثلك عن وظيفه العمر اولا يمشيلك خدمه ثانيا خبره في العمل وحتى ذوي الخبره هالايام مو مطلوبين
    عموما اتمنى للجميع التوفيق
    ولكم خالص الشكر على مروركم المشرف
    اخوكم ابو جاســـــم
     
جاري تحميل الصفحة...

مشاركة هذه الصفحة