ماقصة آلية التعيين الجديدة ؟؟

الكاتب : Sa86 | المشاهدات : 1,332 | الردود : 9 | ‏2 سبتمبر 2012
  1. Sa86

    Sa86 بـترولـي جـديـد

    28
    0
    0
    السلام عليكم
    سألت احد الموظفين في شركة kpc عن موعد فتح باب التوظيف في الشركة
    فقال نحن بانتظار آلية التعيين الجديدة حتى تكتمل
    يعني طريقة تقديم جديدة
    في احد عنده فكره عن هالموضوع ؟؟
    ياليت اللي عنده فكره يفيدنا

    وشكرا
     
  2. ITC

    ITC بـترولـي نشيط جدا

    294
    27
    28
    مبرمج
    وعليكم السلام ورحمة الله وبركاته
    دورت الموضوع عشان ارد عليك فيه ما لقيته للاسف

    وكانو كاتبين في الموضوع ان كل مؤسسة بترول تحط اعلان خاص فيها مونفس اول كنا نمتحن بمبنى واحد بعدين هم يوزوعنا يعني ان شاء الله راح النظام يتغير

    وسالفة الشهادة اول كانت 3 سنوات حديث التخرج الحين سووها 5 سنوات واشياء ثانية بعد مو متذكرها

    والله اعلى واعلم
     
  3. املي بالله كبير

    املي بالله كبير بـترولـي نشيط جدا

    وعليكم السلام ورحمة الله وبركاته

    اذا هذا الكلام صحيح .... فان في اعتقادي راح يظلم ناس وايد

    مثلا : اللي عنده خبرة 5 سنوات ---راح يزاحم حديثي التخرج فعلا و يقلل من فرص توظيفهم
    و من جهة ثانيه ..... انت تساوي خبرة 5 سنوات عملية مغ شخص حديث !!!!! يعني مافي اي تقدير للخبرة

    المفروض الشركات تستفيد من الموظف الخبرة مو ترده الى الوراء :confused:
    والله احنا في ديرة للاسف تمشي الى الخلف :(


    وهذا رايي و شكرا
     
  4. المهندسة

    المهندسة بـترولـي نشيط

    67
    0
    0
    [align=center]
    بالعكس انا اشوف زين مددوا عدد السنين

    التوظيف صاير صعب

    والواحد يقعد سنتين وثلاث عقب التخرج يالله يتوظف

    وهم يساعد التخصصات الي مايطلبونها بكل اعلان [/align]
     
  5. بوعزوز_14

    بوعزوز_14 بـترولـي نشيط

    122
    0
    0
    انا مع راي اختي المهندسة، في اعتقادي ان اذا فعلا مددوا المدة لحديثي التخرج الى 5 سنين.. فهذا يعطي فرصة اكبر حق الي مقدم قبل وما انقبل وحق الي بعد مو كل مرة تنزل تخصصاتهم... ففي مجال اكثر له علشان ينقبل ان شا ءالله...


    وبخصوص الخبره و5 سنين... فاعتقد انت اذا قدمت على حديثي التخرج(بعد مايسوونه 5 سنين) فماراح يشوفون خبرتك.. بس هما اعتقد في اعلان ثاني حق ذوي الخبره بس ويطلبون 5 سنين خبره عالاقل... فعني تكون عندك كذا فرصة علشان تقدم..

    يعني تقدم على بو حديثي التخرج(لان فرصة القبول والعدد الي يبونه اكثر من الخبرة(في اعتقادي) ) .. واذا ماحالفك الحظ(لا قدر الله) ، تقدم على ذوي الخبره اذا نزل... يعني يكون عندك كذا فرصة..


    والله يوفق الجميع ان شاء الله... وودي يسوونها مثل قبل ويخلون كل شركة تنزل اعلان بروحها والتخصصات الي تبيها، علشان ممكن تسرع هالشغله عملية التوظيف اكثر وماننطر كل سنة مرة او مرتين علشان يفتحون وعقب مايفتحون نقعد اشهر(وتوصل 6 اشهر اذا مو اكثر) وبعدين تطلع النتايج وفوق هذا يقبلون شوية..

    فاذا افتحو وكل شركة تنزل اعلان، انت احسلك مع هالحركة وتقدر تقدم على اكثر من شركة علشان تكون عندك كذا فرصة للقبول...


    ننطر ونشوف، وان شاء الله خير :)
     
  6. املي بالله كبير

    املي بالله كبير بـترولـي نشيط جدا

    السلام عليكم ورحمة الله وبركاته

    صراحة اقنعتني اخوي بوعزوز.... ماكنت فاهمها جذي
    وجهة نظرك حلوة و اسلوبك احلى

    اذا جذي اضم صوتي لكم :p

    وشكرا
     
  7. بوعزوز_14

    بوعزوز_14 بـترولـي نشيط

    122
    0
    0


    حبيب يا اخوي ;)

    وان شاء الله يصير هالشيء، لان اعتقد من مصلحة الجميع ان ينزل كل اعلان بروحه... ولا تنسى الحركة الاقوى والاحسن اهيا ان اذا قدمت على اعلان جذي انت راح تمتحن فراح تعرف الاسألة وراح تتعلم من اخطائك، فجذي يساعدك انك تشد حيلك وتقدم احسن للامتحان الياي(الشركة الثانية ) ;)

    فجذي فرصتك تكون احسن واحسن ان شاء الله...

    بس لازم الواحد يشد حيله ويتوكل على الله، وربك ان شاء الله ماراح يضيع تعب الواحد...

    ولازم الواحد يثق ويؤمن تماما ان كل الي قاعد يصيرله خيره من رب العالمين والواحد مايدري وين الزين له...

    ولاتنسون من الاكثار من الدعاء...


    والله يوفق الجميع ان شاء الله


    وموفقين شباب جميعا
     
  8. بوعزوز_14

    بوعزوز_14 بـترولـي نشيط

    122
    0
    0
    ياجماعة

    سمعت اخبار تأكد الي قاله اخوي itc ، يقولون فعلا الاعلانات الياية ماراح تكون مقصورة لل kpc فقط(مثل الي صاير الحين) .. بل راح ينزلون كل شركة(الكبار) الاعلانات واهيا راح تكون بالنيابة عن القطاع النفطي كله...


    يعني الي ينزلون الاعلانات حاليا اهما kgoc & kpc وتكون kgoc حق الخفجي والوفرة وkpc حق البترول كله... فالي راح يصير حاليا(الي سمعته) ان الي راح ينزلون الاعلانات(منفصلة) اهم:
    Kpc,kgoc,knpc,koc ... وهما راح يكونون حق القطاع النفطي كله...

    يعني الشركات الكبيرة مثل koc,kgoc,knpc اعلانها خاص فيها وحق الشواغر الي تبيها.. و kpc اعلانها يكون حق باقي الشركات الصغيره مثل pic,kpi وغيرها من الشركات...

    فاعتقد هالشيء واااايد افضل ان شاء الله...

    فالله المستعان ان شاء الله...


    وبخصوص ال 5سنين لحديثي التخرج، ماعندي علم الصراحة، بس قالوا قبل ان بيخلونه 5 سنين... فالايام الياية تبين هالشيء ان شاء الله...

    وبخصوص متى ينزل الاعلان اليديد، يقولون(على كلام الشباب) لمه يخلصون من العقود ويخلصون من آلية التوظيف اليديدة(كل شركة بروح ومن هالسوالف).. بس مافي تاريخ محدد..


    هذي كل المعلومات الي عندي، وان شاء الله اكون قدرت افيدكم...


    والله يوفق الجميع ان شاء الله
     
  9. املي بالله كبير

    املي بالله كبير بـترولـي نشيط جدا

    وعليكم السلام ورحمة الله وبركاته

    مشكور اخوي بوعزوز على هالمعلومات

    تبي الصج... قلبي حاس انهم راح يوظفون الناس اللي تعدي الامتحان و المقابلة و ما عندهم واسطات في العقود
    تالي ينزلون الاعلان ... وانت يالمسكين اللي ما عندك واسطة ( المقصود انا مو احد ثاني ) تقدم و تمتحن و تسوي مقابلة و تالي يتم قبول الاهل و الاصدقاء و الجيران و عائلاتهم كالمعتاد

    وانت ترضى بالوضع و تمسك وظيفتك ب العقود (طبعا اذا تم قبولك ) وتحمدالله و تشكره

    الف حمد و شكر لله على كل حال
    :):):)
     
  10. بوعزوز_14

    بوعزوز_14 بـترولـي نشيط

    122
    0
    0

    الله كريم يالغالي، ولاتحاتي... حقك راح تاخذه ان شا ءالله وتعبك ماراح يضيع وثق تماما ان الخيره فيما اختاره الله وان شا ءالله كلنا نتوظف بالاماكن الي نبيها والزينة لنا..


    وانا مثلك، حاس ان الامور راح تخلص بسرعة للعقود، لان مو الكل يبيها لان ماكو فرق كبير بينها وبين الحكومة ويقولون فيها دق.. فعلشان جذي ماكو واسطات... فان شاء الله يكون المكان زين وتستفيد منه وتتعلم منه، وتالي اذا نزل اعلان للمؤسسة، مايمنع انك تقدم عليهم بعد وان شاء الله تنقبل...

    منت خسران شيء ;)

    بس ان شاء الله ننقبل ويكون المكان زين وتستفيد منه، هذا اهم شيء...


    والله يسهلها عالجميع ان شاء الله
     
جاري تحميل الصفحة...

مشاركة هذه الصفحة