فضيحة ميناء الأحمدي تحويل سامبلر الى مشغل حقل

الكاتب : admin | المشاهدات : 2,279 | الردود : 14 | ‏26 أغسطس 2012
  1. admin

    admin إدارة المنتدى

    383
    9
    18
    ذكر
    kuwait
    السلام عليكم ورحمة الله وبركاته

    في سابقه خطيره ولا نعرف كيف تمت وهل تعلم الشركه بمدى خطورتها

    تم تحويل عامل من الجنسيه الهنديه يعمل ( سامبلر ) جامع للعينات الى مشغل حقل في مصفاة ميناء الأحمدي

    كما تم تحويل عامل صيانه ايضاً الى مشغل حقل كما تحويل عامل الات دقيقه الى مشغل حقل

    وجميعهم بنظام العقود مع العلم انه لا يوجد لديهم اي خبره سابقه في تشغيل المصافي

    ولا نعلم من يتحمل مسؤولية اي خطأ قد تقوم به هذه العماله الغير مدربه

    ففي السابق كانت جميع الأخطاء من عمال الصيانه لعدم وجود اي خبرات سابقه وحالياً يتم جلب هذه العماله الى قسم العمليات

    نرجوا ان تكون هناك وقفه من الاداره ومن النقابه

    فأولا ابناء الكويت اولى بهذه الوظيفه

    وثانياً نحن كموظفين لا نأمن على انفسنا بوجود مثل هذه العماله
     
  2. الى متى؟

    الى متى؟ بـترولـي نشيط جدا

    250
    0
    0
    شنو المشكله؟ يمكن شهادته تسمح له في اخذ هذه الوظيفه؟

    وبعدين من زمان وانا اشوف سكرتاريه وصيانه يحولون لمشغل حقل و ناس شهادتهم من السعوديه و ناس ادبي يشتغلون بهالوظيفه

    شنو المشكله وشنو الفضيحه؟ تدور السوالف انت
     
  3. admin

    admin إدارة المنتدى

    383
    9
    18
    ذكر
    kuwait
    السكرتاريه والاداريين يتم تحويلهم بعد اعطائهم دوره لمدة سنه كامله
    لكن عامل عينات يتم تحويله بدون دوره هذي المصيبه
     
  4. Corvette

    Corvette بـترولـي نشيط

    72
    0
    6
    ان صح الخبر فمدير العمليات هو المسؤول ،،

    شباب الكويت من غير وظايف وهو يوافق علي تحويل سامبلر لمشغل حقل ،،

    شاخوا علينا الهنود بالمصافي ،،

    تبا للفلسطن ،،
     
  5. a3any

    a3any بـترولـي نشيط جدا

    191
    0
    0
    ذكر
    موظف عمليات - بشركه البترول الوطنيه - الاحمدي
    الكويـت
    اخوي تبي الصج ؟

    بعض عمال الصيانه فاهمين بشغل الاوبريشن احسن من الاوبريتر نفسه

    ممكن يكونون من الناس الفاهمه
     
  6. الى متى؟

    الى متى؟ بـترولـي نشيط جدا

    250
    0
    0
    فعلاً كلام سليم... نتمنى من اخوانه المشغلين يشدون حيلهم...مو معقوله بين عشره يطلع واحد زين


    بس يا جماعه شنو شهادة عامل السامبلر؟ يمكن تأهله لهالوظيفه؟ ترى في ناس يحملون شهادات عاليه بس يبي يجي الكويت يشتغل اي وظيفه ويدور على وظيفه زينه تناسبه...يعني كان مضحي بهالشغله



    موفقين
     
  7. 4649

    4649 بـترولـي نشيط جدا

    180
    0
    16
    انا استغرب من اللي يقول شنو المشكله ؟؟؟

    هذا يامسوؤل يبي يدافع عن الاداره او انه فعلا مايدري شنو المشكله

    الحين قبل كل شي عيال الكويت مو اولى بهالوظيفه ؟؟؟؟

    والشي الثاني من جامع عينات اللي هو سامبلر الى مشغل حقل ؟؟ هذا بديرته تلقاه يشتغل على قاري

    شلون تبيه يشتغل بمصفاة ولا دوره ولا شي؟؟
     
  8. مراقب مخضرم

    مراقب مخضرم بـترولـي نشيط

    72
    5
    8
    لا تستغرب انت في الكويت

    لا تستغرب اخي كاتب المقال فانت في الكويت فكل امر لا يتقبله العقل يحدث عندنا في الكويت فحرامي الخيام والذي سجله مليان من القضايا يشرع للامه فما الغرابه في ذالك والساقط الاقط اصبح عضوا في مجلس الامه مع الاشراف فما الغرابه في ذالك وبطل اكبرسرقه في العصر يجلس في الصفوف الاماميه مع علية القوم فما الغرابه في ذالك فهذا زمن فيه الكلب السعيد يهز ذيله والمنافق يهز لسانه...فلاتحزن اخي الفاظل*
     
  9. Knpc lawyer

    Knpc lawyer بـترولـي نشيط جدا

    271
    1
    16
    السلام عليكم ورحمة لله وبركاته...
    لفت نظري بالموضوع القبيضه والحكومين الي معلقين عالموضوع ومستذبحين بالدفاع عن العماله الاجنبيه الظاهر حضراتكم من الي يحتمون بالهندي وتعتبرونه معزبكم واهو الي يفهم والكويتي لا واهو اصلا بديرته تلقاه مفصخ ويركضون وراه اليهال يغنون مهبوبه، قولو خيرا والا كل واحد يروح يكتب بجات كويت25...
     
  10. بوتو

    بوتو بـترولـي جـديـد

    21
    0
    0
    السلام عليكم اخوي راعي الموضوع آدمين الحين الهنودالي تكلم عنهم صارلهم سنين موجودين بالمنطقة وعارفين الشغل من ابدع ما يكون وجاي انت أتقول مصيبة والله أنا شخصيا اشد على ايد التيم ليدر والمنيجر لتحويل هذه الكفائه من اي جنسية كانت واذا انت عندك الاستعداد تعال المنطقة وشوف أبعينك منو الي شايل المنطقة وعارف كل برغي بالشغل وانا اقول لا تسمع كلام وتجي اتهاجم على غير معرفة واتمنى لك التوفيق وشكرا على حرصك على مصلحة الكويت اولا ثم الشركة
     
  11. بوتو

    بوتو بـترولـي جـديـد

    21
    0
    0
    ادمن للعلم فقط المهندس وخريج التكلونوجيا يدخلون المصفاة بدون دورة بالأخص دبلوم التكلونوجيا يداومون بالمصفاة دايركت فهذا مو مقياس انهم بدون دورة وشكرا مرة اخرى على حرصك على مصلحة الكويت اولا ثم الشركة وانا مداخلتي هذي للتوضيح
     
  12. admin

    admin إدارة المنتدى

    383
    9
    18
    ذكر
    kuwait
    وعليكم السلام ورحمة الله وبركاته
    بالفعل صارلهم سنتين مجرد نقل السامبل من الوحده الى المختبر
    شلون بيوم وليله صاروا خبراء في تشغيل المصافي؟
    وبدون دورات؟
    وحتى بالاساس لو كانوا مهيئين مش المفروض الكويتين لهم الأولويه؟
     
  13. بوتو

    بوتو بـترولـي جـديـد

    21
    0
    0
    صح كلامك الاولي للكويتيين بس وين الكويتيين الي انت تتكلم عنهم من المقاول كلهم بالفلنق استيشن اذا كان يبون المنطقة أنا معاك اما اذا كان من المصفاة لا والله يقعد بالوحدة مالته ولا يجينا وانا ارشح المقاول من اي جنسية أنة يكون فاهم الشغل مثل السامبلر والسترومنت
     
  14. بترولي عمالي

    بترولي عمالي بـترولـي جـديـد

    15
    0
    0
    للأسف هذه التجاوزات تتحملها نقابة العمال التي تناست حقوق العمال واصبحت تلهث وراء مصالحها
    فكيف يسكتون عن مثل هذا التجاوز
    ولكن الانتخابات قريبه فلتكن لكم كلمه
     
  15. الكــنــج

    الكــنــج بـترولـي مميز

    566
    0
    0
    مشغل حقل
    الـكـويـت
    هههههههههههههههههههههههههههههههههههههههههههه


    توكم تصحون من زمان وابشركم توهم جايبين واحد عندنا


    ههههههههههههههههههههههه

    اقول شرايكم نهدد باضراب علشان التلفونات ;)
     
جاري تحميل الصفحة...

مشاركة هذه الصفحة