اخر فضائح ميناء الاحمدي (موضوع متجدد)

الكاتب : مزااجي | المشاهدات : 2,213 | الردود : 13 | ‏24 أغسطس 2012
  1. مزااجي

    مزااجي بـترولـي نشيط

    64
    0
    0
    حدث في مصفاه ميناء الاحمدي

    تحديدا رئيس فريق المنطقه السادسه (توه متعين جديد)

    احدث ثوره في القرارات بقرار جديد

    يقضي بعدم منح اجازه او تبديل شفت لأي موظف عنده طبيه

    الا بعد تقديم كتاب تعهد خطي من الموظف بعدم اخذ طبيه

    السؤال اللي يدور بخاطري في هذه اللحضه هل يوجد قانون في شركه البترول الوطنيه او مؤسسه البترول

    او اي شركه نفطيه خليجيه او عالميه فيها ماده من القانون تنص على ذلك؟؟؟

    ياريت اي واحد من اخوانا في الشؤون القانونيه يفيدونا !!!

    او راي النقابه!!!

    في هذا القرار لاني بصراحه ودي اعلق على الموضوع بس بعد

    اخذ راي الاخوان المتخصصين في هذا الشأن :confused:
     
  2. مستشار

    مستشار بـترولـي نشيط جدا

    400
    9
    18
    هذا المسؤؤل الصح اللي يبي الشغل والإنجاز وصراحة انت مزاجي تبي الشغل مزاج .
     
  3. q8i-2008

    q8i-2008 بـترولـي نشيط جدا

    332
    9
    18
    السلام عليكم ورحمة الله وبركاته

    أحب أجيب على بعض اللي قلته يمكن أفيدك

    بالنسبه للاجازه فبمقدورك تاخذ اجازتك السنويه في موعدها على حسب الجدول .

    بالنسبه للتبديل شفت فاذا كنت تقصد shift change فلك حق تبديل مرتين بالشهر القانوني وحالات استثنائيه اذا السوبرفايزور راضي تبدل زياده

    بالنسبه للطبيات هذي شغله راجعه لك ولظروفك الصحيه محد يحكمك

    التعهد الخطي غير قانوني حسب معرفتي.

    أخيرا تبقى الكلمه الطيبه هي الرابط الاساسي بين الموظف والمسؤول وعلى حسب علمي ان مسؤولكم انسان مشهود له بالرقي والاحترام بالتعامل متى وجد تعاون مثمر من الموظفين
     
  4. مزااجي

    مزااجي بـترولـي نشيط

    64
    0
    0
    عزيزي المستشار

    يبقى رايك وخاص فيك واعتقد مزاجي ماله علاقه بالموضوع :d
     
  5. مزااجي

    مزااجي بـترولـي نشيط

    64
    0
    0
    شكرا على مشاركتك الطيبه كلامك طيب وينطلق من منظور المنطق والعقل

    وبالنسبه للمسؤول موضوعنا مايتكلم عن شخصه الكريم ؟

    الموضوع يتكلم عن الاجراء اللي ماخذه هل هو صحيح ام لا

    ومازلنا في انتظار اي احد متخصص في الشؤون القانونيه يبت لنا في هذا القرار

    او اي احد من النقابه :confused:
     
  6. admin

    admin إدارة المنتدى

    383
    9
    18
    ذكر
    kuwait
    تم الاتصال برئيس فريق العمليات ونفى ان يكون له علم بهذه الحادثه
    بل ورفض ان يكون هذا المبدأ للتعامل مع الموظفين

    وماحدث مجرد تصرف شخصي من رئيس قسم جديد لا يعرف القوانين
    وسيقوم بتعديل هذا الخطأ

    وقال ان اصحاب المرضيات فوق المعدل نعطيهم ملاحظه او تنبيه فقط
    ولسنا في محكمه او مخفر نكتب تعهدات

    لذلك نرجوا تحري الدقه في نقل الااخبار
     
  7. مزااجي

    مزااجي بـترولـي نشيط

    64
    0
    0
    المعلومه صحيحه ميه بالميه وفيه شخص اعرفه شخصيا

    وقع على تعهد قبل لايقبلون اجازته وبزيدك من الشعر بيت

    الاجازه اللي طالبها الموظف مجرد اربع ايام لو طالب اسبوع على شنو راح يوقع ؟؟؟؟؟؟؟؟
     
  8. مزااجي

    مزااجي بـترولـي نشيط

    64
    0
    0
    اخر ثورات القرارات الانفراديه وتحت بند سياسه الترهيب

    رئيس المنطقه السادسه (team leader)

    يقطع الانترنت عن جميع الموظفين في الشلتر بجميع انواع درجاتهم بما فيهم السوبر فايزر

    ومنا الى اداره الشركه هل هذا اسلوب الباب المفتوح لديكم ؟

    الا يوجد فيكم رجل رشيد يجعل جو العمل المليئ بالتعب والانهاك جو مفعم بالترغيب

    والتخفيف عن كاهل الموظفين ؟

    هل هذه السياسه القمعيه تجدي نفعا ونحن الان على مشارف عام 2013 ؟

    ومنا الا العقلاء فقط ان وجد !!!!!
     
  9. مشغل حقل ولكن

    مشغل حقل ولكن بـترولـي جـديـد

    21
    0
    0
    رجل اعمال بجانب هوايتي مشغل حقل
    الكويت عسى الله يكفينا شرور الفتنه
    السلام عليكم ورحمة الله وبركاته

    ابارك لك اخي مزاجي انشقاقك وانضمامك الي الاوبريتيين الاحرار

    شفت شبيحة النظام يؤيدون اي فكره بحجة علشان الشغل يكون صح ؟ عاد الله والشغل خف علينا ( قلقسه )

    انزين اذا بالقانون ماعندي اي مشكلة !!

    اما سالفة يصرفلي من جيبه قانون وقرار علي كيفه والمشكلة يتطبق .. والله مصيبه

    ترا من غير هالسالفه .. محد تكلم ترا قويه !! محد قال ليش شحقي لماذا .. العيب يشمل جميع من تنفذ عليه القرار !!

    انا ودي اقترح عليه يقطع المكيف صراحه لانه يجيب النوم .. علشان الشغل يكوووون صح والناس تشتغل :/

    اتوقع يسويها ههههههههههه ...

    وازيدك من الشعر بيت .. من غير انه وقف النت .. وقف مدخل السي دي هههههههههه ..

    يعني من غير انه لنا حقوق مغتصبة الي مفروض علي النقابه النائمه بالعسل يجيبونها لنا

    شيسون فينا النقابه ؟ نبي حل علشان التلفون .. وافقوا علي بيجر !! للمره المليون سالفه البيجر

    والمشكلة فينا محد حاسب النقابه !! علي اي اساس .. اي حقوق تعرفونها .. يخرب بيت التنفيع

    واللي يقهر الانبطاحييين يقول لك شي احسن من لا شي ..!! اتقول له حقك مفروض تاخذه غصب يظل مقتنع !!

    طبعا من غير شبيحة النظام :D الي يقولك احمد ربك يذكروني بشخصية سياسيه الي يلقبونه الخبل :p:D

    اي شي يسوونه الادارة هو الصح .. طبعا انا ماقول انه الادارة كله تغلط .. لكن في بعض الامور تغلط



    سالفة انه ماتوقع اجازتك الا لما توقع علي تعهد ما تاخذ سكات .. والله الي يفهم يصكه بقضيه يعلمه انه الله حق :D

    والامر سهل جدا .. مكتب محامي الموضوع واحد ثنين ثلاث .. جم تخسر .. مبلغ عادي مو قوي وانتهي موضوعه

    قاعد تشوف انه سعره قوي .. روح المكاتب الغير مشهوره .. يعني الموضوع سهل فوق ما تتصورون :D

    والله بالقانون تجيب حقك وتمشيهم صح لكن مشكلتنا مانعرف وبس نتكلم

    نصيحه اسالوا اي محامي عن طريق تلفون .. او شبكات التواصل الاجتماعي بس خذ فكره

    والله راح تعرف شلون كنا مستغفلين لدرجه كبيره !! ..

    بعضهم
    يقول خوفك اسوي جذيه ويحط العين علي .. ياخوي دام انت تداوم وماعندك لف ودوران


    ليش تخاف .. هو الي راح يخاف منك .. طبعا لا تحطون علي كلامي انه الادارة سيئه .. البعض منهم ولا في بعضهم

    تحطه علي الجرح يبرى


    ربع احسن علشان الشغل يكون صح السطرين مالكم علاقه فيها :D

    'شطحه'

    يعني يكفي انه سالفه حدك 21 سك بالسنه ترا تحشر الواحد صح !! .. طبعا مو قاعد اقول افتحوها بحري !!

    مفروض تتغير الاليه بشكل اخر سلس :D




    اخوي مزاجي اعذرني علي التسميات شبيح وحر وانبطاحي لانها فعلا موجوده

    انا كتبت موضوع عتن النقابه وليش ما تطالب بحقنا بالتلفون

    اقوى رد انبطاحي يقول .. خلك ذيب وخلص نفسك وانت داخل حال الرياجيل ..!! للاسف الذيب بريئ من تصرفاته :D



    مزاجي احييك علي الموضوع وتاكد انه الغلط مشترك .. لاننا تونا تكلمنا .. ووين .. بمنتدى !!

    لا تيأس وربك يسهلها

    والله محييي الاوبريتر الحر :D







    اللهم انصر اخوننا في سوريا
     
  10. مزااجي

    مزااجي بـترولـي نشيط

    64
    0
    0
    مشغل حقل ولاكن

    للاسف عندنا موظفين مهما تقول الاداره لهم مالهم رد منهم الا ابشر وتدلل

    تحت قاعده انا والطوفان من بعدي

    وبعد سنين من العمل اكتشفت انهم المستفيدين من كل شي اجازات زيادات بونص

    ولو حصل ان الاداره ردت لهم طلب على سبيل المثال اجازه زعلو وسبو الاداره وجابو الاولي والتالي

    ليما ترضخ الاداره لطلبهم وتراضيهم بعد لاكن على حساب منو ؟

    على حساب باقي الموظفين حاولت ادور لهالنوعيه تصنيف او مسمى بس مالقيت !!!!

    ودائما افكر واقول شلون الموظف يقدر يعطي من عمره اذا دايما مهضوم حقه بوجود هالنوعيه من الناس؟
     
  11. زحل

    زحل بـترولـي نشيط

    106
    1
    16
    هناك فيه بعض الاخوه عندما يستلم المسئولية يشد حيله على زملائه السابقين !!!!

    ما يعلم انها لو دامت الى غيرك ما تصلت اليك .
     
  12. بترولي عمالي

    بترولي عمالي بـترولـي جـديـد

    15
    0
    0
    خلنا نكون حقانيين
    هل شلاتر الاحمدي من الاساس فيها انترنت وكمبيوترات ؟؟؟
    ترى انتو المنطقة الوحيده اللي شلاتر الفيلد ابريتر فيها كمبيوترات
    ومع ذلك ماشالوها ولكن قطعوا الانترنت
    وانا متأكد انه فيه سبب وجيه
    بس مابي اقول شنو
     
  13. مشغل حقل ولكن

    مشغل حقل ولكن بـترولـي جـديـد

    21
    0
    0
    رجل اعمال بجانب هوايتي مشغل حقل
    الكويت عسى الله يكفينا شرور الفتنه
    مزاجي اشكرك علي تحركك .. لا تياس من الشبيحة

    واحد يقول هذا الشغل الصح والثاني يقول خلنا نكون حقانيين انتم المنطقه الوحيده الي عندكم كمبيوتر

    يعني شترد عليهم ؟

    ونطالب بقية اخواننا الموتى بالتحرك بالموضوع وعدم السكوت عن تصرفات فرديه !!



    شطحه

    خواننا الاداره تستاهلون +a

    :) يارب دوووم
     
  14. مستشار

    مستشار بـترولـي نشيط جدا

    400
    9
    18
    يا جماعة مايصير الشلاتر با لسايت فيها انترنت اول مره اسمع فيها لازم يوقفون ها لشغلة.'!!!!!!!
     
جاري تحميل الصفحة...

مشاركة هذه الصفحة