بس مانبي

الكاتب : كنبس | المشاهدات : 879 | الردود : 15 | ‏4 يناير 2008
  1. كنبس

    كنبس بـترولـي مميز

    814
    0
    0


    بـ مانبي ـس
    واسطات بالكليه اخر الكورس اللي يايبه دي بتصير امتياز واللي غايبه بتشيل الحرمان--->الحق حق وكل واحد يتحمل نتيجة اهماله


    بـ مانبي ـس
    تفصخ وصياعه بنات من مجمع لي مجمع مسوين عرض ازياء كل وحده تقول انا اطلع جسمي اكثر وانا احلى
    خافو ربكم يابنات وتستروا ترا الشباب مايبون الا البنت المستوره الا الـ.. شي ثاني خو؟


    بـ مانبي ـس
    هوشات وسب مسابب بالمجلس والله فشله صرنا علج بحلج اللي يسوى واللي مايسوى


    بـ مانبي ـس
    مواعد بالسينما وحركات وصخه وحبني واحبك والاهل مايدرون عن بناتهم وين رايحين وين يايين


    بـ مانبي ـس
    شرطه يخالفون عيال الفقاره لانهم فقاره ويقدرون عليهم وعيال التجار بنفس الغلط ولا يقدرون يحاجونهم او يقولون لهم كلمه



    بـ مانبي ـس

    نشوف الغلط بكل مكان ومانقدر نتكلم او نقول هذا غلط ونحاول نصلحه



    بـ مانبي ـس
    جنوس وبويات اللي ترسو الكويت وشوهو صورتها وصارو بكل مكان وبكل شارع وعين قويه ماتنكسر



    بـ مانبي ـس

    مخيمات فساد ودعارة وقلة ادب ومصخره



    بـ مانبي ـس
    شباب يتحرشون ببنات خلق الله وملاحق لي البيت---> شنو يالحبيب احد طالب منك تصير بدي قارد ولا شالقصه؟



    بـ مانبي ـس

    زحمه ونطره بالساعات عشان ناس فاضيه وملقوفه تشوف صني داعم وانيت
    انزين وبعدين شالهدف انك توقف سيارتك وتتفرج على سيايير مكسره وتسوي زحمه؟ انا مادري




    بـ مانبي ـس
    دكاتره بالكليات يقعدون عالكراسي ويقرون الكتاب يعني يشرحون ويقولون احنا لازم نقضي على مشكلة التلقين--->طير ياعمي




    بـ مانبي ـس
    هالخمسين اللي ذالينا فيها يا بنعطيكم يا محنا معطينكم
    وناس غيرنا معاشاتهم زادت بنسبه 100% واحنا على الله وعلى هالخمسين اللي ماندري شنو نهايتها؟



    بـ مانبي ـس

    نقاطع الغرب بحجه انهم شوهو صورة الاسلام وعندنا وبديرتنا ومسلمين مشوهين صورة الاسلام بكل الطرق
    ولا نقدر نسوي لهم شي او نوقفهم عند حدهم




    بـ مانبي ـس
    كل بنت لازم يكون لها حبيب او بوي فرند-->واذا ماصار هالشي يقولون عنها معقده ولا اهلها صاكين عليها




    بـ مانبي ـس
    مظاهرات وندورات ومحاضرات باسم الاصلاح والغريب ان احنا للحين ماشفنا هالاصلاح




    بـ مانبي ـس
    نشوف الام والابو انعدم دورهم بالاسره وصارو مجرد شكل ومالهم راي وكلمه
    وصارو اليهال اهم اللي يتحكمون بكل شي




    بـ مانبي ـس
    طوائف واحزاب وهذا شيعي وهذا سني وهذا حضري وهذا بدوي




    بـ مانبي ـس
    شاب او شابه مايعرفون اهم شنو يبون او هدفهم بهذي الحياة
    مجرد نوم-نت-قز-كافيهات-مطاعم-مجمعات -->والاشياء الثانيه من هوامش حياتهم




    بـ مانبي ـس

    نشوف شباب بعمر الزهور تموت بحوادث السرعه والسياكل والبانشيات ومانتعض ولا نقول كافي



    بـ مانبي ـس
    كواوله وزلمات ومصاروه وبنغاليه تارسين الديرة من غير لا شغله ولا مشغله



    بـ مانبي ـس
    ام تساعد ولدها على الفسق والفجور ولي قالو لها ليش تقول خل يستانس توه شباب



    بـ مانبي ـس
    بنات يتحرشون بالشباب بس عشان يشابه المطرب الفلاني ولا الممثل العلاني




    بـ مانبي ـس
    يمر يوم ويومين وثلاثه من دون مانقرا صفحه من القرآن
    اما الشريط اليديد اللي ينزل حق المطرب او المطربه لازم نسمعه بوقت نزوله ونحفظه عشان نكون سبشل وعارفين الفن واهله؟




    بـ مانبي ـس
    بنات ال14 و15 و16 يغيبون عن البيت باليوم واليومين ولي صادوهم قالو خاطفينا--->لعبي غيرها بابا




    بـ مانبي ـس
    ارتفاع الاسعار بالسوق اللي الواحد كان يطلع من السوق شاري بـ100دينار مليون شي
    والحين 100 يالله نشتري فيها شي واحد




    بـ مانبي ـس
    شباب يضحكون على البنات باسم الحب والزواج واخر شي جاكته بالمارينا مواعد غيرها
    والمصيبه ان البنات مايتعضون




    بـ مانبي ـس
    تشكك ستراس على السيارات بسنع ولا من غير سنع
    عاد طفارتي لا يت سياره الستراس مبين صاحبها اللي مسوي الرسمه تيي عويه والستراس نصه طايح
    ومسويها بصمغ ياهو ايه لا تحط احسنلك




    بـ مانبي ـس
    من غير شغله ولا مشغله شباب يفترون بالشوارع يرضع مع الصاحبه
    وبنفس الوقت يغازل ويلحق اللي يمه بالاشاره




    بـ مانبي ـس
    عيايز وشياب بالكافيهات يخزون الرايح والراد والمصيبه يتحرشون على شنو مادري--->انا اقول جابلو مصاحفكم وصلاتكم ابرك



    ^_^ بس خلصنا وملصنا
    بالنهايه انا ما اقصد ولا اعمم على الكل هذي فئات من المجتمع نتمنى اننا نقضي عليها












     
  2. ولد الفحيحيل

    ولد الفحيحيل بـترولـي نشيط جدا

    330
    0
    0
    snr.feald operator
    فحيحيلاوي
    اي والله جزاك الله خير والله يجعلها في ميزان حسناتك وانشالله تتعض هالناس
     
  3. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    الله يجزاك خير


    وشكرا علي الموضوع الرائع


    بس نسيت شغله مهمه


    بس مانبي مسلسلات غير هادفه
     
  4. كنبس

    كنبس بـترولـي مميز

    814
    0
    0
    صح كلامك اخوى
    بس الصور اعجبتني كثر كثر منها :D
     
  5. Blue angel

    Blue angel بـترولـي خـاص

    يعطيك العافيه و جزاك الله كل خير ، اي صج بس ما نبي ملينا و الله :)
     
  6. النزغة

    النزغة بـترولـي خـاص

    1,073
    0
    0
    يعطيك العافية على الموضوع الحلو :)
     
  7. كنبس

    كنبس بـترولـي مميز

    814
    0
    0
    الله يعافيكم ومشكورين على مروركم
     
  8. الناهض

    الناهض بـترولـي خـاص

    2,144
    0
    0
    شركة نفط الكويت
    عبرتي عن الي بداخلي

    بس بقي شي

    بس مانبي
    تجنيس كل من هب ودب


    عصمت غلام حسين نجف ابادي


    كل الشكر لج
     
  9. SOS_KW

    SOS_KW بـترولـي خـاص أعضاء الشرف

    2,252
    0
    0
    صح لسانك عزيزي كنبس ... والله ما ذكرت الا القليل وما خفي أعظم ... وتحضرني حادثة قريتها بجريدة الرأي العام قبل كم يوم

    انه في ظابط في مخفر من مخافر الكويت العزيزة خله الآسيويات اللي صايدينهم وعليهم بلاغات يسوونله مساج . .. وخلال استرخائه وانسجامه وتحليقه مع الحمام في السما انحاشت كل الآسيويات :D:D:D... تخيل أي انحدار وعدم تحمل مسؤولية وصلنا له .. وصدق المثل من أمن العقاب أساء الأدب
     
  10. غيوم

    غيوم بـترولـي خـاص أعضاء الشرف

    7,298
    1
    0
  11. كنبس

    كنبس بـترولـي مميز

    814
    0
    0
    لاتعليق :confused:
     
  12. Shoomy

    Shoomy بـترولـي خـاص

    عدل يا كنبس بس مانبي ;)

    بسنا سرعه ... و حوادث .. نفقد فيها ناس غاليييين علينا :( :(

    يعطيك العافيه يا كنبس

    تحياتي
     
  13. كنبس

    كنبس بـترولـي مميز

    814
    0
    0
    الله يحييج يا شومي
    وتقبلي تحياتي
     
  14. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    اي والله بسناا
    وفووق هذاا بسناا دواام ملييناا يا اخي نبي أجاازة
     
  15. كنبس

    كنبس بـترولـي مميز

    814
    0
    0
    اخذ اجازه شناطر توه اول السنه والرصيد تعبأ من جديد :D
     
  16. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ



    ياااعزااه وين الأجازة بس :(
     
جاري تحميل الصفحة...

مشاركة هذه الصفحة