مميزات العمل في عقود المقاولين koc

الكاتب : الصراف | المشاهدات : 20,985 | الردود : 50 | ‏12 أغسطس 2012
  1. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    اخواني و اخواتي راح اشرح لكم امتيازات العمل في عقود المقاولين koc و انتوا قرروا اذا تسوى او لا طبعا هذي الامتيازات طبقت على العقود بعد 2009/6 اذا العقد اقدم من هل تاريخ ما راح تحصلون هل الامتيازات
    اولا : الراتب الاساسي حق متوسطة + دبلوم سنتين من التطبيقي 450 دينار و كل ما زادت الشهاده زاد الراتب وكل ما كان موقعك ابعد من الاحمدي زاد اكثر الراتب + دعم العمالة و عليك الحسبة
    ثانيا : التذكرة السنوية بقيمة 200 دينار للموظف فقط
    ثالثا : زيادة سنوية بقيمة 10 الى 50 دينار حسب تقييم مسؤولك المباشر
    رابعا : بونص سنوي و يكون حسب تقييم المسؤول من ربع راتب اساسي الى اساسي كامل
    خامسا : هدية راتبين اساسيين عند انتهاء العقد
    سادسا : اجازة سنوية 42 يوم مدفوعة الاجر
    السؤال الي الكل يقوله هل وظيفة العقود مضمونه اقولكم مضمونة 100٪ و في قسم خاص عندنا اسمه التكويت علشان يحمي موظفين العقود
    السؤال الي بعده خلص العقد شنو يصير بعد ما يخلص العقد تنتقل على طول حق العقد الي بعده و مو بس جذي انه قلت انه راتبك 450 و كل سنه تزيد و لنفرض بعد ما خلصت العقد وصلت 600 العقد الي بعده تبلش من 600 ما ترجع 450 لين توصل الحد الاعلى لسقف الراتب وهذي تختلف من وظيفة لي الثانية
    و اي سؤال بخصوص وظيفة النظافة او التغذية اقدر افيدكم فيها لاني مراقب على هل العقود
    وانشالله اكون كفيت ووفيت
     
    أعجب بهذه المشاركة Mohammed Bin Ali
  2. شلفا نفطية

    شلفا نفطية بـترولـي نشيط جدا

    294
    0
    0
    الله كريم
    الصباحية
    يالبي قلبك يالصراف كل ماشفتك كاتب موضوع استفيد منه جزاك الله خير ..،
    أنا عندي شهاده ثانويه عامه علمي نسبتي 68 ومو موظف كلش يعني بالتامينات غير موظف
    بقدم علي عقود الكي او سي ..شنو للوظيفه المتاحه لي وهل قبولي سهل للعلم ماعندي واسطه ؟؟؟
    وهل الوظيفه طول العمر عادي ؟؟؟ وانا حدي محدود ابي وظيفه لا شغل ولا مشغله ...وثانيا اذا توظفت معاهم هل اقدر أخذ قسط علي الراتب والا لا

    ارجو الرد يالصراف ..اسئل الله ان لايحرمك اجري ..والسلام ختام
     
  3. شلفا نفطية

    شلفا نفطية بـترولـي نشيط جدا

    294
    0
    0
    الله كريم
    الصباحية
    الصراف

    الصراف ناااطرر إجابتك ياغالي
     
  4. فني زراعه

    فني زراعه بـترولـي جـديـد

    11
    0
    0
    السلام عليكم ورحمة الله وبركاته
    يعطيك الف عافيه الصراف

    عندي كم سؤال::
    السؤال الاول::
    انا خريج فني زراعه سنتين بعد الثانويه كم يكون معاشي في العقود؟

    السؤال الثاني ::
    هل النقل من عقود المقاولين الى الحكومه سهل؟

    السؤال الثالث::
    انا الان موظف في الحكومه هل يتم قبولي؟

    وشكرا
     
  5. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    هلا والله اخوي الوظيفة المتاحة لك يا حفار او سايق و افضل الحفار دوامهم شهر بشهر اول مربوط الاساسي 480 و تترقى بسرعة عكس الوظايف الثانية و محتاجين وايد شباب على هل وظيفة و سؤالك هل الوظيفة طول العمر اقولك نعم لا تحاتي و بالنسبة للاقساط نعم تقدر تاخذ شل مانع انت راح تصير موظف
     
  6. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    السؤال الاول::
    انا خريج فني زراعه سنتين بعد الثانويه كم يكون معاشي في العقود؟
    بصراحة ما اقدر احددلك جم الراتب لاني اعرف بعض الوظايف مو كلهم بس اذا دبلوم مو اقل من 550

    السؤال الثاني ::
    هل النقل من عقود المقاولين الى الحكومه سهل؟
    لا ما يصير تنقل من عقد المقاولين الى الحكومة ولا تقدر تنقل من المقاولين الى koc

    السؤال الثالث::
    انا الان موظف في الحكومه هل يتم قبولي؟
    اي عادي تقدر تقدم و اول ما يتم قبولك قدم استقالتك
     
    أعجب بهذه المشاركة Mohammed Bin Ali
  7. p.eng

    p.eng بـترولـي جـديـد

    39
    0
    0
    السلام عليكم اخوي انا تخرجت شهر 1 من جامعه الكويت كلية الهندسه والبترول قسم هندسه البترول وحبيت اعرف عن الراتب الاساسي للجامعي والسؤال الثاني هل صحيح ان ما في عليك تامين صحي ؟؟
     
  8. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    هلا والله اخوي بالنسبة للرواتب الجامعين و المهندسين ما ادري جم بالضبط بس اكيد فوق 700 دينار و يزيد كل ما كان مكانك بعيد و بالنسبة للتامين كلامك عدل اخوي ما في تامين صحي بس في شركات كبيرة مثل الخرافي تعطي تامين صحي حق موظفينها
     
  9. صصصص

    صصصص بـترولـي جـديـد

    10
    0
    0
    اخوي يصير الواحد يتوظف بالحكومه وايضا يتوظف بالنفط يعني دوام بالليل نفط والصبح حكومه ولا مايصير

    اذا كان مايصير تعتقد انه دبلوم افضل اروح لعقود المقاولين ولا الحكومه ؟

    شنو الشهادات المطلوبه والتخصص الي يطلبونه بعقود المقاولين
     
  10. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    هلا والله اخوي رديت عليك على الخاص
     
  11. iKhaled

    iKhaled بـترولـي جـديـد

    1
    0
    0
    السلام عليكم

    انا عندي دبلوم محاسبة وخدمة 3 سنين ولازلت موظف حكومي

    بسال عن عدد ساعات العمل ؟ والراتب ؟
     
  12. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    هلا والله اخوي عدد ساعات العمل 8 ساعات و الراتب يطوف 1000 جم بالضبط ما ادري هذا مع دعم العمالة اليديد
     
  13. برقان

    برقان بـترولـي جـديـد

    24
    0
    0
    للتوضيح


    1- الموظفين في نظام عقود المقاولين لا يشملون في نظام العلاج في مستشفى شركة النفط او التمتع بمميزات التأمين الصحي

    2- الراتب في القطاع النفطي العام يختلف إختلاف كبير عن الراتب في نظام عقود المقاولين خصوصا للجامعيين والدبلوم حيث أن القطاع النفطي العام يتميز بزيادة أكبر وأفضل في الراتب الشهري والسنوي على الأساسي والمميزات والبونص والمكافأة التشجيعية والتذاكر السنوية

    3- الدورات التدريبية الخارجية فقط للعاملين في القطاع النفطي العام

    4- الترقيات بالنسبة للجامعين والإداريين ( المهندسين والإداريين ) أفضل في التوظيف النفطي العام عن نظام عقود المقاولين بحيث يترقى الموظف ( الجامعي ) في القطاع النفطي العام ويصل إلى مستوى تيم ليدر وما فوق - أما بالنسبة للجامعي في نظام العقود فإنه يبقى كما هو في السلم الوظيفي لأنه في الأول والأخير تحت نظام العقود

    5- أحيانا يتطلب العمل في مكاتب الشركة ( المقاول ) وليس في شركة نفط الكويت وإداراتها


    6- لا يوجد تحويل لموظف من نظام العقود إلى التوظيف النفطي العام إنما تحويل من عقد إلى عقد ومن مقاول إلى آخر [/size]

    من الآخر : نظام توظيف العقود ينصح به فقط لحملة الشهادة الثانوية وما دون لوجود عدد كبير من شواغر وظائف الحفريات ووظائف الثانوية الصناعية والتدريب الفني الصناعي



    أرجوا بأني قد وضحت بعض من النقاط الرئيسية لنظام توظيف العقود
     
  14. شعم

    شعم بـترولـي نشيط جدا

    227
    0
    0
    الصراااف انت ليش منافق

    لا يوجد اي من المميزا ت ذاكرها

    خاف الله في الناس اللي بتقدم

    يا ناس ما لا بونص ولا مكافئات ولا حتى ........


    واللي يبي يتأكد يدخل على منتدى القطاع النفطي الخاص

    يدخل ويشوف بعينه ويتأكد .....


    وهذا الرابط في القسم علشان المشككين

    http://www.q8ow.com/vb/forumdisplay.php?f=36

    تحياتي للقراء فقط
     
  15. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    صج خير تعمل شر تلقى يا جماعة اذا كلامي غلط راجعوا قسم التكويت و راح تشوفون ان كلامي صح و انه مراقب على عقد التغذية و الامتيازات الي ذكرتها موجوده فيه و قلت العقد اذا قبل 2009/6 ما راح تحصلون هل الامتيازات و بعدين ممكن تقولي انه شنو راح استفيد اذا جذبت على الناس اذا تعرف انجليزي راح انزلك الي يثبت كلامي
     
  16. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
  17. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    يا اخواني و اخواتي المسألة بسيطة قبل لا توقعون عقودكم مع الشركة سألوا عن حقوقكم و الامتيازات و اول شي الراتب وقارنوا بينكم و بين زملائكم الي بالعمل الحكومي و شوفوا تسوى ولا لا و شوفوا كلامي صحيح ولا لا ترى ما راح تخسرون شي
    وللعلم القطاع النفطي العام افضل من القطاع النفطي الخاص ولكن القطاع النفطي الخاص افضل من العمل الحكومي بالوزارات
     
  18. شلفا نفطية

    شلفا نفطية بـترولـي نشيط جدا

    294
    0
    0
    الله كريم
    الصباحية
    الصراف شكل السالفه بتطول عاد انت عارف اجراءات التوظيف بالبترول بطيئه تكاد لاتمشي
    بس الخوف من بعد كم سنه يشوتونك وبعدها ماتلقى وظيفه ....ودي اكون بالعقود بس في الكي او سي يصير؟؟؟
     
  19. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    اخوي شركة نفط الكويت ما تقبل الى الدبلوم و الجامعيين و اذا لك طموح تدش القطاع النفطي العام انصحك تدش تكنلوجيا تخصص تشغيل مصفاي و التعيين يكون فوري مع شركة knpc
     
    أعجب بهذه المشاركة Mohammed Bin Ali
  20. عتيبي

    عتيبي بـترولـي نشيط

    115
    0
    0
    عز الله ان رايتك بيضه يا الصراف

    ولا تهتم لكلام بعض الناس

    صراحة الحسد وصل بالديره لهالدرجه

    أعوذ بالله

    اخوي الصراف بغيت اسأل معاش عامل حفر جم راح يكون وهل راح يكون معاه دعم العمالة

    ابي الراتب الصافي بجم

    ولا هنت يا الغالي
     
جاري تحميل الصفحة...

مشاركة هذه الصفحة