الى متى ياكويت؟

الكاتب : API 18 | المشاهدات : 549 | الردود : 3 | ‏4 أغسطس 2012
  1. API 18

    API 18 بـترولـي مميز

    513
    0
    0
    اصبح الان وبشكل روتيني نسمع عن خسائر ماليه ملياريه في الكويت ولكن للاسف لانسمع بمسببين هذه الخسائر يعاقبون او حتى يستقيلون من مناصبهم. هل نحن في دوله يحكمها قانون لمحاسبة هؤلاء المتسببين في هذه الخسائر ام المسأله سايبه. اي مثال يعطى لباقي المسؤولين بالبلد هل هو ان تعبث باموال الدوله ولاتخاف مافي عقاب او حساب اللا بالاخره ونعم بالله.

    الكي داو
    التامينات
    محطة مشرف للصرف الصحي
    طيران الكويتيه اسطول متهالك وخسائر بالملايين عبر السنين واللي هي مفروض تكون مصدر دخل للكويت والجزيره احسن مثال
    استاد الخرافي ( ماراح اسمه جابر اللا لما يفتتح)
    الاستثمارات الخارجيه
    اغذيه فاسده
    عقد شل
    والله الكويت والكويتيين مايستاهلون اللي قاعد يصير فيهم
     
  2. الى متى؟

    الى متى؟ بـترولـي نشيط جدا

    250
    0
    0
    انا استغرب من النواب اللي يدافعون عن المال العام على قولتهم

    وينهم ليش ما يطالبون بمحاكمة سارق ناقلات النفط او اللي خذا اراضي الكويت بوضع اليد او اللي قاعد يرفع اسعار الاراضي على المواطنين وموقف مشاريع الدوله الاسكانيه..........وينهم عن هذه الامور؟

    انا اعتقد ان في احد قاعد يقودهم لمصلحته الشخصيه والمشكله العظمى ان نمتلك اكبر قاعده من السذج بالعالم اللي يصدقونهم ويدافعون عنهم..........الجهلاء يحكمون على العلماء في بلدنا:) سبحان الله
     
  3. sporty196

    sporty196 بـترولـي نشيط

    105
    0
    0
    [align=right]صبحك الله بالخير api

    انا اعتقد كل حالة من اللي ذكرتهم لها ظروفها و مو كلهم سرقات

    الفلسين اللي احب اشارك فيهم على قولة الامريكان هم كالأتي:

    1- مشروع الكي داو ربح بالارقام فالخسارة هني سببها قرار خاطيء من الحكومة (رضوخ لنواب لا يفقهون) و الحكومة رحلت

    2-التأمينات خسارتها كانت بسبب الازمة المالية اللي الكل خسر فيها فالعذر اعتقد موجود

    3- محطة مشرف واستاد الخرافي المسئولين عنها لازالوا و اتفق معاك بس يمكن في شي خافي الله اعلم

    4-الكويتية الله يهدي النواب اهم سبب الخسارة

    5-الاستثمارات الخارجية مثل التأمينات خسارتها كانت بسبب الازمة المالية اللي الكل خسر فيها فالعذر اعتقد موجود (حاليا مو بوقة الغزو)

    6- الاغذية الفاسدة اقالوا بعض المسئولين

    7- عقد شل ماله داعي بس ما اعتقد بوقة ... في ناس تفلسف واهي ما تدري مثل الكي داو و يمكن يروح النيابة و يحفظونه والله اعلم



    وبالاخير احنا ما نبي الاقالات بقدر ما نبي التعلم من الاخطاء و عدم التكرار
    و هذا بالاخير رأي قد يحتمل الصواب:)[/align]
     
  4. صابر2012

    صابر2012 بـترولـي جـديـد

    18
    0
    0
    يا اخي كلامك منطقي ومحترم لكن هم ما يمنع يكون فيه تحقيق واسع ومنصف ومكشوف وبدون لعب او تدخل
    وما يمنع انه المسؤول يقدم استقالته ويتعرض لتحقيق شامل مكشوف للشعب في النهايه هذي مو لعبه هذي ملايين دوله
    واللي مو قد المسؤوليه لا يمسك المنصب يخل غيره يمسك
    اما في الكويت فهم يبي يصير مدير هم يبي يشارك ارباح هم مو مسؤول عن الخساره ولا يبي يتحملها من امن العقوبه اساء الادب ;)
     
جاري تحميل الصفحة...

مشاركة هذه الصفحة