الغاء الزيادات و مشاركة النجاح ؟؟؟؟؟!!!!!

الكاتب : مراقب الاحمدي | المشاهدات : 2,867 | الردود : 10 | ‏18 يوليو 2012
  1. مراقب الاحمدي

    مراقب الاحمدي بـترولـي مميز

    676
    10
    18
    مراقب صيانة في الاحمدي
    الكويت
    قالى تعالى ( ومن شر حاسد اذا حسد ) صدق الله العظيم

    كتب حامد بو يابس هذة التغريدات يوم امس في حسابة ( @HBuyabes)

    1/7 ‏مشروع "المشاركة بالنجاح" طرحت فكرته الناهبة للمال العام في فبراير ٢٠٠٣ وهو تفرد بمنح جميع العاملين بالقطاع النفطي راتب ٤ شهور منتصف

    2/7 كل عام وتحديدا عند أقرار ميزانية جميع الشركات النفطية وتوابعها ثم جاءت الحكومة بتجميده عبر أبرها المخدرة المعتادة حيث كانت تقايض

    3/7 نقابة العاملين بالكادر المالي لهم حتى أقر مع نهاية العام الفائت وهو أعلى كادر شهدته الدولة والذي بلغت تكلفته ما يرنو على ٣٠٠ مليون

    4/7 د.ك ثم جاء الوزير محمد البصيري وأحيا عظام هذا المشرع النخرة حتى أعتمده مجلس الوزراء مطلع هذا العام الأمر الذى أوجد أخلال صارخ

    5/7 بالنتائج المالية للشركات النفطية..الرواتب زادت مئتين بالمائة ثم جاء هذا المشروع الخرندعي..فأين العدالة والعدل مع باقي موظفي الدولة؟

    6/7 موظف النفط كان راتبه ١٥٠٠ دينار وبعد الكادر بلغ ٤٥٠٠ دينار ثم يمنح راتب ٤ شهور..هذا نهب مبرمج للخزينة العامة للدولة..ديوان المحاسبة

    7/7 والفتوى والنشريع سيكتبان تقرير قانوني حاسم يوقف العمل بهذا المشروع الهلامي..فأنتظروا

    اين انتم يا نقابات والاتحاد وين اعلامكم المضاد لهؤلاء الحساد الذين يؤلبون السلطة ويظللون الرأي العام
    على مصالحنا ومكتسباتنا و حقوقنا العمالية
    يجب على كل عامل ان يدلي بصوته ويستنكر تغريدات هذا الحاسد ومن على شاكلته
     
  2. الى متى؟

    الى متى؟ بـترولـي نشيط جدا

    250
    0
    0
    اخوي جان زين معاشي 4500....مانحب نتكلم...شوف المهندس بالامارات وقطر جم يستلم وبعدين تعرف اذا بالكويت ماخذ حقه او لا...غير المزايا..

    4 رواتب شركة ارامكو السعوديه سنوياً تنزل 4 رواتب اساسيه غصب بدون دراسه ولا شي سواء في ارباح والا مافي...يعني ما يمنون عليك يقولون لك يمكن 1 والا 2....لا سيده كل سنه شهر 4 يعطونهم اربع معاشات اساسيه+ شهر رمضان ينزل لهم دبل معاش بالضبط

    الحين القطاع النفطي قاعد يتجه ليكون نفس قطاع الحكومه وهذا مؤشر خطر راح تجني الكويت ثماره الفاسده بالقريب العاجل...واذا خرب البترول الاقتصاد كله بيخرب..تخيل كل دول العالم تسوي مقاطعه على نفط الكويت لانه عندنا مشاكل سياسيه وتدخل سياسي بالنفط وتوابعه....يعني يكشون منك الناس...لان مثل ما احنا عارفين النفط نفس دوا السكري للدول لازم على طول يستهلكونه لو توقف عليهم مره والا مرتين بيتعطل شغلهم كله.........شنو راح نسوي؟

    اتمنى من الحكومه عزل القطاع النفطي عن السياسه و وضع اداره تشق وتخيط على كيفها لمصلحة البلد واهل اختصاص احسن من ان نجني الكوارث التي سترجعنا خمسين سنه الى الوراء
     
  3. coordinator

    coordinator بـترولـي نشيط

    106
    0
    0
    المشكلة ان كلامه حده مومنطقي لان تكلم بشكل عام بان الموظف في القطاع النفطي كان راتبه 1500 وبعد الكادر بلغ 4500 حسسني بان جريدات الموظفين موحده. والشي الآخر والمضحك بالموضوع ان من كثر ما عمته الفلوس من ينام يفكر فيها ومن يقعد يفكر فيها مسكين صدق جذبته وقام يتخيل ان الموظفين كلهم اقريدهم واحد وكان يصرف لكل موظف 1500دك وبعد الكادر بلغ 4500دك لا وركزو على هذه الجزئية ( كادر ) وحنا بالاساس ما عندنا كادر. مسكين ضايع حده.
    مسكين بعد جم يوم بقوم يهلوس والسبه موظفين النفط ياجماعه رحموا بحاله و اذا احد عنده جدول الزيادات خل يعرضه عليه يمكن يقوم من غفوته ويصحا على كلامه ويعرف ان هنالك تسلسل وظيفي ودرجات وكل درجه محدد لها راتبها الاساسي وباقي الامور الاخرى.
    الله يشافي كل نفس مريضه
    ويهدينا ويهديهم لكل ما يحب ويرضاه
    ويرينا الحق حقا فنتبعه ويرينا الباطل باطلا ويوفقنا اجتنابه
    مع تحياتي للجميع
     
  4. واحد من خلق الله

    واحد من خلق الله بـترولـي نشيط جدا

    296
    0
    0
    مع احترامي لكم ماعندكم سالفه كم صار لنا سالفه وحنا نحاول نشرح للعالم عن زيادتنا من تقريبا 2008 وحنا نقول لهم هذي ارقام فلكيه ومستحيل احد يوصلها الا بخبرة لا تقل عن 15 سنه وشهادة والعالم مو راضيه تفهم الحل الوحيد انك تقول للحاسد نعم انا معاشي 4500 لا وغير اوفرتايم رمضان والعيد الله لك الحمد والشكر والي موعاجبه عنده اربع طوف يختار فيها والثانيه يقولون اربع رواتب نقول له اربع رواتب اساسيه وهو مصمم على اربع رواتب تدري شلون نعم تنزل لنا اربع رواتب يعني 18000 كل سنه غير التذاكر الله لك الحمد والشكر والى موعاجبه يختار في الجدران الي فوق ويشوف شغله وبعدين هذا مو العنصري الي بتويتر خله يولي.
     
  5. ANACONDA

    ANACONDA بـترولـي مميز

    687
    0
    0
    للاسف الشديد ان يوجد لدينا اقلاام كبويابس لا تتحرى الدقة
    فى النشر والامانة الصحفية ولا لوم عليه
    وان كان لنا لوم فاللوم على نقابتنا والتي من المفترض ان
    تفند تلك الاكاذيب وترد على كل من يتطاول على من تمثلهم
    واخص بالذكر جميع النقابات النفطية دون استثناء لانه كثيرا ما
    تم التطرق لموضوع زيادة القطاع النفطى بارقام فلكية غير صحيحة
    علما بان القطاع النفطي الوحيد بالدولة الذي كانت تنشر جداوله
    دون غيره من زيادات الدولة يعني بالعربي امصلع
    فالرازق بالسماء والحساااااااد بالارض .
     
  6. q8ibeast

    q8ibeast بـترولـي نشيط

    62
    0
    0
    هذا واحد سفيه و حقود و مكانه في بارات تايلند مع الي خبركم و من كثر انه ماعنده سالفة بس يقرق عالفاضي...ابي كتاباته فادت المجتمع...قال معلومه تفيد العالم...هذا انسان ماله داعي حتى تردون عليه لأنه مايسوى بيزة.
     
  7. العوضي

    العوضي بـترولـي خـاص

    1,054
    3
    0
    الــــرازق بالســـــمـــاء والـــحــــــــاســـــــــد بـــــالارض
     
  8. Salem J

    Salem J بـترولـي نشيط جدا

    226
    0
    0
    Eng
    Kuwait
    يا جماعة هذي ارزاق الحمد لله اللي الله يوفقه و يدش النفط بيكون راتبه اعلى و اللي ما حصل له لا يحسدهم و لازم يطالب بزيادة لقطاعه مثل باقي دول الخليج.
     
  9. Harley

    Harley بـترولـي نشيط

    111
    0
    0

    لا حول ولا قوة الا بالله حسد ,, ما علينه يا اخ حسود شرايك تتوظف في القطاع النفطي وتشوف التعب والالتزام واتمنى تشوف بنفسك الموظفين العمال الي يشتغلون بالمصافي ولي اشتغلت وانحكرت و اشتغلت بالحر والبرد وبالغبار وناهيك عن اي ايمرجنسي واي تأخير او غلطه انت بتكون بوجه المدفع ومسائل ومسؤليه طبعا وبعد هذا كله يا اخ حسود ما نستاهل بونص او زياده عالراتب تحفزنه وتنسينه تعبنه :rolleyes:



    وبلا حسد يا خالي ,, اذا لك رغبه وتتمنى معاش حلو وقوي ومميزات شوف لك واسطه وحول وتوظف بالقطاع النفطي بس فكنه من شر حسدك .
     
  10. المرسى

    المرسى بـترولـي نشيط

    80
    0
    0
    للاسف خربت صورتك وكسبت عداوات ودعاوي ابناء شعبك كان المفروض تسئل وتعرف علشان تفرق وبعدين تستشير .............هذي غلطه وغلطة الشاطر بالف.
     
  11. hftrak

    hftrak بـترولـي جـديـد

    38
    0
    6
    [[[COLOR="Purple"]COLOR="Purple"]COLOR="Purple"]السلام عليكم ورحمة الله وبركاته

    محد ردنا (قري) الا هذا واشكاله والله ماعنده شغل نعم معاشي 10000 الاف دينار كويتي فقط لا غير وانا الاساسي مالي 7000 الاف دينار كويتي فقط لاغير :p:p:p:p
    والله يسلمك يالحسووووود الحسبه للمشاركه بالنجاح 40000 الف والحمدالله على كل حال رووووح موت يالحسووووووود:D:D:D:D:D
    [/COLOR][/COLOR][/COLOR]
     
جاري تحميل الصفحة...

مشاركة هذه الصفحة