الى المسؤولين عن خدمة الانترنت

الكاتب : الى متى؟ | المشاهدات : 1,361 | الردود : 11 | ‏17 يوليو 2012
  1. الى متى؟

    الى متى؟ بـترولـي نشيط جدا

    250
    0
    0
    بسم الله الرحمن الرحيم

    والله ان ما ودي اوجه رساله لحد وانتقده على تخصصه او شغله...بس تبون الصراحه؟ ذليتونا ذل بهالانترنت...حاطينلنا برنامج ما يمدينا نقرا موضوع نبي نروح لموضوع ثاني الا قفل علينا السستم ولازم نحط اليوزرنيم والباسوورد بكل دقيقه...لو مو حاطين لنا انترنت احسن مليون مره

    الفلوس اللي قاعد تقطونها على هالبرامج لو تقطونها على زيادة قوة الانترنت ابرك وارخص....الموظف لما يخلص انترنته يا يزعج باقي الموظفين اللي عندهم شغل يا يقعد يتحلطم ويبي يستأذن.....بعدين انتو كل شي مصكرينه بالانترنت...خلو الموظف يقرا ويتطور ويطور نفسه....ليش معطينه ساعتين...انزين ردوه على النظام القديم اللي مفتوح ولازم يصكره بنفسه...لان زهقنا كل ما قعدنا نكتب موضوع والا نشوف ايميلنا الا تصكر ولازم كل مره تحط الباسوورد واليوزر نيم...زهقنا ترى

    اذا ماعندكم خبره بطريقة ضبط الانترنت انصحكم تشوفون الشركات الثانيه اللي ماكو موقع الا فاتحينه لموظفينهم ومو بعيده عنا انا اقصد اللي بالقطاع النفطي
     
  2. a.knpc

    a.knpc بـترولـي جـديـد

    4
    0
    0
    اي والله صدقت اخــوي

    حتى انا متلعوزة بهالنت :s

    يعني لو يخلونه مفتوح نفس الkoc احسن :rolleyes:
     
  3. Online

    Online بـترولـي نشيط جدا

    374
    0
    16
  4. العراب11

    العراب11 بـترولـي جـديـد

    26
    0
    0
    وبعدين شنو فلان له ثمان ساعات وعلان 24 ساعه وفلنتان له ساعتين الي حاط رجل على رجل مفتوح له النت بدون حدود جنه يقولوله مالك شغل بس تعال تصفح وروح لاهلك واخذ راتب اخر الشهر لانك تعبت من النت يا جماعه عيب عليكم اتركو التمييز وعاملو الناس مسطره وحده بالنسبه للعمليات الموضف حريص على شغله ومحاسب اذا قصر بعمله ما عنده استعداد ينهف بانذار علشان النت هذا امر طبيعي بس في احد يفهم ما في احد يفهم
     
  5. الى متى؟

    الى متى؟ بـترولـي نشيط جدا

    250
    0
    0
    المشكله ان الواحد يصبر يقول عل وعسى يكون رايه غلط.....ويمكن الشركات الاخرى يصكرون النت على موظفينهم لان هذا شيء ايجابي ويقلدونا.....بس اللي قاعد اشوفه ان الاداره قاعده تقط فلوس على شان توقف الانترنت!!!!!! يبه اذا خايفين على الفلوس...وماتبون تدفعون تفتحون الانترنت خلو الموظف يدفعلكم اشتراك انترنت؟ والله فشله
     
  6. الى متى؟

    الى متى؟ بـترولـي نشيط جدا

    250
    0
    0
    نفط الكويت الانترنت مفتوح+ كل المواقع مفتوحه ماكو شي مصكر
    نفط الخليج الانترنت مفتوح وفي مواقع مصكرينها ما ادري شنو بالضبط

    عندنا ساعتين وكل شويه فاصل ومصكر عليك السستم....يبه مستدعين ندفعلكم اشتراك انترنت؟هههههه
     
  7. شعيباوي

    شعيباوي بـترولـي نشيط جدا

    362
    12
    18
    أرجو من الجميع رفع ملاحظة بخصوص الفرق بين إتاحة الإنترنت بين الشركات النفطية في إجتماع ال krcm و قد يكون بداية التغيير.
     
  8. الى متى؟

    الى متى؟ بـترولـي نشيط جدا

    250
    0
    0
    نتمنى ذلك ونتمنى من الاداره التحرك السريع لحل المشاكل لا الانتظار حتى حدوثها
     
  9. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    في اتصال مع الاخ بسام الشمري من دائرة تقنية المعلومات
    قال انه يوجد حالياً تحديثات على السيستم
    وسيتم تلافي جميع الأخطاء الحاليه

    اما بالنسبة لتحديد ساعات الانترنت فهذه قوانين لا يتم وضعها من قبل الدائرة ولا يتدخلون فيها

    وكذلك حجب المواقع تشرف عليها لجنة وليست بقرارات فرديه

    كما ان لوائح تقنية المعلومات تنص على انه من درجه 15 وفوق يحصل على 8 ساعات انترنت

    وكل ماعليه هو الاتصال على 4141 وطلب تفعيل الخدمه

    فكل الشكر للمهندس بسام الشمري وبالمناسبة نبارك له الترقيه الى رئيس فريق ونتمنى له التوفيق

    ومع ذلك فنحن نطمح ان يكون هناك خدمات افضل بخصوص الانترنت وان يكون مفتوح للجميع
     
  10. الى متى؟

    الى متى؟ بـترولـي نشيط جدا

    250
    0
    0
    اخوي العجمي اي قوانين اي بطيخ....كل الشركات مفتوح انترنتهم الا شركتنا بس اللي تطبق القوانين؟

    الانترنت ظاهره حضاريه تفيد المجتمع وتطوره.....ليش ما يحطون علينا بعد ناس يراقبونا شنسوي بالانترنت على شان يمكن ندش موقع بالغلط مو مسكرينه ونقعد نشوف؟

    صراحه الخدمات عندنا فيها جعاصه بشكل مو طبيعي

    الانترنت
    والسياره


    الانترنت ربعي بالشركات الثانيه كلهم يتمتعون فيها والله يهنيهم بصراحه نغبطهم عليها
    والسياره الحين بكل الشركات ياخذون سيارات على طول الا شركتنا يقعد الواحد 10 سنين على مايعطونه هالميزه ويمكن بعد ما يعطونه!!!!!!
     
  11. admin

    admin إدارة المنتدى

    383
    9
    18
    ذكر
    kuwait
    للعلم
    دوائر العمليات هي من تطلب تحديد وقت الانترنت
    بحجة انه يلهي الموظفين عن عملهم
     
  12. الى متى؟

    الى متى؟ بـترولـي نشيط جدا

    250
    0
    0
    السوبر فايزر انترنته مفتوح....يفتحه من اول ما يداوم والكل يستخدم الجهاز.....يعني تطبيق هالنظام غير فعلي لان كله جهاز واحد اللي محطوط....ويتبادلون الارقام السريه فيما بينهم

    انا اقول ان سالفة الساعتين اكل عليها الدهر...ونتمنى من الاداره المسؤوله عن هذا الموضوع تغييره
     
جاري تحميل الصفحة...

مشاركة هذه الصفحة