2.5 مليون دينار صرفت «بونص» لـ 66 قيادياً في القطاع النفطي

الكاتب : بو أحمد الوفراوي | المشاهدات : 1,643 | الردود : 13 | ‏17 يوليو 2012
  1. بو أحمد الوفراوي

    بو أحمد الوفراوي بترولي خاص أعضاء الشرف

    219
    1
    16
    كشفت مصادر نفطية عن انتهاء مؤسسة البترول الكويتية من صرف «بونص» قياديي القطاع النفطي للسنة المالية 2011 /2012، موضحة ان بونص القياديين يتراوح بين راتب شهر وسبعة اشهر، في حين يتراوح بونص نواب الأعضاء المنتدبين بين راتب وخمسة رواتب شهرية.
    وقالت مصادر نفطية رفيعة المستوى في القطاع النفطي لـ «الراي» ان قيمة «البونص» الذي تم منحه لقياديي القطاع النفطي تراوحت بين 2 إلى 2.5 مليون دينار، موزعة على 16 رئيس شركة تابعة وعضو منتدب في حين هناك 60 نائباً للعضو المنتدب، لافتة إلى أن «البونص» يختلف عن «المشاركة بالنجاح».
    وأوضحت المصادر أن البونص السنوي المعتاد يتم توزيعه على القيادات النفطية وبعض العاملين وفق مجموعة من الشروط والإنجازات تتراوح بين الحد الادنى للأهداف والمستهدف والحد الأعلى.
    وقالت المصادر «بالنسبة للقياديين هناك ما يسمى بأدوات قياس الأداء»، مضيفة أنه «بالنسبة للعاملين هناك خمسة مستويات، ومن أبرز الشروط والمعايير هي تحقيق العاملين وفراً لمبالغ مالية في قطاعاتهم أو تحقيق أرباح من جراء تنفيذ أفكار جديدة وتدريب غيرهم لإضافة خبرات جديدة إلى القطاع وغيرها من الشروط الثابتة»، مشيرة إلى ان البونص تأخر هذا العام وقد تم إقراره واعتماده وصرفه خلال الأيام الماضية»( جريدة الرأي)
     
  2. الى متى؟

    الى متى؟ بـترولـي نشيط جدا

    250
    0
    0
    شهالحسد.........يا ليت يقارنون هالمدراء بمدراء الشركات النفطيه الثانيه وجم يستلمون بونص وهالسوالف.....زين مايقولون ترى الطبيب يستلم 6000 كل شهر..ومايحطون هالمقال الا على نزلة المعاشات على شان الناس تحسده وتقول شحقه 6000
     
  3. 1aziz

    1aziz بـترولـي نشيط

    69
    1
    8
    السلام عليكم
    ممكن اخي الكريم ان تشير إلى الانجازات التي قام بها هؤلاء علشان يستحقون هذا البونص ...
     
  4. الى متى؟

    الى متى؟ بـترولـي نشيط جدا

    250
    0
    0
    انا متاكد انه الانجازات اللي يقومون فيها هؤلاء اللي مو عاجبينك انها اكبر من استيعابي واستيعابك واستيعاب الكثيرين بالقطاع......ونتمنى من كل واحد يعرف قدره...بس تدري شلون نبي نمشي حبه حبه على ما تشتهي....انجازهم قعده بالمكتب وتوقيع على اوراق و واسطات و جاي وسوالف وبوفيه و سفرات وماكو شي ولا تعب ولا مسؤوليه عليهم لي درجة ان لو تحط البنقالي مال الكانتين اللي يسويلهم القهوه والجاي يقدر يقوم بنفس الوظيفه والمهمه...يعني بالعربي ماعندهم شغل(طبعاً مثل ما انت تشوف)....لما تقارن شيء يجب ان لا تقارن تفاحه في حبة كنار طايحه بالارض من السنه اللي طافت......يجب ان تقارنها بنفس الصنف

    روح شوف اللي بمستواهم الوظيفي بدول الخليج جم ياخذون وشوف بإيكوت جم ياخذون وبعدين يحقلنا ان نتكلم ونقارن......واحد انجازاتهم انهم قاعد يقودون القطاع النفطي اللي خلا ارباحهم عاليه لسنتين على التوالي يعطونك 4 معاشات....وهذا شيء ايجابي ونتمنى لهم الاستمرار وعليهم بالعافيه واذا تبي تقصر عليهم مادياً ما راح يشتغلون بكامل كفائتهم وابداعهم راح يسوون اللي عليهم وبس....نفس الموظف قبل الزياده كان يالله يالله يداوم واذا داوم ماله خلق يسوي شي...وبعد الزياده الكل شاد حيله...انا اتمنى الواحد مايحسد احد ويقول الحمدالله على كل حال...وهالموظفين اللي منتقدين بونصهم يستاهلونه ولو مايستاهلونه ما خذوه...المدير مال شركة زين البونص ماله بالملايين وسوو سالفه عليه النواب قبل مده. وهذا قطاع نفطي يمد العالم بالنفط ومشتقاته ويمد الدوله بالميزانيات الصعبه اللي فوق الخيال ونجي احنا اللي وظيفتنا تحصيل حاصل و 1000 واحد يمكن يفصل احسن منا ونقول ليش تعطونهم؟!!!

    بوجهة نظري دام الارباح في زياده مستمره فهم يستحقون اكثر من اللي يطلبونه واتمنى من الحكومه الاهتمام فيهم لانهم مصدر الدخل الوحيد
     
  5. Harley

    Harley بـترولـي نشيط

    111
    0
    0

    الفضل في الارباح والتوفير عالشركه العمال يا خالي.. والكثير من المدراء والرئاسيين قاعد عالكرسي حاله من حال الكرسي اللي قاعد عليه ,, لا يهش ولا ينش والله يهداك كاتب تعبير حسستي تيم ليدر:p
     
  6. صابر2012

    صابر2012 بـترولـي جـديـد

    18
    0
    0
    اخوي لا تقارن نفسك بالطبيب لانك مو قدهم لا علما ولا عملا:rolleyes:
    اولا اجدع طبيب يستلم 5000 وشي اذا طاف عمره الخمسين وكان ماسك منصب مثل رئيس منطقه صحيه او وكيل
    ثانيا ما عنده مشاركة نجاح ولا بونص ولا تامين ولا تذاكر ولاهم يحزنون
    بعد كادر الاطباء الاخير معاشاتهم وترقياتهم كالتالي
    اول ما يتعين طبيب امتياز معاشه 1680 يداوم
    دوام وزاره رسمي 0730-1330 تعادل 132 ساعه بالشهر
    خفارات 1330-0730 كل رابع يوم يعادل 144 ساعه بالشهر
    اذا خذا اجازه دوريه عاديه تنخصم 300 وينزل حسابه 1380
    مثال لمعنى الخفاره
    جاي الصبح امشط شعره ونشيط يشتغل الى الظهر الكل يرجع لبيته لكن جنقر اقصد الطبيب يظل بالمستشفى الى الليل بس يحط راسه على المخده في الخفاره يتصلون عليه الحوادث او الجناح يشوف حاله الى الصبح يجون الموظفين اللي ناموا في بيوتهم وهو عيونه مبققه يصعد الجناح يكمل شغله ليمن الظهر ويرجع بيتهم ويتكرر هالموضوع كل رابع يوم
    ثاني سنه يصير مسماه مساعد مسجل معاشه 1830 وهم اذا طلع اجازه دوريه يصير 1530
    هني توقف ترقيته الا اذا دش تخصص
    التخصص
    التخصص مدته على الاقل خمس سنوات من الدوام والخفارات والدراسه والامتحانات
    بعد التخصص يكون عمره في اواخر الثلاثينات ومعاشه تقريبا 3200
    هذا اذا قاعد يتخصص بالكويت وانقبل بالتخصص بعد المنافسه على المقاعد المحدوده
    اذا يبي بعثه لازم يقدم امتحانات معادله تكلفتها فوق الالف دينار ويحضر المقابلات الشخصيه في امريكا او كندا وكل هالمصاريف من جيبه بعدها اما يحصل على قبول وبالتالي بعثه او يقولون له قدم السنه اليايه وكل عام وانته بخير
    فرجاءا لا تقول كلام مو دقيق ولا صحيح
     
  7. صابر2012

    صابر2012 بـترولـي جـديـد

    18
    0
    0
    بعدين الاخوان ما قالوا شي غلط
    انا ما ادري شنو شهادتك او ثقافتك بس مصيبه اذا ما تعرف الفرق بين ارباح بسبة ارتفاع اسعار عالمي وزيادة طلب هذي مو شطاره وبين ارباح بفضل مجهود شخصي مثل الحصول على افضل صفقات من بين منافسين اقوى وبين ابتكار تكنولوجيا محليه وزيادة الفعاليه
    صراحة انته وضعك صعب
     
  8. الى متى؟

    الى متى؟ بـترولـي نشيط جدا

    250
    0
    0
    الرد على صغار العقول خطيئه

    مدير يدير شركه يقولون لا يبه مو منه من العمال ما ادري مطعم هندي هذا والا قطاع نفطي

    ستاربكس نجاحه على العمال اللي يضبطون الموكا مو على الاداره...لا والايفون بعد مو على المدراء والمصممين له...لا للعمال اللي بالمصنع صنعوه وسوه......هههههههههه والله شي يضحك

    لا خلاص بعد لازم الدي ام دي يستلم بونص اقل من العامل اللي بالحقل؟ قاعد على كرسي وياخذ هالمبالغ؟

    مشكله بديرتنا الجهله يحكون ويبون يقودون الاختصاصيين...وهذا ما لا يعقل.

    بس ارجع واقول روحوا شوفوا الشركات الثانيه بالخليج جم يستلمون وبعدين تعالوا تكلموا

    وبخصوص الاطباء والعلم اللي عندهم...ما ودنا نتكلم عنهم ونفصفص فيهم ...بس نعطيك معلومه عن علمهم...امتحاناتهم اختياري يعني التشيير في علمهم له نصيب... وانا بس ودي اعرف بأي دوله بالعالم مدير القطاع النفطي يستلم نفس وزير الصحه او اي وزير
     
  9. صابر2012

    صابر2012 بـترولـي جـديـد

    18
    0
    0

    وامتحاناتهم اختياري !!! مو اقولك معلوماتك غلط روح اسال اي طالب طب شنو امتحاناتهم !! وين راح الكتابي والميداني والعملي!!
    اعيد اقول انت مو قد الاطباء لا علما ولا عملا
    وانت ما توصل مواصيلهم لانه عقلك صغير ومجموعك اصغر ما يدخلك طب روح اي مكان متحضر مثل اوروبا او امريكا وشوف جم لازم تكون نسبتك عشان تدخل طب وقارنها بتخصصك
    هذا ما يمنع انه في ناس شارين شهاداتهم من دول فقيره بس هذا مو حكر على الطب بل موجود متوفر لكل الشهادات
    بعدين ستاربكس يبون متطوعين روح ضبط لهم الموكا لانك حسب كلامك ما منك فايده وخل المدرا يديرون كل شي هني:p
     
  10. صابر2012

    صابر2012 بـترولـي جـديـد

    18
    0
    0
    مو اقولك انته مو قد الكلام اللي تقوله ولا شايف دنيا بذكرلك جم نقطه
    اولا انا عندي من اهلي مهندسين نفط في دوله خليجيه معاشهم اكثر من الكويتيين بس بالمقابل تكاليف العيشه في ديرتهم دبل الكويت وحتى المدرس عندهم معاشه قد المهندس في النفط !!!
    اسال نفسك يا فيلسوف وفاهم العالم ليش اذا فيه ارباح المدير يشارك واذا فيه خساره المدير ماله ذنب ؟؟؟؟؟؟؟؟؟؟؟؟؟؟
    لو في اداره محترمه في الكويت جان اي خساره المدير يقدم استقالته ويقدمونه للتحقيق !!! ويترك المجال حق الاجيال اليديده مو لازق بالكرسي يبي كل شي حقه
    روح تعلم من الاجانب شلون يدير ويربح مو معتمد على سعر البرميل صاعد في ربح نازل مافي ربح هذا حارس عماره احسن منك:d
     
  11. Harley

    Harley بـترولـي نشيط

    111
    0
    0
    حلو كلام منطجي يا زلمه ،، شووف العمال اللي مو تارسين عينك بقولك ليش المفروض بونصهم اعلى واكبر من المسؤوولين اللي قاعدين عالكراسي اللي انت قاعد تدافع عنهم والله اعلم شكلك من اللي يطبل لهم او نفس الي يقول عاوز اعملكم كباية شاي وان شاء الله انت مو من هالنوعيه ،، الزبده مثال بسيط لو اي وحده من الوحدات الموجوده بأي مصفاة صار فيها ايمرجنسي والعمال ما اتخذوا الاكشن وسيطروا عالوضع تتوقع شنو بتكون الخساير ;) .. خلنه من هذا ربعك اللي قاعد تدافع عنهم اهم والكراسي واحد لا يهشون ولا ينشون الا من رحم ربي والقطاع النفطي الفساد الاداري اللي فيه صار واضح وشكل ملحوظ ،، ارجو منك ومن بعض الاخوان لا يلمعون حق ناس وناس لسبب واضح مصلحه او صلة قرابه . ودمتم سالمين.




    قال صغار العقول قال .. بو العريف :d
     
  12. الى متى؟

    الى متى؟ بـترولـي نشيط جدا

    250
    0
    0
    والله وبالله وتالله انك ما تذكرني الا بصباغ صبغ غرف عندنا فبيتنا قبل عشر سنين او اكثر....قعد يسولفلي عن الصبغ ومهنة الصباغه حسسني انه مخترع الذره مو صبغ...والمشكله العظمى انه صبغه مش حالك واكتشفنا عيوب فيه كثيره.

    يقولي الصبغ ده فن مش اي احد يئدر بيصبغ وانا اضرب ضربات مش اي حد يعرف يجيبها زيي.
     
  13. Harley

    Harley بـترولـي نشيط

    111
    0
    0
    شكلك متعقد من الصباغين ،، صبغ لك وما دفعت له هههههه يا زينك ساكت:p
     
  14. صابر2012

    صابر2012 بـترولـي جـديـد

    18
    0
    0
    افتكر انه هذا الكلام كان موجه حق الاخ الظريف ( الى متى )
    وفعلا اتفق معاك انه الاخ ( الى متى ) يدافع عن المسؤولين بسبة صلة قرابه ويمكن بعد ضامن مكانه بالمستقبل !!!! وعارف انه بخرب الدنيا فمن الحين يختلق الاعذار :rolleyes:
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    7,071
  2. المحرر النفطي
    الردود:
    4
    المشاهدات:
    7,520
  3. المحرر النفطي
    الردود:
    3
    المشاهدات:
    6,992
  4. almostishar
    الردود:
    4
    المشاهدات:
    7,426
  5. kfaaf
    الردود:
    9
    المشاهدات:
    1,491

مشاركة هذه الصفحة