تعويض الداو كيميكال ؟؟؟

الكاتب : 4649 | المشاهدات : 802 | الردود : 5 | ‏14 يوليو 2012
  1. 4649

    4649 بـترولـي نشيط جدا

    180
    0
    16
    السلام عليكم

    من انحل المجلس والحكومه قدمت استقالتها ماشوف فيه طاري حق تعويض الداو

    الظاهر صارت من صالح بعض الناس اللي عليهم كلام ...

    بعدين هل راح تدفع الكويت ولا لا؟؟؟

    والاخت رئيسة البتروكيماويات شنو وضعها بعد كل هالحوسه ؟؟؟

    والله خوش ديره
     
  2. 4649

    4649 بـترولـي نشيط جدا

    180
    0
    16
    انا اعتقد والله اعلم
    انها بتروح حالها حال الناقلات
    وحالها حال الكثير من المشاريع اللي خسرانه
     
  3. الى متى؟

    الى متى؟ بـترولـي نشيط جدا

    250
    0
    0
    يبه المسؤول الاول والاخير عن ضياع هالصفقه اهم النواب المؤزمين لهذا المشروع حتى تم فسخ عقده....والمشكله الاعظم ان نائب فيهم يقول يجب فسخ عقد المصفاه الرابعه و اعادة طرحه مره اخرى....انت تدري لو تعيد طرحه شنو معناته؟ ثلاث ترباع الشركات العالميه راح ترفض المشاركه بمشروع بهالحجم واخر شي يتوقف لانها راح تخسر سمعتها ولا يبون بنص الشغل تقولهم خلاص هونا...زين والشغل اللي قاعد نسويه ونشتغل فيه شنسوي فيه؟ ومن جانب اخر حتى سعر المناقصه راح يرتفع الى ما يقارب دبل السعر الحالي ويمكن اكثر... انا لو مكان الحكومه....اشوف جم يجيب بالانتخابات الجايه واذا جاب رقم خيالي.... اسوي لقاء صحفي معاه واخليه يقول بعظمة لسانه نبي نفسخ العقد....ونقوله ترى راح يصير جذي وجذي وجذي...واذا قال اوكي...اسلط الاضواء على القضيه وافسخ العقد و اعيد طرح المناقصه و اكشفلكم عن الاسعار شلون زادت ونفور الشركات العالميه عن الكويت...ونسوي لقاء وياه ثاني غصب حتى لو رفض

    بس المشكله الحكومه لو تسوي هالشي منو المتضرر؟ البلد اهي المتضرره والشعب اهو اللي متضرر...ومنو الربحان من هالشغله؟ الدول النفطيه اللي تنافسنا واحنا احسن منهم...راح تعطيهم فرصه انهم يتفوقون عليك...احنا كل شوي معطلين مشاريعنا النفطيه... قررنا نمتلك داو....و جو النواب المأزمين وكنسلوها...وين راحت؟ راحت السعوديه....قررنا نبني مصفاه رابعه و وقفوها لسنوات طويله والسعوديه بنو مصفاه وخلصوا.........يعني احنا عندنا الافكار والنواب يوقفون هالمشاريع وغيرنا يقوم فيها....تخيلوا لو ان مصفاتنا ما توقفت من اول مره...جان الحين شغاله...تخيلوا عدد الوظائف اللي راح تتاح للمواطنين؟ تخيلوا البيع شكثر راح يزيد على ارتفاع اسعار البترول الحاليه؟؟؟ جان ارباحنا عاليه جداً جداً.........يا جماعه منو المستفيد من ايقاف المشاريع؟
     
  4. 1aziz

    1aziz بـترولـي نشيط

    69
    1
    8


    السلام عليكم

    و ليش وافقت الحكومة ؟؟؟؟؟؟؟؟؟؟؟؟؟؟؟؟
    هل هو خوف من المسائلة و البحث و التحري ؟؟؟؟؟؟؟؟؟؟؟؟؟؟!!!!!!!!!!!!!!!!!!
     
  5. الى متى؟

    الى متى؟ بـترولـي نشيط جدا

    250
    0
    0
    كل المشاريع اللي فيها بوق او ضغط سياسي على الحكومه...اهو بسبب النواب وبسبب اللي وراء النواب ويخلونهم يضغطون على الحكومه ويهاجمونها


    احنا الخسرانين...لا والله احنا كلها خمسين سنه بالكثير ومفنقشين........الكويت والاجيال القادمه اهم الخسرانين...اللي صاير من النواب كأنهم اللي وارثين فلوس ابوهم بدون مشقه وقاعد يلعبون بالحلال دون الاحساس بالمسؤوليه او كيفية الحصول على هذه الثروه التي تعب ابوهم وشقى لأجلها
     
  6. صابر2012

    صابر2012 بـترولـي جـديـد

    18
    0
    0
    يا اخي والله ملينا
    المسؤولين كله يفلتون من العقاب وكلمن يقط الغلط على غيره
    مع ذلك اقول لو انه المسؤولين و اصحاب المناصب في النفط حصلوها بوطنيتهم وبكفاحهم وكفائتهم جان تصدوا لاي عمل تخريبي ارهابي من الداخل او الخارج
    لكن الطمع والخوف والجشع مخليهم صم بكم عمي :mad:
     
جاري تحميل الصفحة...

مشاركة هذه الصفحة