العزوبي و المتزوج

الكاتب : كنبس | المشاهدات : 487 | الردود : 4 | ‏3 يناير 2008
  1. كنبس

    كنبس بـترولـي مميز

    814
    0
    0

    قال العزوبي


    قال العزوبي يوم شـاف المعاريـس *** الرابـح اللـي لاقعـد مايقـومـي
    أول سنـة كـلٍ يبـث الاحاسيـس *** وثاني سنة تجلب عليـك الهمومـي
    وثالث سنة حط الرمـل والمتاريـس *** لابد مـن حـربٍ تقـوم وتدومـي
    لامن دخلـت الـدار لاكنهـا بليـس *** متلفلـفٍ فـي غاليـات الهدومـي
    تأخذ من المخباة وتسحب من الكيس *** وتغيـر الموديـل شـيٍ لـزومـي
    وان قلت ما أملك يامره لوهو فليس *** قالـت تديّـن لا تكـثـر بلـومـي
    ولاجيت مرة نـاويٍ لـك ب....... *** قالت تصّبـر خـل قلبـك رحومـي
    ليتك تساعدنـي تصحـح كراريـس *** زادوا علينا أربع حصص في العلومي
    أزوارة في العصر والصبح تدريـس *** والليـل تصحيـحٍ وودي أنـومـي
    تبكي إذا جاها وجع لوهـو ضريـس *** وتقول أبي دكتـور ماهـو حكومـي
    يروح عمرك بين عرسٍ وتأسيـس *** واربـع سنيـن والبزاريـن كومـي
    وسط المطابخ بين قـز ومحاميـس *** هـذا صحـن رزٍ وهـذاك ثـومـي
    والا خلصـت إمنظـفٍ الملالـيـس *** جتك تقول انهـج نبـي زود لومـي
    ولا جبت قالت اكنس الحوش تكنيس *** خل البلاط يصيـر مثـل النجومـي
    ومكرسٍ جهدك من الخوف تكريـس *** وان نادتك بالصوت اقبلـت مومـي
    يجيك تـال الليـل دايـم كوابيـس *** ويشيبنـك مزعـجـات الحلـومـي
    هذي حياة اللي ركض باغـي...... *** ضيع حيـاة أول وصـار محرومـي
    تعيش يالمعـرس حيـاة المحابيـس *** وشف العزوبي بكل شارع يحومـي
    من مفرق جلاجل إلى جوي للخيـس *** وان حار حايرهم بوسطـه يعومـي
    يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي
    شف العزوبي مايعـرف الهواجيـس *** ولا يـودي حرمتـه كـل يـومـي
    يا عنك ماحاش الفخـر والنواميـس *** الا عزوبـيٍ يـعـرف السلـومـي
    اذا اعرس المعرس غدا عندنا هيس *** ونزيل اسمه مـن سجـل القرومـي
    والى بغيـت البهذلـة والدحاويـس *** فأعرس وخلك من عـداد الرخومـي
    وش صابكم من عرسكم يا المفاليس *** وش استفدتوا غيـر دق الخشومـي
    اللي تزوج أشهد انـه غـدا تعيـس *** والرابح اللـي ماخـذٍ لـه . .........
    ترى عناق العام نطت على التيـس *** والحرعقب العـرس يصيـر بومـي


    قال العريس

    قال العريس أنا الذي في سـعاده ××× ماني عــزوبــي ضايق الصدر مهموم
    مبسوط من مثلي قعـد عنــد غاده ××× مهوب مثـل اللي لحاله تقل بـــوم
    في كل لــيله حاضنٍ لـه وسـاده ××× وانا مـع المـزيون في غـرفة النوم
    أنا اشهد انه عايـشٍ في قــراده ××× يروح عــمــره مـا تهنى ولايوم
    الى دخــل للبيت يبلش بــزاده ××× يقعد يقــطّـع له طمــاطٍ معه ثوم
    ولا قضى عقب العصـر من عداده ××× والـحوض من كثر المواعين مزحوم
    والى غسلهن ثم فـك الســـداده ××× دلى يغســل له سـراويل وهــدوم
    وان ماطــبخ روّح لمطعـم حمـاده ××× والا قـعد في منزله واعـلن الصوم
    وان جاه ضيفٍ باغيٍ لـه رفـاده ××× يـروح يشــري رز وايـدام ولحوم
    ما يعرف الشمبو وراسـه عــراده ××× وشــمغه من الكواي ملـيانه رقوم
    ما يكنس الفرشــه ويلقط بــداده ××× اما بقـايا رز او خــبز معــروم
    عنده صراصيرٍ بحـاجه ابــاده ××× تسـرح وتمرح في الغرف دايم الدوم
    يجمع قروشه ويتســـلف زيـاده ××× حتى يسافر مصـر او ديرة الروم
    او راح يم التاي وتـــرك بـلاده ××× ناظر جـوازه ممـتلي كله ختوم
    دايم يسافر ما يعـرف العــباده ××× يسكر وينكر و ........ بالكـوم
    وإلى رجع يـروح يـم العــياده ××× حيث ان فـيده مـن فعايله مزكوم
    وإلى قعد مارس مع .......عاده ××× حيثه مسيكينٍ مـن العرس محـروم
    له موتر خرده كثير فســـاده ××× في كل يـومٍ في الاشارات مصـدوم
    غمارته تقول ورشــة حـــداده ××× ومريقـده في شـنطته دوم محزوم
    دوم يتنقل تقــل كنه جــراده ××× في كـل يومٍ نازل له على قــــوم
    يسهر والى قام الظهر من رقـاده ××× روّح على شغله والى اليوم مخصـوم
    يذي بنات الناس يبغي مـراده ××× في كل يومٍ زاهمٍ له على ( هـــوم )
    اراه مايعـرس ويقـدح زنـاده ××× يترك بـنات الناس ويصير معصوم
    يلقى هنوفٍ تخـدمه مثـل داده ××× ويصــير رجّالٍ ويسلم من اللوم
    يفرح الى من قرب وقت الولاده ××× ويصير معنى العرس بالحيل مفهوم
    يشوف أولاده ومعهم شهـــاده ××× قبل الـوفاة وقولة الناس مرحــوم
     
  2. Shoomy

    Shoomy بـترولـي خـاص

    اللي تزوج أشهد انـه غـدا تعيـس *** والرابح اللـي ماخـذٍ لـه . .........

    :rolleyes: يا ترا ماخذ(ن) شنو؟؟

    يعطيك العافيه يا كنبس .. ابداع

    بس صج وين الغيبه؟؟ :mad:
     
  3. كنبس

    كنبس بـترولـي مميز

    814
    0
    0
    والرابح الى ماخذ له وليه
    وليه الى تولول عليه بالبيت كل حزه
    :D
    الغيبه بعيد عنكم مريض لانى مرافق مريض بس بالكويت
    وتسلمين على السؤال عنى
    ودمتى بود
     
  4. Shoomy

    Shoomy بـترولـي خـاص

    كااااااااااااااااك حلوه الوليه :D

    سلامات وماتشوف شر يارب
    اجر وعافيه انشالله :eek:

    اذا مانسال عن كنبس نسال عن منو؟؟ :rolleyes:

    افا عليك بس :p
     
  5. كنبس

    كنبس بـترولـي مميز

    814
    0
    0
    مشكوره وماقصرتي يا الطيبه
    والله فيج الخير شومي :)
     
جاري تحميل الصفحة...

مشاركة هذه الصفحة