مهندسه تستفسر عن شركتكم

الكاتب : %moon% | المشاهدات : 1,932 | الردود : 29 | ‏13 يوليو 2012
  1. %moon%

    %moon% بـترولـي جـديـد

    22
    0
    0
    السلام عليكم ورحمه الله وبركاته

    بسألكم عن هالشركه شلونها زينه والا لا.

    وخصوصا اللي بالشعيبه ؟!

    تصلح لمهندسات؟!

    وجم معاش المهندسه؟!

    وشنو المميزات اللي فيها؟!

    يعني شلون الوضع فيها

    وهل لازم الواسطه

    محتاره حيل ياليت تجاوبوني واكون شاكره لكم

    وشكرا:)*
     
  2. شعيباوي

    شعيباوي بـترولـي نشيط جدا

    362
    12
    18
    من شعيباوي : شوفي مكان ثاني غير الشعيبة
     
  3. %moon%

    %moon% بـترولـي جـديـد

    22
    0
    0
    ليش مو مناسب من اي ناحيه؟!

    قصدك النفط مومناسب؟!
     
  4. 4649

    4649 بـترولـي نشيط جدا

    180
    0
    16
    الرواتب لا تناقشينها

    ولكن تحديد المكان عن طريق المؤسسه هي اللي توزع المقبولين

    والشعيبه قديمه ومشاكلها كثيره
     
  5. %moon%

    %moon% بـترولـي جـديـد

    22
    0
    0
    ليش الرواتب مااناقشها؟!

    فهموني شنو اللي شين فيها
     
  6. %moon%

    %moon% بـترولـي جـديـد

    22
    0
    0
    قوليلي اذا ماتقدرون بالخاص لاني حيل محتاره
     
  7. Dosari

    Dosari بـترولـي نشيط

    98
    1
    8
    مشغل مصفاة
    والله شوفي.....

    بالنسبه للقطاع النفطي بشكل عام...اذا ماعندج واسطه لا تعبين نفسج....

    اما بالنسبه للمعاش للمهندسه مادري بالضبط جم لكن مو نفس المهندس لان المهندس شغله برا يعني بالشمس والحر

    المهندسه شغلها كله اداري


    المميزات طبعا تفرق بين الذكر و الانثى يعني كا منحة الزواج وغيره شغلات



    وبس
     
  8. %moon%

    %moon% بـترولـي جـديـد

    22
    0
    0
    يعطيك العافيه أخوي


    وناطره اجابات
     
  9. شعيباوي

    شعيباوي بـترولـي نشيط جدا

    362
    12
    18
    المعاش زين إن شاء الله. لكن الشعيبة تقع ضمن منطقة صناعية و إجراءات الدخول والخروج من المصفاة تختلف عن باقي مرافق الشركة. لكنها ما تختلف بالرواتب. و المميزات موحدة.

    و أنصحج بالقبول بالوظيفة أيا كان مكانها ثم بعد ذلك حكمي لكي لا تعطي إنطباع خاطيء. و الله الموفق
     
  10. %moon%

    %moon% بـترولـي جـديـد

    22
    0
    0
    حاليا متوظفه بجهه حكوميه وماعجبني الوضع

    للأسف الشغل موبدراستي كلش

    وسياسه الدخول عارفته بس هالشي اللي موزين؟؟
     
  11. شعيباوي

    شعيباوي بـترولـي نشيط جدا

    362
    12
    18
    الشعيبة تقريبا ستحال للتقاعد بعد مشروع المصفاة الجديدة. و تختلف الحال من قسم لي قسم. بس تقريبا الفروقات قليلة بين مصافي الشركة.
     
  12. %moon%

    %moon% بـترولـي جـديـد

    22
    0
    0
    يعني ماتنصح فيها؟!

    الواسطه ان شاءالله موجوده

    بس خايفه لي طلعت من دوامي الحالي ماارجعله واخاف مااتأقلم بالنفط
     
  13. الى متى؟

    الى متى؟ بـترولـي نشيط جدا

    250
    0
    0
    ما شاء الله عليك فهمان

    منو قالك ان المهندسه ما تنزل للموقع وكل شغلها اداري؟....انا وياي اكثر من 6 مهندسات وكلهم ينزلون للسايت ومعاهشم حالهم حالي بس افرق عنهم بالزوجيه
     
  14. الى متى؟

    الى متى؟ بـترولـي نشيط جدا

    250
    0
    0
    حلوه منج هذه....شهالتناقض مره تقولين شغلي مو عاجبني و مو قاعده اشتغل بمجال دراستي ومره تقولين خايفه ما ارجعله!!!!!!!معناته عاجبج الشغل

    الواسطه لوظايف مشغلين الحقل والاطفاء والامن...موجوده ونقدر نفهمها او نستنتجها من الاسماء وخصوصاً الاسم اللي اخر شي

    اما المهندسين ماكو اي واسطه...اذا نجحتي بإمتحان الانجليزي والتخصص والمقابله...ان شاء الله الف مبروك...النظام الحالي ممتاز وكل ماله يتطور

    وبخصوص القطاع النفطي....القطاع كله ممتاز ومعاشاتهم قويه جداً وتسوى....بس ما انصح ان زوجتي تشتغل بالقطاع النفطي لان دوامهم متعب و طويل....الوزاره اعتقد دوامها خفيف وفلاتي...والله اعلى واعلم
     
  15. شعيباوي

    شعيباوي بـترولـي نشيط جدا

    362
    12
    18
    الدوام فيه مشقة. واللي يبي يدخله لازم يضحي ببعض المجالات. و شي مقابل شي.
     
  16. %moon%

    %moon% بـترولـي جـديـد

    22
    0
    0
    عفوا شنو تناقضه اللي تقول عنه ؟!
    الظاهر مافهمت علي
    قصدي اخاف ماأتأقلم بالنفط ويكون أسوأ من دوامي اللي الحين
     
  17. %moon%

    %moon% بـترولـي جـديـد

    22
    0
    0
    سؤال هل المكان فيه اختلاط والا البنات بروح والشباب بروح؟!



    الدوام يبيدي 7 ويخلص 3 صح؟!

    بصراحه يناسب البنات والا لا؟!

    اعتبروني اختكم وقولولي ؟!
    *
     
  18. الى متى؟

    الى متى؟ بـترولـي نشيط جدا

    250
    0
    0
    تناقض لما تقولين اخاف ما ارجع لدوامي وقبلها تذمينه!!!! يعني عاجبج المكان

    يبه الدوام من مكان لي مكان يفرق قدمي واذا ما اعجبج الوضع قدمي استقاله و ردي للوزاره وخل يحطونج اذا رديتي بمجال تخصصج (مالج عذر الحين)

    الوظيفه اكيد مختلطه واكيد في احتكاك قوي وكبير بين الرجال والنساء لأن هذه وظيفه و طريقة عمل كفريق وماكو شي بروحج...والله الحافظ...ويانا وحده متدينه وما شاء الله متنقبه والحمدالله ماشيه...بس انا عن شخصيتي ما ابي زوجتي او اختي تشتغل بمجال نفس المجال اللي انا اشتغل فيه لان الاحتكاك مع الرجال وخصوصاً اللي مافيهم شهامه مو شي.
     
  19. %moon%

    %moon% بـترولـي جـديـد

    22
    0
    0
    حيل تضايقت استغفرالله

    بس ناس مدحتلي وقالولي البنات بروح وماعليهم ضغط

    حيل محتاره


    الله يكتبلنا الخير يارب
     
  20. Dosari

    Dosari بـترولـي نشيط

    98
    1
    8
    مشغل مصفاة

    اخوى....بالاول تعلم شلون تحاور الناس باسلوب راقي وبعدين دش بالموضوع


    اولا انا ما ارد عليك و على غيرك (طبعا الي امثالك)

    ثانيا انا عندي اخواني اثنين مهندسين واحد بالنفط و الثاني بنفط الخليج ولا واحد فيهم مكانه فيه بنات مهندسات

    من هني انا اخذت المعلومه....


    قبل لا اختم....

    ترا مو بس انت المهندس الوحيد

    تقبلو مروري والسموحه يا جماعه على الاسلوب...لكن في ناس مو محترمه
     

مشاركة هذه الصفحة