اشفيها شركتنا!!!

الكاتب : المهندس | المشاهدات : 1,120 | الردود : 13 | ‏3 يناير 2008
  1. المهندس

    المهندس بـترولـي خـاص

    1,305
    8
    0
    صج والله اشفيها شركتنا. اتجيب هالاجانب وتحطهم على جريد ابوريشنال انجنير وبعدين تقوم تعطيعهم كورسات على الوردز والاكسل والبوار بوينتس- مو المفروض هذولي خبره الحين - وياريتهم يعطونهم ادفانس - كل كورساتهم حق بيسك وبجينرز. والله مشكله والكويتي الانجنير المسكين يسالونه ليش ما تعرف وانت ما تفهم وشلون دشيت وانت يا بو الواسطه مع انه يو دي (تحت التطوير)

    والسالفه الأدهى لمن الأجنبي يصير سينيور انجنير جريد 16 - يحقله في قانون الشركه انه يطلع كورسات خارجيه - ايييييييييييي ليييييييييييش !!!!!!!؟ شنو الفايده وحق شنو وكلها حق سياحه!!!!! والله بربسه :mad: لو قلنا ديوتي جان قلنا اوكي وطالع يعتمد ماده معينه او شي بس يسافر علشان كورس خارجي!!!!! واللي يبط الجبد دايم كورساتهم الخارجيه في دولهم. سفره بلاش.

    والحين اليو دي المسكين (المهندس) يطلعونه كل ثلاث سنين كورس خارجي هذا اذا مو كل اربع سنين مع انه قانون الشركه يقول كل سنتين!!

    يا ريت نقابتنا القادمه تفتح هذا الموضوع.:confused:
     
  2. المشاكس

    المشاكس بـترولـي خـاص أعضاء الشرف

    998
    1
    0
    هاذي سوالف عايض الهاجري ..... يفضل المهندس الأجنبي على الكويتي .... من زمان هاذي سوالفه ..... عين عذاري
     
  3. Shoomy

    Shoomy بـترولـي خـاص

    الله كريم الله كريم .. يهون الجرح الاليم .. الله الله

    شدعوه بيتاثرون مهندسنا .. يدخلون الكلام من اذنهم اليمين ويطلعونه من اليسار
     
  4. المشاكس

    المشاكس بـترولـي خـاص أعضاء الشرف

    998
    1
    0
    لا وانتي الصاجه بيدخلونه من اليسار ويطلعونه من اليمين :rolleyes:
     
  5. Shoomy

    Shoomy بـترولـي خـاص

    كل شي جايز بالشركه .. على قوله رفيجتي " بالشكره" ;)

    كاااااااااااااااااااااك :D
     
  6. redrose

    redrose بـترولـي نشيط جدا

    442
    0
    0
    يعني انتوا توكم تدرون ان الإجنبي اولي

    لمشكلة : انهم ماخذين عن الكويتي ان اهو ما يشتغل
     
  7. المهندس

    المهندس بـترولـي خـاص

    1,305
    8
    0
    نبي واحد يفهم في الشركه يقولنا العبره شنو اذا طلع السينيور الاجنبي كورس خارجي!!! ليييييييييييييش! اشحقه!!!!!!!!
     
  8. redrose

    redrose بـترولـي نشيط جدا

    442
    0
    0
    شركتنا خيرها حق غير الكويتي ، واللي بالمجلس وإللي عنده واسطه ....... فقط لا غيـــــــــــر
     
  9. المهندس

    المهندس بـترولـي خـاص

    1,305
    8
    0
    منو اللي قاعد يطلع في هالافكار!!! ناشبونا في بيوت الشركه والشقق تخب عليهم وناسبونا في الجريدات وناشبونا في السيارات (هندي كحيان عنده سياره) والحين الكورسات.
     
  10. علميني الحب

    علميني الحب بـترولـي نشيط جدا

    365
    0
    0
    هذا كله بفضل التيم ليدريه يالمهندس اللي بيوم من الأيام كانوا مهندسين
    تسأله ليش تجيبون هنود أو مصرين من برى يقولك الكويتي ما يشتغل ولا يحب الشغل
    الكويتي راعي رباده وبعدين هذيل عقود خاصه جم سنه وتنهي عقده وخلاص
    زين أنا من توظفت وأنا أسمع إن الشركه مطبقين فيها نظام التكويت 100%


    أعتقد النقابه مالها دور بهذا يالمهندس ( فاهم قصدي منو له دور )
     
  11. nuclear

    nuclear بـترولـي نشيط

    105
    0
    0
    هذي سياسه خارجيه بعدين الاجنبي احسن لانه يطلع خير ديرتنا بره يعني دهنا بمكبتهم
    لو يكون عندنا جم اداري او قيادي يدري وين الله قاطه صدقوني هذا التخبط مايصير
    الاجنبي له سياره و بيت وقبل يرزونه على البحر و مدارس عياله و و و و و و
    و احنا عيال الديره حتى موحاطيننا على الرف لو على الرف جان زين على الاقل موجودين بالصوره
    الله كريم و هذا صج يبط الجبد لكن احنا عيال الكويت خدمناها بعيونا و بنتم نخدمها لو مهما صار لكن سؤال للمسائيل انتو يوم رزيتو الاجانب ما طرى على بالكم انه بكره عيالكم بيكبرون و راح يصير فيهم الي انتو مسوينه فينا؟!؟!؟!؟!؟!؟!
    هل ترضى ولا باجر لا تقاعدت بتقول الله لايوفقهم حاطين اجنبي و ولدي مهندس خريج الجامعه الفلانيه تحته
    لكن ياجماعة الخير (( ياجبل مايهزك ريح)) هذا احنا عيال الكويت
     
  12. المهندس

    المهندس بـترولـي خـاص

    1,305
    8
    0
    صبحك الله بالخير

    خل نوضح بعض النقاط واذا شباب ودهم يضيفون شي هم ما في مشكله.

    -كلنا نعترف انه مو كل المهندسين زينين او قراراتهم كلها صائبه. كلنا مقتنعين في هالنقطه ونفس هالشي ينطبق على المحاسبين والدكاتره والمحامين والسوبر فايزريه الخ الخ.

    - على فكره مو كل التيم ليدريه مهندسين - والتيم ليدريه اللي يتخذون هاذي القرارات معظمهم ايداريين وصارو تيم ليدريه (اللي في الموارد البشريه والماليه ..)
    يمكن يكون المهندسين التيم ليدريه لهم ضلع في هاذي القرارات - من يدري!!

    - في السنوات الاخيره توه بدت الشركه تركز انه مايصير تيم ليدر اللا جامعي او مهندس - في السنين اللي فاتت غير الجامعيين كانو يمسكون تيم ليدريه او سوبر انتندنت وجنرال سوبر انتندنت.

    - تخيل مهندس طول عمره مضغوط وما في احد يطالب في حقوقه ويترقا متأخر والنقابه ما تدري عنه - شنو تتوقع راح يصير اذا صار تيم ليدر (طبعا مو الكل)!!! بيكون حاقد على الكل - عشان جذي النقابه لازم يلتفتون لطلبات المهندسين.

    -التيم ليدر منصب ايداري - يعني ما يعتبر مهندس - انا طلباتي للمهندسين الصغار اللي محد يدري عنهم والكل طامر على حقوقهم من يو دي ليمن سينيور انجنير - تيم ليدرز خارج الحسبه.

    -النقابه هيالاساس في انها تثير هاذي المواضيع وما تسكت عنها لانها تمثل العمال ككل - مو كافي مجلس الامه قام يتكلم عن طلباتنا وحقوقنا والنقابات ساكتين. حتى عن التوظيف قامو يتكلمون عنه والنقابه ساكته.

    وشاكرلك عبورك وسمحنا اذا طولنا
    :cool:
     
  13. المهندس

    المهندس بـترولـي خـاص

    1,305
    8
    0

    بيض الله وجهك
     
  14. أبو خالد

    أبو خالد بـترولـي نشيط

    129
    0
    0
    محاسب
    الكويت
    الله يعينكم يا باش مهندسين .... تارسين الشركة وأكثركم مظلومين (للأسف ما عندكم عقل مهندس)

    شدوا حيلكم ترا لكم ثقل
     

مشاركة هذه الصفحة