نحتاج اداره محترفه لتغيير الوضع بالشركه

الكاتب : الى متى؟ | المشاهدات : 589 | الردود : 3 | ‏11 يوليو 2012
  1. الى متى؟

    الى متى؟ بـترولـي نشيط جدا

    250
    0
    0
    بسم الله الرحمن الرحيم

    يا جماعه انا ما اتكلم عن مستوى ال dmd او المدراء.....انا اتكلم عن اداره كامله

    لازم يكون في تطور...عندنا اقسام تحتاج تدريب وهذا الشيء فيه تقصير كبير من الناس المسؤوله عن التدريب...وهالشي قاعد نشوفه لما نروح كورس او مؤتمر...يعني تلقى شخص نفس تخصصك ونفس خبرتك او اقل منك...بس تلقاه متفوق عليك بمراحل بالتخصص....انا اتكلم عن التخصصات الهندسيه واللي تحتاج من الواحد يكون متعلم على طول....مثل ال inspection, engineering design, engineering services
    وهالتخصصات اللي مختصه في العلوم.....هالاقسام تحتاج خبره علميه اكثر منها عمليه...مايصير تشقه شق بكورسات الsafety....واهو مو محتاج لهالكورسات....اللي بالعمليات يحتاجون هالكورسات ولازم توفرها لهم وهذا اجراء سليم...بس انت تحتاج فئه متعلمه على التطورات العلميه الحديثه لازم تهتم فيهم والا شلون بتتطور الشركه؟ احنا قاعد نتجه الى دفع القطاع النفطي ليكون مقارب للحكومه وهذا الشيء غلط

    من فتره كنت بدورة وكان معي مهندس كويتي من شركة إيكوت......والله يا جماعه انه افضل مهندس مر علي بحياتي كلها...يملك من الخبره العلميه والعمليه ما لا يملكه حتى مدير المصفاه او الشركه....وعند سؤالي له شلون صرت جذي؟ قال احنا من ندش إيكوت يشقونا شق كورسات حتى نكون اقوياء....وهذه سياسه صحيحه وناجحه.... انا مهندس تصميم....صارليي حوالي 4 سنوات...تصدقون ان بس دوره وحده رحت متعلقه في مجال عملي؟ وعقب طلبات وحنه مني على شان اروح...واخر شي قالوا اوكي بس لازم على الاقل وياك 5 حق الكورس على شان نجيب المحاضر يعلمك....انزين شهالعباله؟ كل مره بقعد ادور احد على شان يدخل وياي؟ ودوني للدوره خل استفيد...والمشكله لما لقيت 5 اشخاص وياي.....اهم اصلاً فاهمين البرنامج وشغالين صح ويا المحاضر وانا جديد وقاعد اتعلم وتعبوني على ما تعلمت شي مفيد والمحاضر احس يقول هذا شفيه ما يفهم؟ وانا الوحيد اللي ما اعرف للبرنامج...واهم من زمان حافظينه ومشتغلين عليه والله ناشبته واحس غثيته

    اتمنى من الاداره انها تهتم لكل تخصص وتدربه والا ترى طول عمرنا بنعتمد على الكونتراكتر....مو بس شاقينا شق سيفتي وسيفتي....هالفلوس اللي حاطينها وفروها وعطو الموظف دوره تعليميه بتخصصه تفيده وتفيد الشركه


    اتمنى هالموضوع يوصل للأداره حتى يتغير نظام التعليم والتطوير الوظيفي بالشركه...والله وياي واحد مصري يقول انا مستغرب شلون انتو ما تروحون دورات تصميم؟ انا قبل كانوا باطيني بط بالدورات والواحد ما يكتسب خبره بدون علم بالتصميم....يعني قبل الاهتمام بالموظفين من ناحية الدورات كان اقوى من الحين....والسبب منو؟ او شنو المانع ان نتطور؟

    انا رحت كورس خارجي طبعاً ما يحتاج اقول لكم وين....اكيد كلكم عارفين...دبي
    المهم كان وياي اثنين من عمان واثنين من السعوديه...والله مستواهم افضل منا وتحس عندهم علم وخبره...شنو المانع؟ كل ما نروح كورسات نشوف مهندسين من كل مكان واحنا بالغصب....نتمنى الاداره تهتم بالمهندسين اللي قاعد يطورون الشركه....والعلم يتطور اذا تبونا نقعد على المصفاه بدون تطور وعاجبكم الوضع الحالي...ترى بالمستقبل راح يتغير الوضع والحال....لازم الواحد يواكب التطور على الدوام وخصوصاً في هالعلوم


    واتمنى من دائرة التطوير الوظيفي انها تمسك شخص شخص وتشوف وين يروح و وين يودونه....ويدققون على كل شخص ويشوفون اذا فيي تمييز واضح والا ما فيه
     
  2. Corvette

    Corvette بـترولـي نشيط

    72
    0
    6
    الشركة ترى الكويتيين عاله عليهم ومايفهمون ولو القرار بايديهم لحولوها مرتع للهنود والبنغال ،،
    كم من هندي يخطيء ولكن كلامه مصدق وصحيح ،،
    كلامك صحيح بالنسبة للكورسات لكن تعقيب بسيط ،،
    قول الحمدالله انك رحت كورس دبي ،، في اشخاص بالعمليات 20 سنة ماراح الا كورس بمركز التدريب ،،

    شركة تدار بنظام العصابات ،،
    لماذا لا نرى شكاوي بالشركات الاخرى ،،



    الله يفرجها ان شاء الله ،،
     
  3. الى متى؟

    الى متى؟ بـترولـي نشيط جدا

    250
    0
    0

    فعلاً هذا اهو مربط الفرس....الى الان ما تكلمنا عن الترقيات بس بالتدريج نشوف صوتنا يوصل للاداره او لا
     
  4. الى متى؟

    الى متى؟ بـترولـي نشيط جدا

    250
    0
    0
    الحين الانترنت صارله اسبوعين شغال مفتوح....شضركم؟ شضر الشغل؟ دافعين فلوس على شان تحطون برنامج يصكر النت ويحسب على الموظف ليش؟ يا جماعه بالكي او سي الانترنت مفتوح 24 ساعه وكل شي مفتوح حتى المسنجر مسموح...يا جماعه الشخص اللي ماعنده شغل يزعج اللي عنده شغل ولما انفتح النت الكل كان ساكت وماله شغل بالثاني وتكونت بيئة عمل مناسبه.

    اتمنى صوتي يوصل للأداره بأن الانترنت يجب ان يفتح ويكون بدون حدود...الناس يتطورون مو يتخلفون
     
جاري تحميل الصفحة...

مشاركة هذه الصفحة