موضوع لمناقشة قضايا التسجيل والشروط الواجب توفرها

الكاتب : وبالله نستعين | المشاهدات : 1,772 | الردود : 10 | ‏9 يوليو 2012
  1. وبالله نستعين

    وبالله نستعين بـترولـي نشيط جدا

    السلام عليكم مسائكم خير والله يوفق المقبلين على وظيفة والله يجعلها من نصيبهم اللهم امين تقبلوا تحياتي أخوكم وبالله نستعين نحب نطرح هال موضوع لمناقشة قضايا التسجيل والشروط الواجب توفرها المقبولين وأي شي يختص بأخبار الدورات وكل شي مستجد ستجدونه هنا والي يناقشنا حياه الله ولو حتى باسئلة بسيطة يشاركنا واتمنى تعم الفائدة عالجميع
     
  2. ضايعه بالطوشه

    ضايعه بالطوشه بـترولـي جـديـد

    10
    0
    0
    وعليكم السلام ورحمه الله وبركاته

    والله انا عندي استفسار لييييييييش لازم العمر 28 ولازم الي متقدم تكون امه والدته بتاريخ مع الاعلان ؟؟ في ناس يتخرجون متأخر ومعدلاتهم عاليه حرام تاخذون غيرهم و ينظلمون بسالفه العمر والله حرام فرق شهرين والا شهر او حتى سنه مايقدر يقدم ماله دخل الأداء الوظيفي والمؤهلات بالعمر ؟ المفروض الي مؤهلاته عاليه وكفؤ ياخذونه والي بيشتغل بيشتغل شكو العمر ؟
     
  3. الشريف محمد

    الشريف محمد بـترولـي جـديـد

    2
    0
    0
    السلام عليكم اخي الكريم ممكن تذكرلي اهم الشروط الواجب اتباعها
     
  4. وبالله نستعين

    وبالله نستعين بـترولـي نشيط جدا

    حياك الله اخي من ناحية اي شروط تبي ورد لي خبر
     
  5. املي بالله كبير

    املي بالله كبير بـترولـي نشيط جدا

    بسم الله الرحمن الرحيم

    انا اضم صوتي للاخت ضايعة بالطوشة

    وفي شغلة ثانية سمعت عنها واهي غير منطقية بتاتا ...... الرجاء اكدولي هالمعلومة
    ان اولوية التوظيف للشخص الذي لديه اقارب ب المؤسسة !!!!!

    شنو اهي مؤسسة عائلية وله خطبة وله زواج ما فهمنا !!!!
    هل هذا صحيح ؟ و اللي ما عنده اقارب في المؤسسة اشلون؟
     
  6. LAW

    LAW بـترولـي نشيط جدا

    293
    0
    16
    السلام عليكم

    اخت ضايعه بالطوشه

    الاعلان واضح البكاليريوس عمره لايزيد عن 28 معناته لو بتاريخ الاعلان وطلع عندهم بالستتم عمرج29 بالضبط او 29 ويوم واحد زياده مايقبلون اوراقج دام مكتوب تسعه يم رقم 2 وطالع عندهم29 يبون مايزيد عن 28 والي فوق ال28 هو 29 و30 فمايكون هالاعمار
    فاذا عمرج 28 ويوم ولا 28 و6 شهور عااااااادي يقبلون اوراقج بس اذا وصل بالسستم 29 ممنوع ,, هذا القصد من ان عمره لايزيد عن 28 للبكاليريوس و25 للدبلوم بنفس الطريقه الي ذكرتها

    والي سمعته زادوا بمده حديثي التخرج وصار حديث التخرج مايصيرله متخرج 4او 5 سنين للبكاليريوس و3 سنين للدبلوم

    اخ املي بالله كبير

    للاسف موجوده بس الحين نزلوها جنه من15% الى5% بمعنى يزيدون الي لهم اهل يصيرون لهم بالمؤسسه 5% بعد مجمل درجات اختبارات الانجليزي والتخصص والمقابله (( ظلم انا وياك بس من ناحيه اخرى هم شايفينها طريقه تقدير لانه من اهل موظف عندهم بالشركه كان له خدمه اكثر من 15 سنه ))

    عالعموم ولله الحمد انا قبلوني وماعندي احد بالمؤسسه ,, العبره شطارتك بالانجليزي واسئله التخصص والمقابله سهالات بس سوالف
    وخلك مثل نكك هني بالمنتدى ( املك بالله كبير ) , وابذل الاسباب والباقي على رب العباد وليس العباد

    اتمنى اكون قد افدتكم وتقبلوا مروري
     
  7. ضايعه بالطوشه

    ضايعه بالطوشه بـترولـي جـديـد

    10
    0
    0
    وعليكم السلام

    عفوا ترا انا صح عمري فوق 28 بس شهادتي البكالوريوس موقديمه حديثه يعني توني متخرجه و تخصصي نادر ومطلوب ومعدلي عالي الحمدالله فسؤالي شكو العمر ؟

    و ترا على فكره معلوماتك غلط اخ law انا السنه الي فاتت عمري بالضبط 28 فرق شهر بس عن تاريخ الاعلان و رفض السستم قبولي واتصلت فيهم قالوا لي لان عمري 28 وشهر !! ( فرق شهر من تاريخ الاعلان ) ! هذا مو حرام ؟
     
  8. ضايعه بالطوشه

    ضايعه بالطوشه بـترولـي جـديـد

    10
    0
    0
    وعليكم السلام

    عفوا ترا انا صح عمري فوق 28 بس شهادتي البكالوريوس موقديمه حديثه يعني توني متخرجه و تخصصي نادر ومطلوب ومعدلي عالي الحمدالله فسؤالي شكو العمر ؟

    و ترا على فكره معلوماتك غلط اخ law انا السنه الي فاتت عمري بالضبط 28 فرق شهر بس عن تاريخ الاعلان و رفض السستم قبولي واتصلت فيهم قالوا لي لان عمري 28 وشهر !! ( فرق شهر من تاريخ الاعلان ) ! هذا مو حرام ؟
     
  9. LAW

    LAW بـترولـي نشيط جدا

    293
    0
    16
    اختي

    انقبل بالشركه عندنا واحد تخصصه اداره اعمال وهوه مواليد 83 شهر 4 لما كتب رقمه المدني جدامي ولج الحسبه

    السنه الي طافت تقديمه مع اعلاننا الي كان بشهر7 معناته كان وقته عمره 28 و3 شهور

    تقبلي مروري
     
  10. ضايعه بالطوشه

    ضايعه بالطوشه بـترولـي جـديـد

    10
    0
    0

    مبروك والله يوفقكم .. بصراحه كلامك غريب يعني شمعنى انا ماقبلوني ؟ ودقيت عليهم وردوا علي مايصير لان فرق شهر من الاعلان !؟ وانا نفس السنه كانت طالعه عندي 1983 لانك تختارها فالسايت بس لما حطيت الرقم المدني رفض السايت عشان الشهر ! ؟ الحمدالله على كل حال
     
  11. LAW

    LAW بـترولـي نشيط جدا

    293
    0
    16
    اي نعم

    الخيارات السنه الي طافت للباكاليريوس كانت تبدي من 1983


    وهالسنه الخيارات راح تبدي من 1984


    عالعموم خيره اختي


    تقبلي مروري
     
جاري تحميل الصفحة...

مشاركة هذه الصفحة