تقديم تظلمات جماعيه لوظيفة رجل أمن

نروح ليش لا

واللي فيه الخير ربي يكتبه لنآآآ ان شاء الله

الله يوفقك اخوي ويفرجها عليك من حيث لاتحتسب يارب

 

طيب تتوقع الي ما نقبلوا اهم كانوا راسبين مثلا ؟؟؟ ولا مو مستوفين الشروط ؟؟؟ هم اهم مثلكم مستوفين الشروط وعدوا كل شي بس الي معاه واسطه مو مثل الي ما معاه واسطه وفي ناس واجد ما معاهم واسطه ادخلوا وبعدين لا تنسون تقييم لجنة المقابله لكم مو شرط بس تنجح باختبار الانجليزي تقول خلاص انا مقبول رسمي ؟؟؟؟ الدعوه نصيب وارزاق والله يوزع الارزاق

 

الله يوفقكم ويرزقكم على قد نيتكم ... بس يا بعد راسي تاكد من شغله انه يكون الشخص يكمل واهو بفترت التسجيل يعني الي كان 28 صار 29 واهو بفترت التسجيل والي كان 17 صار 18 مافيها شي ... انت روح وشوف واذا كان لك حق لا تسكت عليه بالعكس انا اشجعك لانه الساكت عن الحق شيطان اخرس

 

المطالبة بالحقوق ورفع الظلم أمر مهم، أحييكم على مثل هذه الخطوة بارك الله فيك، لكن للمعلومية فقط اللي مواليده 83 شهر 11 يعني عمره حتى الآن 28 سنة و7 شهور بارك الله فيك ووقت التقديم كان عمره 27 بارك الله فيك، وفيه ثاني بعد مواليد 83 شهر 9 الى الآن ما كمل 29 ووقت التسجيل كان توّه كامل 28.


شروط التسجيل ان يكون عمر المتقدم من 18 الى 28 وأي واحد مواليد 83 يحق له التسجيل، لكن يحق لك التظلم إذا لقيت شخص مواليد 82 مسجل.

هذا خلال بحث سريع في قائمة المقبولين، وجدت 2 مواليد 83 وفيه ناس مواليد 94 .. واغلبهم مواليد شهر 1 او 2 أو 3 والسستم ما قبل ملفاتنا الا آخر شهر 3 بعد الانتخابات والحكومة الجديدة، لذلك يحق لهم التسجيل بارك الله فيك.


في النهاية انا مقبول بفضل الله، وهذا ما يمنعني إني أأيدكم واللي له حق ياخذه إن شاء الله.

 

ساعه جم تجمعكم ؟

 

امممممممممم السلام عليكم انا بطرح وجهة نظري انا الحمدالله راضي بنصيبي يمكن لان حالي افضل من حال الاخرين والله اعلم ولكن انا اشوف اني راح اظلمكم انتو ربعي اذا مارحت وقدمت معاكم تظلم وصار في نقص في عدد التظلم ولكن قالو ان يبون بعد موظفين شهر عشره وعلى فكره الوالد بشرني بأن راح يفتحون مشروع يديد حق مشغل حقل يعني هم راح يفتحون قريب بس ان شاء الله خير كلام الوسمي شنو دقة كلامه ؟؟ ووين تكلم او صرح؟

 

كم الساعة التجمع ؟

 

اذا لكم حق تجمعوو. ما عندنا مشكله بس عطني دليل غير العمر لان العمر واضح الرجال وقت الاعلان كان عمره ٢٨ وهالشي عادي ومن نصيبه عسئ الله يوفقه واللي عمره ١٧ الله كاتب له هالوظيفه

يا الربع والله واضح الحسد بينكم وانا قبل هالوظيفه مشغل مصفاة مرتين لا زعلت ولا شي ولا فكرت بالتظلم هذي ارزاق وتوفيق من ربك
واذا الله مو كاتب لك هالوظيفه لو ترفع مليون تظلم ما راح يقبلونك
قولو لا اله الا الله اعلان مشغل مصفاة قرب والمطافي ورجل امن

وارجع اقول اللي يبي يرفع تظلم خل يكون عنده دليل علشان يرفع تظلم يعني لم يروح يقابل علي العبيد يعرف شيقول له

 

السلام عليكم
كان غيركم اشطر
الواسطه تهقا بيضبط وماعنده مخرج منها
كل واحد فيكم بيقول انا ناجح بالانجليزي ويعرف درجته
بس كلكم چم معدلاتكم بالثانويه وشنو تخصصاتكم علمي ولا ادبي
واللي يروح فيكم يدري انه ناجح بالمقابلة الشخصيه ولا لا
اذا كل واحد عنده معلومات كامله عن نفسه خله يروح واللي ماعنده لايروح عشان لا يتعشم وينصدم بالواقع
من عمر الدنيا والكويت واسطات ومحد يتكلم
خلونا بالعين موس وساكتين

 

وبالنهاية هذي ارزاق
لاتكون سبب في قطع رزق زملائك الاخرين
وقل عساها خيره يمكن الله كاتبلكم نصيب افضل من رجل الامن

 

انا جبت 8 بالانجليزي ورحت للمقابله وانقبلت

الحمد لله ربي رزقني بهالوظيفه مع انك اعلى مني بالانجليزي بس اكيد مقابلتي كانت احسن من مقابلتك

 

ههههههههههههههههههه
الاخوان مو متضايقين من الموضوع
دليل ان حنا علي حق
اللهم لك الحمد والشكر
ظاهر الحق وزهق الباطل
والاخوان طالما انتو مطابقين الشروط لا تخافون
حقكم ماراح يضيع ابدا حتي لو شنو كلفنا
بس اذا في واحد احسن منك مفروض تقول حقكم بعد مايضيع
ومالها دخل ادبي ولا علمي
وانا واحد اطالب انهم مايحطون اعلان ثاني
ويزيدون العدد بس اصحاب النسب العالية في الدفعه الاولي
واصحاب النسب السيئية او الاقل في الدفعة الثانية لظمان حقوقهم
واما الي مو مطابق الشروط يتم استبعادة مع تعويضة
عن الضرر النفسي
والاخوان الي يديون كلامي يقولون حنا معاك

وشكرا

 

اخوي مشغل مصفاه
انت اصلا مفورض ماتطلع علي المقابلة
والغريب انك كاتب اكيد مقابلتي احسن من مقابلتك
اقل درجة 10 وانت جايب 8

 

مشغل مصفاة اذا انت صاج عطني اسمك الكامل
ورب الكعبه اذا انت صاج اول واحد يرفع تظلم انا

بس انت مرفوض ومقهور قلت بسوي شوشره وخرب علي غيري

 

ليش ترفعون تظلم يا جماعه ؟ مافي بالقانون ان اقل نسبه 10 بالانجليزي

باركولي الله يوفقكم باللي احسن منها