الدخول في التأمين الصحي بعد فوات الأوان

الكاتب : Barbarian | المشاهدات : 1,417 | الردود : 9 | ‏28 يونيو 2012
  1. Barbarian

    Barbarian بـترولـي نشيط

    120
    0
    0
    السلام عليكم

    السؤال باين من عنوانه: هل يحق لنا ان ندخل في التأمين الصحي الآن (بعد فوات الأوان)

    هناك أشخاص لم يستطيعوا الانضمام الى التأمين الصحي وذلك بسبب الاجازه او مرافق مريض او ojt خلال فترة شهر مارس حتى 12 ابريل ومنهم ايضا من سقط سهوا ونسى (مثلي) وعلى بالي مدام كنت السنه اللي طافت في التأمين الصحي فالمفروض أيضا أكون في التأمين الصحي

    اليوم رحت بستلم التأمين وقالولي اسمك مو في اللسته وما تقدر تدش ولازم تنطر لغاية شهر مارس 2013

    وينكم يا النقابه ضبطونا اذا في مجال

    وشكرا
     
  2. Barbarian

    Barbarian بـترولـي نشيط

    120
    0
    0
    للأسف الشديد فترة السماح للدخول في التأمين الصحي كان من 7 مارس الى 12 ابريل

    يعني شهر و خمس ايام ولو حسبناها عدل تكون 27 يوم عمل (اللي كان اجازه في هالفتره راحت عليه)

    المفروض الفتره تكون أطول من جيذيه او على الاقل يكون نفس اختيار سيارة الشركه صالون او جيب واذا مختار جيب السنه اللي طافت وما اخترت شي هالسنه راح يعطونك نفس اختيارك العام الماضي وهو الجيب

    على العموم ان شاء الله ما نحتاج نروح المستشفى هالسنه والله يتمم علينا بالصحه والعافيه :)
     
  3. المنصور

    المنصور بـترولـي خـاص أعضاء الشرف

    [align=center]حسب علمي ان في حالات يتم استثنائها

    ويتم تسجيلهم عن طريق فريق عمل شئون العاملين[/align]
     
  4. القلب نفطي

    القلب نفطي بـترولـي نشيط جدا

    انا للحين ما استلمت بطاقه التأمين الصحي
    من وين استلمها من نفس مكان السنه اللي طافت ؟
     
  5. الى متى؟

    الى متى؟ بـترولـي نشيط جدا

    250
    0
    0
    انا السنه اللي طافت مسجل ولما رحتلهم قالولي مو مسجل انت...وقعدت سنه كامله بدون تأمين..وفي شخص نفس حالتي قالوله بس احرص مني هالشخص طابع ايميل وخاشه انه مسجل...وبعدين وداه لهم وعطوه....انا قالولي جيب ما يثبت...قلت ازهب الدوا قبل الفلعه حق هالسنه وطابع الايميل ستين مره..........بس الحمدالله عطوني
     
  6. judgement

    judgement بـترولـي نشيط جدا

    342
    0
    0
    معاين ابار
    الي فاته التسجيل وهم كثر يروحون النقابه انشالله يسجلون لنا
    لأنه هسنه في وايد ناس ماسجلت بسبب نظام التسجيل الفاشل اقول للبيرسنل انا ماوصلني ايميل يقولون مومشكلتنه يمكن ايميلك فل
    واحد من الشباب يقولهم انا اجازة شهرين يقولوله مو عذر في ناس اجازة وسجل عادي
    كلام فاضي علاجك وعلاج عيالك يوقف بس عشان نظام التسجيل
     
  7. Barbarian

    Barbarian بـترولـي نشيط

    120
    0
    0
    هل هناك أي أخبار عن التجديد
    النقابة أرسلت ايميل وسكووووت !!!
    أتوقع يبقى الحال على ما هو عليه وعلى المتضرر اللجوء الى مستشفى الأحمدي :(
     
  8. الى متى؟

    الى متى؟ بـترولـي نشيط جدا

    250
    0
    0
    اذا ماخذ اجازه بالفتره او طبيه اعتقد ملزومين انهم يضيفونك بالتأمين
     
  9. judgement

    judgement بـترولـي نشيط جدا

    342
    0
    0
    معاين ابار
    الموضوع طول يا نقابه ماصارت
    ناخذ اجازة عشان نرتاح انرد من الاجازة نشوفهم شايلينا من التأمين الصحي الي صارلنا سنتين مسجلين فيه
     
  10. باتريوت

    باتريوت بـترولـي جـديـد

    19
    0
    0
    مستشفى الشركه أرحم من التأمين
    هذي وجهة نظري
     
جاري تحميل الصفحة...

مشاركة هذه الصفحة