مهندس حديث التخرج .. > أسئلة <

الكاتب : Eng.Civil2012 | المشاهدات : 1,834 | الردود : 3 | ‏20 يونيو 2012
  1. Eng.Civil2012

    Eng.Civil2012 بـترولـي جـديـد

    1
    0
    0
    السلام عليكم ..
    اخوااني انا توني متخرج من جامعه الكويت - هندسة مدنية
    وحاب اعرف جم شغله عن القطاع النفطي والتوظيف فيه ..
    لان احس موضوع التوظيف عندكم معقد شوي :) !!


    عندي مجموعة اسئلة وياريت القى لها الجواب :


    1- متى اقدر اقدم حق التوظيف ؟ .. انا باجر راح استلم الشهادة انشالله
    .. وهل يصير اقدم على الديوان .. وبعدها اطلع ؟
    لان سمعت ان التوظيف في النفط يطول وايد ؟



    2- هل راح يقبلون تخصص الهندسة المدنية ؟


    3- الي عرفته ان فيه كذه شركة .. هل انا اختار الوظيفة والمكان ؟ او اهم يختارونها لي ؟
    وهل يفرق المعاش واايد بفرق المكان ؟؟ او اختلاف بسيط



    4- انا سمعت ان فيه اماكن الدوام فيها شهر بشهر ؟ وين هالمكان ؟
    وهل اقدر اقدم عليه ؟ وشلون ؟


    اتمنى ان تفيدوني :)
     
  2. obo_Flona

    obo_Flona بـترولـي مميز


    وعليكم السلام
    اولا مبروك عالتخرج

    وتستاهل كل خير مدامك نفس تخصصي :p

    1- لازم ينزل اعلان توظيف رسمي بالجريدة لشركات البترول علشان تقدم
    طبعا قدم عالديوان وداوم اذا انقبلت بمكان زين
    اختار مكان ترتاحله مو بس يطلع اسمك تروح تشتغل علبونك ناطر البترول
    ترا كل المهندسين الحين يبون بترول
    فصعب القبول بالبترول حيل
    المدني مو وايد مطلوبين بالبترول

    2- يقبلون مدني بس اعداد بسيطه
    وشركة koc هي الوحيده الي طلبت مدني المره الي طافت


    3- طبعا انت ماتختار المكان
    هذا اذا كان في اكثر من شركة تبيك
    كل الرواتب وحده
    بس البدلات تفرق
    خاصة بدل الطريق يوصل لي300 400 الفرق واكثر
    عادي تنقبل بقلعة واد رين
    حط هالشي في بالك


    4- دوام شهر بشهر هذا موشركات بترول
    هذا عقود مثل سانتافيه "سابقا" و شلمبرجير وهاليبرتون تشتغل فيهم كانك موظف قطاع خاص
    ومانصح فيهم ابداااا
    مدامك مهندس
    اشتر راحتك

    ترا وايد ينقبلون بالبترول ودوامهم يكون يوميا بالوفره مثلا
    يسحب عليهم ويظل بالوزاره
    الراحه النفسيه افضل شي طال عمرك

    وسلامتك وتعيش


     
  3. ballezz

    ballezz بـترولـي جـديـد

    14
    0
    0
    انصحك دش الاشغال ولا البلدية ولا اذا تقدر الكهربا والماي وارتاااااااااااااااااح

    الا تعال شسمك ههههههههههه المدني ماراح يطلبون لي خمس سنين جدام
     
  4. sascoo

    sascoo بـترولـي نشيط جدا

    السلام عليكم اخوي
    اول شي مبروك الوظيفه
    بالنسبه للتخصص حسب الحاجه
    بالنسبه اذا كنت موظف عادي تطلع تقدم استقالتك اذا طلع قبولك
    وبالنسبه للوظيفه في القطاع النفطي اذا انقبلت والله روح ولاتفكر والله يوفقك ترا فيها خير .
     
جاري تحميل الصفحة...

مشاركة هذه الصفحة