كيـــــــف تحســـــب نقاطـــــك ( الرانكنج )

الكاتب : م.محمد | المشاهدات : 7,034 | الردود : 54 | ‏12 أكتوبر 2007
  1. م.محمد

    م.محمد بـترولـي خـاص

    بسم الله الرحمن الرحيم
    .
    .
    .
    .
    .
    .
    .
    .


    يايبلكم اليوم موضوع مهم جدا واكثر الموظفين مايعرفونه
    وهو كيفيه حساب عدد نقاطك حق الترقيات ( الرانكنج ) :

    1- 50 نقطه على الاقدميه بالشركه ( الذي مكمل 25 سنه ومافوق ياخذها كامله)
    والي مو مكمل 25 سنه يضرب : عدد الاشهر * 0.1667 يعطيك عدد النقاط

    2- 100 نقطه على آخر ثلاثة تقارير سنويه
    يعني: 33.3 نقطه على الامتياز
    31 نقطه على جيد جدا
    28 نقطه على الجيد
    تجمع آخر ثلاثة سنوات يعطيك المجموع من 100

    3- مستويات اللغه الانجليزيه عليها نقاط
    يعني : مستوى 6 ياخذ 30 نقطه
    مستوى 5 ياخذ 25 نقطه
    مستوى 4 ياخذ 20 نقطه
    مستوى 3 ياخذ 15 نقطه
    مستوى 2 ياخذ 10 نقاط
    مستوى 1 ياخذ 5 نقاط

    4- 100 نقطه آخر ترقيه عدد الاشهر * 0.3333

    5- آخر شهاده دراسيه عليها نقاط
    يعني: جامعي مهندس ياخذ 60 نقطه
    جامعي ياخذ 48 نقطه
    دبلوم ياخذ 40 نقطه
    ثانويه ياخذ 32 نقطه
    متوسط ومادون تاخذ 24 نقطه

    6- 40 نقطه ترتيب المشرف او ترشيح المشرف
    يعني اهني تفرق الواسطه من واحد لي واحد :)

    7- المرضيات عليها نقاط
    يعني : 5 ايام مرضيه بالسنه ناقص-10
    6 ايام مرضيه بالسنه ناقص-12
    7 ايام مرضيه بالسنه ناقص-20

    8- الغيابات بدون عذر عليها نقاط
    يعني : غياب يوم واحد بدون عذر ناقص-20
    غياب يومين بدون عذر ناقص-60
    ( يعني اذا غبت يومين بدون عذر انسى الترقيه بالمره هههههههههه )


    ومشكورين ويعطيكم العافيه
     
  2. operation

    operation بـترولـي جـديـد

    16
    0
    0
    مشكوووور على جهودك اخوي م.محمد موضوع وايد مفيد
    بس سؤال عن دورات الانجليزي وين التقديم عليها؟
     
    آخر تعديل: ‏12 أكتوبر 2007
  3. mohammed

    mohammed بـترولـي نشيط جدا

    496
    0
    0
    موضوع جميل جدا وشغله هذي نخفا عن كثير
    جزاك الله خير

    اخوي ابريشن الجواب من مسؤولك
    هو الي يرشحك
    السوبر فايزر او الادمن هذا الي عندنا ما ادري عن الاقسام الثانيه
     
  4. dehen_3ood

    dehen_3ood بـترولـي خـاص أعضاء الشرف

    يا مال العافية على هالطرح الهادف والموضوع المهم
    وتسلم وماتقصر م.محمد
     
  5. مستكشف

    مستكشف بـترولـي جـديـد

    11
    0
    0
    مشكور يا خوي وعساك على القوه انشالله​
     
  6. البرقان

    البرقان بـترولـي نشيط

    82
    0
    6

    هذا الموضوع ذكر (المعادلة الحسابية) ان صح التعبير لاهم موضوع يشغل بال موظفيي الشركة

    و هو ترتيبه في قائمة مستحقي الدرجة (الترقية)

    فالمعروف ان هذه التقسيمات مطاطية و ليست (بقرآن) فالنسب المقسمة غير ثابتة تزداد و تنقص

    حسب الاهواء (القيادية)

    فمرة ترفع نسبت مدة الخدمة

    و اخري تخفض النسبة لمدة آخر درجة حصل عليها العامل

    و لا ننسى النسبة المعطات لـ (لجنة التقييم) او كما ذكر في البند (6)

    و المشكلة الاهم هي اخر شهادة حاصل عليها فهذا البند (شفاف )

    اعطى نسبة مرتفعة للشهادة و قد تم استخدامها (بحرفية) متلونة

    فهل من المنطق ان يعطي (شخص) درجة مشرف فقط لانه حاصل على شهادة جامعية بالقانون
    من جامعة (سورية) بنظام الانتساب

    وآخر لم يدخل اختبار (اللغة الانجليزية) ليلغى هذا البند اثناء تقييمه و (تدبل) النسبة المعطاة لسنوات الخدمة

    وللعلم تم اضافة بند لمستخدمي سيارات الشركة مشابه لنظام المرضيات (لخصم) النسبة النهائية


    تحياتي فقط لا غير
     
  7. م.محمد

    م.محمد بـترولـي خـاص

    التقديم يكون ياطويل العمر عند السوبر فايزر اهوا الي يرشحك
    حق دوره الانجليزي والي مدتها تقريبا 3 اشهر و3 ايام بالاسبوع وتكون بالاحمدي
    ويعطيك العافيه
     
  8. HUMMER

    HUMMER بـترولـي خـاص

    يعطيك العافيه اخوي وماقصرت
     
  9. الولدالذهبى

    الولدالذهبى بـترولـي نشيط جدا

    192
    0
    0
    الله يعطيك العافيه
    تسلم اخوى





    وبس
     
  10. op2

    op2 بـترولـي نشيط

    126
    0
    0
    ولد جيرانا تيم ليدر
    GC 4
    مشكور اخوي ويعطيك العافيه


    بس اشلون يحددون مستوى اللغه الانجليزيه اذا مافيه اختبارات دوريه للموظفين ؟؟؟


    واذا انا مره قدمت طلب اني ادخل دوره انجليزي لاختبار التوفل كانت الشركه هي الي مسويتها


    ومسؤولي رفض اني ادخلها مع اني جبت قبول منهم على دخولي للدوره ؟


    وبخصوص درجات الشهاده الجامعيه يعني معقوله الي شهادته اداره اعمال او اقتصاد او كمبيوتر


    مثل الي شهادته تاريخ ولا علوم اجتماعيه ولا اقتصاد منزلي في الترقيات ؟؟


    صدقني هالقانون يحطونه بس عشان يحجونك


    لانك ما تدري عن الي رقوه بشنو تميز عنك


    يعني اعطيك مثال للترقيات الاخيره الي صارت


    شخص من اداره ثانيه انتقل للانتاج قبل 7 سنين وترقا عقب 3 سنين الى مشغل ثاني وقبل شهر ترقى الى مشغل اول بعد 4 سنين


    وشخص من سنه 97 وهو مشغل ثاني ما ترقى

    مع انهم اثنينهم نفس الشهاده ونفس الوظيفه

    يعني لو ضربت سنين الخدمه وشهورها باخر ترقيه بالعمليات الحسابيه كلها

    اتوقع الي ما ترقى نقاطه اكثر بوااااااااااااااااااايد


    مجرد قانون وللاسف محد يتبعه

    ويقولون الشركه ما فيها ظلم
     
  11. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    تسلم ياا قلبي علي ها المعلووماات القيمه وساالفه الطبياااات خلهاا ع ربك :)
     
  12. الفيصل

    الفيصل بـترولـي خـاص أعضاء الشرف

    أخي م.محمد



    سلمت يمناك على هذا الموضوع المفيد



    لاهنت
     
  13. KOC_747

    KOC_747 بـترولـي نشيط

    138
    0
    0
    شكرا على الموضوع اللي وضح الكثير من المجهولات لأغلب العاملين

    يعطيك العافية وناطرين مثل هالمواضيع المميزة
     
  14. D.N.D

    D.N.D بـترولـي جـديـد

    1
    0
    0
    الله يعطيك العافيه
     
  15. BG. 1

    BG. 1 موقوف

    489
    0
    0
    منتظر الترقية
    البيت ماخلص
    أولا شكرا جزيلا علي الرانكنج وإعتبرناهم في الدائرة من الغيبيات إستغفر الله

    وأكثر من مرة سألنا من المشرف الي المدير ولا فيه جواب

    شكرا من القلب لك



    3- مستويات اللغه الانجليزيه عليها نقاط
    يعني : مستوى 6 ياخذ 30 نقطه
    مستوى 5 ياخذ 25 نقطه
    مستوى 4 ياخذ 20 نقطه
    مستوى 3 ياخذ 15 نقطه
    مستوى 2 ياخذ 10 نقاط
    مستوى 1 ياخذ 5 نقاط


    الفرق كبير وفيها ظلم كبير

    وهنا يأتي دور الشركة أين هي من تطوير الموظفين

    وللعلم أكثر من موظف بالدائرة طلب إنه يدرس وإدارة الإنتاج لم تبت بطلباتهم
     
  16. fireeccc

    fireeccc بـترولـي نشيط جدا

    191
    0
    16
    مشكور ويعطيك العافيه
     
  17. fireeccc

    fireeccc بـترولـي نشيط جدا

    191
    0
    16
    مشكور ويعطيك الف عافيه
     
  18. م.محمد

    م.محمد بـترولـي خـاص

    العفو ياجماعه
    ماسويت شي
    بس حبينا نفيد
    الشباب .. لأنه
    ادري اغلب الناس
    ماتعرف على شنو
    اساس الرانكنج

    والله الموفق
     
  19. م.محمد

    م.محمد بـترولـي خـاص

    ولو تقدرون تثبتون الموضوع يامشرفين
    جزاكم الله خير
     
  20. Winchester

    Winchester المـراقب الـعـام

    الله يعطيك الف عافية

    الصراحة موضوع مميز

    شكرا
     

مشاركة هذه الصفحة