فلوس التذاكر kdc

الكاتب : ahmed_1 | المشاهدات : 1,511 | الردود : 10 | ‏2 يونيو 2012
  1. ahmed_1

    ahmed_1 بـترولـي نشيط

    126
    1
    18
    سلام عليكم ياشباب حبيت اسال عن فلوس التذاكر بلشركة الكويتية للحفريات في احد استلم فلوس تذاكر وشلون الطريقة وتروح حق منو؟؟ وياريت اي احد يفديني بلموضوع واكون شاكرلكم جميعا
     
  2. شعم

    شعم بـترولـي نشيط جدا

    227
    0
    0
    وعليكم السلام ورحمة الله وبركاته

    إنشاءالله احد من النقابة المفروض يرد على سؤالك

    زين ماشاءالله عندكم تذاكر :)

    احنا لا زيادة سنوية ولابونص ولاعلاوة طريق ولاخطر ولا تذاكر

    انشاءالله الشباب ماراح يقصرون معاك

    كان ودي أفيدك

    تقبل مروري
     
  3. فهد العجمي

    فهد العجمي بترولي خاص أعضاء الشرف

    408
    0
    0
    اخ شعم اسمحلى على السؤال ولكن شلون مايمشيلك اللي ذكرت؟ اي شركه واي عقد واتمنى من جميع الاخوه المشاركه لكى نعرف الخلل وين ونقدر نساعدكم والبركه بالنقابه

    الحل تفعيل القانون ليتساوى الجميع وياخذ كل ذى حق حقه
     
  4. ahmed_1

    ahmed_1 بـترولـي نشيط

    126
    1
    18
    راجعة الشركة قالولي ماعندنا تذاكر ولاشي يااخوان الي بالkdcلازم نطالب بتغير العقد واتمنى انه النقابه تشوف هالموضوع حرام تضيع حقوقنا وخصوصا هالشي ياي من المؤسسة البترول اخ شعم اذا الشركة الي انت فيها مافيها مميزات روح غيرها الله ماكثر الشركات وتقدر تحول عقدك ماله داعي تقعد بمكان تتشكى منه ومافيه ولاميزه والله يوفقك انشالله
     
  5. santafe

    santafe بـترولـي مميز

    717
    3
    18
    أنا صارلي اكثر من 14سنة في الحفر من سنتافي الى المتحدة للحفريات ماعندنا لابدل خطر ولا تذاكر سنوية ولا اي شي من المميزات حسب اللائحة الداخلية للتكويت المذكورة في المؤسسة البترول الكويتية وناطرين الله يفرجها انشالله
     
  6. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    السلام عليكم جميعاً اولاً شركه kdc ما يصرفون تذاكر ولا عندهم اي ميزه سوى بونص لا وبونص مبيوق تشتغل سنه واخر شي ما يطلع حتى 200 دينار
    وثاني شي ترا في شركات خاصه عقود ترا قاعدين يصرفون تذاكر وبعض المميزات هذا حسب ما سمعت من بعض الاخوان ويا جماعه الخير احنا اولاً واخيراً نبي القانون الي يوفر جميع المطالب المذكوره بس للعلم النقابه توها ماسكه ما صار لها 10 ايام حاولو انكم اتوقفون معاها لان قوتها بموظفين القطاع النفطي الخاص واتمنى من بعض الاخوان الي يوم والثاني يقول النقابه والنقابه يصبر شوي ترا لي الحين ما بدينا ولا استلمنا اعتمدنا فاتمنى الصبر علينا
    وتقبلوا مروري
     
  7. ahmed_1

    ahmed_1 بـترولـي نشيط

    126
    1
    18
    ياجماعة الخير انا الى اعرفه انه عقود الشركات مالوت المقاول تغيرت واحد من الى يصيرولي قالي شركته يصرفوله تذاكر عن امر المؤسسة وقالي روح شركتك وقالي اهما من شهرين غيرو عقودهم وكل مميزات الموسسة موجوده بلعقد اليديد من تذاكر وهلشغلات فمارحت سالت من فراغ فياريت النقابه تشوف شركات الحفر والتستر على العقود ومايبون الخير حق اعيال الديره بس حق الاجانب لي متى خيرنا حق غيرنا ياناس حتى اوفر تايم مايعطونا كافي نداوم يم العراق وحتى بدل طريق ماكو
     
  8. فهد العجمي

    فهد العجمي بترولي خاص أعضاء الشرف

    408
    0
    0
    الحل تطبيق القانون هذا هو الحل بكل بساطه
     
  9. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    قالها اخوي نفر الله يجزاه خير الحل تطبيق القانون ما ينفع كلام وياخوي الي قايلك ان الشركات تغيرت عقودها وصار فيها مميزات هذا كلامه مو صحيح لان اذا تغيرت العقود وصارت فيها هالمميزات معناتها تتطبق القانون بس للاسف في تقاعس كبير من الموسسه وكذلك وزاره الشئون بعدم تطبيق القانون والنقابه باذن الله سوف يكون لها رايي اخر وسوف يتم تطبيق القانون رغماً عن انوفهم وباذن الله سترون مجلس اداره يختلف عن مجالس اداره النقابه السابقين ولكن عطونا وقتنا شوي وشكراً
    اخوكم سعود العنزي
    امين سر نقابه العاملين بالقطاع النفطي الخاص
    وتقبلو مروري
     
  10. ahmed_1

    ahmed_1 بـترولـي نشيط

    126
    1
    18
    مشكور اخوي سعود على ردك واذا تحب اخيك تكلم الشخص الى غير عقده مع knpc عقود مقاول اهما 5 سنوات
     
  11. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    هلا اخوي احمد كلامك عين العقل وانا ادري ان اكو يعض العقود قاعد يصرفولهم وانا قلت هالكلام لو تلاحظ بكتاباتي فوق بس ي ناس ما اتخاف الله ولا امطبقين هالقانون ولا اكو من يحاسب الشركات الخاصه فالمعلومه ان شركتك ما تصرف وانا متاكد من هالشي ان عندي ناس موظفين ب kdc ودقيت تاكدت منهم وقالك اخوي نفر وان الحين اقولك الحل هو تطبيق القانون النفطي الي يعطيك اكثر من ميزه التذاكر
    وتقبلو مروري
     
جاري تحميل الصفحة...

مشاركة هذه الصفحة