قصيدة بنت يتيمه

الكاتب : العقرب | المشاهدات : 600 | الردود : 12 | ‏1 يناير 2008
  1. العقرب

    العقرب بـترولـي نشيط

    138
    0
    16



    يـــمـــه ..
    تكفين اسمعيني ...
    يمـه بسألك شي ..
    جاوبيني ..
    هو صحيح اللي مات
    داخل القبر يصير حي ...؟؟؟

    يــمـــه ...
    أسمع أنــا صوتك ..
    كل يوم اسمعه ..
    واذا حاكيتك هاوشوني ..
    قالوا انسي ..
    روحي يالله العبي .... !!
    يمه تعالي ارجعي ...
    والله خلاص بسمع كلامك ..
    ما اخرب العابي ..
    وان قلتي يالله ..
    روحي نامي ..
    أروح حتى ماتزعلي ..
    يمه تكفين ارجعي ..
    اليوم حطت لي المديره ..
    نجمه من فوق جبهتي ..
    يمه سمعتها تقول..
    مسكينه هالبنت صارت يتيمه ..
    قالت لها ابله منيره ..
    مسكينه توها صغيره ..
    وش كانوا يقصدون ..؟
    يمكن عشاني صرت عاقله ..
    ولا عشاني دايم اسرح

    يمه مريولي توسخ ..
    ماكان قصدي اوسخه ...
    بس تذكرت انك تقولي ..
    بعد شهرين..
    بشتري لك لبس ثاني ..
    يمـه تعالي اشتري ...

    يمـه عرفتي مها ..؟
    صديقتي اللي معي ..
    زاعلتني ..
    تقول ماصرت انا اضحّـكها
    راحت تدور غيري
    عشان تلقى احد يونسهـا
    يــمــه
    يالله خلاص لاتمزحي
    يالله قومي
    تعالي معي للبيت ارجعي
    يمه يمممه
    نسيت شي ..
    بقولك ترى بيتنا صار فاضي ..
    ماحد يجينا ..
    وكل اللي فيه انا واخواني ..
    ليه وين اقاربنا ..؟؟
    وين خالتي ..
    اللي كانت تجينا .

    يمممه قوومي يالله تعالي ..
    تكفين يالله تعالي ..
    ماودي ارجع لحالي
    والله خايفه ..
    ترى امس جيتك ..
    مارديتي ..
    حسبتك نــايمه ..
    أو اقولك ..
    خلاص خلاص ..
    انا بجيك بكرى ..
    اذا راحوا من هنا الناس ..
    تكفين يمه بكرى اصحي ..
    تكفين يمه بكرى ارجعي
     
  2. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
  3. الراي

    الراي بـترولـي نشيط

    62
    0
    0
    مشكور على الموضوع( يتيمه فرحتى والله يتيمه)
     
  4. غيوم

    غيوم بـترولـي خـاص أعضاء الشرف

    7,298
    1
    0
  5. طلال

    طلال بـترولـي خـاص

    صح لسان قايلها وناقلها



    مشكور اخوي العقرب
     
  6. كريستاله

    كريستاله بـترولـي خـاص

    1,358
    0
    0
    هالقصيده وايد مؤثره

    مشكور اخوي
     
  7. العقرب

    العقرب بـترولـي نشيط

    138
    0
    16
    صح بدنك أشكرك على المرور
     
  8. العقرب

    العقرب بـترولـي نشيط

    138
    0
    16

    العفو أخوي الراي مشكور على المشاركه
     
  9. العقرب

    العقرب بـترولـي نشيط

    138
    0
    16
    إنشاالله تكون أيامك رائعه وجميله كما عوتينا بمشاركاتج إختي غيوم وشكر على المرور
     
  10. العقرب

    العقرب بـترولـي نشيط

    138
    0
    16
    العفو أخوي طلال مشكور على المرور
     
  11. العقرب

    العقرب بـترولـي نشيط

    138
    0
    16
    العفو إختي كريستاله مشكوره على المشاركه
     
  12. SOS_KW

    SOS_KW بـترولـي خـاص أعضاء الشرف

    2,252
    0
    0
    الله يسامحك يا عقرب عورت قلبي ..

    [​IMG]
     
  13. العقرب

    العقرب بـترولـي نشيط

    138
    0
    16
    الله يعافيج وحاولي تقوين قلبج لأنج راح تقرين أكثر من هذي القصص المؤثره أشكرج كل الشكر على المشاركه
     
جاري تحميل الصفحة...

مشاركة هذه الصفحة