تصريح رئيس نقابة العاملين في شركة صناعة الكيماويات البترولية بخصوص إعادة تقييم وظائف الاطفاء.

الكاتب : المحرر النفطي | المشاهدات : 2,093 | الردود : 12 | ‏20 مايو 2012
  1. المحرر النفطي

    المحرر النفطي فريق الإعلام

    3,466
    224
    63
    ذكر
    الكويت
    [​IMG]
    فرحان حمد العجمي – رئيس نقابة عمال شركة صناعة الكيماويات البترولية

    العاملين في قسم الاطفاء هم الأبطال الحقيقيون وراء هذا الانجاز

    [align=right] تقدم رئيس النقابة بالمباركة للعاملين في قسم الإطفاء بتطبيق (إعادة تقييم وظائف الإطفاء) اعتبارا من 1/6/2012 بما يضمن حقوق العاملين ويرضي طموحهم
    كما بين رئيس النقابة أن إعادة التقييم فتح آفاقاً جديدة لعملية الترقيات في هذا القسم وانصف العاملين في قسم الإطفاء بعد طول انتظار.
    وختم العجمي بان هذا الانجاز قد تم بفضل الله سبحانه وتعالى ثم إصرار العاملين بقسم الإطفاء على التمسك بهذا المطلب المستحق وان العاملين في القسم هم الأبطال الحقيقيون وراء تحقيق هذا الانجاز.
    [/align]
     
  2. بوشهد

    بوشهد بـترولـي نشيط

    59
    0
    0
    يستاهلون قسم الاطفاء ولا تنسا تذكر عمل مجلس النقابه السابق في الموضوع


    وعلى فكره ترا باهمالكم تعطلت ترقيات عدد كبير من رجال الاطفاء ولا جان

    حايشهم اعادة تقييم والحين راح ينحسب لهم اعادة الترقيه ترقيه عاديه وما استفادوا

    من اعادة التقييم الي كان مفروض بروحه درجه غير الترقيه لكن للأسف ضيعتوا

    حقهم في هالشي
     
  3. المرعب

    المرعب بـترولـي نشيط جدا

    196
    0
    0
    بيض الله وجهك يابوحمد وعسالله يوفقكم ان شالله ولا ترد على أيتام المجلس السابق واستمر ترى لو تحرث الأرض لهم ما يبين في عينهم وبيقولون لك ليش مو لابس طاقيه ومبروك لأخوانا في الأطفاء والله يزيدهم.
     
  4. عالي مستواه

    عالي مستواه بـترولـي جـديـد

    28
    0
    0



    بوشهد .. حدث العاقل بما يعقل فأن صدق فلا عقل له ..!!
    إنت ناسي ولا كنت بغيبوبه 4 سنوات ..!!
    ترا المجلس السابق كان ماسك النقابه 4 سنوات مو فرحان وربعه .. للعلم يمكن محد قالك
    وشكو قائمة الإراده بدرجات الإطفاء المتقاعسه وهم من 4 سنوات مادشو النقابة ..؟؟
    بس الحلو في كلامك إنك أثبت إنه كان فيه تقاعس وتذمر عالدرجات في الإطفاء عالعهد السابق

    بس سؤال وأتمنى إذا بترد علي ترد على هالسؤال ..
    دام النقابة السابقة ماسكه النقابه 4 سنوات .. شنو سوت بدرجات العاملين بالإطفاء وليش ماتحركت طول الـ 4 سنوات عالتسكين..؟؟
    وإذا بتقولي إنه هالتسكين جا بعمل النقابه السابقه فأنا أنا أقولك شوف البرنامج الإنتخابي لقائمه التجمع وتعرف الرد
    هذا برنامجهم الإنتخابي بالإنتخابات السابق 2012
    # # إعادة تقييم ضباط الأمن والإطفاء على درجة 15 # #
    يعني الحبايب بيشتغلون بس للضباط ومو للأفراد

    وهذا رابط البرنامج الإنتخابي للتجمع
    إذا مافتح معاك سو بحث عالبرنامج الإنتخابي لقائمة التجمع


    وبالأخير والحق يقال مشكورين يالنقابه الحاليه إنكم جبتوا التسكين للإطفاء بالضباط والأفراد ككل

    ودمـتـم سـالـمـيـن
     
  5. بوشهد

    بوشهد بـترولـي نشيط

    59
    0
    0
    اولا انا ما اذكر برنامج التجمع لكن زين انك يبته وحطيته عشان الكل يقرا

    كاتبين الجماعه انه اعادة تقييم درجات الاطفا على جدول لجنة علاقات العمل في المؤسسه الي أنتو

    عن موافقتهم اليوم ،،، والتجمع كاتبين ( قريباااااااااااا )

    بس مشكلة النقابه الحاليه ما يقرون واذا قرأو لا يفهمون وهذي مو مشكلتنا ياعمال الشركه


    ولو ان السيد رئيس النقابه واثق من نفسه وله دور في الإنجاز جان صار شجاع وقال إحنا الي يبناه

    لكن صعب يسويها لان الادله انه مو انجازه كثيره وأولهم ضباط ورجال الاطفاء الي يعرفون وين كان

    واصل المطلب قبل الانتخابات

    وتقبلوا اجمل التحايا
     
  6. عالي مستواه

    عالي مستواه بـترولـي جـديـد

    28
    0
    0

    بو شهد انت فاهم بس تبي تحوص يمين ويسار ..*
    يا عزيزي الناس عارفه وفاهمه موضوع تسكين الاطفاء بلاش حركات الاستعباط
    وإذا انت تبي تفهم موضوع التسكين بقوله لك بإختصار

    النقابه السابقه تفكيرها محدود وتبي تحاول تجيب تسكين للضباط { فقط }
    والنقابه الحاليه جابة التسكين للأفراد والضباط { يعني الكل }
    أي ان النقابه السابقه قاعده { تحاول } تجيب تسكين للإطفاء حق 6 أشخاص اللي هم الضباط
    والنقابه الحاليه جابة تسكين حق 36 شخص اللي هم الافراد والضباط
    فهمت أبوي

    ياخي قول وإعترف ولا تكابر وقول ان النقابه الحاليه جابت انجاز تسكين لـ 36 شخص أكبر من تفكير بمحاوله إنجاز النقابه السابقه وهو حق بس 6 أشخاص

    ودمـتـم سـالـمـيـن
     
  7. بوشهد

    بوشهد بـترولـي نشيط

    59
    0
    0

    انا افهمك اخوي عالي مستواه

    حبيب قلبي اساس المطلب هو اعادة تقييم الضباط الي على درجه 14 عشان يصيرون درجه 15


    اوكي ؟

    يعني المسما الي هم عليه راح تصير درجته 15 بدال 14 ،؟


    معاي ؟

    اوكي
    يعني لو بنمشي على تفكيرك وفهمك راح تصير درجه 14 فاضيه بدون مسما في الهوا يعني

    لان بتفكيرك ان النقابه الي قبل ما يعرفون شي لان مسما درجه 13 راح يبقا الي فوق هم الي راح يصعدون بس



    ياخي حتى الغشيم يفهم ان اذا صعدوا الضباط 15 الباقين الي تحت امر طبيعي يتحركون معاهم فوق بدون

    ادنا شك ولا يعني برايك وتفكيرك ؟ راح تبقا درجه 14 فاضيه


    ياخي حدث العاقل بما يعقل ، ترا لا تتوقع انا يعني عمال وما صرنا بالنقابه انا ما نفهم ،


    نصيحه من أخوك الصغير امشوا بمصداقيه محد راح يقولك ضايع لكن تلف وتدور على العمال

    ترا مكشوفه والكل يعرف كل صغيره وكبيره
     
  8. o.magic70

    o.magic70 بـترولـي جـديـد

    16
    0
    0
    اول شي نبارك لاخواننا بالاطفاء وتستاهلون كل خير ثاني شي يالنقابة كان نطرتوا 3ساعات عالاقل عشان تلبقون تسكين الاطفاء مع بيان العشا يوم الاربعاء

    بس انا اقول ان هذا اكبر دليل على انكم ما كنتم تدرون عن التسكين وتفاجأتوا فيه لأنه من غير المعقول تدرون فيه وتنزلون بيان للعشا قبل 3 ساعات من بيان التسكين للاطفاء :p:p:p


    عاد تعال فهَم اللي يعاندون

    يالله ما عليه 1/0
     
  9. عالي مستواه

    عالي مستواه بـترولـي جـديـد

    28
    0
    0

    هلا أخوي الكبير بقدره بوشهد
    اولا سالفه ان اذا عطيت الضباط درجه 15 شي طبيعي اللي تحته بياخذ درجه بس بقولك شغله عندك ضمان ان الشركه بتعطي ( كل *) اللي تحته درجه ..؟؟*
    اذا عندك ضمان او متقائل فأظن انك جديد عالشركه ..

    ياحبيبنا دام هذا كلامك اجل ليش النقابه السابقه جابت تسكين العاملين بالتصنيع { للكل } وماقالو نفس كلامهم وكلامك ان نعطي التسكين للدرجه العاليه واللي تحتهم ياخذون دايركت ..!!

    يا عزيزي بالعربي إذا لا يوجد اتفاقيه تلزم الشركه بتطبيقها فأقبض من دبش*

    واسمحلي النقاش معاك لن ينتهي وأنا أكتفي بهذا النقاش واعتقد قلت اللي عندك ووضحتلك اللي عندي والعاملين اللي يقرون نقاشنا راح يعرفون الحقيقه*
    والموضوع مو حصري بينا

    ودمـتـم سـالـمـيـن
     
  10. بوشهد

    بوشهد بـترولـي نشيط

    59
    0
    0
    شكرًا اخوي عالي مستواه ردك طيب ومردود عليه

    اسمع

    فيه فرق بين التسكين وموضوع اعادة التقييم

    التسكين نفس الي يابوه النقابه السابقه حق العمليات يعني مسميات يديده ودرجات يديده يتسكنون العمال عليهم عساك تسكن الجنه

    عشان جذي سموه تسكين ؟ واضح ولا بعد بتقول لا ؟


    اما اعادة التقييم يعني نفس المسميات ما تغيرت بس الدرجه قيموها وصارت بدال 14 درجه 15 والأمر ينسحب تلقائي على تحت

    طبعا ربعنا في النقابه استحاله يفهمون هالامر لانهم ما سعوا فيه ولا فهموه للحين

    وعلى قولتك الحكم للعمال بين ردودك وردودي

    ومشكور خو قلبي
     
  11. المرعب

    المرعب بـترولـي نشيط جدا

    196
    0
    0
    6.أعادة تقييم ضباط الأطفاء والأمن على درجة 15(على جدول لجنة علاقات العمل بالمؤسسه) قريباً.

    فقط للي يفقهون باللغه العربيه يا أن اللي كتب هالبرنامج ساذج يا أنه يعتقد اللي يقرونه سذج.
    وشلون على جدول لجنة علاقات العمل بالمؤسسه تقول تقييم درجة 15 والأنجاز يقول تقييم وتسكين كل درجات الأطفاء يا أنه مايدري شنو اللي بلجنة علاقات العمل أو أنه يطالب بشي أقل منه صح؟

    ترى الناس واعيه لهالحركات مو نايمه ولا تنسى تقول لصاحبك يحلق شاربه لانه قال قبل (أحلق شاربي أذا جابوا هالأنجاز وترى الشهود على هالسالفه عايشين وموجودين).

    وياعالي مستواه ترى أنت تكلم ناس ما فيهم طب ناس بس تدور التصيد على ربعنا في النقابه.
     
  12. اغسطس

    اغسطس بـترولـي جـديـد

    9
    0
    0
    بو شهد شكرا للتوضيح اما انت يا مستواه عالي نرجوا ان لاتشهد شهادة زور تحاسب عليها
    الله يعطيهم عافية النقابة الحالية وكذلك السابقة انجازات لايستطيع احدا طمسها .
     
  13. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    في النهاية والأهم اللي يستفيدونا أخوانا وعيالنا وربعنا وهذا المكسب راح يستمر حق الل بعدنا بإذن الله
    عليهم بألف عافية وعقبال اللي على جدول الانتظار
    والله يعطيكم العافية يا شباب
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    852
  2. المحرر النفطي
    الردود:
    0
    المشاهدات:
    947
  3. المحرر النفطي
    الردود:
    0
    المشاهدات:
    1,451
  4. المحرر النفطي
    الردود:
    0
    المشاهدات:
    711
  5. عبدالله السبيعي
    الردود:
    7
    المشاهدات:
    1,493

مشاركة هذه الصفحة