نحاول نحط النقط فوق الحروف وتوضيح مايمكن توضيحه بخصوص بيانات الاتحاد والنقابات المشاكسة

الكاتب : oilkw | المشاهدات : 884 | الردود : 3 | ‏18 مايو 2012
  1. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    السلام عليكم ورحمة الله وبركاته
    كلنا شفنا البيانات الأخيرة وبدون شك هناك اخطاء وردت في البيانات الرسمية والتصريحات السريعة
    والسريعة جداً اما بالاتصال هاتفياً او نقلاً عن التويتر من الاخوة النقابيين
    اغلب هالتصريحات هي عبارة عن تنافس غير محمود مع احترامي لهم
    واقولها بكل صراحة مجرد تخريب للجهود المبذولة من ممثلنا الشرعي ممثل جميع العاملين في القطاع النفطي
    باستثناء العاملين في مؤسسة البترول والعاملين في شركة الخدمات البترولية
    فالعاملين في المؤسسة يمثلهم نقابتهم ولها وضع مختلف عن باقي نقابات الشركات النفطية
    وايضاً العاملين في شركة الخدمات البترولية يمثلهم نقابتهم التي لم يوافق اتحاد البترول للاسف الشديد على انضمامهم له فمهما ظهر منهم من تصريحات محد يلومهم
    لكن شنو نقول عن النقابات التابعة لإتحاد البترول ( نقابة نفط الكويت ونقابة البترول الوطنية ) وعملية التخريب ضد اتحادنا !
    نقابة نفط الكويت كانت اكثر حرصاً من نقابة البترول من خلال البيانات والتصريحات في عدم ارتكاب مخالفات
    في حق اتحاد البترول
    اما نقابة البترول مع الاسف الشديد في آخر بيان لهم برأيي ان هناك عدة اخطاء قامت بها نقابة البترول

    [​IMG]

    هذا الكتاب غريب عجيب حقيقة صحيح ان فيه خطأ في بيان الاتحاد المقصود في هذا البيان
    لأنهم ذكروا ان الوزير موجود في الاجتماع اللذي حصل بين رئيس الوزراء ورئيس الاتحاد ورئيس نقابة المؤسسة في وقت واحد كما هو واضح في البيان والذي استغل من قبل نقابة البترول وكأنها صيده محد يطوفها
    لكن الاتحاد له عدة تصريحات سابقة بخصوص الاجتماع ولم يذكروا ان الوزير كان ضمن الاجتماع والكلام واضح
    http://www.q8ow.com/vb/showthread.php?t=43308
    وهو تصريح سريع صدر من نقابة المؤسسة ومن اتحاد البترول في نفس الوقت
    وايضاً في بيان اتحاد البترول الرسمي الأخير

    [​IMG]


    خلونا نشوف تصريح الاتحاد الاول وناخذه وحده وحده نجد فيه تفصيل بالاحداث والخطواط اللي حصلت معهم

    [​IMG]

    انا اعتقد ان سبب ذكرهم بالاجتماع مع الوزير ورئيس الوزراء مع الاتحاد ونقابة المؤسسة هو خلاصة ماتم من اجتماعات
    اللي حصلت في تاريخ 10/5/2012 يوم الخميس مع الوزير والاجتماع الثاني اللي حصل تاريخ 13/5/2012 يوم الاحد
    مع رئيس الوزراء
    عموماً هي اجتماعات تمت بين اتحادنا ونقابة المؤسسة مع الوزير ورئيس الوزراء وانتهت بتوجيهات اقرار المشاركة

    طيب لورجعنا لكلام رئيس نقابة البترول وكلام نائب رئيس نقابة البترول نجدها تثبت صحة الخطوات اللي قام بها الاتحاد

    نشوف رئيس نقابة البترول

    http://www.q8ow.com/vb/showthread.php?t=43276

    هالكلام ماجاب شي جديد هو نفس كلام الاتحاد وانتهى برد الوزير انه حدد موعد يوم الاحد مع رئيس الوزراء
    ويوم الاحد نقابة البترول الوطنية متواجدين في المؤسسة ينطرون الخبر

    طبعاً رئيس الوزراء هو اللي اتصل بالوزير وعطاه التوجيهات بصرف مشاركة النجاح بعد اجتماع اتحادنا معه
    كما هو واضح في جميع البيانات والتصريحات من الطرفين

    واحب اوضح نقطة مهمة وهي الفرق بين تحويلها لمجلس الوزراء وبين عرضها على رئيس مجلس الوزراء
    الاولى وهي المرفوضه من الاتحاد ومن جميع النقابات لأنها كعب داير ومسلسل ينتهي عند ديوان الخدمة
    اما عرضها على رئيس مجلس الوزراء يختلف كلياً وهو اللي حصل باجتماع خاص بين اتحادنا وبين رئيس الوزراء
    وانتهى باقرار المشاركة باسرع وقت
    وسلامتكم

    يتبع توضيع نقاط مهمة لاحقا بخصوص المخالفات
     
  2. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    في كتاب شديد اللهجة من نقابة البترول لإتحاد البترول ذكروا ان الاتحاد انحرف عن مساره وسلك مسلك خاطئاً
    وأخل بالمادة 4 من لائحة الاتحاد دون ذكر نص المادة كاملاً خاصة انهم ناوين ينشرون هالكتاب فالواجب توضيحة كاملاً
    نص المادة 4 من لائحة الاتحاد يقول :

    مادة ( 4 ) :
    يقوم الاتحاد برعاية مصالح الأعضاء في النقابات المنظمة لعضويته والعمل على رفع مستواهم المهني والثقافي والمعيشي بشتى الوسائل كما يعمل على تحقيق التضامن بين النقابات الأعضاء ومدها بالمعونة المادية والمعنوية والدفاع عنها ضد أي اعتداء يقع عليها من أي مصدر كان وبأية وسيلة كانت ويقوم بتمثيل النقابات الأعضاء بالمفاوضات الجماعية مع أي طرف كان وعند إبرام العقود المشتركة بالنيابة عنها بعد موافقة خطية من النقابة .

    هل هناك ابرام عقود مشتركة حتى ياخذون موافقة خطية منكم ؟!
    اذا كان الاتحاد وقيامه بواجباته ومسئولياته تجاه مصالح العمال كافه باعتباره الممثل الشرعي لعمال القطاع النفطي يعتبر انحراف عن المسار ومخل باللائحة حسب ماجاء في كتابكم
    اجل اللي قاعد تسوونه من عمليات التخريب وتشويش الامور شنو معناه ؟!
    التدخل السريع وانقاذ المصلحة العامة مثلاً ؟! ولا القصد منه الاضرار بالمصلحة العامة للقطاع النفطي !
    ليش محاولة اثبات الوجود بالتدخل في مالايعنيكم هل انتم تمثلون عمال البترول الوطنية فقط او تمثلون القطاع النفطي كافة ؟!
    ونفس الشي ينطبق هالكلام على نقابة نفط الكويت !!
    يعننا اكثر منكم ولازم ناخذ رئاسة الاتحاد ولا بنخرب عليكم وعلي وعلى اعدائي !
    ويكفي الاتحاد هذي الاساءة وغيرها منكم ويحق لهم تطبيق اللائحة عليكم :
    مادة ( 12 ) :
    تعتبر الأسباب الآتية مبررات لفصل النقابة من عضوية الاتحاد :
    الإساءة إلى سمعة الاتحاد فى وسائل الاعلام .
    لكن الاتحاد رافع الجام عن هالتصرفات المعادية ويكتفي بالتنوية للعمال بان مانلتفت لها ولا ناخذ العلم الا من ممثلنا الشرعي
    اللي اكيد مو هالنقابتين المشاكسة

    ليش كل هالسوالف والمشاكل اللي خلقتوها لنا وكبرتوا وحرفتوا القضية وهي ماشية في طريقها
    ليش تخلطون المواضيع وتعقدون المفاهيم وتخلطون بين تحويلها لمجلس الوزراء المعروف آليته
    وبين عرضها على رئيس الوزراء للاسباب اللي ذكرها الوزير !

    هل اذا تمت الامور بالشكل الصحيح وقيام اتحاد البترول بواجبه بيقلل من قدركم وقيمتكم ؟!
    كل حركة من الحركات الأخيرة اللي صارت تحسب عليكم مو لكم ولا يصح الا الصحيح

    في الأخير اتمنى اذا فيه شي غلط في تفسيري لشي من التحليلات اللي ذكرتها تصححونها لي سواء في مواد اللائحة او فهمي للدعوة كلها

    يحز في النفس ان نوصل لهالمستوى الهابط في الخلاف بين النقابات وكأن آخر همهم مصلحة العاملين في القطاع النفطي
    وكل همهم رئاسة الاتحاد فقط !

    شاركوا جزاكم الله خير اللي عنده راي في الموضوع يحطه واللي عنده نصيحة يحطها
    شاركوا في تضميد جراح العمل النقابي ! من طعنات بعض النقابيين .......
    خلونا نسأل انفسنا هل هناك تقصير من اتحادنا ؟ وين التقصير فيه بالضبط ؟ ونواجهه به ومانغدر فيه !
    هل هناك اعتداء وتجاوز وطمر على مهمام وواجبات ممثلنا الشرعي من احد ؟ نقول له مايصير ياحجي !


    مانبي هاللي صار يتكرر كل مره يجي شي يهم العاملين في القطاع النفطي ويسعى فيه الاتحاد
    يطلع لنا كم واحد يحوس الدنيا ويخرب علينا على اساس والله ماخليك تفرح بالانجاز يالاتحاد وحنا احتياط في الملعب !
    صلحوا انفسكم يانقابات وعدلوا علاقاتكم مع بعض واكسبوا احترام الاغلبية والله الكل يصير معكم بس هالطريقة محد يقبلها
    عذبتونا كل يوم مطيرنا واحد بتصريح يحمسنا وفي الاخير يطلع ماعنده سالفة خلوا الناس تشتغل مانبي تخريب
    اللي عنده شي يكتبه رسمي رسمي رسمي
    ويا اتحاد البترول ارجوك لعد تلمز في نوابنا على غير سنع وابتعد عن التحريض على النواب الشرفاء
    ولازم تعيد النظر في بعض الملاحظات اللي اوردتوها في بياناتكم لاتخلقون عداء مع كتل نيابية من لاشي
    مو بكيفكم اذا احد من الاتحاد ماله خلق كتله نيابيه يروح يدحسها في بيان رسمي !
    وتصبحون على خير

    جاني النوم
     
  3. البيرغ

    البيرغ بـترولـي نشيط

    147
    0
    0
    [align=justify]هههه لاحظوا من عام 2007 ونقابة البترول شغلها الشاغل الضرب بالاتحاد والنقابات المؤيدة له مه انه الموضوع منتهي والاتحاد جاب العديد من الانجازات التاريخية الي محد يقدر ينكرها وعناصر التازيم راحت
    يعني يانقابة يار رئاسة الاتحاد او انكم تضربون فيه وتضربون بالنقابات والله غريبة وين دفاعكم عن حقوق العمال
    بعدين اليس الاتحاد مشكل من جميع النقابات يعني نقابة البترول لها ممثلين فيه يعني مالكم عذر يانقابة المتكتلين
    بعدين اتفاقيتكم اللي وقعها ريس الاتحاد اللي هو من نقابتكم انذاك تقول انه الاتحاد مخول وفق اللوائح والاتفاقية بالمفاوضة بحقوق النقابات والعمال
    هم اللي عرفته خلال اتصالاتي انه الاتحاد داز لكم مسجات للكل قبل الموعد يبلغكم فيه من يوم الخميس وانه هو الي طلب يكون يوم الاجتماع وزير النفط موجود لحسن النوايا واعتقد المسج وصل للمنتدى بعد وانا شفت المسج هذا عند احد الاعضاء
    ومصادري تقول انه الوزير اجتمع ويا ريس الوزرا منفرد يوم الاحد وخلص بعدين جا ريس الاتحاد مع ريس نقابة المؤسسة واجتمعوا مع ريس الوزرا وقال لهم انه الموضوع انتهى وعطيت تعليمات للوزير بتنفيذ الامر وعدم الانتقاص او المماطلة وبعدها توجه الشرثان للمؤسسة يتابع ماتم من تنفيذ لتعليمات جدية
    وحسب علمي انه الشرثان طلب اجتماع طاري للاتحاد بنفس الوقت الساعة 3 عشان ياخذ قرار بالتصعيد اذا كانت الامور سلبية (اجراء احترازي) واسالوا اعضاء نقابتكم بالاتحاد


    يعني احنا نبي نفهم الاتحاد اجتمع مع الريس ما اجتمع اتصل او ما اتصل المهم انه خلص الموضوع شنو الفرق مو نبي حقوقنا هذي هي جات ليش زعلانين ، قولوا لنا انتوا شنو سويتوا يانقابة المعترضين حتى بيان مانزلتوا لاضد ولاشكر
    والا عشان انتخاباتكم قربت تبون تضربون بالاتحاد وتبينون انكم سوبرمان ، عيب والله عيب الضرب بالعمال ، بعدين نقابتكم اكثر ناس متواجدين يوميا بالاتحاد مع الشرثان (ناشي الدوسري ، محمد فالح ، نواف غريب) غير الاعضاء اللي بالاتحاد شتبون بعد وتقولون مانسق ويانا ، انا ابي اسأل سؤال واحد وابي الرجال يرد عليه
    محمد مساعد او بوحضيري دشوا الاتحاد الدورة هذي من بعد الانتخابات (انا اجزم انه مادخلوا) ههه وين اللي يبي حقوق العمال وهو مطنش الاتحاد مو الاتحاد مطنشة اللي يبي الحقوق يدور لها واللي يبي الاتحاد بيبانه مفتوحه[/align]
     
  4. aboretaj

    aboretaj بـترولـي جـديـد

    30
    0
    0
    قائد سفينه
    واحنا الموظفين الجدد صارلنا 6 شهور ونص مانزلنا شي بعذر لم يتم تقييمك وناس خمس شهور نزلهم لانهم تقيموا بالواسطه والله حرام وين النقابه عن هل الموضوع
    وليس هناك اي شرط بالمشاركه النجاح بها بند يذكر التقيم السنوي السالفه بوق فزعتكم يا الطيبين
     

مشاركة هذه الصفحة